الموضوع: الصديقه الأولى ايطاليا

الســـلام عليـــكم

وعيدكم مبارك

وعوده للمنتدى بعد سنه !

مع الصديقه الاولى ~ ايـــــــطاليـــــا ~ الجميـــلهميلانو - فيرونا - فينيسيا - باسكيرا + الآوت ليت

[color="royalblue"][color="silver"]هالموضوع أول موضوع لي مافيه طلبات

ولكن قبل لا ابدا ، لازم اقول شي مهم .....

(1)هالموضوع بيكون نوع من الشكر للاخوان بالمنتدى الي فعلا ماقصروا معاي الله يعطيهم ألف عافيه
للأسف ماذكرهم بالاسم لانه خبري بالمنتدى من الصيف الي طاف ، يعذروني انشالله ومره ثانيه اقول مشكورين وماقصرتوا

فبعد هالسنه وبعد محاولاتي بالدخول للمنتدى والتغييرات الي صارت فيه من ربط الايميل بالاسم شوي حست واليوووم الحمدلله وصلت ، وماقصروا معاي الدعم الفني

(2)
الموضوع بيكون من بطولة الصور أكثر من المعلومات التفصيليه
يعني فيه بالزززبط 193 صوره من كامرتي العزيزه
وهذي أول زياره لي لايطاليا ومع جروب مو هيّن ومتعب فطلعت حرتي بالصور بدل المعلومات

(3)
أدري مقدمتي اشطوووووولهااااااااااااااااااا
بس ماعليه تحملوني لاني خلصتها وببدا بالتقرير الحين

مواضيع عشوائيه ممكن تكون تعجبك اخترناها لك:

• أررجوكم ايش اقرب للدومو والتسوق والا
• محتار بين أسبانيا وإيطاليا
• ارجو الافاده
• استفسار عن محطة القطارات في ميلان والباصات
• مساعدة أصدقائي الطليان
• استقسار بخصوص ايطالياسويسراباريس
• استفسار للهلالي الزعيمه
• خلااااااااااااص خلصنا وش عاد بقي
• اخترت مدن شهر العسل ابي ترتبونها لو سمحتوا
• روما و بسكارا بين السياحة والعمل
• انا في ميلان ردوا ضروري
• استفسار عـــاجل
• استفسااااااار صغير
• للأهميةاستفسار بخصوص موقع بوكينج
• سؤال للخبراء في الشنقن
• مساعدة يا خبراء ميلان
• استفسار لجدول رحلتي
• من أحلى محلات الايسكريم المنتشرة في إيطاليا
• شهر عسل ب
• انا اول مره اسافر لايطاليا ممكن تساعدوني يا اخواني

مدة السفره 10 أيام
من 15/7/2011 إلى 25/7/2011


طبعا الرحلة كانت : الكويت-لندن-ايطاليا-لندن-الكويت

اما ايطاليا فكان نصيبها مثل ماقلت عشر ايام


سفرة الصيف هذي ، والسفر عند الاهل = السوق
وعندي انا = سياحه
بس الغلبه للاغلبيه
7 ايام سوق + 3 سياحه = ظلم ورب الكعبه



الانطلاقة كانت من مطار هيثرو / لندن
إلى مطار Linate / ميلانو
وهو المطار الاقرب للسنتر



على الخطوط الجوية الايطالية


إضغط على الصورة لتكبيرها ... أبعاد الصورة الأصلية 899x209 وحجمها 96 كيلو بايت .







الحجز عن طريق موقعهم
http://www.alitalia.com/en_en/splash-page.aspx
سعر التذكره 108 جنيه استرليني ، حوالي 40 دينار ، وسعرها كان ارخص من مكاتب السفريات


مدة الرحلة بحول ساعه وشي
للأمانه ماذكر فرق التوقيت
بس رحلتنا كانت الاقلاع 18:50
والوصول 21:45
عاد الحسبه عليكم


الطياره كانت صغيرونه بس حليوه لا باس فيها ابدا


..


وصلنا المطار وكان صغيرووون لأنه خبري ماهو المطار الرئيسي عندهم
والخدمه مش ولا بد


..


من المآآآآآآآآآآآسي الي واجهتنا بعد الطلعه من المطار
التكـــــــاسي


بصراحه استقبال الطليان كان XXX
من يشوفون عددنا 7 أنفار ينحاشون !!
طيب ياعيال الحلال ترى نبي سيارتين مو وحده
ابد عمك اصمخ ، ويقولون لاخوي روح شوف السيارات الكبيره هناك
والوقت متأخر حسبي الله على ابليسهم وين نروح !!
واخوي يطق مني ومناك مسكين ، و طبعا اللغه هناك الله بالخير ، الواحد الي مايعرف انجليزي يطلع كشخه جدامهم
وبالاخير واحد من التكاسي طلع سنع ونادا لنا تكسي ثاني ، بس الثاني عسر شوي وماااايرضون يحطون اكثر من جنطتين بالسياره حتى لو اكو مجال !

