الموضوع: استفساراتي حول جدول رحلتي لإيطاليا

" بسم الله الرحمن الرحيم "

عندي بعض الاستفسارات واتمنى القى جواب عندكم ..

سؤالي الأول : انا طلبت فيزا الشينجن من السفارة الايطالية

واليوم رحت استلم الجواز واتفاجأ بوجود ختم السفارة فقط !!!

هل الختم هذا عبارة عن الفيزا

لان قبل 6 شهور طلعت الشينجن من السويسرية ومكتوب عليها فيزا

ومدتها وفيها الصورة الشخصية

يعني مو زي الايطالية فقط ختم !!!

هل هم عطوني بس فيزا ايطالية مو شينجن ؟!

مع ان اوراقي كلها وطلبي عالشينجن ؟؟

حبيت اتأكد منكم ...

طبعاً عددنا 5 أشخاص بالغين ,, أنا وعائلتي ...

جدول رحلتي بيكون من 9/6/2013

الى 22/6/2013

4 ايام فلورنس
2 يومين فينيسيا
3 ايام ميلان
1 يوم فاضي مدري وين اروح فيه
4 ايام روما

وش اهم الأماكن السياحية في المدن اللي ذكرتها ..؟

على كثر مايقرأ الواحد مو زي احد زار المكان بنفسه وينصح فيه ..

طريقة التنقل من المدن افضّل انها تكون بالقطار ..

وصولي بيكون الرياض - روما وبتوجه مباشرة الى فلورنس

هل فيه قطار في المطار ؟؟

او لازم اخذ تاكسي واطلع عالمحطة ؟؟

وكم سعر التذكرة تقريباً ؟

وابيكم تدلوني على الأسواق اللي سعرها مناسب وبضاعتها ممتازة !!

مابي زي المحلات اللي عندنا ودي باشياء مالها فروع هنا ..

وأمي تحب الأسواق الشعبية اذا عندهم علموني عنه ..

وفيه يوم ضايع مدري وين نروح فيه ..؟

ابي مكان يكون قريب لروما ؟؟

هل لوغانو السويسرية بتكون قريبة ويصير هاليوم اسكن فيها ؟؟

وأي ملاحظات عندكم لا تبخلون علي فيها ...

وفي انتظاركمـ ..

مواضيع عشوائيه ممكن تكون تعجبك اخترناها لك:

• انا في ايطاليا احتاج مساعده عاجله
• طلبات الشنق بختصااار من تجربتي
• مهم للمسافرين في شهر اكتوبر لايطاليا
• احداثيات
• بغيت استشارة منكم في مخطط استئجار سيارتي او القطار في ميلان
• تنبيه بخصوص النقاب في إيطاليا
• استفسار عن مطار روما
• أيام بلياليهن في إيطاليا كيف واين وبكم اقضيها؟ أرجو المساعدة
• سؤال لخبراء الفنادق في روما
• رحله سياحيه نرجو المساعده
• إيطاليــــــــــــــــــــــااااا
• طلب الاماكن السياحيه
• السلام عليكم دي اول مشاركة ليا ويارايت تساعدوني
• ريتشوني بعد يوم ضروري
• استفسار لخبراء ايطاليا
• الفزعه في رابط حجز فندقي بلعربي ان امكن
• مساعدتكم في رحلتي
• استفسار بخصوص استخراج الفيزا الإيطالية
• أرغب ببرنامج شهر عسل لإيطاليا يوم
• استفسار طريقه الذهاب الي جنيف من مطار ميلان

نترك الجدول الحين بعدين نتفاهم فيه ؟؟

شلون الجواز فيه ختم ؟؟؟؟؟

مافيه فيزا ؟؟؟

تأكدي ياختي من وجود الفيزا

فيزا الشينغن شكلها موحد في جميع الدول فيها الصوره زي ماتفضلتي والمدة وجميع التفاصيل ومكتوب عليها فيزا ، واللى يفرق ان كل دولة تكتب اسمها عشن يبان من اي دوله مطلعينها.
لايكون رفضولكم الفيزا وخاتمين بالرفض.
ارجعي لهم وتأكدي

المشكلة حتى الموظفة اللي سلمتنا الجوازات قالت خلاص اوكي .....!!

