بسم الله الرحمن الرحيم

صباح/مســـاء الخير

اولاً :أشكر كل من تابع الموضوع وشاركني فيه بالتعليق على الأحداث وآرائة النيرة , فالمستفيد الأول والآخــر هو القارئ الكريم ,
ثانيا : آسف على التأخير وبكل صراحة لم أجد الوقت الكافي لكي أســــرد بقية هذه القصة وإنشاء الله اكون قد عملت العمل الذي يرضي الضمير (والفائدة عامة),

ونكمل القصة الغريبة وقد وصلنا عند (باقي على الرحلة 15 دقيقة)

كان الموظف وهو يستمع للهندي الكشخة ويترجم لي (طبعاً الهندي الحين ماهو معطيني وجه! يعني شاف إنه مهم !!) وانا بعد ماشفت المنظر الغريب وهو إنه مايكلمني جالس يكلم الموظف
قلت: حبيبي انا الرحلة هذي طالع عليها وانا المسؤول الأول والأخير!!! انا اتحمل كل شي! انت سوي اللي عليك وإلا شوف لي سوبر فايزر أعرف اعطي وآخذ معاه , الموظف قام بالدور الذي لابد ان يقوم به وهو وصول رأيي إلى الهندي الكشخة! بعدين قال لأ ! انا قلت مايطلع !!!!
قلت: طيب حبيبي انا قاطع هذه التذكرة بدون إسترجاع ولو ماسافرت تلتغي!! يعني ادفع رسوم إضافية علشان أغيّرها وإلا ما استرجع المبلغ (تتحملها انت؟)
قال : لا انا مالي دخل!!
بصــــراحة رأيت أمامي (أبليس) اعوذ بالله منه وكنت في شعور بصراحة لا يحتمل! فقمت بالرد عليه بأنك لست المسؤول عني بل انت ممن تفوم بواجبي فلا يهنأ لي اليوم إلا بالطلوع على هذه الرحلة وتعالت الأصوات في المطار !! كان حينها يوجد في صالة المطار مسافرون أوروبيّــــون وكان المنظر (لا أحسد عليه) رأيت هذا يشتم الهندي والآخر يوّبِخ والآخر يحاول ان يهدّي مما انا فيه من إنفعال! وانا اصرّيت ان اركب الطائرة وإلا ان يأتي مسؤول آخر لكي اتحدث معه على بيّنة!********قريبه في سفارة البحرين ههههه
المهم.....
كانت الاصوات مرتفعة ولحسن الحظ اجتمع من كان يعمل في المطار! وتضاربت أراؤهم واحد يقول إحنا شاكين في هذا المسافر! والثاني يقول الرجل يبي يسافر وانتم مسوين زحمة على روتين فاضي! والثالث يقول المشكلة من اخونا الهندي
المهم اجتمعو من كان في المطار وجاني رجل وقال ممكن تتفضل معانا؟ قلت: من انت؟وبصراحة قلت في بالي رحت في خبر كان !!! أنا كذا مزعج للسلطات وأمن والمطار و..و..و..و عزالله رحت وطي ههههههه
قال: انا المسؤول عن الصالة, قلت: هلا حبيبي انا ابي اطلع على الرحلة هذي وهذا رافض من لا شيء قال: الرحلة تأجلت شوي ممكن تتفضل معاي؟ قلت: اوكي بس اطلع ؟ قال: أوكي تطلع وعلى مسئوليتي وش تبي عاد؟ بس تفضل معاي شوي قلت: اوكي وبكل صراحة الرجل كبير في السن ومحترم وقال: وش المشكلة؟ وشرحت له القصة من ألالف إلى الياء! وقال: انا ممكن اطلعك على هذي الرحلة وتتوكل على الله بس لو تسمع نصيحتي وانا ابوك إسمعها وقول إللي تبي ومايسير ,خاطرك إلآ طيب قلت: اوكي تفضل قال: انا عارف كل واحد يحجز يتعب لين يحصل الحجز ويرتب أمورة كلها وفي الاخر يطلع له مشكلة تخرب عليه كل مارتبت له! لعلها خير إرجع ورتب أمورك وتعال وأنا اخدمك باللي تبيه؟
قلت: وجهك ابيض وماقصرت ياعم بس انا لي أسبوعين وانا ادور الحجز هذا! وإجازتي بدأت! والتذكرة لا تسترجع! وأمور كثيرة غيرها!
قال : حصل خير وبسيطه وكل شي ملحوق والتذكرة ترجع وتستبدل وعلى مسؤوليتي ولوتبيني اطلعك تفضل بس لابد تعرف إنك لازم توقع على وثيقة تتحمل كل ما يحصل لك لو رجعوك!!! تتحمل مسؤوليت نفسك ولو تبي نصيحتي راح يرجعوك في دبي
قلت: علشان الفيزا هذي تكنسل رحلة كاملة؟ قال : هذي ماهي من عندنا هذي نظام من السلطات ومعروف فيها
قلت:طيب مافي من هنا من المطار نقطع فيزا؟ جلس الشايب يضحك ويقول كان فيه من أول بس الحين لا!!!! بصراحة إنكســـــر خاطري
وقلت: طيب ليش الواحد مايتكلم بأسلوب حلو مثلك ويفهم كل مسافر ماعنده علم ويرجع وهو مقتنع أحسن من يرجع وهو متوتر بسبب المعاملة من الموظف(السوبرفايزر)الكريم
قال:هذا راح ياخذ له لفت نظر لأنه لم يتعامل حسب المتبع(طبعاً معاه جهاز مززززعج يكلمني دقيقة ويرد على الجهاز دقايق)
وفي آخر لحظة قال: هاه تبي تطلع وإلا إرجع وأستخير لعلها خير وخلص الفيزا ولا راح تآخذ منك فترة إنشاء الله بما انك لاتريدها سوى للعبور
قلت: لا أرجع وأستخير أحســــن


قال :هي توكل على الله وإعرف إنك مزعج ولو جيتني مره ثانية لأحش رجولك حش !!!!!!

وعذراً على التقصير ولكن والله تعبت (أكمل القصة قريباً).........

مواضيع عشوائيه ممكن تكون تعجبك اخترناها لك: