الموضوع: ابي مساعده الله لا يهينكم بليز

السلام عليكم ...... ان شاء الله بخير

المهم انا ناوي اروح لإيطاليا عشقي الاول والاخير بعد عيد الفطر يعني بشهر 10 هجري حوالي نهاية 11 ميلادي


بروح المدة حوالي اسبوع (اجازة مرضيه من الدوام)

ما ادري وش السالفه قريت كذا موضوع ما شاء الله عليكم ما قصرتو بس اخر شيء طلعت اني ما ادري وين اروح

عشان وقت السفر مو بالصيف

أبي افضل مدن بالوقت هذا بس اهم شيء فينيسيا

والشيء الثاني افضل الفنادق وسعرها يكون معقول يعني بحدود 150 يورو مع انا اثنين وبنسكن مع بعض

ومن ناحية الاماكن بدوج لين اعرفها كلها بس عطوني اسماء المدن

والشيء الاخير هل ايطاليا بالوقت هذا حلوه ولا دول اوربيه ثانيه احلا يعني نغير الوجهه


وثانكيووووووو مره ثانيه

مواضيع عشوائيه ممكن تكون تعجبك اخترناها لك:

• الشواطئ الايطاليه مابين التفوق الامريكي والابداع الاسباني
• ما هي سلبيات الشراء ببطاقة الصراف الآلي
• بغير سفري للنمسا اذا مارديتوا ؟؟؟؟؟
• حد راح ريميني
• سفرةعائلية نصيحتكم
• شو رايكم بفندق Domina Inn Milano Fiera في ميلان
• ممكن رأيكم في هذا الفندق
• محتاجة معلومات عن بادوفا
• فيزا فرنسا والدخول إلى ايطاليا
• مخطط شهر عسل
• من وين تشترون خريطة ايطاليا
• استفسار عاجل بخصوص تغيير الحجوزات بعد الفيزا
• جدول شهر عسل في ايطاليا واسبانيا
• للخبراء عاجل جدا جدا جدا
• ايطاليا ام اسبانيا؟
• ساعدوني ميلانو ووو فينيس ؟
• ترتيب رحل من اصاح الخبره
• التاشيره
• شهر عسل عريس ومتورط ساعدونا يا اهل الخبره
• استفسار بخصوص النقاب

روح لروما يومين ثم فلورنسا يومين ومنها زر مدينة بيزا ثم فينيسيا يوم واحد فقط خذها مني انا توني راجع من ايطاليا وكانت اخر مدينة زرتها فينسيا لا تزيد عن يوم واحد وكفاية عليها، ثم ميلان يومين.
هذي المدن الرئيسية والمشهورة في ايطاليا باستثناء نابولي وجزيرة كابري.

رووما كلها اثار...
لا تروحلها ..فيها شاررع الفينيتو حلو بالليل وفيها نوفانو بالليل حلو بعد مطااعم ورسامين وكوفي شووب وعندك الاسبينش ستيبس

رووح ريميني حلوه واسكن بالمريديان جربته 145 يورو على البحر يصير وراك على طول الشارع اللي فيه المطااعم وروح لرتشووني بالليل حلوه وجوها طبعا قبل 3 ايام انا طالع منها بالنهار حلو وبالليل برد يعني تلبس جاكيت

وانا الحين في سرميون(بحيرة قاردا)طبعا اليوم نزل مطر وللحين المطر وانا قاعد اكتبلك .. راح تعجبك فيها الموفي ستديو والقاردا لاند ومطعم ميدايفال واسكن بالداون تاون على البحيره مباشره احلى منطقه واذا تبي الهدووء اسكن بفندق ماسترال هوتيل 3 نجوم بس مرتب هذا في لوغانووسعره 114 يوروطبعافي سرميون واخر ليله ان شاء الله انا بسكن بالداون تاون في فندق فلامينيا هذا على البحيره مباشرهوسعره 135يورو4نجوم(بس الاسعار هذي تراها انا حاجز هنا وانا في ايطاليا مدري اذا تتغير والا لا .. والصباح ان شاء الله طالع لفينيسيا يوم وراجع وبقعد هنابسرميون يوم وبعدها رايح لميلان 5 ايام واذا رجعت افيدكم برحلتي كامله ان شاء الله

