الموضوع: السفر قرب ومشاكل الحجز كثرت ساعدوني

السلام عليكم ورحمه الله وبركاته
استفساراتي كثيرة هاليومين بس لأن سفري باقي عليه اقل من شهرين وللأسف وضعي جدا متلخبط..
أول شي طيران اير اسيا ما مشي معاي من فيزا الأهلي وجزاهم الله خير اللي في المنتدى علموني كيف أحصل على الكود السري واتبعت الخطوات صح ووصلت لصفحة ادخل فيها الاسم والسجل المدني والحد الإئتماني وتاريخ انتهاء البطاقة ودخلتها صح لكن للأسف يقولي فيه خطأ ما عرفت وين..
هل أقدر أحجز من فيزا أحد شخص ثاني ما يطالبوني في الفيزا لمن اروح؟؟؟
والحين عندي مشكلة ثانية
انا مضطر أحول راتبي من بنك الأهلي لبنك آخر والفيزا بيلغونها علي..
ايش الحل؟؟
انا حجزت الفنادق كلها بفيزتي واحد منهم غير مسترد وبعضها انخصم المبلغ..
حجزت فندقين عن طريق أجودا ووصلتني رسالة بخصم المبلغ وواحد من هوتيل وجاني على الايميل انهم خصموا المبلغ بس ما وصلتني رسالة جوال.
لكن زي بوكينج ما خصموا شي هل اقدر الغي الفيزا ولمن اروح اعطيهم مبلغ الفندق كاش؟؟
خاصة انه الحجوزات الباقية عن طريق بوكينج وكلها ما خصموا المبلغ..
بس حسب ما سمعت منكم انه بوكينج احيان قبل السفر يحجزون المبلغ من الفيزا ولمن اروح واسدد لهم ياخذون كم يوم ويفكون الحجز طيب الفيزا بتنلغي ايش الحل؟؟؟؟؟؟؟؟؟؟؟؟؟؟؟؟

مواضيع عشوائيه ممكن تكون تعجبك اخترناها لك:

• كوالا تراودني من جديد
• استفسااارات لسفرتي لماليزيا ارجو الرد عليها
• هل تنصحوني بهذي الفنادق
• استفسار بخصوص تكاليف السفر ؟؟
• سؤال ع الطاير
• استفسار عن فريزر هيل
• أستفسار بخصوص خطوط الطيران
• اي خدمه ف بينانق خدمه بسيطه منكم
• شاااكر لكم
• بخصوص مواصلات السيارات في السفر سانوي لاغون
• مساعدتكم في وضع جدول يومي فقط
• نداء خاص
• باص الـ هوهو و فندق رويال شولان
• كم يكفي مصروف جيب
• ممكن استفسار وأرجو الرد الجو اللغة اسعار المدة
• استفسار خاص واستفسار عام
• اسعار المواصلات وفرق العملة ؟
• أرجو المساعدة في رحلتي الحقيقية لماليزيا
• تكفون ساعدوني بعد يومين رحلتي
• ضروري رأيكم في فندق لنكاوي لاقون ،، شهر العسل ينفع أو لا ؟

وينكم؟؟
مافي احد عنده حل؟؟؟ من الموبايل

أخي الحاتمي أتمنى لك سفرا سعيدا ورحلة ممتعة
بالنسبة لحجز طيرا أير أسيا الأخوة في هذا المنتدى ماقصروا يوجد شروحات كثيرة منها شرح الأخ العدني بالصوت والصورة جزاه الله خير بامكانك أن تجد رابطة في الاستفسارات وتستفيد منه
بالنسبة للفيزا وحجوزات الفنادق بادر بسرعة واستخرج البطاقة الائتمانية الجديدة واتصل على شركة بوكنجوأخبرهم بأن بطاقتك الحالية ستلغى واستخرجت بطاقة جديدة وأعطهم رقم الحجز والكود الخاص بكل فندق وسيضعون لك أيقونة تغيير بيانات بطاقتي الائتمانية عند كل فندق وحجز وحدث معلومات البطاقة الجديدة الأمر في غاية السهولة بوكنج خدمات رائعة جدا جدا جدا

