الموضوع: استفسار عن دسلدورف

ان شاءالله رايحه دسلدورف قريب

ابي اعرف شنو الاماكن القريبة من هذا الفندق Courtyard Duesseldorf Seestern Reservation

وهل هو قريب من شارع الملوك

وابي اعرف المطاعم العربية القريبة منه .. ومراكز التسوق والاسواق

وكم يبعد الفندق عن المطار وشنو رأيكم في الفندق

وياريت لو حد يرتب لي جدول حق 8 ايام في دسلدورف
للأماكن الي تستحق الزيارة في هذه المنطقة او المناطق القريبة منها
مع الاحداثيات إذا أمكن

واذا كان هالفندق بعيد
ابي ترشحون لي فنادق تكون قريبة من السوق والمحلات والمطاعم .. يعني اروح مشي من الفندق ولو فندق بعد قريب من شارع الماركات يكون تمام

ولكم جزيل الشكر

مواضيع عشوائيه ممكن تكون تعجبك اخترناها لك:

• ماهو الحل زحمه في كل الفنادق ؟ في ميونخ بعد العيد ارجو المساعده في الحجز
• مطلوب مساعدة للحجز سيارة من موقع سكست
• استشارة ياأهل الخبرة
• اسئله مهمه جدا ياخبراء المانيا
• الفزعة يا عرب الله
• من ميونخ الى زيلامسي
• استئجار سيارة في الجيك والمانيا وفرنسا
• الديسك كفاكم الله
• اول رحلة الى اوربا المخطط كامل محتاج المساعده من المختصين بانتظار ابداعكم
• سأزور معرض هانوفر نصيحتكم لجدول سياحي يوم
• السكتر الثانيمخطط رحلة
• برنامج يوم في ألمانيا من ثنايا الذاكرة
• استفسار وش تعني هذي الرسالة
• استئجار سياره من ميونخ
• استفسار عن رحلة ترانزيت الى المانيا
• رحلتنا العائلية للتلال الألمانية أراء وتعليقات وصور
• مطلوب برنامج سفر ل يوم يبدأ من فرانكفورت
• هل يطلب استيكر الطرق ليوم واحد؟؟
• استفسار ومعلومات عن العلاج فى المانيا
• موقف سيارات

الفندق أول مره يمر علي ، بس عندج هوليدي إن سيتي سنتر + الإنتر + إن إتش دوسلدورف
قريب من شارع الملوك وشوي بتاخذينها مشي زيادة عشان توصلين المدينة القديمة
بس المشي في هالمنطقة حلوو مراح تتمللين ولا تستبعدين الأماكن لان الشوارع حيويه ومليانه ناس

دوسلدورف فيها اماكن حلوووه واللي يحليها ان وايد أشياء قريبه عليها ، انتي حددي معاكم اطفال ولا ؟؟
وهل تحبون الاسواق أكثر ولا الملاهي أكثر عشان نقدر نساعدج فالبرنامج

روح المسك انا ابي فندق يكون اقرب الى المدينه والاسواق ومومشكلة اذا اكان ابعد شوي من شارك الملوك

الرحلة هي رحلة عمل لزوجي وانا بكون معاه وبدون اطفال

فابي اماكن تكون قريبة من الفندق اقدر اتمشى واغير جو واتسوق لين يرجع زوجي وعقب نطلع مع بعض
الجدول ابي يكون فيه اماكن سياحيه ومتاحف وملاهي واذا صارت فرصة بنروح يروبا بارك ان شاءالله
واكيد في تسوق بس مو وايد يعني ابي اركز عالسياحة اكثر من التسوق

ولك جزيل الشكر

السلام عليكم اختي

بالنسبة للفندق هو يقع في حي Oberkassel اللي هو بيعتبر من احياء الجيدة جدا في Dusseldorf وهو قريب جدا من نهر Rheine وهو يعتبر قريب من المطار على بعد ربع الى ثلث ساعة ومن معرفتي المتواضعة الاماكن اللي ممكن تزوريها هي كالتالي:

1- Aquazoo-Löbbecke-Museum اللي هو الحديقة المائية وهو تقريبا 10 دقايق بالسيارة من الفندق في الجهة المقابلة من النهر في شارع Kaiserswerther
2- Filmmuseum متحف الفيلم على بعد 8 -10 دقايق بالسيارة ( اذا مشي ممكن نص ساعة)
3- Botanischer Garten Düsseldorf حديقة رائعة على بعد ربع ساعة تقريبا وهو موجود في شارع Universitätsstraße
4-The Nordpark بردوا حديقة جدا جميلة وفيها بحيرة وتقع في شارع Kaiserswerther على بعد ربع ساعة مو اكثر
5-Königsallee طبعا شارع الملوك اللي فيه المحلات التجارية وهو على بعد 6 دقايق من فندقكم
6- Schadow Arkaden وهو مجمع تجاري ضخم وجميل جدا ويقع في شارع Martin-Luther-Platz وقريب جدا من الفندق حوالي ال7 دقايق بالسيارة وممكن تروحو مشي اذا تبغوا..

بالنسبة للمطاعم العربية انا اعرف مطعم عربي لبناني اسمه ( المطعم اللبناني) في حي Altstadt بيكون فاتح من الساعة 12 الظهر الى الساعة 12 نص الليل وموقعه مو بعيد بردوا من الفندق حوالي 10-15 دقايق بالسيارة
عنوانه بالكامل هو :
Berger Straße 19
D-40213 Düsseldorf, Altstadt



ان شاء تكون المعلومات مفيدة وتوصلوا بالسلامة

اخوي jibril مشكور على هذه المعلومات المفيدة
معليه استحملني بسألك
اذا حبيت اخذ فندق غير الماريوت يكون قريب من منطقة الاسواق لان بحكم عمل زوجي في الفترة الصباحية ابي اطلع اتمشى وابي فندق يكون قريب من المطاعم والاسواق بشنو تنصحنا (فندق يكون خمس نجوم )

اوكي في فندقين 5 نجوم في نفس المنطقة حق الاسواق والمطاعم والمتاحف:

1- Steigenberger Parkhotel Düsseldorf وعنوانه Königsallee 1a, Altstadt, 40212 Düsseldorf
2- InterContinental Düsseldorf وعنوانه Königsallee 59, 40215 Düsseldorf

وكلهم الاثنين قريبين جدا من بعض وميزتهم وبالذات الثاني انهم على نفس الشارع اللي في اغلب المطاعم ومحلات التسوق في دوسلدورف. انا عن نفسي انصح بالInterContinental مع انه اغلى من الاول ( انا عن نفسي ماجربته لاني كنت ساكن في مدينة اسن واجي على دوسلدورف يوميا بس اصدقائي كانو ينزلوا فيه وزرتهم فيه مرات)

وبالتوفيق

انا انصحج بهالفندق

Steigenberger Parkhotel Düsseldorf

لأنه بشارع الملوك وأغلب المحلات والمطاعم حوله

والمكان وااايد أمان وحلو حتى لو تكونين بروحج

اخواني جبريل وحنين

تسلمووووووووووووووون
تشاورت مع زوجي واخترنا فندق انتركونتننتال

اذا ممكن تساعدوني بإحداثيات الفندق

وهل الباركينج مجاني ؟ أو كم سعره؟

حياك الله اختي لمعة الماسه

بالنسبه لفندق الانتر
سعر الغرفــه 1405 ريال بدون الفطور
بالنسبه لمواقف السيارهـ
مكتوب في موقع الفندق
Private parking is possible on site and costs EUR 28.00 per day.
يعني 28 يورو باليوم للسيارة

بالنسبه للاحدثيات تفضلي

Coordinates: 51°13'14"N 6°46'39"E

ان شاء الله راح اكون موجود بالفندق يوم 14 سبتمبر اذا الله كتب

خالص التقدير
ابوعبدالله

الرحال السعودي الله يحيك اخوي

الله يعطيك العافيه مشكور وماقصرن