اخوي اذا تحب الكورة روح شوف مباراة في ميلان ولا روما وغير هاي ايطاليا ما فيها شي غير فينيسيا العجيبة

مشكووووورين اخواني
THEMOON

MoOo_6abi3i

coffee


على اقتراحاتكم وان شاء الله راح اضبط برنامج على هالمدن

صح كلامك .. احنا في بوابة ايطاليا .. وشعارها ( الرأي ورأينا فقط ) .. :baaa2:

يا تمدح أو لا تكتب أبدا .. :108:

السلام عليكم ... بنالسبه لايطاليا انا رحت روما .. واكتشفت انها متحف كبير .. مافيها ابد ولاشي حتى بضايع السوق عندهم قديمه .. عقب رحنا لميلان وماادراك ما ميلان .. كلللللللللش مب حلوه ومافيها شي وماتحس انك في دوله اوربيه ... وسوقها مره بايخ ومافي شي ومو مرتب .... عقب رحنا لفينسيا .. بصراحه فينسيا جدا جدا حلوه ومنطقه ساحره ماتمل ابد منها .. بس شويه غاليه


كل الحب ...

اولا اخوي ورق خسرا لو عندك وقت اكثر يعني اسبوعين اسويلك جدول جميل

وخطه رائعه انتظر منك الرد

المشاركة الأصلية كتبت بواسطة coffee


صح كلامك .. احنا في بوابة ايطاليا .. وشعارها ( الرأي ورأينا فقط ) .. :baaa2:
يا تمدح أو لا تكتب أبدا .. :108:



يا أخي اذا هذا شعارنا على قولك
خلاص احترم شعارنا
والله من شي عجيب
يعني كلامك مثل ......
وتقول ايطاليا مافيها شي غير فينيسيا
اجل وش هي الدوله الى فيها كل شي
يا اخي اتقي ربك

السلام عليكم ورحمه الله وبركاته .. اخواني ايطالي مسافر وكوفي وميلانو ... التعبير عن وجهه النظر لايقابل بهذا الهجوم .. فلولا الاذواق لبارت السلع في الاسواق . اتركو الرجال يقول رايه بس من غير هجوم .. وكل واحد بدوره يقط كلمه ويعمل فيها عنتر .. انا ماتكلم دافعا عن كوفي .. انا من باب حبي للبوابه الايطاليه .. وماحب تكرر المشادات الكلاميه فيه .. لان بصراحه البوابات الثانيه مايصير فيها مثل البوابه الايطاليه .. بصراحه ماتحبون حد يقول شي مب حلو عن ايطاليا ... اتمنى من المشرفين ان يطولون بالهم .. ومايعصبون على ابسط الامور .. عشان الناس ماتنفر من بوابتنا الحلوه ................



اتمنى ان مايكبر الموضوع .. لان في النهايه كلنا اخوان .. وخلاف الراي لايفسد في الود قضيه





كل الحب

ايطالي مسافر
رايتك بيضه وماقصرت
بصراحه نشاطك في البوابة يشهد له الكل
وكذلك ثقافتك وخبرتك عن ايطاليا تسكت الكل
بما فيهم انا

المشاركة الأصلية كتبت بواسطة fw_kw


ايطالي مسافر
رايتك بيضه وماقصرت
بصراحه نشاطك في البوابة يشهد له الكل
وكذلك ثقافتك وخبرتك عن ايطاليا تسكت الكل
بما فيهم انا




لا يا أختي الكريمه

انتي ناويه اليوم تحرجيني صح

يعطيك الف عافيه على هذا المجامله الجميله منك

لكن صدقيني لست افضل من احد بل ارى نفسي

اقل خبرة من الجميع


شكرا لك

صدق من قال النار من مستصغر الشرر والناس ................................... والي على راسه بطحه يتحسس عليها .. لوووووووووووول