الموضوع: فرانكفورت وميونخ استفسارات ضروريه جداا

السلام عليكم ,

مره عجبني تعاونكم بالمنتدى , وياليت تتعاونون معي وتفيدوني :$

انا بروح المانيا ( فرانكفورت - ميونخ ) وهذي اول زياره لي وبتكون باخر رمضان

عددنا 8 ومره محتاره بالسكن ,

اول شي ميونخ وش رايكم بشقق ارابيست ؟

هل هي قريبه لكل شي , ولا احتاج موصلات وكذا ؟ والا لا !

ووشلون كيفية الحجز فيها ! ادق على الرقم اللي موجود بهذا الموقع

http://www.arabtravelersforum.com/re...-munich.com%2F

والا له موقع بالنت احجز منه ؟ واذا فيه شقق افضل منها ترشحونها لي اكون شاكره لكم ..

ثانيا : فرانكفورت

وش رايكم في شقق كويسه ؟ والا اوتيلات اسعارها معقوله لأنو عددنا كبير ماشاءالله

ابي اوتيل ما يهمني كم نجمه او شقه تكون قريبه لكل شيء بحيث اني ما احتاج موصلات كثير !


ياليت ما تبخلون علي بارائكم القيمه , لأني راح اعتمد عليها اعتماد كلي .. اثق فيكم والله

وشكرا لكم .. ياليت تردون لي هالأيام عشان احجز واتفضى لشهر الخير

الله يبلغنا واياكم هذا الشهر ..

مواضيع عشوائيه ممكن تكون تعجبك اخترناها لك:

• رحلتي القصيرة إلى ميونخ في نوفمبر
• أسبوع في ميونخ
• استفسار حق اهل الاختصاص ميونخ
• الرجاء المساعدة في جدول الرحلة الوصول و المغادرة ميونخ ليالي
• استفسار بسيط
• المساعدة في اختيار الفنادق في ميونخ
• السفر من ألمانيا إلى أسكتلندا
• الرجاء الاجابه والمساعده من لديه الخبره
• المانيا في نهاية اغسطس
• عريس جديد واول مره اسافر الى اروبا وارجو المساعده
• هل هنا في ميونخ محلات او ماركات مشهورة للأحذية الطبيه ؟
• مساعدة يا خبراء
• أيهما افضل اوت لت ميونخ والا القريب من مطار سالسبورغ
• افضل شركة لتأجير السيارات
• كونستانس ام سالزبورغ ام قارمش
• اللي يعرف مدينة شتوتغرت في المانيا يساعدني
• محتاج مساعدتكم بأسم هالأكله في ألمانيا
• ارجو ألمساعده في تخطيط رحلتي للنمسا وسويسرا و ألمانيا
• استشاره عن فنادق ميونخ
• دخلت موقع الخطوط السعوديه وحصلت هذا الشي

السؤال مكرر ببوابتي النمسا والمانيا ..

لهذا اي المخططين من المذكورين تحبون تسئلون عنه


تحياتي

كلهم , بس كتبت مدن النمسا بـ قسم النمسا

ومدن المانيا بـ قسم المانيا !

قلت ارتب كذا !!

انا اسفه احسب كل قسم له خاص بالمدن اللي فيه فقط !

مخطط رحلتنا :

الرياض - فرانكفورت - فيينا - سالزبورغ - زيلامسي - ميونخ - فرانكفورت - الرياض


شاكره لكم ..

اولا حياج الله
.
ثانيا .. كيف من فرانكفورت الى فينا بعيده .. هل تقصدين طيران داخلي ... لانه ما ذكرتي ما ينفع

انصحكم بجعل الذهاب الى ميونخ والعوده من فينا او العكس ...

ما اعرف كم مدة السفر .؟؟؟ وما هي وسيلة التنقل بين المدن المذكوره ...؟؟؟ واي شهر السفر



ننتظر وابشري

المشاركة الأصلية كتبت بواسطة ali_q8_77
http://www.arabtravelersforum.com/tr...7/#post4123017

اولا حياج الله
.
ثانيا .. كيف من فرانكفورت الى فينا بعيده .. هل تقصدين طيران داخلي ... لانه ما ذكرتي ما ينفع

انصحكم بجعل الذهاب الى ميونخ والعوده من فينا او العكس ...

ما اعرف كم مدة السفر .؟؟؟ وما هي وسيلة التنقل بين المدن المذكوره ...؟؟؟ واي شهر السفر



ننتظر وابشري



هلا والله

السفرة بتاريخ 7 سبتمبر من الرياض الى فرانكفورت

بنجلس بـ فرانكفورت 3 ايام ( من 7 سبتمبر الى 10 سبتمبر ) بعدها بنروح لفيينا بالطايره ..

