الموضوع: متى أقدر أحجز تذاكر الى ايطاليا

السلام عليكم ورحمة الله وبركاته

أرجو الإفاده من أهل الخبره بخصوص حجز التذاكر

1_متى التوقيت المناسب للسفر للإيطاليا في أشهر السنه وكيف الجو يكون
2_أنسب وقت لحجز التذاكر بحيث تكون رخيصه
3_وأنسب طيران

أرجو من الأعضاء الكرام الافاده ولكم مني جزيل الشكر

مواضيع عشوائيه ممكن تكون تعجبك اخترناها لك:

• فنادق ايطاليا؟
• مساعدتكم تكفون يا اهل العرب
• احداثيات جاردا لاند
• رحلتي الاولى الى ايطاليا
• إحداثيات ملعب ميلان؟؟
• الناس للناس والكل باللهماتقصرون ان شاء الله
• اول زيارة لإيطاليا
• احتاج خبرتكم عن السفر بالقطار بين دولتين
• خبراء ميلان مساعدتكم في السكن العائلي في الدومو
• هل ميلانو غير ميلان
• اريد تخطيط رحلة 20 يوم الي ايطاليا
• استفسار بخصوص الفيزا الي ايطاليا قبل انتهاء الفيزا بشهر
• رحلتي لأيطاليا
• استفسار ايام في ايطاليا
• يا زعيمة الطليان وكل خبير طلياني
• ساعدوووني بليز يا اهل الخبره الايطاليه
• قطار ولا سيارة
• استفسارات ميلانوووووو يه
• بلييز ساعدوني جزاكم الله خيرا
• بخصوص فيزا الشنقن لشهر العسل مطلوب مساعدتكم

اخوى فيه برنامج نزله علي جوالك اسمه
skyscanner


https://itunes.apple.com/sa/app/skys...415458524?mt=8

برنامج تحدد الوجهة ويبحث في شركات الطيران ويعطيك الخيار الافضل من حيث السعر وانت تختار من الموبايل

مشكور يعطيك العافيه
عندي البرنامج وشيكت عليه وبرنامج جدا ممتاز
بس انا قصدي بالسؤال أبي وقت محدد تكون فيه اسعار التذاكر رخيصه شوي
كل ماجيت اشيك تاريخ .. الأسعار ترتفع
انصحوني بشهر او تاريخ يكون فيه سعرهم معقول الله يعطيكم العافيه

وعليكم السلام ورحمة الله وبركاته ..

عندكم من شهر 5 الى شهر 9 .. وعشان تحصلون تذاكر حلوة احجزوا قبل بشهرين أو 3 ..
عندكم العمانية والمصرية

ماقصرت أخ
tab_el
يعطيك العافيه لقيت التاريخ المناسب والسعر المناسب لكن الطيران التركي
وفي سؤال تنصح أحجز ع روما أو ميلان
مع العلم ان رحلتنا 14 يوم
عطوني جدول مناسب وممتع وغير متعب لأن معاي طفلتين
ولكم جزيل الشكر

انتم طالعين على ايطاليا فقط ؟

راح تكون رحلتنا في أرجاء ايطاليا فقط
حددت لي أماكن ودي اروحها بس مو عارفه كيف ارتب جدول الأيام
منها: روما -فينسيا - ميلان - بحيرة قاردا- فيرونا
ودي انزل لوقانو تحمست اروح لها من روابط الأعضاء
بس بخصوص حجز التذاكر
التذكره من الدمام الى روما ذهاب وعوده
يعني رحلتي ان شاء الله بعد التور في المدن برجع للعاصمه عشان ارجع البلد

بالنسبه لميلان ابي اروحها اخر شي لأني أحب التسوق ( مابي ادور بأغراض وعفش )

انزلو روما 3 ايام وبعدها فلورنس ممكن تضيفونها للخطة يومين .. بعدها فينيسيا يومين .. جاردا يومين في سيرموني ومنها تزورون فيرونا .. ميلان اخر الايام ..

لوقانو تزورونها وانتم بميلان .. مشوار ساعه بالقطار ..


دام التسوق من ميلان خلو العودة من ميلان .. باين عليك ناويه تشترين نص الآوت لت ههههههه وبتغثك الرجعه لروما بالاغراض ..

أول ثلاث أيام أتمنى يكونو أماكن رومنسيه مثل فنسيا لأن راح يصادف ذكرى زواجي

ايطاليا كلها رومنسيه

الف مبروك وعقبال 100 عآم

مشكور أخي tab_el
والله ماقصرت والله يبارك بعمرك يعطيك العافيه برنامجك قيد الدراسه والبحث واشوفه جدا ممتاز

المشاركة الأصلية كتبت بواسطة Um Rubain
http://www.arabtravelersforum.com/tr...1/#post8052031

مشكور أخي tab_el
والله ماقصرت والله يبارك بعمرك يعطيك العافيه برنامجك قيد الدراسه والبحث واشوفه جدا ممتاز






العفووو .. هذا واجبنا ..
بالنسبة لفلورنس تقدرون تزورون بيزا .. وتشوفون برج بيزا المائل ..
اي سؤال تفضلي ..

بس ممكن لاهنت ترتب لي رحلتي بالفعاليات والأماكن السياحيه
والتنقلات من و الى والمواصلات لكل مدينه مع الوقت اهم شي
اكون شاكره لك جزيييييييييل الشكر اخي الكريم
tab_el

وسؤال بس ابي اعرف كيف الجو راح يكون في بدية شهر june

الجو في june ممتاز .. وقبل ما نبدا بالمخطط اقتراح عليك تضيفين سويسرا للمخطط ..

بانتظارك ..

التذاكر الان اسعارها حلوة .. انا حاجز قبل 3 ايام الى سويسرا ب11 مارس المقبل بسعر 1900 ريال

وجون شهر جدا ممتاز .. وان كان ممكن يكون حار في بعض المناطق بايطاليا
ونصيحه استخدمي ( جوجل ماب) لتحديد المسافات ولتطلعي على خط الرحلة وترتبينها
بوضوح
والموقع الاخر موقع اسمه ويذر weather تحددين المدينة والشهر ثم تشوفين الطقس

المشاركة الأصلية كتبت بواسطة الاعرابي المسافر
http://www.arabtravelersforum.com/tr...5/#post8053025

التذاكر الان اسعارها حلوة .. انا حاجز قبل 3 ايام الى سويسرا ب11 مارس المقبل بسعر 1900 ريال

وجون شهر جدا ممتاز .. وان كان ممكن يكون حار في بعض المناطق بايطاليا
ونصيحه استخدمي ( جوجل ماب) لتحديد المسافات ولتطلعي على خط الرحلة وترتبينها
بوضوح
والموقع الاخر موقع اسمه ويذر weather تحددين المدينة والشهر ثم تشوفين الطقس



مارس جدا بارد بسويسرا .. والنشاطات مقفلة .. !

مشكور أخ
الاعرابي المسافر ع الإفاده وسفرتك موفقه بإذن الله

أنا أحب الطبيعه أكيييد أكثر وسويسرا من ماوده يروح
بس أنا سبق وذكرت لك عندي أطفال اصغرهم عمره بكون سنه ونص

طيب اقترح المدن وراح نشوف المخطط اذا يناسب ليش لا

انزلوا في ميلان واجلسوا فيها كم يوم .. ومنها على انترلاكن ولوزيرن والريف السويسري وعودتكم من جنيف ..

واذا عشان التنقل استأجروا سيارة وريحو بالكم ما ترتبطون بموعد قطار وقلق ..

أنا قلت اذا بطلع لسويسرا غير لوقانو بروح انترلكن فقط لأني أشوفها متعبه

وش قولك اخ tab_el

مافهمت وش قصدك متعبه ..التنقل فيكم فيكم .. ايطاليا أو سويسرا ..


