المشاركة الأصلية كتبت بواسطة مسافرة من صغري
http://www.arabtravelersforum.com/tr...2/#post2510173
خواتي أخواني
تكفون أبي أعرف شلون أوصل فندق مشعل اللي في المنامة
أبغي محل قريب منه
تراني ما أدل شي بالبحرين غير السيف
يعني شوي شوي علي في الوصف
عشان أوصل المكان بالضبط
ربي لا يحرمني منكم
مرحبا فيج أختي ...
وحياج الله في البحرين ... بوصف لج الطريق بالتفصيل ... وياليت تعملوا برنت للوصف ... وتاخذونه معاكم عشان ما تضيعون ...
بعد ما تطلعين من السيف ... وتتجهين يسار ... تطلعين على الشارع الرئيسي (الكوبري) اللي يودي للمنامة ...
باتجاه الأبراج والبنايات الكبيرة ... بيكون السيف والستي سنتر على يدك اليسار ... تواصلين سيده ... لا يمين ولا يسار ...
وتبتدين تعددين الإشارات الضوئية ...
بتمرين على .. أول إشارة (عاليمين فندق الريجنسي) ... ثاني إشارة (عاليمين أبراج وفندق الشيراتون) ...
ثالث إشارة (عاليمين السفارات السعودية والكويتية) ...
عند رابع إشارة .. تمسكون أقصى اليمين ... وتلفون يمين ...
بعد بتصادفكم إشارة (عاليمين فندق الراديسون ساس) ... هنا تمسكون المسار الأيمن ... وتروحون سيده ...
أوك... الحين على يدكم اليمين .. بتشوفون فندق مشعل ... والسفارات العمانية والأردنية والفرنسية ) ..
بتجيكم لفة عاليمين ... لفوها .... وروحوا سيده ...
بتشوفون على يدكم اليمين صيدلية جعفر ... لفوا عندها ... وواصلوا سيده للآخر ...
بعدين .. عند محلات العز لفوا يمين ... بعدها لفوا يسار ... وهذا الطريق لفندق مشعل ...
وحياكم الله ..
رد مع اقتباس
المفضلات