فيينا بنجلس فيها 4 ايام ( من 10 سبتمبر الى 14 سبتمبر ) بعدها بنروح لزيلامسي للحين ما حددنا نروح بالقطار او نستأجر سيارة ..

زيلامسي بنجلس فيها 9 ايام ( من 14 سبتمبر الى 22 سبتمبر ) بعدها بنروح لميونخ ونفس الشيء ما حددنا اذا بقطار او نستأجر سيارة ..

ميونخ بنجلس فيها 6 ايام ( من 22 سبتمبر الى 27 سبتمبر ) بعدها بنروح لـ فرانكفورت ونفس الشيء ما حددنا اذا بقطار او نستأجر سياره ..

فرانكفورت بنجلس فيها يوم فقط ( من 27 سبتمبر الى 28 سبتمبر ) عشان العوده من فرانكفورت الى الرياض ..


------

* بالبدايه انا كنت حاطه يوم لـ سالزبوغ بعدين الغيتها رغبة في تقليل التنقلات , وقلت اطلع يوم لها من زيلامسي ..

* مدة السفرة 21 يوم

* حجز الطيران حاجزته وقاصه التذاكر من زمان فـ ما عندي مشكله فيه

* انا عندي مشكله بتدوير السكن ولا اعرف ايش السكن المناسب بما اني اول مره ازور هالمدينتين

* ايام الاقامه قابله للتغير بحيث ازيد يوم لمدينه واقلل يوم ما عدا فرانكفورت بالبدايه لازم 3 ايام عشاني مرتبطه بالطياره

* ياليت تساعدني بالسكن للمدن , نفضل الشقق او الفلل الصغيرة لأنو عددنا كثير , الا فرانكفورت فكرت اخذ اوتيل عشان بنصير تونا جايين وحوسه دايم بالبدايه ..

* استنى ردك والله يعطيك الف عافيه يارب , شاكره لك : )

وضحت الصوره ..

اولا قبل الجواب ميونخ بهذ الفتره غاليه جدا من حيث السكن بسبب مهرجان البيره والصوصج لديهم ... لهذا هذي افضل شقق بميونخ شوفيها

http://www.booking.com/hotel/de/cita...20&aid=1329869

او نسكن شوي بعيد حتى يكون السكن ارخص مثلا منطق اربيلا بارك ونسكن بنفدق الشيراتون اربيلا بارك .. وبشكل عام انصحك بتقليل مدة الاقامه بميونخ .. الا اذا كان السعر مناسب لكم ..

اما بخصوص زيلامسي السكن كثير وهذا تقريري
http://www.arabtravelersforum.com/travel354556/

الشقق بفنيا هذا تقريري

http://www.arabtravelersforum.com/travel345912/

فرانكفورت افضل فندق 5 نجوم الهليتون .. واذا سعره ع=غالي انصحكم بهذاالفندق امان وقريب من شارع التسوق تسايل ..

http://www.booking.com/hotel/de/nhfr...20&aid=1329869

شوفي السكن بزلامسي شوفي شقق نيو بوست .. واذا ما حصلنا نحول على كابرون اذا معاكم سياره وشققها ممتازه ونحصل لكم على سكن مناسب لعددكم ..

انشوف السكن وبعدها المخطط والتنقلات


تحياتي

الله يعطيك العافيه : )

ودي اخلص حجوزات النمسا بعدين اشوف المانيا


قررنا نأخذ سياره فـ عشان كذا شفت السكن بـ كابرون , الشقه اللي قلتها لي لقيتها فل

شف هذي وش رايك فيها من حيث الموقع وكل شيء :

http://www.arabtravelersforum.com/re...3ee1300be75401


بس عندي كذا استفسار :

مكتوب انو تكاليف الخدمه للشخص الواحد 22.50 بالاسبوع هذي تنسحب من الفيزا اللحين والا اذا وصلتهم ؟

وكمان التأمين المسترد 300 يورو على الغرفه والا على الشقه الكامله وتنسحب اللحين او عند الوصول ؟

يعني بيصير السعر لـ 8 ايام 1720 + تكاليف الخدمه على الشخص الواحد اللي هي 22.50 ؟

وبالنسبه للأطفال اللي معاي يحتاج اعطيهم خبر والا عادي ؟ معي طفلين بس !

------

بالنسبة لفيينا :

شفت شقتين كويسات , بس في شي ما فهمته كاتبين انو الحد الاقصى مثلن 4 اشخاص وبعدين

بجنبه انو كم عدد الغرف ؟!

يعني هم قصدهم الغرفه تكفي 4 اشخاص ولو بأخذ 3 غرف تكفي 12 شخص ؟

معليش انا اول مره احجز من النت فـ حايسه خخخ !

وش ترشح لي من هالشقتين :

http://www.arabtravelersforum.com/re...3ee1300be75401

او

http://www.arabtravelersforum.com/re...3ee1300be75401


انا مفكره اخذ شقتين عشان تكفينا : )

بس ياليت تفهمني سالفه الاشخاص عشان احجز ولك جزيل الشكر ,

والله اني ادعيلك بتيسسير الامور زي ما تيسرها لي

الشقق الي بكابرون رائعه .. خيار انصحكم به

ما ذكرتي من الضريبه نعم يدفع هناك اذا كان حجزك كلها ( مرن ) .. اما المبلغ 300 مسترد

انتم 8 اشخاص اخذي شقه ل8 الشخاص

بالنسبه لفينا الي فهمتي صحيح .. بس عطيني تاريخ الدخول والخروج بفينا علشان اشوف توافر الشقق... وفي افضل من الاثنين

تحياتي

المشاركة الأصلية كتبت بواسطة ALI_Q8_77
http://www.arabtravelersforum.com/tr...6/#post4126626

الشقق الي بكابرون رائعه .. خيار انصحكم به

ما ذكرتي من الضريبه نعم يدفع هناك اذا كان حجزك كلها ( مرن ) .. اما المبلغ 300 مسترد

انتم 8 اشخاص اخذي شقه ل8 الشخاص

بالنسبه لفينا الي فهمتي صحيح .. بس عطيني تاريخ الدخول والخروج بفينا علشان اشوف توافر الشقق... وفي افضل من الاثنين

تحياتي



ابشرك حجزت شقة كابرون لـ 8 اشخاص لقيتها فاضيه بوقتنا الحمدالله

حجزت وجاني ايميل بحجزي كذا خلاص كل شي اوكي ؟

والا يحتاج ارسل ايميل لنفس الفندق اتأكد ؟ و يحتاج بعد فتره اشيك او أأكد شي ؟

وكيف اذا حجزي مرن ادفع هناك ما فهمت هذي النقطه , وانا احجز شفت انهم راح يأخذون

مني ضريبه مدينه + ضريبه خدمه وطبعا موب مسترده ..

-------------

بالنسبه لـ فيينا تاريخ الدخول : 10 سبتمبر والخروج 14 سبتمبر ..

عوافي

هم ارسلو لكم رقم الحجز ممكم ترسلين اميل لهم للتأكيد

الشقق هدياكلو افضل كونها اقرب .. وهي نظام غرفه وصاله على فكره


تحياتي

هلا و سهلا

بالنسبة للشق حقت فيينا ( هدياكلو ) , ممكن تعطيني رابط لها ولا عليك أمر : )

لأنو بحثت بـ booking ولا لقيتها , يمكن السبيلنق يختلف !

في حال انها كانت فل وش ترشح لي من الشقتين اللي حطيتهم لأنو هم اللي لقيت فيهم امكانيه

والا كلهم بعاد , وان شاءالله القى باللي رشحتها لي ..

----

وبالنسبة لـ شقق ميونخ اللي حطيها لقيتها فل , ودورت بكذا وحده لقيتهم فل !

تعرف شقق غير هذولي ؟ , في وحده نصحتني ادور السكن بـ قارمش قالت لي تبعد

عن ميونخ ساعه الا ربع , بحيث اني اجي على ميونخ واروح ,

وش رايك بالاقتراح ؟ قارمش تعتبر سياحيه ؟ والا اصبر على امل القا سكن بـ ميونخ ؟

----

الله يعطيك الصحه والعافيه يارب

لا هديكلو اقصد الي وضعتيها الرابط الاول من فئة 3 نجوم قريبه من السنتر وسكن اقتصادي ونظيف ..

غارمش رائعه وريفيه لكن مو اكثر من يومين الى 3 ايام .. المسافه بينهم ساعه من ميونخ

لكن راسلي هذي الشقق

http://www.arabtravelersforum.com/re...arthotel.de%2F

رائع شكرا لك

كل عام وانت بخير .. والله يعيده عليك وعلينا بصحه وعافيه يارب

ابشرك حجزت حقت فيينا http://www.arabtravelersforum.com/re...3ee1300be75401
بناء على مشورتك الله يعطيك العافيه ..

وراسلت شقق ميونخ وللأسف ردولي انها فل وكلها محجوزه
عندك خلفية عن شقق ثانيه , والا افقد الأمل بميونخ
شكرا لك ولرحابة صدرك

* على فكره انا نفسها اللي كاتبه الموضوع , بس كنت ادخل اليوزر والباسورد ويطلع لي غلط
لي كم يوم اضبطه وما رضى يضبط وسويت لي يوزر جديد : )

المشاركة الأصلية كتبت بواسطة ali_q8_77
http://www.arabtravelersforum.com/tr...7/#post4137727

الي اخترتيته جيده من حيث الموقع والسعر ... والتقييم .. ان شاء الله يعجبكم ..

ميونخ ممكن نغير الى فنادق نظام شقق لكن بدون مطبخ .. اذا تحبون ..

في شقق جيده لكنها عاديه مثل شتول براغ وارابيست

تحياتي



صراحه مضطره اقبل بأي شي , اخاف استنى ولا القى سكن واتوهق !

ممكن تعطيني الفنادق اللي على نظام الشقق ؟ ما فهمت الفكره !

يعني غرفه وصاله وكذا ؟ سويت يعني والا كيف ؟

---

وبالنسبه للشقق الثانيه من اي ناحيه انو عاديه ؟ موقعها ؟ نظافتها ؟


شكرا لك ..

هذي الشقه قريبه ومقبوله وقريبه من السنتر فيها مطبخ

http://www.booking.com/hotel/de/stol...20&aid=1329869

وانصحكم بهذا الفندق اذا ما تبون مطبخ

http://www.booking.com/hotel/de/euro...20&aid=1329869

المشاركة الأصلية كتبت بواسطة daayem1
http://www.arabtravelersforum.com/tr...6/#post4141546

اختي بالنسبه لفرانكفورت انا سكنت قبل رمضان بفندق falk suite hotel وهو عبارة عن شقق فندقية يسمونها سويت جدا نظيفة وسكنت هناك في شقتين كل شقة تحتوي على غرفتين منفصلتين بالاضافه الى صاله واسعه بها جلسه تكفي اربعة اشخاص وطاولة طعام لاربعة اشخاص ومطبخ مفتوح على الصاله يحتوي على جميع اغراض الطبخ واثاثها جدا نظيف وفطورهم حلو ومرتب وانترنت واير لس مجاننا داخل الشقق وسعرهم جدا جدا رخيص وموقعهم قريب من شارع التسايل اهم شارع بفرانكفورت تقدرون تروحون مشي وقريب من محطة المترو والتي منها ركبت الى حديقة الحيوان محطة واحدة فقط تفصلنا عن حديقة الحيوان وعيبه الوحيد انه بمنطقة هادئه (وانا اعتبرها ميزه ) وفي البدايه يصعب معرفة موقعه ولكن تكتشف انه قريب من اهم المواقع ومن ضمنها البرج تروح له مشي ويفضل تحجزون شقتين بالتلفون وتحددين الشقتين اللي بالدور الاول والتي بينهم بلكونه مشتركه وهم الشقتين الوحيدتين اللي فيهم بلكونه اذا حصلتوهن انتم محظوظين اذا بغيتي تحجزين حدديهم لهم وعلى فكره التككيف فقط في الصاله انا وفي شهر اغسطس لم احتاج التكييف لان الجو كان ممطر وبارد ومنعش وانا اقترحت لك السكن هذا لان عددكم كبير وسعره راح يوفر عليكم كثيييييييير الشقة في الليلة انا اخذتها ب 109 يورو شامل الافطار وتقدرين تتطلعين على مواصفات الفندق من موقعهم http://www.suite-hotel-falk.de/html/gallery.html او من موقع expedia http://www.expedia.com/pub/agent.dll...hotel-pictures


ويفضل تكلمينهم وتحجزين مباشره عن طريق اعطائهم رقم البطاقة عن طريق التلفون وتراسلينهم عن طريق الايميل علشان تسوين تاكيد وتحددين الشقتين بالبلكونات تحيااااااااااااااااااااتي
ملاحظه الفندق ليس فخم ولا يوجد فيه لوبي فقط رسبشن صغير 24 ساعه ومطعم صغير للافطار وافطارهم جيد مقارنه بفنادق 4 نجوم في اوروبا كثيرة سكنت فيها ويقع خلف فندق الهيلتون يفصل بينهم حديقه بها نوافير حلوه وطيور مائية وبط ويقع شارع التسايل مقابل فندق الهلتون على الزاوية اليمنى وهي نهاية الشارع ميدان الاوبرا ويوجد بالقرب من الفندق حديقه اخرى في الطرف الاخر كبيييييييييره جدا وبها العاب اطفال مجانيه وجلسات رائعه تقدرون تبسطون فرشتكم وتتقهون شاهيكم وقهوتكم وفيها رانب كثيره منتشره بالحديقه وهذا ما يجعل منطقة الفندق منطقة هادئه لانها بالاصل منطقة سكنية شعبية امنه بعيده عن الزحمة واماكن العربده والتعري والاطفال راح يستانسون بالحدائق القريبه هذا غير الاماكن الحلوة على النهر بصراحة فرانكفورت مهضوم حقها ليتني جلست فيها اسبوع بدل الايام البايخه بجنيف تحيااااااااااااااتي