فصارت اغلب الجناط مع السياره الاولى
والحمدلله عــــــدت

اختـــي العـنـود الحـمـدالله على السـلامـه

وسـلمـت الأسفـار

وهـذا التقـريـر بـايـن عليـه مشـوق وجميـل من بدايـته وسـاعتبـرهـ عيـديـه للـبوابـه الأيطـاليـه
حيـث انتظـرنـا طـويلاً عيـديـه معتبـرهـ خـاصه بـأننـا تخطينـا سـن الأخذ بالعيديـه فـ شكـراً تـابعـي وإلي الأمـام

يشـرفنـي اكـون أول من يـرد على التقـرير سجلنـي من المتـابعيـن وهـا قـد حجـزت مقعدي بالصـف الأمامي

وعمـومـا بالنسبـه للشنط هـذي هـي القوانيـن فـي ايطـاليا لكـل تكسي شنطيـن

ننتـظـر البقـيـه يا انسـتـي الكريـمـه

المشاركة الأصلية كتبت بواسطة الـُـف حـٌـرفٌـ
http://www.arabtravelersforum.com/tr...7/#post7168477

اختـــي العـنـود الحـمـدالله على السـلامـه

وسـلمـت الأسفـار

وهـذا التقـريـر بـايـن عليـه مشـوق وجميـل من بدايـته وسـاعتبـرهـ عيـديـه للـبوابـه الأيطـاليـه
حيـث انتظـرنـا طـويلاً عيـديـه معتبـرهـ خـاصه بـأننـا تخطينـا سـن الأخذ بالعيديـه فـ شكـراً تـابعـي وإلي الأمـام

يشـرفنـي اكـون أول من يـرد على التقـرير سجلنـي من المتـابعيـن وهـا قـد حجـزت مقعدي بالصـف الأمامي

وعمـومـا بالنسبـه للشنط هـذي هـي القوانيـن فـي ايطـاليا لكـل تكسي شنطيـن

ننتـظـر البقـيـه يا انسـتـي الكريـمـه

الله يسلمك خيي المشرف بعد سنه من العوده

وحياك الله بالصفوف الاولى


أتمنى يعجبكم وتكون فعلا عيديه لها قيمتها ، على انه المناطق محدده بايطاليا وممكن الموضوع يفتقر لبعض التفاصيل
ولكنها تجربه شخصيه بضيفها للصور واتمنى الصور تضيف شي لقسم ايطاليا وتشرح الصدور وتشجع لزيارتها دام ان العين أكثر تأثير من القراءه

اما قانون الجناط فهذي معلومه يديده ، وموخوش قانون ابدا



أنا صحيح قلت هالموضوع مافيه أسئله ، بس الحين أكو سؤال
أكو طريقه لتحميل أكثر من 5 صور بالمشاركه الوحده ؟؟
لأني سويت طريقه وحملت 10 صور على سيرفر المنتدى للمشاركه #3
ولكن للأسف ماشوف من الصور الا خمسه فقط !



وأخيرا ألف شكر لك ع التشجيع
وباذن الله مستمره بباقي التقرير

المشاركة الأصلية كتبت بواسطة الـعـنـود
http://www.arabtravelersforum.com/tr...7/#post7168627

الله يسلمك خيي المشرف بعد سنه من العوده

وحياك الله بالصفوف الاولى


أتمنى يعجبكم وتكون فعلا عيديه لها قيمتها ، على انه المناطق محدده بايطاليا وممكن الموضوع يفتقر لبعض التفاصيل
ولكنها تجربه شخصيه بضيفها للصور واتمنى الصور تضيف شي لقسم ايطاليا وتشرح الصدور وتشجع لزيارتها دام ان العين أكثر تأثير من القراءه


اما قانون الجناط فهذي معلومه يديده ، وموخوش قانون ابدا


أنا صحيح قلت هالموضوع مافيه أسئله ، بس الحين أكو سؤال
أكو طريقه لتحميل أكثر من 5 صور بالمشاركه الوحده ؟؟
لأني سويت طريقه وحملت 10 صور على سيرفر المنتدى للمشاركه #3
ولكن للأسف ماشوف من الصور الا خمسه فقط !



وأخيرا ألف شكر لك ع التشجيع
وباذن الله مستمره بباقي التقرير

اختي انا لاحظت انج ترفقين الصور والافضل انج تدرجين الصور وبالادراج يسمح لج بتنزل اكثر من 30 صوره بمشاركه وحده
وهي صوره الشجره الي بالخيارات في بدايه المشاركه

وطريقه تحميل الصور من الانترنت عن طريق العرب المسافرون وفي ايضا مواقع كثيره اخرى تقدرين تحميل الصور منها وتاخذين رابط الصوره وتدرجينه من خلال خاصيه الادراج
وبالنسبه للمشاركه الثالثه العشر صور موجوده

ننتظر البقيـه

[center]نكمل التمـــــشي بالدومو واكتشاف الموجود فيه غير الكنيسه


‎سوق المباركيه الايطالي خخخخخ ، الجاليريا galleria
هالمكان فيه محلات تجاريه من سوق ومحل لشركة اتصالات ومطاعم وكافيهات متنوعه ، بصراحه محلات الماركات لايق مكانهم مع هالمباني الراقيه




ونفس المكان مع ‎بداية الليل الجميل ^ـ^
على فكره ، هالساحه بالليل القعده والتمشي فيها حيل حلو ووناسه وماتخلى من الناس ، كنا نقعد تقريبا لما الوحده بالليل والوضع حلو ومريح وأهم شي أماااان بالوجود الدايم للشرطه




طقنا اليوع !
ومع الحيره باختيار المطعم ، اخترنا واحد ماذكر شسمه و مادري ليش اخترناه بس يمكن الحظ له دور
وكان هذا غدانا بأول يوم بمطعم من مطاعم الدومو
وطلبنا هالتشكيله والصوره أعتقد مغريه ... وبصراحه انا من عشاق المارجريتا وكنت بلندن وحاولت كثر ماقدر اني ما آكل بيتزا لعيون بيتزا ايطاليا الاصليه
ولــــــــــــــكن
حاشتني صدمه عاطفيه لما جربت مارجريتا ايطاليا
[color="royalblue"] [color="silver"]‎ وأأأأكل ايطاااالياااا وبيتزااا ايطاااليااااا وباستااا ايطااالياااا وخبونااااااااا وناطرييين ومتحمسييييين ، اخرتها ااااالله يزيييييد النعمممممممه

ما شــــاء الله ...

يعطيك العافيه عزيزتي عنود .. و بصراحه فاجأني رأيك عن طعم الاكل الايطالي
عن جد سمعت ان اطباقهم مو ذاك الزود , و فيها طعم شيء قديم , و رأيك الحين أكد الفكره ...
و بعد الكاتشب بفلوس ...!!!!


ديكوراتهم راااااااااااائعه .. و مليانه قصص ..
اهنيك عالتصوير و الاخراج الجميل ..


و متابعين ..

.
.
.

تقرير جمييل ...

وميلانو مدينة جميلة جدآ .. اجواء الدومو صاخبة غير مملة ^_*

[center]
~Serravalle Designer Outlet ~




بداية الـ هَــــمْ إلى آوت ليت سيرفالي
وهو يعتبر أكبر آوت ليت في اوربا
وهذا http://www.mcarthurglen.com/it/serra...gner-outlet/en عشان تعرفون المحلات الي فيه



‎الفندق عنده كتيب صغيرون فيه معلومات عنه ومواعيد الباصات ، والحجز ممكن يكون من الفندق وهذا الي سويناه وهالشي أحسن عشان تضمنون تحصلون أماكن ، والدفع بالمكتب عند الباصات




‎هذا الباص ، يبعد ساعه تقريبا عن ميلانو
‎طبعا الخيار الانسب والاوفر للذهاب هو الباص
‎سعر التذكره 20 يورو للكبار و 10 يورو للصغار ، ولا تغترون بطول اعيالنا ترى الصغار عندهم لما 16 سنه او 17 والسعر بيكون النص فلا تستهينون بهالشي ، طبعا شامل الروحه والرجعه ويكون محدد المواعيد من و الى
‎اما السياره قالنا 300 يورو وينطرنا ساعتين او ثلاث بس ! حسبي الله عليه
‎الباص كان مريييح جداااا واعتقد انه اريح من السياره ، يدخلون بالدور طبعا حسب الي رايح ابجر للباص ، الحلو ان رحنا امبجر وحصلنا الكراسي الاربعه المتقابلين وبينهم طاوله ، اريح للمجموعه من الكرسيين حق الهذررررره




