الموضوع: استفسار عن التسوق بالمانيا مصنع اودي قسم قطع الغيار

السلام عليكم ورحمة الله وبركاته

اخواني الكرام الحبوبين اللي يعلم الله اني احبكم فيه ولأجله

كل عام وانتم بخير وعيد سعيد يارب علينا وعليكم وعلى جميع امة محمد صلى الله عليه وسلم

والله اسأل ان يجعلنا في هذا العيد اليه اقرب وبسنة نبيه محمد صلى الله عليه وسلم الزم

وان يجعلني واياكم والمسلمين جميعا من المقبولين في رمضان صيامه وقيامه ومن عتقائه من النار

عندي مجموعة اسأله عن المانيا ودي باحد الخبراء ينورني عسى الله يكتب له الاجر

انا اخر سفرتي اللي بتكون سويسرا النمسا المانيا طبعا حددت فقط يومين لالمانيا ميونيخ

ومعاي سياره استفساري هو

بهاليومين الاخيره قبل توديع اوربا ياليت تنوروني عن اسواق المانيا خصوصا اللي بميونيخ واذا فيه

اسواق بمدن ثانيه يمديني اوصلها بالسياره في خلال هاليومين ماعندي مشكله لاني خصصت المانيا

فقط للتسوق ولا شئ الا التسوق طبعا ياليت يذكر لي السوق وبجانبه الاحداثية للسوق لأنه لو ذكر السوق

ماراح استفيد الا بوجود احداثية دقيقه للسوق ولو كانت بعد احداثيات مواقف السوق احس اني بجي احب راسه

واشكره بعنف .....

طبعا الاشياء اللي براسي اتسوقها هي مجموعة ملابس لاطفال مابين بنات وعيال الله يجعلهم من عيال الصلاح
وعيال المسلمين جميعا لكن الله يخليكم ابي اسواق تكون اسعارها رخيصه مو غاليه وتكون فيها اصناف كثيره
وهل ياترى بالمانيا عندهم سوق الخميس مثل اللي عندنا او عندهم سوق مثل اسواق البطحاء والديره والا لاء سؤال جاد وربي ما استهبل

السؤال الاخر من يدلني على مواقع مصانع بميونيخ ابي اشوف مصانعهم امنيتي اشوف مصنع للصناعات الثقيله
ومصانع كثييييييييييييييييره هذي وربي بخاطري ...بيروح يشوف مصانع معه ام العيال وش يحس به

السؤال الاخر ايضا : من يحط لي احداثية وكالة اودي بشتري منهم قطع غيار وهل الاقيها ارخص من السعوديه
لاني لقيت الياي الامامي هنا بسبع الاف ونص

والله يجزاكم خير ويرحم والديكم والمسلمين جميعا سواء اللي دخل وعلق وشارك والا اللي دخل وقرء
والا اللي مايدري وش السالفه كلهم الله اسأل ان يجمعني واياهم في جنات النعيم ...

مواضيع عشوائيه ممكن تكون تعجبك اخترناها لك:

• الرحله الي اليوربارك
• ماهي افضل طريقة لإستخدام وصرف النقود في ميونخ
• يا اخوان الي عنده معلومه يفيدني ضروري
• السياره والموصلات
• اهم مدينتين تستحق الزيارة ف المانيا
• تحذير للمغادرين من مطار فرانكفورت
• استفسار بخصوص شرائح الجوال
• نخيتكم ومانخيت الا النشامى مخططي اللي وهقني
• اهم المدن السياحية في المانيا
• ميونخ الى باريس
• بدأت مرحلة التخطيط و محتاج أراء ذوي الخبرة
• اول مره ازور المانيا وخططت لنص الرحله وباقيلي بس فرانكفورت ومحتااره ابي رايكم
• مواقف الفنادق الغير مجانية؟؟ هل لها حل؟؟
• أفيدوني بخبراتكم يالغالين
• رحلة إلى مدينة بخم أرجو المساعده
• رحلة البرنسيسه الى المانيا با الصور
• بغيت منكم مساعده بسيطه
• ما خاب من استشار
• ارجوا المساعده بخصوص الفيز الأوروبيةولكم من الله كل خير
• صيف

ماعندي والا اجابه وانا اخوك بس حبيت اشكرك على هالدعوات الحلوة لاحرمنا الله ولا اياك الاجابه

وهل اخترت المانيا لتسوق لانها افضل ام ماذا .؟

والله يسمح دربك وييسر من يجاوبك الجواب الشافي

المشاركة الأصلية كتبت بواسطة فوتشر
http://www.arabtravelersforum.com/tr...2/#post4227072

ماعندي والا اجابه وانا اخوك بس حبيت اشكرك على هالدعوات الحلوة لاحرمنا الله ولا اياك الاجابه

وهل اخترت المانيا لتسوق لانها افضل ام ماذا .؟

والله يسمح دربك وييسر من يجاوبك الجواب الشافي




هلابك اخوي والله يجزاك خير يارب

اخترت المانيا بالعموم للتسوق لاني بكون بميونيخ يومين ومن بعدها برجع السعوديه باخر الرحله

ولاني احس انه المانيا فيها جميع اذواق المتسوقين يعني اللي يبي الرخيص بيلاقي الرخيص

واللي مايهمه بيلاقي الغالي والماركات واللي ممعوووش مايلزمووش


الامر الاخر يكفي طلتك علي ومن قال لا ادرى فقد افتى

الله يرحم اللي جابك وشاكر ومقدر مجرد احاسيسك الجياشه ياعسى فالك الجنه وما قرب اليها من قول
وعمل ............

هلا فيك .. اخي الكريم ..

اسواق ميونخ مترابطه جدا وماتحتاج سياره ابد لو اكن سكنك بالقرب من السنتر الاسواق هنا كلها بهذا الرابط

http://www.arabtravelersforum.com/travel420003/

وان كنت تريد اوت ليت انصحكك بالموجود بسالزبورخ عند المطار وممكن زيارته من زيلامسي او ميونخ

اما بخصوص اودي وقطع غيارها الي اعرفه انها خارج ميونخ .. ممكن تعرف اكثر على رابط الشركه على سبيل المثال .. لانه ما عندي علم بها


تحياتي وكل عام وانت بخير

المشاركة الأصلية كتبت بواسطة ALI_Q8_77
http://www.arabtravelersforum.com/tr...9/#post4227219

هلا فيك .. اخي الكريم ..

اسواق ميونخ مترابطه جدا وماتحتاج سياره ابد لو اكن سكنك بالقرب من السنتر الاسواق هنا كلها بهذا الرابط

http://www.arabtravelersforum.com/travel420003/

وان كنت تريد اوت ليت انصحكك بالموجود بسالزبورخ عند المطار وممكن زيارته من زيلامسي او ميونخ

اما بخصوص اودي وقطع غيارها الي اعرفه انها خارج ميونخ .. ممكن تعرف اكثر على رابط الشركه على سبيل المثال .. لانه ما عندي علم بها


تحياتي وكل عام وانت بخير

والله ياALI_Q8_77 اني ما ادري وش اقول من كثر ما تجيب لي الزبده والمفيد
ياخي انت بطل المفروض نقط بالمنتدى ونطق لك احلى هديه والله لو تبي شئ انا سفرتي بعد عشرين يوم
لو تبي شئ من ميونيخ والا النمسا تدلل يعلم الله انها رشوه حلال يعني رشوة قلب نحبه في الله ولاجل الله
الله يمتعك بالعافيه والصحه والسلامه ويرزقك الذريه الصالحه ويرزقك برهم ولا يحرمك منهم يااااااااارب


طيب لي سؤال اخير ياALI_Q8_77 الله يخليك

انا ابي محلات غير محلات الملابس بمرها زياره خطافيه يعني

فهمت قصدي وش المحلات محلات الخرابيط مافهمت يعني لازم اكب العشاء يعني

طيب طيب بقول مثلا ابي محلات اللي يبيعون كاشف الرادار حق ساهر يعني ابي ادخل محل
كله كاشفات رادرات واشياء مثل كذا يعني اجهزه واشياء غريبه فيها تقنيه وتكنلوجيا

ومحلات يعني تحس فيها انك شريت شئ غريب ولو الاقي مجمع كامل متكامل فيه عدد وادوات
+ اجهزه ممنوعه بالسعوديه + اشياء يعني غريبه والعاب غريبه لبزرايننا اللي كثر النمل ماشاء الله الله يجعلهم من عيال الصلاح وعيال المسلمين جميعا ......تكفى يامشرفنا ولا تنساني خصوصا من المحلات اللي تبيع كاشف الرادرا حق ساهر ترى والله انه اكلني اكل كل شوي صاكني مخالفه بسببه الله يقصف عمره ....


والله يرفع قدرك ويرحم اللي جابك
ويجمعني واياك والمسلمين جميعا بجنات النعيم
والله ياALI_Q8_77 احتسب اجر الاجابه لتساؤولات الاعضاء لله
ترى والله انك تسوي فيهم خير عظيم
ومالك الا دعوات من المسلمين لتسهيل امورهم
من باب http://www.kshfi.net/forum/show.php?main=1&id=1434
اسأل الله العلي القدير ان يكتب محبة منه لك
وان يعلن في السماء العليا اني احببت عبدي ALI_Q8_77
فاكتبو محبة الناس له في الأرض
وجزاك الله خير

الله يجزاك خير وما قصرت والله يرزفنا ووياك والمسلمين الجنه ...

انا ليس لي خبره كبيره بهذا الموضوع لكن بقولك ما اعرف الان ... هل تقصد هذا الجهاز ( كوبرا ) الذي هو من افضل الاجهزه لهذا الغرض



وهو كاشف رادار وكاميرات السرعه


تحياتي

للرفع

أتمنى أحصل إفادة

كتبت موضوع من اسبوعين ومازلت أنتظر !!!

أنا الآن بفرنسا وبعد اسبوع رايحين ألمانيا بإذن الله

أبغى أشياء غريبة غير موجودة عندنا

والله يوفق كل من ساعدني

ايووووووووووووه هو هو بزااااااته بس هنا بيطلع علي غالي لكن برى بلاقيه برخص التراب

هلا اخوي سهم شف هالرابط ان شاء الله تحصل الي تبي
http://maps.google.com/maps/place?ci...E4fLjAeDzPXdDg.

بالتوفيق

مشرفنا الغالي ممكن نعرف اسم الجهاز ورقمة باللغة الانجليزية المقصود الكوبرا ومكان بيعه ،،، وهل يشتغل عندنا احنا بدول الخليج،،،،، وصراحه مشكور على جهدك الرائع مع الجميع وماهو مستغرب عليك بهالشيء،،،

المشاركة الأصلية كتبت بواسطة khobar4ever
http://www.arabtravelersforum.com/tr...2/#post4228822

هلا اخوي سهم شف هالرابط ان شاء الله تحصل الي تبي
http://maps.google.com/maps/place?ci...e4fljaedzpxddg.

بالتوفيق

ياحبي لك يا صديقي ياخي المشكله انك طحت في واحد بجمه يعني سبيكه مايدبر شئ بالمواقع اللي مكتوبه

بالعربي ومو مصدق كيف قدر يسجل هنا بالمنتدى تبيه يدخل الموقع حق اودي اللي بموينخ ويطلع من خلاله

احداثيات مركز اودي بميونخ والله انك حبيب .....تكفى ياجعل ربي يوفقك ويسعدك ويفرج همك والمسلمين جميعا

كمل جميلك وادعسس لي باحداثياته الله يرحم اللي جابك قل امين

مواصفات الجهاز ورقمه وطلبه وشرائه بالامكان من موقع ايباي

هنا

http://cgi.ebay.com/Cobra-Radar-Lase...item2c56374ebb

تحياتي

[QUOTE=سهم سهم;4228927]

ياحبي لك يا صديقي ياخي المشكله انك طحت في واحد بجمه يعني سبيكه مايدبر شئ بالمواقع اللي مكتوبه

بالعربي ومو مصدق كيف قدر يسجل هنا بالمنتدى تبيه يدخل الموقع حق اودي اللي بموينخ ويطلع من خلاله

احداثيات مركز اودي بميونخ والله انك حبيب .....تكفى ياجعل ربي يوفقك ويسعدك ويفرج همك والمسلمين جميعا

كمل جميلك وادعسس لي باحداثياته الله يرحم اللي جابك قل امين

[/Q

تسلم ومن يقول
ارجع للرابط وشف الاحداثيات فوق..بس غير وضعها بالجارمن.

