الموضوع: الى من جرب السفر عن طريق شركات النقل في مركز النقل العام في الرياض

السلام عليكم
انا ناويه السفر لسوريا في هذه الاجازه وايضا تركيا وكنا ناوين نروح بسياراتنا حنا واخو زوجي واولاده يعني عائلتين بس ماادري من اقترح على زوجي انه السفر عن طريق شركات النقل احسن اللي في مركز النقل العام بالرياض وانا محتاره لاني مااعرف وش افضل شركه فيهم وهل باصاتهم درجات يعني فيه درجة ال vip ودرجه اولى والا كلهم زي بعض
ارجو من جرب شركه حلوه وباصاتهم مريحه انه يعطيني اسمها
وبالنسبه للاسعار بكم الشخص تقريبا ذهاب وعوده
شاكره لكم تجاوبكم

مواضيع عشوائيه ممكن تكون تعجبك اخترناها لك:

• افضل الهدايا من سوريا
• عدنا والعود احمد
• من مصر لســـــــوريا
• هذا ما حصل لي في مطعم ست الشام
• رشحوا أحسن محل شاورما
• رحلة مكوكية من حلب الى البدروسية
• اريد النصيحة لمن يريد الذهاب باسرته بالسيارة
• تكلفة المواصلات؟
• قصر الرصافة رصافة هشام البادية السورية
• لا نريد فنادق نجــ ـــوم
• كسبميزات كسب
• سوريا
• نصائح كي لا تتعرض للسرقة والابتزاز ان جئت سوريا
• ماذا أعمل اذا وصلت مطار القريات؟
• استفسار
• وصلت من الشـام امـس
• الرجــــاء الافاده
• مـن تــاريـخ ســـــــوريا
• سؤال لو سمحتم ؟؟؟؟؟؟؟؟؟؟؟؟؟؟؟؟؟
• ابغى الفزعه يااهل الخبره ولامره سافرت

الله يعينكم بصراحة النقل العام جدا متعب وغير مريح اطلاقا00

وأنصحكم بالذهاب بالسيارة بلا تردد فمتى شئتم وقفتوا ومتى شئتم مشيتم وفيها الكثير من الخصوصية00

أما إن كان لابد من النقل العام فلا أنصحكم بغير الذهاب مع النقل الجماعي حتى وأن أرتفع سعره قليلا تقريبا 50 أو مائة ريال للشخص الواحد بس مقارنة بغيره يستاهل

شكرا الاخ تذكار لردك على سؤال الاخت ونصيحتك
فالنقل الجماعي السعودي افضل من الشركات الاخرى السوريه او الاردنيه او غيرها

السلام عليكم

بالنسبة للسر بالنقل العام افضل لك تسافري بالسيارة اسهل لكن لو احببتي اوضح لك
يوجد شركة اسمها السالم بالرياض عندها رحلات Vip ممكن تسافري فيها باصات جديدة
ويوجد شركة اسمها الخلف شركة ممتازة اغلب العوائل في الرياض تسافر معها لكن لا يوجد عندهم رحلات Vip
العالمية باصاتها جيدة لكن تاتي درجة ثانية بعد الخلف

اما سابتكو النقل العام

الباصات جديدة وافضل باصات لكن الرحلة تستغرق وقت اضافي تصل الى 30 ساعة للوصول هذي السلبية الموجودة عندهم واجراءات الحدود السائق لا يساعد المسافرون في الرحلة

والله الموفق

الاستاذه دره
الاستاذ يوسف الحموي
شكرا للمعلومات القيمه
ولكن هل تعرف كم اسعار السالم والخلف
وشكرررررررررررررررررررررررررررررررررررررررررا

المشاركة الأصلية كتبت بواسطة روز555
http://www.arabtravelersforum.com/tr...4/#post3063754

الاستاذه دره
الاستاذ يوسف الحموي
شكرا للمعلومات القيمه
ولكن هل تعرف كم اسعار السالم والخلف
وشكرررررررررررررررررررررررررررررررررررررررررا



بصراحة اسعار الخلف والكل واحد تقريبا من الرياض الى دمشق 200 ريال لكن
رحلات Vip
ما بعرف اسعارها

عائلتين وتسافروا بالباصات حرام متعبة وجهد كبير خاصة لو في أطفال
ارجعي انصحي زوجك تسافروا بالسيارات افضل ولو ضل مصمم الله يعينكم وان شالله بتتيسر

الشكوى لله يااخت target

اختي الكريمه

السفر في الباص متعب جدا :108:

ولكن ان كان ولابد فافضل شي هو النقل الجماعي لان باصاته جديده ونظيفه وسرعته محدوده وهذا عامل امان اضافي يعني انه مايسرع سرعات مجنونه في الطريق والاماكن والاستراحات اللي يوقف فيها نظف من الشركات الثانيه كما ان اجراءات الدخول للسعوديه وانت راجعه اسهل من باقي الشركات واسرع هذا من تجربتي عدة مرات وبالنسبه للسعر النقل الجماعي اغلى شوي حوالي 50 الى 100 ريال للشخص الواحد مع اني مره سافرت عليهم ذهاب وعوده مره ب 175 ريال :8888:
يعني السعر للشركات الاخرى 200 ريال ذهاب وعوده والنقل الجماعي 250 ريال اذا ماكان فيه عرض