المناظر مااااتحسس الواحد بالوقت كللللللللللللش




‎هذي الغيمه نازله مادري وين تبي توصل o_O




‎مادري ليش هالفتحه ذكرتني بآلة الزمن




‎وصلنــــــــا




‎وهذا المدخـــــل الرئيسي




‎الاوت ليت كبير ، وترتيبه يدوخ ........ مجموعه كبيره من المحلات المتنوعه من ملابس وغيره ، غالبا فيها بضاعة المواسم الي طافت وبأسعار أقل من السوق

‎هممممم يمكن لأن المكان للي اول مره يدخله يعتبر نفسه ضايع
‎بعضنا ماعجبهم وبعضنا عجبهم ، وانا من البعض الثاني ، بصراحه شريت وكان اليوم يومي
‎لاحظت بالاهل شي ماعجبني ، يروحون على المحلات الي يعرفونها ، والي مايعرفونها يعطونها طاف او يتكرمون بالدخله من ورا النفس
‎يا ماما هذيك المحلات موجوده عندنا وبكل مكان ، بس بعض المحلات ايطاليه فقط ، دخلنا اكثر من محل ايطالي وبضاعته كانت حلوه ..... الاسعار كانت عاديه ، يعني ابـــــــد مومثل ماقالوا ان الاسعار بايطاليا رخيييييصه ، نو نو ماشفنا هالشي يمكن بعض الاشيا بس مو كل شي ، الملابس الرجاليه الي كانت الارخــــــص صج
‎اي صج لا انسى ، ترى اكو مطعم هناك فلا تحاتون بطونكم




‎عادي جدا تلقون طابور على باب المحل
‎هالطريقه مع انها تملل بس حليوه عشان لا يصير زحمه ومخامط داخل المحل
‎على فكره ، لا تنسون تسوون التاكس فري VAT ، وبجذي لازم الجوازات تكون معاكم




[color="royalblue"]رجعنـــا ، وعلى فكره ترى محطة الباص مو بذاك البعد عن الدومو ، يمكن عشر دقايق مشي من السنتر وبشارع واحد الي هو شارع الاعلام
لكن الاهل الله يسلمهم ياخذون تكسي !! من الفندق للمحطه ويطلع الطريج اشطوله
امابالرجعه يرجعون مشي ، عكس الناس !
بس الظاهر قاصدينها عشان يقعدون بمطعم ويعوضون الي حرقوه __

اختي العنود

المنتدى نور برجوعج

والتقرير وايد روعة من البداية ومرتب

صراحة تضايقت من التاكسي ومعاملة الايطاليين

سجليني متابعة

يعطيج العافية

~ القطــارات ~




بتكلم عن الصدمه الايطاليه الثانيه ألا وهي المواصلات
بهالتعليق راح أتكلم عن القطارات بس


اعترف اني لليوم ماني فاهمه نظام القطارات !!!

بس بقولكم شنو فهمت لكن بعد كلامي تأكدوا من مصادر ثقه عشان لا تدعون علي باجر

القطارات اكو نوعين
الاول القطار الايطالي ، http://www.trenitalia.com/cms/v/inde...0080a3e90aRCRD

وهو العادي وتكون له رحلات وايد ، تقريبا كل نص ساعه قطار



اما الثاني هو اليورو ستار ، http://www.raileurope-world.com/rail...ostar%20train+

سعره يكون اعلى تقريبا الضعف ، واسرع بفرق نص ساعه تقريبا عن القطار العادي ، اما رحلاته فمحدده ، حسب ذاكرتي كل ساعتين قطار



حجزنا للقطار تم عن طريق مكتب مقابل فندقنا مباشره ، هو يحجز لنا التذكره ويقطعها ونحاسب عنده ، ونروح المحطه دايركت ع القطار
طبعا ياخذ عموله بسيطه

وممكن تعرفون مواعيد الرحلات عن طريق الفندق ، يجيكون لكم من الرسبشن

او ممكن تروحون للمحطه وتحجزون من هناك وسوينا هالشي من قبل بس المكتب كان اريح بدل الطابور هو صحيح ماكان طويل بس مادري حبيت فكرة المكتب اكثر واذكر ان العموله بسيطه

المهم بما ان اسعار اليورو ستار طلعت تفرق عن القطار العادي بحكم ان احنا عايله
فحجزنا ع القطار العادي
ماكو شي اسمه تحجز كرسي ، كل واحد يروح يقطع تذكره وانت وحظك بالقطار اما تحصل كرسي او تتم واقف !!
واذكر سألنا عن الدرجه الاولى بالقطار وقالنا نفس الشي ماكو حجز كراسي !! اللهم السعر زياده فالضغط ممكن مايكون وايد بالمكان وممكن فرصة توفر الكراسي تكون اكثر

بصراحه قطاراتهم ببساطه اقول ســـــــــكراب !
مقارنة بقطارات لندن العاديه الي قمه بالنظافه والترتيب والتنظيم

يعني عادي بالقطار ناس قاعده ع الارض
وهذا الي صار مع ولد خالتي مسكين بسّط ع الارض ، يعني باختصار اقول صرنا هيلق
ولما رحنا فينيسيا بمسافة ساعتين ونص اخوي تم واقف ! لانه ماااكو كرااااسي
حسااااافه والله حساااافه لأني ماصورت بالقطار ، والا جان راويتكم الصور والعفسه

أحس اكو شي غلط ووصله مفقوده بهالموضوع احنا مافهمناها ، المرض كان له دور قوي وضيق البال علي والناس ماكانت متعاونه



اما محطة القطار فبعد ترتيبها مو مفهوم ، يعني ببريطانيا من ندخل المحطه يكونون حاطين كل قطار وين مكانه ، اما بايطاليا فننطر لما يبقى دقايق على موعد القطار وبعدها يعلنون عن مكانه

اذكر ياما ويامااااااا حسنا وصعدنا ونزلنا عشان نعرف وين مكان قطارنا ؟؟
حتى الشاشه مومكتوب فيها اسم المنطقه الي بنروحها خير شر الا حزززة الحزه ، وهالموضوع مرررررعب والواحد معاه عايلــــه وتعال ركّضهم



هذا كل شي مر علي عن القطارات

واعترف مره ثانيه ان هالموضوع بسبب ضيقة بالي هناك ماعطيته حقه ، يعني خبري ان اسعار تذاكر قطارات بريطانيا كانت مناسبه تقريبا لنا ، اما ايطاليا مادري ليش البعض قال غاليه ! طبعا اتكلم عن اليورو ستار ..... للأمانه الحين مااااااذكر شنو كانت اسعاره ، بس احسن شي لي اني اقارن بين اسعار قطارات ايطاليا وبريطانيا ووقتها بقدر ارد عليهم واقولهم اذا اليورو ستار يسوى هالسعر والا لا


عموما اعتقد ان ايطاليا تحتاج تضبط انظمة المواصلات عندها وتخليهم بصوره ابسط واوضح
جربنا التكاسي + القطارات + الاندرجراوند
وماشفت سهوله بأي وسيلة تنقل

المصيبه وين ؟ برايي بشيين
الاول هو طريقة التواصل مع الناس
الانجليزي حييييل ضعيف ، وصعب ان نفهم كل شي من بعض وبجذي المساعدات ماراح تكون سهالات
ماذكر ولكن حتى لوحات الارشاد عندهم بالايطالي ! جد ماذكر بمحطات القطار والاندرجراوند ، ولكن هم هالشي لاحظناه بوايد اماكن انهم مومعترفين بالانجليزي ، اوكي آمنا بالله لغتكم وتعتزون فيها ولكن تذكروا هي دوله سياحيه


الشي الثاني هو الناس نفسهم
ماعندهم طولة بال وصبر ، مع انهم المفروض يكونون فاهمين انهم بمكان سياحي وكثرة الاسئلة وتكرارها شي وارد !




ارجع واقول ادري وايد اتحلطم ، بس والله ماهو تطفيش من ايطاليا ، ولكن هذي الاشيا الي ماعجبتني وأحاول أبينها ، يمكن انا ماستعديت لنقطة المواصلات عدل مع اني حاولت ، ويمكن لأنها أول زياره ، ويمكن لأنه الجروب كله كان معتمد علي فحسيت بالمسؤوليه ، ولكن احطها ببالكم عشان تحسبون حسابها ، وكل شي ثاني جميل
ايطاليا جميييييييييييييييله وأتمنى ازورها مره ثانيه


* معلوماتي غير دقيقه بموضوع القطارات ، هذا مجرد اجتهاد شخصي وملاحظات شخصيه ، فدرسوا موضوع القطارات من مصادر ثانيه

.

المشاركة الأصلية كتبت بواسطة ام عزيز7
http://www.arabtravelersforum.com/tr...3/#post7169843

ما شــــاء الله ...

يعطيك العافيه عزيزتي عنود .. و بصراحه فاجأني رأيك عن طعم الاكل الايطالي
عن جد سمعت ان اطباقهم مو ذاك الزود , و فيها طعم شيء قديم , و رأيك الحين أكد الفكره ...
و بعد الكاتشب بفلوس ...!!!!


ديكوراتهم راااااااااااائعه .. و مليانه قصص ..
اهنيك عالتصوير و الاخراج الجميل ..


