مساء الخيرات ...

كتبت رد اش طوله وللأسف غيرت الصفحه بالغلط وراح كل الرد


ماعليه أرجع أكتبلك أختي وان شاء الله ربي ييسرلك



بالنسبة للفنادق انت رايحه في فترة تعتبر نسبياً غاليه يعني تحتاجي تشوفي فنادق 4 نجوم عشان تكفي ميزانيتك


الفنادق اللي فيها مسابح خاصه (تقدري تسبحي فيها مو بس تتغطسي) غاليه أرخص شي كرومبا وهذا موقعه http://www.kurumba.com/fast_reserve.php

سعر الليلة 1025 دولار يعني تقريباً 3864 ريال بدون الضرايب هذي اللي أعرفه ويمكن فيه غيره بس ماعندي فكره

علشان كذا خلينا على فنادق حلوه ومرتبه وأسعارها مقبوله وفيها جاكوزي :

أقترح عليك إما :

1- باندوس bandos موقعهم : http://www.bandosmaldives.com/

تاخذي عندهم Jacuzzi_Beach_Villas

2 - فليقاندو veligandu موقعهم http://www.veliganduisland.com/Default.aspx

تاخذي إما Jacuzzi Water Villas أو Jacuzzi Beach Villas واشترطي عليهم انها تكون من الوحدات الجديدة لأن فيه القديمه ديكوراتها مو حلوه


3 - لاقونا laguna maldives resort موقعهم http://www.lagunamaldives.com/island/index.htm
Water Suites أو Deluxe Bungalow لكن مافيها جاكوزي وأم علاوي كاتبه عنه تقرير
4- فندق adaaran موقعهم
وهو فندق جديد وحلو والظاهر كل وحداتهم مائيه وممكن تاخذي فكرة عنه من تقرير الأخ المغامسي

هنا http://www.arabtravelersforum.com/travel309891-12/

5 -كوماندو موقعهم http://www.komandoo.com/
عندهم Jacuzzi Beach Villas وايضاَ jacuzzi Water Villas و آخر وحده بدون جاكوزي Beach Villa
الفندق حلو بس ممكن أسعاره أعلى من الباقيين


وفيه فنادق ثانيه بدون جاكوزي أرشحلك منها كورماثي - ميرو آيلاند - سن آيلاند لا بأس بها وأسعارها متوسطه

بالنسبة لحركات الهني مون موجوده في كل الفنادق وكل شي بسعره

وأكثر الفنادق فيها نظام الفل بورد ( الوجبات الثلاث ) بس نصيحه ماتحتاجيها

أولاً توفير ثانياً حتى لا تلتزمي بمطاعهم لو حبيتي تغيري ممكن تاخذي فطور وعشا وتخلي الغدا وجبات خفيفه كيك حلويات مع الشاي والقهوة ( ممكن تاخذي معاك شغلات بسيطه تاكلوها بين الوجبات في شنطتك ) وممكن تخليها وجبه خفيفه في أي كوفي في الجزيرة ( فطاير - بيتزا -ساندوتشات) علشان لا تلتزموا بوجبه وتلتزموا بسعرها


والمكاتب السياحيه ممنوع حبيبتي ذكرها في المنتدى بس انت أعملي بحث في النت ويطلعلك أو روحي الامارات للعطلات بس ممكن يطلع السعر غالي عليك

أو ممكن ترتبي الرحلة بنفسك عن طريق الحجز مع الفنادق وراسليهم علشان تتفقوا

ولي رجاء ... أتمنى تعملي بحث عن الفنادق اللي أعطيتك اسمها وتتأكدي بنفسك إذا تناسبكم ولا لأ مو تروحي بعدين تدعي علي

وبالتوفيق أختي

مواضيع عشوائيه ممكن تكون تعجبك اخترناها لك: