الموضوع: الفزززعه لاعدمناكك

السلام عليكم
الوالد عندة موعد طبي في بون المانيا 20/6 ولضروف التاشيرة والطيران حجزنا علي ميلانو17 / 6 والرجعة من فرانكفورت 9/7 فكرة اسكن ليله في ميلانو والي بعدها في انترلاكن ومن ثم ع بون ابي افضل خط سير توجهوني عليه ومن خلال اي المدن وهل الافضل القطار .... لاعدمناكم

مواضيع عشوائيه ممكن تكون تعجبك اخترناها لك:

• سؤال بخصوص فلورانس
• لانستغني عن مساعدة الجميع
• اجار السيارات عائلية
• قهوه
• ميلانو من الي ارجو المساعده
• موقع مفيد جداً
• وين ممكن اسكن بفلورانس وايش الاماكن الحلوه فيها
• رسوم الطريق السريع بين المدن في ايطاليا
• استفسار و ارجو الرد عن رحلتي من روما الى ميلان
• إعلان تحذيري من الھیئة العامة للطیران المدني يحتاج للتوضيح
• فيزا للكويتيين
• كومو وليقانو
• استفسار عاااااجل برنامج يوم بين فرنسا وايطالليا
• هل من معلومات عن منطقة في ميلان
• نويت السفر الى ميلانو وزيلاماسي ولوقون السؤال بالداخل
• اخواني استفسار بخصوص ايزي جت
• مساعده بسيطه قبل الرحله
• جدول لرحلة ايطاليا سويسرا النمسا
• مساعدة ارجوكم جنيف باريس
• ممكن المساعدة

توني اقراء موضوعك واللي مثلك في خدمة والده يستاهل من يخدمه ولكن ودي اسأل كم العدد ؟؟ وهل الوالد الله يعطيه الصحه والعافيه يتحمل المشاوير ؟؟ واذا كان يتحمل كم عندكم من يوم قبل الموعد وهل ترغب بالسياحه قبل الموعد ؟؟؟ولعلمك اذا الفيزا شنقن ممكن تدخل المانيا على طول ما عندك مشكله

وياليت تحدد لي الساعه كم توصل رحلتكم

اخوي رجعت دققت في سؤالك وعرفت انك توصل قبل الموعد ب 3 ايام ياليت توواصل معي بأسرع وقت للاهميه

هلا بالحبييب .. وتسلم ع التفاعل انا بحثت وشفت السفر بالقطار من ميلانو الي انترلاكن حوالي 3 ساعات ومنها الي بون حدود 7 ساعات وهالشي صعب ع الوالد أستخرت خير وحجزت طيران من ميلانو الي بون مباشره وبعد مقابلة الطبيبة نبدا تنسيق الرحله من جديد. نوصل ميلانو الاثنين 17 / 6 الي 19/6 حجزت فندق Manin احنا 3 اشخاص والي ابيه لوتفضلت تعريفي بالاماكن الي تستحق الزياره خلال اقامتي في ميلان كمان رائيك بالفندق .. ولكم الشكر أخوي daayem1

فعلا وهذا الشيء الصحيح لان القطار الى بون المسافه طويله جدا وغير كذا التبديلات وتغيير القطار كثيييره امس بحثت لك عن افضل وسيله وحصلتها الطيران طبعا الطيران كثير ومتعدد وبعضها مرتفع الثمن وكنت ابي اتواصل معك علشان تحجز طيران اقتصادي ما يكلفك للشخص 500 ريال لكن دامك حجزت وضبطت امورك ربي يسهل عليك ويفترض انك من الاساس ما حجزت على ميلان كان حجزت على دوسلدورف Dusseldorf من الرياض ترانزيت فرانكفورت او تحجز على Cologne

الله يجازيك بالاحسان .. فعلا" حجزت علي Germanwings لثلاثة ب 516 يورو بحثت شفت هي الوحيدة الي تروح بون دايركت بس مشكلتها بدري اقلاع 8 ص والمطار بعيد
الحين يالغالي افكر استئاجر سياره من مطار ميلان ونسلمها وانا راجعين(اذا تنصح فيها) ومنها ودنا نزرق الي كومو ولوقاتو ونرجع بنفس اليوم (اذا تنصح ) او نجلس نستكشف ميلانو تعرف وصول الاثنين بعد الظهر والرجعة الاربعاء الصباح مافي وقت .. اكرر شكري المقرون بدعوة ان الله يوفقك

سعر الطيران مقبول ولكن اذا بغيت تروح مره ثانيه من غير شر ان شاء الله احجز على مدينة دوسلدورف Dusseldorf تبعد فقط 80 كم من بون والطيران الاماراتي او القطري او المصري يوصل لها ومنها استئجر السياره وفيه طيران اقتصادي عالمي اسمه ryanair يوصلك من ميلان الى دوسلدورف لكنه من مطار ميلان الاخر ورحلاته مناسبه ليست من الصباح الباكر بالنسبه لميلان ما تصلح فيها السياره اذا انت بتسكن بالسنتر زحمة وما راح تستفيد خليك بالمنطقة القريبه من الدومو والسياره والمواقف مكلفه


