الموضوع: اختيار الجدول

السلام عليكم ورحمة الله وبركاته
يعطيكم العافي على هذا المنتدى الجميل والاكثر من رائع
انا انشاء الله عندي سفرة شهر 8 لماليزيا وراح يكون عندي 10 ليالي و 11 يوم بدون يومين السفر
فانا محتار بين جدولين علماً باني احب الوناسة والالعاب والفرفشة
الجدول الاول هو:
يومين سلانغور فندق سنواي لاغون
اربع ايام لنكاوي فندق برجايا
اربع ايام كوالا لمبور فندق تريدرز(منها يوم لزيارة جنتنق)
والجدول الثاني هو بيكون نفس الفنادق المذكوره اعلاه:
يومين سلانغور
ثلاث ايام لنكاوي
يومين جنتنغ
ثلاث ايام كوالالمبور
ياريت ترشحون لي افضل جدول وليش ويعطيكم الف عافية من الموبايل

مواضيع عشوائيه ممكن تكون تعجبك اخترناها لك:

• استشاره عاجله
• جدول رحله الى ماليزيا ايام لنكاوي وايام كوالا ممكن تساعدوني حياكم
• مطلوب شخص او مجموعة اشخاص للمشاركة في رحلة سياحية الى ماليزيا لمدة 15 يوم
• طلب برنامج سياحي لماليزيا من الي يوم
• عاجل أين أجد شرائح جوال في كوالا غير المطار؟
• استفسار طريقة الحجز
• السياحة في ماليزيا
• سمعت عن باص الهوهو والمنوريل بس عندي
• أهل الخبرة أرجوكم ساعدوني
• تكفون ابغا فزعه منكم ياوجيه الخير
• ألي الخبراء في العرب المسافرون ممكن مساعدة
• هل من خبير يرشدني
• سؤال حول منتجع شينغرلا رسا سينغ ببيانغ ؟
• اطلب من الله ثم منكم الفزعة ماباقي على رحلتي وقت كثير
• طالب فزعتكم
• استفسار الله يسعدكم بخصوص بعض الفنادق الخمس نجومطمنوني بليييييييز
• فنادق شهر العسل احترت واحتاج مساعدتكم لنكاوي بينانج كوالا
• ساعدوني اريد الذهاب الى ماليزيا و اندنوسيا
• من وين احصل تذاكر بتروناس والمنارة وكيف طريقة الصعود
• ابحث عن ترخص طيران من ماليزيا الى المالديف

هلابك حبيبنا الغالي ...

أرشح لك الجدول الثاني ( يومين سلانجور - ثلاثة لنكاوي - يومين جنتنغ - ثلاثة كوالا )

http://img15.imageshack.us/i/29323411.png/

مشكور اخوي وما قصرت على الرد السريع بس عندي استفسار:
اي فندق ترشحلي في جنتنق؟
شنو الاماكن السياحية في جنتنق غير الالعاب؟
اي غرفة اختار في فندق برجايا ورايك في باقي الفنادق؟
ومشكور اخوي مرة ثانية وانا مارتبت الجدول ولا عرفت ماليزيا اصلا الى بعد ما دخل منتداكم وقريت مواضيعك من الموبايل

ياهلا والله يالغالي ...

* في جنتنغ أرشح لك فندق ( الفيرست وورلد ) هو الأجمل ... وتفضل تقريري عنه

http://www.arabtravelersforum.com/travel548096/

* في جنتنغ تزور ( الألعاب - التلفريك - بوكيت تينجي - حديقة الفراولة - مزرعة أوانا للخيول )

* في البرجايا لنكاوي أختار ( بريمر شالية عالماء ) هي الأجمل والله

http://img46.imageshack.us/i/21004797.png/

مشكور اخوي وافي عالرد السريع وعلى تعاونك ومساعدتك للناس والله يعطيك العافية من الموبايل

الله يعافيك يالغالي ... وتستاهل كل خير والله

أسأل الله لك التوفيق في الدنيا والآخرة ... تحياتي لك

http://img43.imageshack.us/i/91926214.png/

طيب اخوي شرايك في الجدول اذا حبيت اضيف بورت ديكسون وشلون اروح لها.؟؟
2 سلانغور
3 لنكاوي
4 كوالا
1 بورت ديكسون

هلابك يالغالي ...

جدولك الأخير مبدع ( يومين سلانجور - ثلاثة لنكاوي - أربعة كوالا - يوم البورت ديكسيون ) ...

البورت ديكسيون تطلع لها من كوالا ... المسافة ( ساعتين إلا ربع ) ... وسعر التاكسي 180 رنقت

http://img40.imageshack.us/i/53576895.png/

تسلم اخوي وافي وان شاء الله اعتمده وابدا بالحجز ويكون هذا الموضوع للاستفسارات اذا احتجت مساعدتك

العفو يالحبيب .. وتستاهل كل خير والله

أي خدمة تأمرنا ياغلانا ... وبأذن الله في الخدمة دوم

http://img40.imageshack.us/i/53576895.png/

اخوي وافي اسمحلي والله ادري اني ازعجتك بس حبيت اغير شي في الجدول وابي اخذ رايك:
2 سلانغور
4 لنكاوي
3كوالا لمبور
3 بانكوك
اشرايك اخوي بالجدول وشلون احجز اذا كنت ابي مطار الوصول كوالا ومطار المغادرة بانكوك وكم بتكلف تقريبا الطيران والطيران الداخلي ل 3 اشخاص وطفل؟ من الموبايل

حياك الله أخوي الحبيب ..

والله أنصحك ( تلغي ) بانكوك ... وتكتفي بماليزيا ( أرقى منها بمليون مرة ) ..

خل جدولك ( سلانجور - لنكاوي - بينانغ - كوالا ) ...

وإذا مصمم على بانكوك ... راح يكون خط السير هكذا :

مثلا : جدة - كوالا - جدة ... أو الرياض - كوالا - الرياض ... حسب مدينتك

وتحتاج رحلات داخلية ( كوالا - لنكاوي - كوالا ) + ( كوالا - بانكوك - كوالا ) ...

http://img855.imageshack.us/i/74542585.png/

هلا والله ب اخوي وافي
معاك اخوك من قطر
لا والله انا مب مصر بس تعرف ان اسواق بانكوك اكثر وافضل من ماليزيا فكنت بخلي بانكوك اخر ثلاث ايام بس اذا اسواق ماليزيا افضل ما عندي مشكلة اني الغيها

حياك يالغالي ... وحيا الله أهل قطر الغالين كلهم ...

والله ( كوالا ) هي عاصمة التسوق ... كلها مجمعات وأسواق ... وبمختلف الأذواق

أنصحك ( تلغي ) بانكوك ... وتكفيك كوالا عنها بأذن الله ...

http://img203.imageshack.us/i/67411509.png/

مشكور اخوي وافي وتسلم على الرد طيب في اسواق شعبية في كوالا و اسواق تبيع هدايا وتذكارات من الموبايل