شالسالفة ؟؟

طيب حتى لو كانت الفيزا لدولة ايطاليا فقط ..

لازم تكون نفس الصورة اللي نعرفها

الختم يختم عباره مرفوض شنو مكتوب الختم ؟؟؟؟

لازم يكون فيزا المعروفه ومكتوبه بالايطالي فيزتوو

الختم مكتوب عليه التاريخ واختصار ايطاليا ITL

ولا من زين الطبائع تقول الفيزا مدتها سنة ..!!


بكره بإذن الله بنروح نشوف وش السالفة ..!!

الله يعطيكم العافية على تفاعلكم معي ..

أبشركم طلعت فيزتي أنا وأختي اليوم ..

والآن باقي الجدول بليز ساعدوني فيه ..


هذا ترتيب رحلتنا بتكون عالشكل التالي /


4 ايام فلورنس
2 يومين فينيسيا
3 ايام ميلان
1 يوم فاضي مدري وين اروح فيه
4 ايام روما



نبي فزعتكم

ههههههههههههههههه اول شي يالله مبروك طلعه الفيزا

اجل ختم بالجواز وقالت لكم خلاص اوك ههههههه

انا قلت في خلل بالشغله

عموما يالله الحمدالله تسهلت اموركم

اختي اول شي محطه وصولكم وين؟؟؟؟؟؟ شلون على طول فلورانس

يفضل تكون روما

روما
4 ايام

اليوم الأول:زياره الدرجات الأسبانيه وفيا فينتو وبربريني وفيا كروسو
اليوم الثاني:الكولسيوم والحدائق القديمه الفيتوريو والمغرب ساحه الرسامين
اليوم الثالث: قلعه سانت انجلو او الفاتيكان ونافوره الحظ
اليوم الرابع: زياره مدينه تيفولي تحديداً فيلا دستي شوفي موضوعي علشان تعرفين طريقه الذهاب لها والباقي من اليوم زياره بحيره البانو دي غوندالف

فلورانس
3 ايام
اليوم الأول:الراحه واكتشاف المدينه زياره ساحه ربيبلكا
اليوم الثاني:زياره حدائق بوبولي وزياره اهم شي ذا مول اوت لت
اليوم الثالث:زياره مدينه بيزا

فينيسيا يومين

اليوم الأول: التجول في المدينه كامله زياره السان ماركو وجسر ريالتو البلده ممتعه بالليل
اليوم الثاني زياره الجزر مورانو وبورانو

يومين جاردا
اليوم الأول زياره جاردا لاند والبحيره
اليوم الثاني زياره فيرونا تحديداً بيت جوليت

ثلاث ايام ميلان

الأول: التجول في ميلان زياره الدومو والجلاريا
اليوم الثاني:زياره كومو ولوغانو
اليوم الثالث: زياره سيرفالي و ستريزا اذا اسعفكم الوقت

وبهكذا ترجعون الي ارض وطنكم بالسلامه

ههههههههههههههه الله يبارك فيك .. وأخيراً مابغت تطلع هالفيزا ...

أما هالموظفة ودي من يروح ويذبحها ..!!


وبخصوص ان فلورنس اول شي ..


ابوي واخوي اقترحوا هالاقتراح ان فلورنس تكون اول مدينة ..


طبعاً رحلتنا الرياض - روما


واذا وصلنا روما على طول ناخذ القطار وعلى فلورنس


اقولهم كذا بيصير تعب علينا وارهاق ..!!


قالوا لي وشلون روما اول شي واحنا اساساً بنرجع لها اخر شي ..


لان المغادرة بعد من روما ...


عشان كذا خلوها اخر اربعة ايام لروما ومن بعدها الرجوع لأرض الوطن بالسلامة ..




اشكرك يامشرفنا على سعة صدرك ,, وانك عطيتنا من وقتك ...
انا الحين بمخمخ عالجدول واكيد لي رجعة ..

الله يعطيك العافية .. والف شكـــر ...