او هذا العنوان بس غير اسم المدينه وحط ميونخ وبعدين اسم الشارع والرقم


Audi Zentrum München
Hochstraße 15, 81669 München, Germany
+49 89/48001 ext. 800

المشاركة الأصلية كتبت بواسطة ALI_Q8_77
http://www.arabtravelersforum.com/tr...5/#post4229145

مواصفات الجهاز ورقمه وطلبه وشرائه بالامكان من موقع ايباي

هنا

http://cgi.ebay.com/Cobra-Radar-Lase...item2c56374ebb

تحياتي

الله لايخلينا منك ايها المشرف البطل لكن يا بعدي ليتك تدري اني انسان لا افقه أ بجديات الموقع والسالفه احسها

بتطول معي تسجيل بالموقع ودفع بالفيزا ويعني مشوار ....والنقطه الثانيه اني ركزت لك فقط على سالفة الرادار على

اساس توصل الفكره صحيح اني جايبه جايبه الله لايعوق بشر لكن انا كنت ايضا اقصد اشياء ثانيه يعني سوق

مثل سوق البطحاء عندنا ومثل سوق نايف بدبي فيه اي شئ عدد ادوات مخترعات اشياء غريبه اشياء موب غريبه

اشياء تخص التجسس والتلصص مثل اللي ببريطانيا يبيعون كميرات وادوات تجسس كانت تستخدم من قبل الاستخبارات البريطانيه والروسيه سابقا لكنها الان بالنسبه للاستخبارات طلعت على التقاعد ممممم اجهزه رادار
اجهزة لاي شئ بس ماتكون معروفه هنا بالسعوديه غرائب وعجائب الاختراعات يعني ....خرداوت هذا اللي انا اقصده
يعني بالله يامشرفنا العزيز المانيا ديرة المخترعات والتقنيه والدقه ما اخترعو اشياء اكيد فيه بس وين محلاتها هذا اللي اعنيه ويااااااااااااارب وصلت الفكره لك ياخوي ويارب تعرف اماكن هالاشياء واه ليت محلاتهم بجمب بعض يعني ياليت الاقيه سوووووق كامل فيه كل هالخرابيط والقراقيع وحلو مرررررررررره لو كان بميونيخ والاحلى من كل هذا انه
الاقي بالرد للي يعرف وين محلاتهم بميونيخ الاحدااااااااثيه


لاني والله ما اعرف بدون هالاحداثيه لو حتى عطيتني رابط قوقل ايرث ما اعرف الا لا طقيتني بهذا الرقم
وقلت هذي احداثيات المكان اذهب يا أبني وخزنها في الجهاز وياعسى عمرك طويل يا مشرفنا والله مالك
الا الاجر والثواب والدعوات الصالحه وجزاك الله خير

بسألك احد الاصدقاء في المانيا عن طلبك وان شاء الله خير

المشاركة الأصلية كتبت بواسطة ali_q8_77
http://www.arabtravelersforum.com/tr...6/#post4232286

بسألك احد الاصدقاء في المانيا عن طلبك وان شاء الله خير

الله يرحم اللي جابك يخوي والله اني استحي فيك من كثر طلباتي وفيه موضوع بفتحه ضيق صدري كثير

والله الفهاوه من تترك له لاقالو لك المفهي مفهي فقل انه سهم فقط لاغير اه بس ضايقن صدري يامشرفنا

بروح افتح الموضوع الجديد واشوف وش يصير بالسالفه الله لايوفقها سفاره .....

ويعلم ربي على كثر ما اكتب مواضيع الا اني والله استحي فيك بالذات لاعقبت على موضوعي

يخوي احس اني اشغلتك باستفساراتي لكن والله يامشرفنا ان لك معزه خاصه عسى الله يوفقك

بالدنيا والاخره ولا يوريك مكروه بهالدنيا لا انت ولا جميع المسلمين ...والله يرحم اللي جابك

هاه يامشرفنا عساك لقيت احداثية طلبي ياعساك بجنات النعيييييييم يااااااااااااارب