الموضوع: أرقى محل تشوكلت في البحرين

الإخوة الأفاضل:

لي (بحول الله) نية ورغبة في الاستثمار في مجال التشوكلت في بلدنا جميعا البحرين

وقد جهزت الدراسة وكل ما يتعلق بذلك على أن يكون من أرقى محلات التشوكلت على مستوى الخليج بإذن الله

وقد اخترت البحرين لموقعها ولسهولة الإجراءات فيها وللقوة الشرائية فيها في هذا الجانب

بقي لدي اختيار الموقع؟؟؟

فأرجو من الإخوة الكرام التفضل بإبداء توجيهاتهم في هذا...

شاكرا ومقدرا لكم جميعا

مواضيع عشوائيه ممكن تكون تعجبك اخترناها لك:

• اهل البحرين تكفون
• هل افتتح الفندق الملاصق لسيتي سنتر؟
• منتزه الحديقة المائية
• عروض الدلافين في البحرين
• وش رايكم بسعر الشيراتون؟
• تجربتي مع الجديد برد توك وموقعه بالضبط
• محمية العرين في البحرين معلومات و صور
• استفسار عن فندق بيسان وفندق رامي
• تكفون عنوان هذا الفندق او الشقق
• إستفســار عن أرض المعارض أهل البحرين الطيبين ؟
• شباب انشالله اليوم مسافر البحرين الرجاء المساعده ضروري
• استفسار بخصوص سفر الزوجة ببطاقة الأحوال
• استفسار عن الويكند في البحرين
• ممكن مساعده ياشباب
• مشكلة
• البحرين ترفع رواتب الموظفين الف مبرووووك
• الله يجزاكم الف خير ردوووووووووووووو علي ضروري
• المواقع الأثريه في مملكة البحرين
• سؤال بخصوص جزيرة حوار
• السلام علييـكم’

عندك منطقة السيف منطقة راقية جداً ، وكذلك الجفير منطقة جديدة غالبيتها من الامريكان 0

انصح بالعالي .. محلات الجوكليت اهناك كلها متميزه واللي يبي المميز دايما يدور اهناك ...
يعني نوع الزباين اهناك اهما اللي يبحثون عن النخبه اذا عرفت قصدي .. صج المنافسه كبيره بس باين انك بتطلع بشي مميز ان شاءلله ..

لكن بقول لك شي .. في محل اسمه ليفز في شارع البديع .. مقلقص وصعب الوصول له لكن لانه مميز .. فالكل يتعنى له من كل مكان .. وماشاءلله سوقهم ناجح وبتدو يتوسعون ويفتحون افرع اخرى ..

نفس الشي محل لوكادو .. بدى فالرفاع واللحين له عدت افرع ..

محل نوال .. في شارع غير تجاري و لا فيه غير بيوت .. لكنه من انجح المحلات فالبحرين .. والناس تييه من كل مكان واغلب الزباين خليجيــين ..

وجذي سوقنا يعني ..

موفق ان شاء الله
ماقصرو البنات كفو ووفو

وانا اقول لاتخليني اتعنى... وتعال فتحه عند باب بيتنا محد بيربحكم الا اهي ترا:109:

ليفز & لوكادو

أشكر كل من أدلى برأيه، أو صوته !!!

ونحن في الخليج (ومع الأسف) ثقافتنا في الخليج بالنسبة للتشوكيلت ثقافة ضعيفة، فهي ثقافة إهداء في أغلب الأحيان...

بينما ثقافة التشوكلت ينبغي أن تكون ثقافة غذائية استمتاعية تنم عن وعي لدي المستهلك...

وقصدي بالراقي في عنوان الموضوع مواصفات لعلي أتعرض لها في حال أراد الإخوة والأخوات لذلك...

أكرر شكري مرة أخرى....

فكرة رائعه جدا اخي الكريم ،،

واولها احنا زباينك !!!

الطاقة الشرائية للكاكاو كبيره جدا في البحرين

وما ازيد على اخواني واخواتي الاعضاء ان البحرينيين بشكل خاص
يبحثون عن التميز ويهمهم النوعية والمضمون ، بالاضافه للخدمة والكفاءة الجيده،،

فبغض النظر عن المكان ، فالطلب موجود ، دام ان جودة متوفرة عندكم ..

الافضل انك تختار المكان المتميز، وانا انصح بالمجمعات التجارية الحديثة ،

ان كان عندك مجال ،، المحلات بيني وبينك مرات يصعب وصفها للزبون ،،

هذا مجرد راي متواضع مني ،، دعواتي لك بالنجاح بإذن الله ،،

بس لا تنسى تبشرنا بموعد الافتتاح ،

ولك تحياتي ..

لو سمحتوا وين أماكنهم بالضبط اللي


هم ليفز لوكادو ونوال



تكفون أبغى وصف دقيق لهم


شاكر ومقدر

ضاحية السيف بدون تردد..

المشاركة الأصلية كتبت بواسطة Abu-Turki
http://www.arabtravelersforum.com/tr...2/#post2572142

لو سمحتوا وين أماكنهم بالضبط اللي


هم ليفز لوكادو ونوال



تكفون أبغى وصف دقيق لهم


شاكر ومقدر



لكادو ونوال يقعون بنفس المنطقه ..
لكادو له عدة افرع لكن تقدر تزور اللي بالقرب من نوال وموقعه
في نفس العماره اللي فيها صيدلية ناصر بالقرب من النادي الاهلي وأسواق الجزيره.

اما نوال .. فبعد الخروج من منطقة المصافط اللي فيها لوكادو .. بتييك اشاره اخذها يسار .. او امش سيده .. بتقلى نوال على يدك اليسار ..

اما ليفز .. فيقع في منطقة البديع .. بعد الكاونتري مول بيكون على يسارك .. انتبه له بين المحلات ..

المشاركة الأصلية كتبت بواسطة OZYEEE
http://www.arabtravelersforum.com/tr...8/#post2572488

لكادو ونوال يقعون بنفس المنطقه ..
لكادو له عدة افرع لكن تقدر تزور اللي بالقرب من نوال وموقعه
في نفس العماره اللي فيها صيدلية ناصر بالقرب من النادي الاهلي وأسواق الجزيره.

اما نوال .. فبعد الخروج من منطقة المصافط اللي فيها لوكادو .. بتييك اشاره اخذها يسار .. او امش سيده .. بتقلى نوال على يدك اليسار ..

اما ليفز .. فيقع في منطقة البديع .. بعد الكاونتري مول بيكون على يسارك .. انتبه له بين المحلات ..




لو سمحتي تقصدين صيدلية ناصر اللي في شارع

المعارض

الله ...شوقتونا على القرص العقيلي المغلف بالكاكاو من العالي.

لا لا الطيب ،،

صيدليه ناصر وانت جاي من جسر السعوديه متوجه شمال للمنامه

وانت ماسك الشارع اللي فيه التصليحات والتحويلات

بتشوف ملعب على ايدك اليسار ،، والبحر طبعا على يمينك ،،

ومنها بتلقى اشاره مرور تودي جهة اليسار ،، انت لازم تمسكها ،،

تقدم 100 متر بتلاقي صيدليه ناصر ، وهي صيدليه كبيــره على ايدك اليمين ..

اما بقيه وصف المحلين فهم بالاعلى ،،

واسمح لنا ان كنا قصرنا معك ..

في محل في العدليه اسمه جولي لاميزون بالقرب من ليلو
عجبني افكاره في الشكولاته

السلام عليكم

اخي العزيز بصراحة لو تفكر بمشروعي البحرين الناس تروح تشتري بس حلوي ومتاي
شنو لك بالحلويات ومخاسيرها
انا عن رائي الشخصي لقيت الشقق الفندقية احسن مشروع بالبحرين ويكون الدور الاول والثاني شباب والباقي عائلات ويكون محترم ما فيه خرابيط علشان العائلات تردلك مرة ثانية وتكون محل ثقة و ياليت يكون موقعة قرب السوق

تمنياتي لك بالنجاح بمشروعك

اخوي لاتنسي اذا عملت بفكرتي احجزلي غرفة مع العائلة

ههههههههههههههههههه
موفق ان شاء الله


ام الهواجيس

بالتووووووووووووووووفيق

افتح مطعم وجبات سريعه اربح لك خخخخ امزح وياك ..
بس احسن موقع في البحرين ....اكيد المجمعات

صادق تنقصنا على قولتك ثقافة استمتاعية والتذوق على اصوله

قبل امس تابعت تقرير شيق حول معرض الشكولا العالمي وبالفعل كان في اشياء متميزه لا يمكن ان نجدها في الخليج

انا جربت ليفز صراحة حلو بس ما اقول عليه متميز

وكانك صحيح تدور شئ مميز أيش رايك تفتح فرع لمحل serendipity

بس ترى انا لي ضيافه مفتوحه على طوووووول

موفق اخوي و يا ليت تثقفنا زياده و تثري معلوماتنا الكاكاويه

صعبة...
في محلات كثيرة قاعدة تطلع هالايام
الاستثمار في مجال الشوكليت حاليا مهمة مستحيلة تقريبا لكثرة المنافسين الا اذا تميزت بمنتجاتك وتقدمها على مستوى انترناشيونال هذا شي ثاني
وماافهم ليش المستثمرين واصحاب المشاريع يقع اختيارهم على البحرين مع ان كلشي عندنا نار ويذبح مثال اخي العزيز ماعندك حل ثاني غير مجمع العالي او عالي مول فهو يجمع ابرز وارقى محلات الشوكلت في البحرين وطبعا غالي جداً اقترح يكون في حسابك أقل شي مليون عشان تنافس المحلات الي قاعدة تطلع وايضا كلفة كلشي خصوصا البحرين غالية جدا وقاعدة ترتفع في الغلاء
وبالتوفيق

أم الهواجيس
أشكر لك اقتراحك ورفعك للموضوع
الفراشة المسافرة
لنا ولكم وأنتم في أتم صحة
ملاك وحلاوة
نشوف الشوكولاتة اشلون تدوخ الناس! بعده نفكر
http://www.arabtravelersforum.com/user6876/
بإذن الله نتواصل علما أن التشوكليت والدارك منه من أنفع الغذاء لأشياء كثيرة
بنت مكتوب
صدقيني لازال مجال المنافسة مفتوحا على مصراعيه وفي حال افتتاح المحل سأوجه لكم دعوة وتعطوني رأيكم إن شاء الله

عندي استفسار لخبراء الشوكولاته في البحرين .. هل مر عليكم فرع لشوكولاته كافاريل او محل يبيع منتجات كافاريل في البحرين ؟؟

موقع كافاريل: http://www.caffarel.com/uk/uk/home2.html
كافاريل الكويت: http://www.caffarelkuwait.com/

الله يعطيكم العافية ..*