الموضوع: تخطيط رحلتي الي ايطاليا وسويسرا وباريس

السلام عليكم ورحمه الله وبركاته
ياجماعه الخير بنزل موضوعي وهو مخططي لرحه للثلاث دول السابق ذكرها في العنوان واتمني من اهل الخبره ابداء رئيهم في الرحله واذا في تعديل .. وعندي كم سؤال راح اخليهم اخر الموضوع ..

*الطيران على الخطوط التركيه
*الوصول الي مدينه البندقيه تاريخ 13/9/2013 والاقامه فيها الى تاريخ 15/9/2013 في فندق
Hotel Colombina

*الخروج من البندقيه والذهاب الي ميلان والمكوث فيها من تاريخ 15/9/2013 الى 18/9/2013 في فندق Hotel Romana Residence

وسيله المواصلات من البندقيه الي ميلان لحد الحين ماحددتها اتمني افادتي هل استاجر سياره ام بالمترو ..

* تاريخ 18/9/2013 الذهاب الي انترلاكن بسويسرا مع العلم اني بمر على لوقانو وبقعد فيها كم ساعه وبعدين بكمل الى انترلاكن وبجلس فيها من تاريخ 18/9/2013 الي تاريخ 25/9/2013 في فندقBrienzersee

هل احتاج سياره في انترلاكن ام لا ..
*تاريخ 25/9/2013 ساتوجه الي باريس والمكوث فيها الي تاريخ 30/9/2013 والسكن في فندق Hôtel Royal Opéra
..
هذي ياجماعه الخير تخطيط رحلتي اتمني من اهل الخبره الاطلاع عليه وابداء الاراء حول اي نقطه بحيث اقدر اعدل او اغير من حيث عدد الايام في المناطق او الفنادق ..
استفسار وحيد وهوهل استاجر سياره للتنقل ولا استغل الميترو .. علما اني لو بستاجر سياره هل اخذها من يوم مغادرتي البندقيه واخليها عندي واسلمها في باريس ولا كيف .. اتمني الافاده وشكرا

مواضيع عشوائيه ممكن تكون تعجبك اخترناها لك:

• مطلوب مساعده ضروررررررررررريه تكفووون ابغى مطعم عربي في روما
• اجار السيارات عائلية
• محتار ، هل اختار ايطاليا لوجهتي السياحية التالية ؟؟؟ جزء منهيعتمد على ارائكم ونصايحكم
• استشارة : شهر العسل بين ايطاليا و سويسرا
• ابي مساعدتكم في طريقي لجنيف
• ريميني او ريتشوني
• ايش رايكم بهذا الفندق Best Western Hotel St.George
• فنادق مناسبة في روما
• فيرونا
• ساعدوني في تنظيم رحلتي عاجلا
• أرجو المسااااااعدة
• ميلان سيرميوني روما رأيكم بجدول الرحله وبعض الاقتراحات؟
• فندق جيد ومطل على القنال في فينيسيا
• كيفية الوصول الى ملعب السان سيرو بالمترو ؟
• محتارين بين روما وفينيسيا وينكم يامحبي ايطاليا
• فندق في فينسيا بالقرب من ساحة سان ماركو بسعر مقبول
• السفارة الإيطالية المواعيد ، وماذا بعد؟
• استفسااار عن فناادق روما وريميني وميلان ؟؟ ساعدووني ؟
• اين موقع استخراج الشنغل وفيزة لندن
• عليميه علمووني

مخطط حليو .. بس لو انا بدالك استأجر السيارة من ميلانو وأطلع فيها على لوقانو ... واكمل

الميترو يستعمل تحت الارض في كل مدينه

التنقل بين المدن بالقطارات وليس بالمترو

من فينيسيا الي ميلان انتقل بالقطار

استأجر من ميلان وسلمها في باريس

جدولك مرتب

اشكر كل من رد على موضوعي .. بخصوص استاجار السياره اخذها من اول يوم لي في ميلان ولا في اخر يوم .. لاني مادري هل بحتاج السياره في ميلان للتنقل ولا لا ..اتمني اجابتي .. مشكورآ
واحتاج الي افضل المواقع في اوروبا لتاجير السيارات ويكون رخيص اذا كان احد عنده خبره في موضوع تاجير السيارات

الجدول حلو ومرتب

السيارة الافضل تستأجرها يوم مغادرة ميلان وتسلمها اول ما توصل باريس
او تستأجر السيارة من لوجانو وتسلمها في زيورخ او جنيف وبعدها بالقطار مباشرة الى باريس

بالنسبة لشركات الاجار ممكن تشوف الشركات العالمية مثل يورب كار وسكست وهيرتز وتقارن الاسعار بينهم
وتاخذ اللي يناسبك
وهذا رابط لشركة وسيطة ممكن تشوف الاسعار عندهم وتحجز عن طريقهم اذا ناسبتك ,, وحجزت عن طريقهم في شهر ابريل
الماضي وكانت اسعارهم ممتازة
http://www.argusrentals.com/

وبالتوفيق

ياجماعه الخير مافي مواقع افضل لتاجير السيارات غير هذا لان طلع لي مبلغ وايد .. وشي ثاني كيف اذا بطلب السياره ديزل ولا بنزين واي افضل وارخص ؟

لاحس ولا خبر