و متابعين ..

.
.
.

الله يعافيج
والله كلنا تفاجأنا ع الاكل
مادري العله وين ، بس يعني اذا انا عسره فمو معقوله باقي الست انفار عسرين نفسي !
لكن الظاهر مثل ماقال اخوي ، هالمطاعم للسواح والاكل فيها شغل مش حالك

اما الديكورات فهذا تخصصهم ، فناااانيييييين وتتعبين وانتي تشوفين فنهم









المشاركة الأصلية كتبت بواسطة لآ مشكلهـ
http://www.arabtravelersforum.com/tr...5/#post7169855

تقرير جمييل ...

وميلانو مدينة جميلة جدآ .. اجواء الدومو صاخبة غير مملة ^_*

ماتقصر
اي والله ياحلو ايطاليا ، جد يبيـــله مره ثانيه

[center] ~ Verona ~

مدينة الحب


تبعد عن ميلانو حوالي ساعه ونص بالقطار ، وللأمانه ماذكر الاوقات بالضبط بهالسفره

[color="royalblue"][size="3"] [color="silver"]فيرونا أكو ثنتين التاريخيه والحديثه وكل وحده محطه فتأكدوا لما تحجزون القطار _

عذرا لأني برد على هالتعليق قبل ردي على التعليقات الاوليه
لأنهم بيسافرووون الاسبوع الياي يعني حاله مستعجله







المشاركة الأصلية كتبت بواسطة Nanoza_QR
http://www.arabtravelersforum.com/tr...1/#post7172911

ماشاء الله تقريرج حلو
وفي انتار باقي المناطق

بخصوص القطارات صدمتيني
احنا بإذن الله رحلتنا لإيطاليا الاسبوع الجاي
انصدمت من سالفة القطارات

انزين يورو ستار فيه نفس المشكله مالت الكراسي والا لا؟



تنصدمون بالنت احسن من صدمه بالواقع
ارجع واقول ماعندي المعلومات الكافيه عن القطارات بايطاليا
ولكن بخصوص القطار العادي فهذا الي صادفناه ، وقريت موضوع ثاني وصاحبه يتفق معاي بالراي ، قطارات الشركه الايطاليه مو نظاف وماكو حجز كراسي وعفسه وقايمه ومن سبق لبق !

اما قطار شركة اليورو ستار فهو ارتــب وخبري عندهم حجز للكرسي والا على شنو السعر المضاعف !

نصيحتي ان تشوفون مواضيع ثانيه فيها معلومات دقيقه اكثر عن موضوع القطارات ، والجماعه بالمنتدى مومقصرين الله يعطيهم العافيه ^ـ^

توني دخلت على موقع قطار اليورو ستار وشفت اسعارهم ، معقوله !
ولكن مقارنه بأسعار القطار الايطالي فهي اغلى
بس بعد مادري اذا سعر النت ارخص من المحطه والا لا

بصراحه لو احنا نفرين الي مسافرين جان حجزت على اليورو ستار وانا مغمضه ، ولكن الجروب بيفرق السعر معاهم
غير هذا ان اوقات اليورو ستار خبري محدده مو كثر اوقات القطار العادي

للأسف ماقدر أحكم على القطارات لأني ماجربت اليورو ستار ، ولكن سمعته افضل من العادي

ماشاء الله
عودا" حميدا" بعد عام لنا
وكل عام وانت بخير
ابدااااااااع بالسرد والتفاصيل والصور

تقرير قمة بالروعة
تسلم الايادي

ما فيه مرشدين باللغه الانجليزيه يعني

تقرير رائع ماشاء الله واسلوبج الي محلي التقرير

انا صارلي شهرين راجعه من ايطاليا وماعجبتني ابد وما اتوقع ارجع ازورها مره 2

مافي احترام ابد ويتكلمون من طرف خشومهم ومايحبون يساعدون العرب

والشوارع وصخه وغير نظيفه

والاكل استغفر الله الله يعز النعمه والله اكلنا انظف وافضل منهم بمليون مره

والقطارات حسيت نفسي من ايام الحرب العالميه الاولى كلها غبار وغير نظيفه

الجو حاااااار مايفرق عن جونا ابد

بشكل عام ايطاليا مستواها اقل بكثير من الدول الاوروبيه الثانيه

المكان الوحيد الي فعلا عجبني ويستحق الزياره الي هي(كومو) كانت فعلا مدينه رااائعه

[center]

~ نكمل مع Verona ~


بعد ماخلصنا من بيت جولييت شفنا ‎هالمحل الموجود بحوش البيت ، ونفسه عالشارع الي فيه بيتهم ، يسوي عيّنه من الاسم بالخيوط وبعدها تختارون الموديل الي تبونه عشان يسوي الاسم عليه سواء فوط او مريله او قبعه وغيره وغيره اشكال عنده بس اغلبها تصلح للمطبخ والحمام عزكم الله





‎هذا الناتج .... ماشالله بثواني يسويها والمكينه يدويه مو كهربا يستخدم ايد يحرك فيها عجلة المكينه والايد الثانيه يحرك فيها هالورقه عشان يكتب الاسم !