عموما بكل الاحول رغبتكم انتم .. اذا حابين الريف واسترخاء سويسرا أفضل لكم .. واذا انتم حابين ايطاليا ومدنها اذا ايطاليا ..


حددي وانا اسوي لك البرنامج ..

ايش رايك بهذا المخطط

ننزل روما يومين
فلورانس نروحها من الصباح ونرجع المساء الى فنسيا يومين

من فنسيا الى جاردا يومين ومنها نطلع لفيرونا بس ماودي نبيت فيها يعني نتمشى فيها ونطلع منها الى ميلان ثلاث ايام
ومن ميلان الى لوقانو
ومن لوقانو الى انترلكن نسترخي في أجواء الطبيعه

وش رايك تحس البرنامج حلو ؟؟

وفي سؤال بخصوص اجار السياره نقدر نستأجرها من ميلان ونطلع لوقانو وانترلكن ؟؟

الكثير من المواضيع الأعضاء واللي فهمته ماحد ينصح باجرة السياره في ايطاليا
وانها جدا مكلفه
من كذا قلت تنقلاتنا راح تكون بالمحطات والباصات

من روما الى فلورنس ساعه و20 دقيقة تقريبا بالقطار .. ومن فلورنس الى فينيسيا ساعتين .. لو تباتون في فلورنس يوم اخاف تكون متعبة لكم .. وخلو فينيسيا ليله ..

الناس تستأجر سيارة من لوقانو عشان تسلمها في زيورخ او جنيف .. لان لوقانو بسويسرا ماهي بـــ ايطاليا فالسعر يكون أرخص لانك بنفس الدولة ..


ايطاليا خلو تنقلاتكم بالقطار والمترو افضل لكم .. سويسرا خذوا سيارة .. بس ما قلتي لي العودة من وين ؟؟

العوده من إنترلكن

اقصد العودة للسعودية ؟؟ من وين ؟؟

العوده من إنترلكن مع الطيران المصري ترانزليت ل الدمام

انترلاكن مافيها مطار !! .. قصدك زيورخ يمكن ؟؟

انا لسه ماعرف شي عن سويسرا غير الخضار والطبيعه 😍

انا مابي أطول في سويسرا يعني ثلاث مدن يكون مناسب

بالنسبه للسياره الأكيد احنا بناخذ سياره بس نوصل لسويسرا من الموبايل

اقرب مطار لكم من انترلاكن في زيورخ .. انترلاكن ولوزيرن كلها قريبه منها

tab_el

شيكت التذاكر من سويسرا للدمام تطلع اكثر من تذاكر الروحه بمرتين 😱

انا اقول ارجع من ميلان صحيح اغلى بعد من الروحه بس انسب من سويسرا

يعني نطلع من ميلان وانروح لوقانو ومدينه قريبه منها ونرجع لمطار ميلان ونرجع

وش قولك!!! من الموبايل

طيب وين تنصحوني اسكن في ميلان ثلاث ايام ؟؟ من الموبايل

المشاركة الأصلية كتبت بواسطة Um Rubain
http://www.arabtravelersforum.com/tr...3/#post8059313

tab_el

شيكت التذاكر من سويسرا للدمام تطلع اكثر من تذاكر الروحه بمرتين 😱

انا اقول ارجع من ميلان صحيح اغلى بعد من الروحه بس انسب من سويسرا

يعني نطلع من ميلان وانروح لوقانو ومدينه قريبه منها ونرجع لمطار ميلان ونرجع

وش قولك!!! من الموبايل



جدا ممتاز .. عندكم تورينو حلوة ساعه وشوي بالقطار

المشاركة الأصلية كتبت بواسطة Um Rubain
http://www.arabtravelersforum.com/tr...9/#post8059349

طيب وين تنصحوني اسكن في ميلان ثلاث ايام ؟؟ من الموبايل



اسكنو في السنتر عند الدومو هو افضل شي