الله يعطيك العافيه يارب .. حجزت بـ فرانكفورت , بس في عندي ليله بالاخير بالرجعه ان شاءالله بحجز

بالشقق اللي تقولها شكلها حلوه !






المشاركة الأصلية كتبت بواسطة ali_q8_77
http://www.arabtravelersforum.com/tr...5/#post4143375

هذي الشقه قريبه ومقبوله وقريبه من السنتر فيها مطبخ

http://www.booking.com/hotel/de/stol...20&aid=1329869

وانصحكم بهذا الفندق اذا ما تبون مطبخ

http://www.booking.com/hotel/de/euro...20&aid=1329869



اهلن ..

الشقق الاولى شكلها حلوه بس للأسف لما شيكت طلعت لي فل ..

والفندق الثاني الشقه ما في , مالقيت الا غرف لشخصين , وجربت اشوف السعر

طلع لي فوق الثلاثين لـ 5 ايام بس , احس السعر تو متش :|

لو اني داريه انو ميونخ زحمه كان حجزت من زمان , كل ما اجرب شيء يطلع فل !

اشين شي بالسفره تدوير السكن ..

شكرا لك 3

مره تعبتك معاي , الله يعطيك العافيه ..

السلام عليكم ,

ابي رأيكم بالسكن بـ قارميش والتنقل منها يوميا الى ميونخ ؟

بيصير تعب علينا , لأنو لي يومين وانا ادور بميونخ يـ اوتيلات اسعارها خياليه , يا كل شيء فل

بحاول ادور زياده , بس في حال ما لقيت اذا خليت قارميش البديل هل هو قرار صائب او لا ؟

متعبه التنقلات اليوميه هذي ؟

واذا احد يعرف سكن كويس واقتصادي بـ قارميش ياليت يقولي ,

استنى رايكم

اختي انتي 4 عضو انصحه بالتغير من ميونخ الى غارمش . . والسبب الاسعار الغاليه .. التنقل غير متعب ساعه فقط .. لكن نقطتيتن احب اذكرهم ..

1- غارمش كافي 3 ايام كحد اقصى واذا كنتم تحبون الطبيعه والهدوء

2- ولهذا انصحكم بجعل 3 ايام الاخرى بميونخ او ندخل سالزبوخ بالمخطط ونجعلها بعد فينا او بعد غارمش لكن بتكون المسافه اطول من ميونخ الى فرانكفورت زياده بحدود الساعه .. او من غارمش الى فرانكفورت 4 ساعات ونصف ..

يعني انت وخيارج وان كنت انصحكم جعل سالزبورخ بعد فينا وتستئجرون سياره من مدينة فريسلانق المانيه القريبه من سالزبورخ 7 كيلو ..وترجعونها بفرانكفورت .. وهكذا ما يصير عليكم ضريبة تسليم بدوله اخرى... واسواق سالزبورخ جميله وما حلولها جميل جدا جدا


السكن بغارمش تجربتي والافضل فنادق

http://www.booking.com/hotel/de/edel...20&aid=1329869

http://www.booking.com/hotel/de/atla...20&aid=1329869

واذا تبون شقه وانا جربيته وعلى فكره عندهم شقه ل 8 اشخاص .. ورائعه جدا جدا

http://www.booking.com/hotel/de/feri...20&aid=1329869

وهذي ما جربته لكن اعرف من جربها وشفتها بزيارتي لغارمش وهي جميله ايضا اكبر شقق عندهم ل 6 اشخاص

http://www.booking.com/hotel/de/alpi...20&aid=1329869

كلهم قريبين من السنتر وممتازين .. لا انسى اني احب غارمش والسبب هو الهدوء والطبيعه .. سوف ننصح بها دائما حتى يستمتع المسافرون بجمالها وجمال قمتها الثلجيه وبحيرة ابسي الجميله .. وخصوصا من معهم سياره .. تحياتي

اجل رحلتكم نفس رحلتنا يوم 7 سبتمبر

علي اي خطوط..؟

انا ع السعودية... والمشكلة خط الرحلة بيكون كذا

الرياض - جدة - فرانكفورت