اخووووي واجهتنا نفس المشكله ف البداية بس لازم تفعل التسوق الآمن في بطاقة الفيزا وتتصل عليهم وتعطيعم رقمك المكون من 8 ارقام والباس حقك
بعدين تقول لهم انك تبغى تفعل التسوق الامن
بيقول لك الشخص اللي بيرد عليك خطوات تسويها عن طريق النت موقع الاهلي اون لاين تدخل على بطاقات
بعدين بطاقات التسوق
تعبي البيانات وبتضبط في اقل من 10 دقايق راح يطلب منك نفس الشخص
تقفل جميع الصفحات اللي انت فاتحها في الجهاز وتعيد تشغيل الجهاز وتقول بسم الله
وتروح تحجز في اير اسيا بكل اريحيه
لا تغير البطاقه ولا راح تحوس نفسك


اتصل على البنك ولا حتى لو تروح لهم بيعلموك كل الخطوات الموضوع في منتهى البساطه


ربي يوفقك ويسهل عليك ان شا الله

الله يجزاكم الفردوس الأعلى.
بالنسبة للفيزا وأخيرا طلعت الكود السري بعد ما غيرت المتصفح ومشي معاي ولله الحمد.
بس ما حجزت الطيران خوفا من إلغاء الفيزا وندخل بعدها في مشاكل ثانية.
طيب هل اقدر احجز الطيران بفيزا شخص ثاني؟؟
واذا حجزت بإسم شخص ثاني لازم آخذ معاي بطاقته الفيزا؟؟؟
والفنادق زي أقودا وهوتيل سحبت المبلغ ايش الحل معاهم؟؟
خاصة انه في فندق غير مسترد من اقودا. من الموبايل

بالنسبة لحجز الطيران على اير اسيا ببطاقة فيزا اخرى ماعندك اي مشكلة ( انا سبق حجزت لأكثر من خمسين واحد ببطاقة الفيزا تبعي ) ولافيه احد صارت له مشكلة ... ولله الحمد

بالنسبة للفنادق ماعندها مشكلة برضه - نفس الحكاية انا سبق حجزت في اقودا وبوكنق واسيا ترافيل والعديد من الفنادق عن طريق الفيزا تبعي لاشخاص كثر ولله الحمد لم يحصل اي مشكلة

لان الفندق اهم شئ عنده الحجز مؤكد ( يعني جايهم صورة من حجزك على الايميل تبعهم من موقع اجودا او بوكنق او اي كان )

احتمال يطلب منك فيزا ( لك ) يسوي تامين لحد ماتنتهي اقامتكم في الفندق - ممكن تعطيه كاش ( بس اذا عطيته كاش دولار راح يرجعها لك رنقت ماليزي )

تحياتي

الله يعطيك العافيه ما قصرت والله.
انا مشكلتي اني حجزت جميع الفنادق بإسمي والفيزا بتنلغي علي.
ايش اسوي مع الحجوزات خاصة الفنادق اللي ما خصمت المبلغ؟؟
بالنسبة للتأمين راح يكون كاش ان شاء الله.
بس انا خايف انه لمن تنلغي الفيزا تروح علي حجوزاتي او تصير مشكلة لمن يعرفون ان الفيزا ملغيه.
هل أبلغ المواقع انه الفيزا بتنلغي؟
ولا الغيها وخلاص؟؟
ولا ايش اسوي. من الموبايل

وينكم؟؟؟؟؟؟؟؟😢 من الموبايل

اهلا اخوي الحاتمي - اسف لتاخري في الرد - كنت مسافر - وقريت الموضوع في الجوال - وعلى طول فتحت اللاب توب

بالنسبة للالغاء - انا حولت راتبي مرتين - مره من بنك الراجحي الى البلاد وكان عليه فيزا - ومره من بنك البلاد الى الاهلي وكان عليه فيزا

اولا شئ - ماراح تلتغي الفيزا - اللا ان تسدد ماعليها من مستحقات - وثانيا الالغاء بعد 45 يوم من الطلب

وثالثا - وهو حل مريح لك - انك تبقي الفيزا على البنك الاهلي حتى لو حولت راتبك على بنك اخر - انا لدي فيزا من بنك الراجحي فضيه لها 7 سنوات معاي

وانا راتبي ماينزل عندهم - اهم شئ تأمن المبلغ حق الفيزا ( الحد الإتماني ) ..

الفنادق اللي سحبت المبلغ انتهت قضيتها معاك - ام اللي الفنادق اللي ماسحبت المبلغ ( هذه عملت حجز للمبلغ ) ولو حولت تلغي الفيزا -لازم تفك الحجز اللي على الفيزا

ولا صارت حفله كلن يحجز ويلغي


وصدقني الفنادق اللي سحبت المبلغ - لن يسألوك عن الفيزا وراح تصير امورك تمام

تحياتي والمعذرة على الاستعجال في الكتابة - النوم يداعبني - شكرا

اخوي ليش ما تطلع فيزا تسوق راجحي بسعر 100 ريال وتطلع بنفس اليوم وتريح راسك من هذه المشاكل ؟

ومسبقة الدفع ما يحتاج لها حساب و قروض ولا شي وتحط فيها مبلغ الفنادق و تحجز عليها اللي ما حجزتهم

بيض الله وجوهكم ولا عدمناكم يالغالين.
أحمد
انا ناوي احول الراتب واخلي الحساب مفتوح بس البنك الأهلي يقولولي لازم تنلغي الفيز بمجرد تحويل الراتب حتى لو الحساب مفتوح.

العدني
المشكلة اني انا حجزت الفنادق وخلصت بفيزتي لأن ماكان عندي نية اني احول الراتب اما الحين اضطريت.
برجع اتفاهم مع البنك واذا كان موضوع الغاء الفيزا ياخذ وقت حلو يمديني اسافر ان شاء الله. من الموبايل

انت بس وضح لنا كم فندق حجزته مسترد و كم فندق غير مسترد ؟

أنا حجزت فندق واحد عن طريق أجودا غير مسترد ( رويال شولان )
وحجزت فندق عن طريق هوتيل اذا بلغيه ياخذون علي نسبة من المبلغ. من الموبايل

لا تلغي حجوزاتك وخلك على وضعك - والمبالغ اللي سحبت انتهى موضوعها - والمبالغ اللي ماسحبت لحد الان او الدفع عند الشيك اوت
راح ياخذها الفندق منك كاش او فيزا وليس بالضرورة نفس الفيزا .

ممكن تسأل البنك في حالة الغيت الحجوزات مامصير الحجوزات اللي ماسحبت المبلغ - هل يتم الانتظار حتى يفك الحجز عنها او تلغى الفيزا مباشرة
واتوقع الاولى

تحياتي

الله يعطيك العافية ويجزاك ربي الجنة.
بشوف البنك ان شاء الله اليوم ايش الحل معاهم.
واذا ما حصلت حل بتصل على بوكينج واشرحلهم وضعي اذا فيه مجال اخلي الحجز بس اغير بيانات الفيزا.
والباقين خصموا المبلغ ما علي منهم خلاص. من الموبايل

اللي خصم خصم


اما بالنسبه اللي ما خصم فعادي ممكن لما تكون عندك فيزا جديده ترسل لبوكينج ارقام الحجز وتقول لهم ارسلوا لي بالايميل رابط تحديث الفيزا بس تدخل عليه وتغير رقم الفيزا وتكون امورك في السليييييييييييم

الله يجزاك خير ويريح بالك.
طيب لو كلمت بوكينج هل لازم الفيزا تكون بإسمي او عادي بأي اسم؟ وهل لازم الفيزا تكون معاي؟
انا ودي احجز بفيزا شخص ثاني واحاسبهم كاش.
هل فيه مشكلة لو كانت الفيزا مافيها مبلغ ولا لازم يكون مبلغ الحجز موجود؟؟؟ من الموبايل

بالنسبة لموقع بوكنق ماعنده مشكلة في الفيزا - انا دايم احجز لاشخاص بالفيزا تبعي ولاعمرهم صار لهم مشكلة

وموقع بوكنق - يسوي حجز للمبلغ - ويقولك الدفع عند الشيك اوت (عند الخروج) وانت براحتك تدفع بفيزا خاصة فيك او تدفع كاش

بالنسبة لموقع بوكنق واسيا ترافل ( المواقع اللي ماتسحب المبلغ مباشرة ) هذا ممكن تحجز والفيزا مافيها اي مبلغ بس تكون شغالة وسبق سويتها في موقع بوكنق

عدة مرات ولاعندك مشكلة