وفيه ميزه في النقل الجماعي هامه جدا جدا جد اخاصة بوجود الاطفال وهي انه

ممنوع التدخين

اذكر يوم كنت اسافر مع الشركات الثانيه وجميعها مسموح التدخين فيها حتى لو قالوا لك غير كذى والله ماتوصل دمشق الا والدخان طالع من مخك وتجلس يومين مررررررريض :110:

والخلاصه اذا قدرتي تقنعين زوجك تسافرون سياره افضل بكثير حتى في تنقلاتكم في سوريا لان اجارات السيارات هناك غاليه:11ight:

وسلامتك

لبش البهذله خلو سياحتكم بالبلد احسن
الباصات بهذله سئلوني مجررررررررب

سعر تذكره الذهاب والعوده في النقل الجماعي بي 175 ريال

لكن في مشكله انه يوم توصلي الحدود بتقولي يا رايت ما حجزت بالنقل الجماعي

والله يوفق الجميع

المشاركة الأصلية كتبت بواسطة الطيب الوافي
http://www.arabtravelersforum.com/tr...4/#post3065174

اختي الكريمه

السفر في الباص متعب جدا :108:

ولكن ان كان ولابد فافضل شي هو النقل الجماعي لان باصاته جديده ونظيفه وسرعته محدوده وهذا عامل امان اضافي يعني انه مايسرع سرعات مجنونه في الطريق والاماكن والاستراحات اللي يوقف فيها نظف من الشركات الثانيه كما ان اجراءات الدخول للسعوديه وانت راجعه اسهل من باقي الشركات واسرع هذا من تجربتي عدة مرات وبالنسبه للسعر النقل الجماعي اغلى شوي حوالي 50 الى 100 ريال للشخص الواحد مع اني مره سافرت عليهم ذهاب وعوده مره ب 175 ريال :8888:
يعني السعر للشركات الاخرى 200 ريال ذهاب وعوده والنقل الجماعي 250 ريال اذا ماكان فيه عرض

وفيه ميزه في النقل الجماعي هامه جدا جدا جد اخاصة بوجود الاطفال وهي انه

ممنوع التدخين

اذكر يوم كنت اسافر مع الشركات الثانيه وجميعها مسموح التدخين فيها حتى لو قالوا لك غير كذى والله ماتوصل دمشق الا والدخان طالع من مخك وتجلس يومين مررررررريض :110:

والخلاصه اذا قدرتي تقنعين زوجك تسافرون سياره افضل بكثير حتى في تنقلاتكم في سوريا لان اجارات السيارات هناك غاليه:11ight:

وسلامتك



نفس الكلام ..

وخصوصا فيما يخص التدخين ...

وعليكم السلام

حياك الله اختي ، السفر بالسيارة اريح واسرع ، وانا مجربهن كلهن وطلعت مرة بالنقل الجماعي ومافية ديرة الا يدخلها كونة له مكتب هناك وسرعته لاتتجاوز 100 يعني انواع المشاريع تمر عليك بالطريق، ومتعب جدا بالحدود ، لاكن اذا ملزمين مرة مرة انصحكم بنقليات الخلف بالرياض باصات حديثة ومريحة دايركت لسوريا واغلب الركاب عوائل سورية وسواقها سوري يعني سهل التعامل مع الحدود ، بالنسبة للسعر اتوقع الحين من 200 الى 300 للشخص ذهاب واياب
،،
اتمنى لكم رحلة سعيدة ..

أختي كثر هم أخوتي من نصحك قبلي لاكن سوف اعرض عليك نصيحتي
في احد السفرات كانت هناك ظروف لابد لي من العودة الي المملكة وكان وقتها السيارة في الورشة فركبت الباص أسمها السفريات الراقية نصيحة لاتركبيها لو مجانية وفلوس يعطوك بعد لان راكب واحد يوقف 49 راكب
ولان انسى 24 ساعة في الطريق اسف على الاطالة واتمنى لك سفر سعيداً

حياكم الله

هنا رد لزميل افتقدنا وهو رد عن سؤال شبية لسؤالكم عن الباص لكن كان هذا الوقت في عام 2004 طبعا كان الطريق صعب ليس مثل اليوم كذالك جبت لكم المشاركة من باب الطرفة والاطلاع على رآي شخص يوضح معاناته من الباص حيث قال
http:/http://www.arabtravelersforum.com/travel14389-2/






رد: وش رايكم في السفر لسوريا عن طريق الباص
نصيحة لوجه الله لا اريد جزاء ولا شكورا أنتبه لايقربك الباص ترا يبي يجيك /
1- صداع كامل0
2- تصلب في القدمين .
3- اعوجاج في العمود الفقري 0
4- احمرار مع زغللة في العينين 0
5- شعور بالغثيان0
6- استياء من الذات ( مدري وش تصير ؟!! )0
7- الرغبة في الانتقام - من الي نصحوك فيه-0
8- الهلوسه -------- وذلك ناتج من الأرهاق والسهر 0
9- التقلبات الفيسيولوجية بسبب تنوع المعاملة مع البشرية الي انت معهم راكب لان كل منهم له معاملة خاصة؟!
10- اخيرا الموووووووووووووووووووت ؟!
الميتة الصغرى مجرد ماتصل سوف تنام يومين كاملين وراحن اليومين على بلوشي.


حكمة كل يوم/ أسئل مجرب ولا تسأل ---------------؟!!

الرابط ما فتح معي
وشكرا