الا اذا كنت ترغب بتحليل هلايومين وناوي تسكن بكومو وتزرق على لوقانوا بالاضافه الى السنتر فيمكن ان تستأجر السياره من المطار تكلفة السياره لمدة يومين مع التامين الشامل تكلف من اليورب كار مالا يقل عن 1500 ريال وبصراحه معك حق الواحد يقول حرام اوصل هناك ولا اشوف هالمناطق الي يتكلمون عنها وبما ان مشاويرك محدوده ومعروفه حسبتها لك بالقطار


من سنتر ميلان الى كومو تقريبا نصف ساعه التذكره ل 3 اشخاص 38 يورو ورحلاتهم كل ساعتين انسب وقت لكم رحلة الساعه 9:10 صباحا


من كومو الى لوقانوا ايضا نصف ساعه وتكلف عليكم 75 دولار


ومن لوقانوا الىالسنترال مباشره ساعه وتكلف عليكم 137 دولار
اضف عليها من المطار الى سنترال ميلان 42 دولار المجموع مع ضريبة الموقع اضن 35 دولار المجموع 327 دولار بالسعودي 1226 ريال هذا غير اجار التكسي من المطار يمكن اقل شيء 150 ريال يعني كنك يا بوزيد ما غزيت انت طقطقها براسك وعلمني ميزه السياره تحت تصرفك وتتمشون على راحتكم عيوبها المواقف والتسليم بدري

شكلك احترت يا سعود شف وانا اخوك انت وقتك ضيق وحدود برحلة بلاش تدخل نفسك في قلق ووربكه اشور عليك اول ما توصل تنتقل بالتكسي من المطار الى ساحة الدومو وتسكن قريب منها التكسي يمكن يكلفك حدود 50 الى 60 يورو وهو افضل من القطار اللي بيحطك عند المحطه عند وصولك للفندق وبعد ما ترتاحون شوي بس لا تنامون بعدين ينفعس و يتلخبط وقتكم علشان كذا تنزلون لساحة الدومو وتتمشون وتتفرجون وتتعشون وتقطعون الوقت علشان تنامون بدري

اليوم الثاني بعد الافطار تاخذ الباص السياحي المفتوح التذكره 20 يورو يلف فيكم اهم المواقع بميلان وتقراء عن التور واهم المحطات تنزلون فيها وممكن عقب الظهر تريحون في الفندق وبعدها تكملون المهم تحللون هالباص وتصور ميلان تصوير خل الباص يدوخكم علشان تنامون بدري للرحله وبكذا تكون فعلا تمشيت بميلان واي شخص بسألك عنها تقول فعلا انا رحت لميلان اما كومو ولوقانوا راح تشوف احلى منهم في المانيا موقع الباص السياحي ومساره http://www.milano.city-sightseeing.it/eng/percorsi.htm
الان ركز على البحث لفندق قريب من الدومو ولو تبحث عن شقه في بون وتستاجر السياره فيها او ما توصل يكون افضل لان الوقت عندك مفتوح والسياره فعلا بتفيدك تحيااااااااااااااتي

هلاااا يالغالي اظن رايك الاخير هو الانسب فعلا الوقت ضيق وماتسوي .. بالنسبة للفندق استعنت بعد الله بالسيد بوكنج ومن تعليقات النزلا والتقييم اخترت فندق Uptown Palace - MGallery Collection غرفتين ليلتين ب SAR 5,072.84 مع اني حجزي بشرط الدفع بعد او اثناء السكن بس الخباث سووها وسحبو من الفيزاء اما بالنسبة ل بون من خلال موقعنا المبارك شفت ان السكن انسب في منطقة باد جوديسبرغ فندقRinghotel Rheinhotel Dreesen علي نهر الراين اخذتة لمدة يومين تجربة وسعره حليو 3,151.76 والالمان طلعو ارجل من الطليان وما سحبو من الفيزاء وباقي البرنامج الرحله يتوقف علي انتهاء موعدنا مع الطبيب بعدها نخطط له بمساعدتك عساك دايم بالوجوود

الفندق تقييمه عااالي وكويس ويبعد عن الدومو كيلو ونص احس انها مشيور شوي الغريب اني شيكت السعر وطلع لي 3900 ريال غرفتين وحده مزدودجه والثانيه سنقل شكلك انت مختارهم كلهم مزدوجه الفندق هذا موقعه كويس هذي بساحة الدومو تقريبا [url]http://www.booking.com/hotel/it/straf.en-gb.html?aid=358324


اخيرا اقول الله يسهل سفركم وتردون سالمين غانمين السلامه والعافيه لكم وللوالد الله يحفظه لكم ويعينكم على بره دعواتكم في السفر تحيااااتي