الموضوع: فيزا الكويتيين لايطاليا، هل تستغرق كل هالوقت؟

استفسار ياجماعة الخير للكويتيين من اعضاء المنتدى اللي سبق لهم اصدار فيزا ايطاليا عن طريق مكتب القبس للتأشيرات
قدمت ع الفيزا لي وللعائلة منذ يوم 25 اغسطس الماضي وحتى اليوم كلما اتصلت او دخلت على الويب سايت تطلع لي ملاحظة ان الفيزا لاتزال قيد الاصدار!!
بصراحة انا مستغربه حيل
هذي مو اول مره اطلع شنغن ، سبق ان حصلنا عليها من المانيا وفرنسا من نفس الشركة خلال السنوات السابقه لكن اول مرة تطول هالكثر؟ والسفر يوم 8 اكتوبر يعني قرب
ياريت اللي عنده تجربه يقولي هل هذا الامر طبيعي او لا؟

مواضيع عشوائيه ممكن تكون تعجبك اخترناها لك:

• استفسار عن الأماكن السياحية والحدائق
• قطار أوروبا
• أول طلب بخصوص حجز التذاكر
• مشرفين ايطاليا ضروري الله يخليكم
• أفضل فنادق نجمة واحدة في البندقية
• ارجو المساااعدة حجزنا لايطاليا ومالقيت موعد قريب للفيزا
• استفسار عن تذاكر مباراة روما واودينيزي
• مدن ايطاليا وزياره يوم واحد
• بالضبط اسبوع
• ماهو الطيران الاقتصادي وكيف استخدمه؟
• موعدي مع السفارة الايطالية مهم
• المواصلات
• اسعار المطاعم والكوفي شوب بميلانو
• ايطاليا واي استفسار انا جاهز ان شاء الله
• عريس و متوهق الحقونييييي
• استفسار بخصوص الفيزا للسعودين
• ياهل يطاليا العشم فيكم
• الله يجزاه خير اللي يجاوب علي
• الله يسعد اللي يرد علي
• هل يفتح اوت لت روما في الشتاء

مادري عن الكويت لكن احيانا عندنا بالسعودية الموقع يعطيك قيد الاصدار ولمى تروح للمكتب تلقى جوازك مخلص .. يكون ما سووله تحديث

والله رحت المكتب ونفس الجواب للحين قيد الاصدار ،، يقولون لان موعد السفر تو الناس عليه! رغم ان سفرنا في 8 اكتوبر يعني ماباقي شي من الموبايل

غريبه يردون هالرد .. وصار لها 3 اسابيع !!

ماتقدرون تتواصلون مع السفارة الايطالية ؟؟

راجعت السفارة واخيييرا خلصنا واستلمنا الفيزا
لكن دعوني احكي لكم ما حدث

راجعت السفارة لاستفسر عن سبب تأخر اصدار الفيزا
وهناك كانت الصدمه
شفت مواطنين ومواطنات كويتيات وايد قاعدين يسوون اجراءات الفيزا بالسفارة وليس عند شركة القبس
استغربت لاني كنت اظن ان عمل الفيزا فقط بات من اختصاص شركة القبس بعد تعاقد السفارة الايطالية معها
المهم اللي سووا اجراءات الفيزا والبصمة جدامي بالسفارة ، سألوا الموظف: متى تخلص الفيزا ؟ وقالهم : الاحد القادم ! يعني بيستلمون الفيزا في ظرف اقل من اسبوع
لانهم قدموها دايركت بالسفارة !! وانا وعيالي صار لنا 22 يوم حاجزين جوازاتنا بالقبس !! ليش عاد ؟ ما ادري
المهم كلمت الموظف المسئول ولم يعطيني اي مبرر للتأخير وكعادة موظفين السفارات لا يجيبون على كل اسألتك
ووعدني انها تخلص بغضون يومين
وقالي استلمها من القبس وليس السفارة
وفعلا ثاني يوم وصلني مسج من شركة القبس يفيد بجاهزية الجوازات للاستلام !!
لما تصفحت الجوازات شفت انهم حاطين لي و للاطفال فيزا بصلاحية 6 اشهر فقط !! انبطت جبدي لان عقب كل هالانتظار يعطوني 6 اشهر بس؟
السفارة الالمانية كانوا اقل شي يعطون فيزا لسنة كاملة
الموضوع ازعجني كثيرا ،، خصوصا ان كل هذا الانتظار لم يكن مبررا
ارجو ان تمر هذه الرحلة بسلام
وانا حبيت بس اذكر تجربتي ، فربما يمر احدكم بهذا الموقف وان كنت لا اتمنى ذلك لاحد مطلقا

المشاركة الأصلية كتبت بواسطة tab_el
http://www.arabtravelersforum.com/tr...9/#post8080419

مشكورة اختي على مشاركة التجربة ..
سؤالي عن مكتب الخدمات يقدم فيزا للسفارة الالمانية بعد ؟ ولا بس الايطالية ؟



شركة القبس تقدم خدمة الفيزا لالمانيا وايطاليا
كل سنة نتعامل معاهم ،، فيزا المانيا لم تستغرق العام الماضي اكثر من 5 ايام
لا ادري ماذا حدث لهم هذا العام ولماذا البطئ بالاجراءات
للعلم : لست وحدي من تعرض لهذا الموقف
لاني لما رحت للسفارة
لقيت مجموعه من المواطنين يايين يشتكون من نفس المشكله وجميعهم اكدوا ان جوازاتهم لدى شركة القبس منذ اكثر من عشرين يوم