السلام عليكم ...
بصراحة احب أشكر كل القائمين على هالمنتدى الأكثررر من ررااااااائع لاني فلا استفدت من رحلتي :24:
وحسيت اني عارفة وين اروح في كل مدينة ... باختصار ( ايطاليا بلد أكثر من رائعة) ... :101: ...
وأحب أوجه شكري بعد لكل الأعضاء اللي ساهموا بمواضيع أفادت الجميع .... ومنهم أنا .....
وأحب أقولكم كل مدينة وكم تستحق الواحد يجلس فيها بناء على تجربتي ...
روما ... 5 أيام لا أقل .. لانها مدينة رائعة وتبهر بمبانيها وعمرانها اللي يعتمد هلى التراثي يعني
كل الشوارع والمحلات من جوا حديثة بس من برا معتقة ومحفرة بتصميم هندسي تراثي مبدع ...
بالاضافة لاماكنها السياحية ... واللي مايحب السياحة مو شرط بتكفية جمال المدينة وروعتها
وخصوصا بالليل ...
فلونسا ... مدينة غريبة لها طابع غريب وفيها اسواق ومحلات وقهاوي تراثية يعني بتجلس في قهوة
محل هالقهوة هذا يعني موقعها والمقهى نفسه له مئات السنين ... يعني صدق تخلي الواحد يرجع للقدم
شوي... هذا غير العروض اللي فيها والساحة اللي بوسط فلورنس قدام الكنيسة وتتفرع معها الشوراع
وكل شارع فيه رسامين وعازفين قيتار ... الخ ... وهي تستاهل 2 او 3 يعني مو اكثر لانها صغيرة
وعشان الواحد مايحس انه مل منها ...
وبالنسبة لقاردا ومنطقة باسكيرا انا ماعجبتني ... ماحسيت انها تناسب عوائل ابد لانها كلها يخوت
وقوارب ولاحظت ان كلها سياح المان وسويديين اغنياء يعني حتى الايطاليين ماشفناهم من كثرهم
والفيراري معبية شوارع هالقرية مع انها ماتستاهل وصغيرة بس لأن كل عوائلهم يجون مع بعض
ويصيفون بقواربهم ويخوتهم وبيوتهم:surf على البحيرة ( والبحيرة كأنها بحر من كبرها ). ومارتحنا فيها
ولا انصح بزيارتها لانهم كانوا يطالعونا كأننا جايين من كوكب فضائي ... بالذات الألمان نفسهم كريهه:105:
نجي لفينيسيا ... هذي البلدة عشقتها ... مافي ولا كلمة تقدر توصفها بحقها ... لانها فعلا ساااااحرة
يعني روعة روعة روعة ... وخصوصا للعرسان .. وتنفع عوائل وتنفع كل شي ... يعني مدينة غريبة
بالذات حركة انه مافي سيارات ابد هذا بحد ذاته احسه تغيير يعني شي غير عن العاده اللي متعودين
نشوفه ... واللي يروحلها لازم 3 ايام بلياليها أو 4 بعد لانها خيالية ... وطبعا هناك لازم ماتفوتون
الفندولا ... اللي هي القوارب اللي ياخذون فيها السياح ... وفيه هناك تكاسي بالقوارب ممكن جماعي
وممكن برايفت يعني( خاص) وطبعا الخاص غالي لانك لحالك مع اهلك اما الجماعي ما انصحكم فيه زحمممه
وحر وبتتوهقووون .. واللي يبي يمشي حلو بعد كلها جسور ولفات روعة ... وجوها بالليل حلووو ...
اما ميلانو ... فهذي مختلفة مررررة عن باقي مدن ايطاليا يعني روما شرق وهي غرب هي حلوة بس مبانيها
مودرن يعني فيها اثار وفيها الكنيسة بس مو مثل روما بالقدم والطراز ... بس اللي يبي تسوووق حللللوه
للتسوق .... لكن فيه ملاحظة ... الحين معروفة ايطاليا بالتسوق وخصوصا ميلانو ... وخصوصا بعد
في الصيف يعني كل انحاء العالم السياح جايين واغلب المحلات مقشوشة (يعني ممكن ماتلقى مقاسك
او يكون المحل فاضي بعد التصفية ) ... فاللي يبي تسوووق بالذات يجيها قبل الصيف او في الشتا
ويكونون السياح خفوا ... وطبعا لا تكثرون عن اربع ليالي ( خمس ايام) ..كسياحة وليست كتسوق ..
هذا باختصار رحلتي لايطاليا الاكثر من رائعة ....... واتمنى اني اكون افدتكم ولو بقدر بسيط ...
واشكركم مرة ثانية ...
مع تحياتي ,,,,مواضيع عشوائيه ممكن تكون تعجبك اخترناها لك:
- اريد مكتب سياحي بالدمام او الخبر مضمون للسفر الي ايطاليا
- محتاجين نصيحتكم ياخبرا ايطاليا
- فـــورزا ايطـــاليا
- تذاكر الطيران ﻻيطاليا ارخص خطوك؟
- بلييييييز ابي مخطط مرتب ادخلوو
- فنادق
- اتمنى تفيدوني في التنسيق
- استفسار عاجل
- ساعدوني في افضل تقسيم للرحلة
- الى اهل الخبره سؤال ؟
- خبراء ايطاليا مساعدتكم
- الدليل السياحي الايطالي المتكامل ملف
- استفسار عن مواقف فينيسيا
- ارجو المساعده
- تكفي ايام لايطاليا؟
- الرومنسية و التسوق
- محتار اشد الحيرة
- استفسار عن روما
- أفضل فنادق أربعة نجوم في روما
- الشكر والعرفان
رد مع اقتباس
المفضلات