‎هذا الشارع الي فيه بيت جولييت وعلى جوانبه محلات تبيع اشياء للذكرى او ايسكريم وخفايف




‎بذمتكم مو كأنها مصر ! .... واللهِ ولا كأنها بلد اوربي




‎وهذي نهاية الشارع ... ساحه محوطه بالمباني وفيها بالوسط بسطاااات بس على طاولات
‎يبيعون اشياء للذكرى عن المدينه ويبيعون فواكه جاهزه للأكل شكلها يغريييييييييييي بس حسافه مادري وين صورتهم
‎** مقتبس من http://abomshary.net/?p=778 :Piazza della Erbe ساحة ديللا إربي
‎سميت هذه الساحة نسبة إلى نوع من الزهور ينمو في المنطقة ، وتعتبر من أشهر الساحات في فيرونا بعد ساحة ( برا Bra ) ويحيط بهذه الساحة العديد من المحال التجارية والمقاهي كما تعتبر إحدى الساحات المركزية لتجمع السياح ، وتقام في هذه الساحات بعض العروض المختلفة ، ويقع في هذه الساحة برج لامبيرتي الشهير Lamberti في المدينة




‎وكالعاده مايخلى مكان من اقنعة الحفلات التنكريه اشكاااال والواااااان




‎المزيد المزيد ^ـ^




‎اكثر شي كان يلفت النظر بفيرونا هالاقلام القديمه مع المحبره ...... اعتقد انهم تلميح لرسالة جولييت لروميو ، يشوقووون ^ـ^




‎والشخصيه الشهيره بينووكيووووو
‎هالشخصيه والاسطوره الشهيره عندنا "الي يجذب خشمه يصير طويييييل" خخخخخخ




‎برج لامبيرتي ، اطول برج بفيرونا
‎** مقتبس من http://abomshary.net/?p=778 : برج لامبيرتي Torre dei Lamberti
‎يرتفع هذا البرج نحو 274 قدماً (84 متراً) حيث يعتبر البرج الأطول في فيرونا ، بدأ العمل في بناءه عام 1172 وأكتمل انشاؤه في عام 1464 ويوجد برج الجرس في أعلاه وقد صمم على شكل ثماني الأضلاع ، وبداخل برج الجرس يوجد جرسان قديمان يطلق عليهما اسم (رينغو) والآخر (مارانغونا)
‎في فترة حياة البرج ، تعرض لصاعقة عام 1403 م أدت لإتلاف رأس البرج ولم يتم ترميمه ، إلى أن تمت إعادة بناء البرج ، بعد ذلك بعدة سنوات بدأت أعمال الإنشاء من جديد في إعادة بناء البرج ولكن بإرتفاع أكثر من السابق حيث استغرقت 15 عاماً لحين تم الإنتهاء من البناء مرة أخرى عام 1464 م ، أما الساعة فلم تثبت على البرج إلا في عام 1779 ، وكان البرج يستخدم لتنبيه سكان المدينة عن نشوب الحرائق ، كما كان يستخدم للمناداة في أهل المدينة للإجتماع في مجلس المدينة ، لهذا البرج 238 عتبة للصعود حتى الوصول إلى الأعلى .. كما يوجد مصعد كهربائي لنقل السياح إلى الأعلى ، وتبلغ قسمة التذكرة 5 يورو




‎يعني لوما هالزرع جان اقوووول هذي مصررررررر ، بس مصر بدل هالزرع ينشرون الغسيل




‎زوووم ..... حبيت هالمبنى برشا ^ـ^




‎منتشر بايطاليا ، مايقصرون شربت منه طعمه طبيعي لا تخافون




‎فناااااتك ، واقفين ومايصورون الا لما تحطون لهم شي هههههه
‎بصراحه يستاهلون هذي شغلتهم بعد ^ـ^




‎من ممرات فيرونا القديمه ♥ وللحين اقول انها تذكرني بمصر




‎شنو اسميه ، ممر ؟ سكّه ؟ فريج ؟ الي هو .... بكل الحالات جمييييييييل




‎يعجبني الزرع على كل مكان ، والله يحلي المبنى




‎وبهالشارع تحصلون السوق ، يمكن البعض من يشوف المدينه مايتوقع فيها محلات عدله ، ولكن عندهم سوق فيه محلات معروفه
‎طبعا انا كرهت هالشارع لانه كان سبب لتأخيرنا خوووو الجماعه لازم يدخلون السوق مايقدرون
[color="royalblue"] ‎وبهالوقت اخوي راح يحلق فيسه بـــ 14 يورو

المشاركة الأصلية كتبت بواسطة بيبسي كولا
http://www.arabtravelersforum.com/tr...5/#post7170615

السلام عليكم
وعليكم السلام والرحمه

والحمدالله على السلامه
الله يسلمك

باين الرحله ممتعه وتقرير مرتب من بدايته

التذكره صراحه حلوه 40 دينار
اي والله السعر ممتاز ، طبعا هذا سعر النت ارخص عادة من المكاتب ، وكلما حجزت قبل وقت بيكون ارخص ، خالتي حجزتها بعدنا ومن مكتب طلع سعرها 70 دينار !

وسالفة التاكسي مايرضون 7 ؟؟؟
حاشني احباط
مايفكرون الناس سفر وتعبانين؟
للأسف هذا الي حصل ، كل تكاسي المطار 4 راكب ، ماشفت اكبر
لكن لما طلعنا من الفندق للمطار طلبنا من الفندق تكسي 7 راكب وشال كل جناطنا مقابل 60 يورو ، كان ممتاز وسياره سنعه

الفندق ممتاز*
اهم شي الغرف وساع
اي والله الفندق عجبنا وغرفه وسيعه

مريضه بسفر مشكله*

وليش شخطتي بالرسبشن شالسبب؟؟؟؟
لأنهم يكلمونك كأنك تسألهم وانت خبير بالبلد !!
كانت تتكلم وبعدها حمقت ، قلتلها ترى هذي اول زياره لي لايطاليا وانا ماعرف وماييت سألت الا لأني موعارفه ، فتأدبت بالكلام من بعدها

ياحبكم للتحرش .. ولعتي شمعه هههههههههه
حشره مع الناس عيد خخخ ، كان سعر الشمعه 80 سنت اذا ماني غلطانه

سوق المباركيه ياولد الحجيه هههههههههههه

البصره تقول خالتج هههههه

شسالفة علم الكويت
شنو فندق !!
لا هذا شارع فيه مطاعم وكافيهات ، وحاطين اعلام بعض الدول مادري ليش

يعطيج العافيه

استمتعت بالبدايه

وراح اكمله قريبا بعد عودتي من السفر ان شاء الله



الله يعافيك ، وترجع بالسلامه انشالله









المشاركة الأصلية كتبت بواسطة ياسمينة ستي
http://www.arabtravelersforum.com/tr...9/#post7171169

اختي العنود

المنتدى نور برجوعج

والتقرير وايد روعة من البداية ومرتب

صراحة تضايقت من التاكسي ومعاملة الايطاليين

سجليني متابعة

يعطيج العافية



منور بأهله والله تسلمين
ايـــه للاسف هذا الحاصل ، ماعندهم تنظيم للمواصلات العامه بالمدينه









المشاركة الأصلية كتبت بواسطة فــيـصـل
http://www.arabtravelersforum.com/tr...1/#post7171971

حلو سوق المباركيه
سالفه القطارات غريبه
ادفع درجه اولي واصير واقف لو خمسدقائق مو متقبلها كيف اوقف ساعتين ونص
اخصوا عليكم من قطارات
ما فيه شيء ببلاش باوربا الكيس بحسابه
لا هنتي وحمدلله علي رجوعك



الدرجه الاولى بالقطار الايطالي ماعندي فكره 100% عنه للاسف بس كأنه هذا الي قاله ، المشكله انجليزيتهم مش ولا بد واحنا مضغوطين بالوقت والمزاج فعلا مو تمام ، فاللي نفهمه ناخذه ونخلص
والله يسلمك ^ـ^

بوركت ألف مرة سيدتي


تقرير مميز للغاية


ذكرتني بالأيام الخوالي


ولعلّ لي عودة قريبة إلى مدينة بولونيا


إن تيسرت أمور الترتيبات لزيارة مصنع هناك






شكرا لك هذا الجهد والتعب والبذل والعطاء




أسعدتني بهكذا تقرير


في أول سبت بعد الإجازة

المشاركة الأصلية كتبت بواسطة ابو طلال*
http://www.arabtravelersforum.com/tr...1/#post7175041

ماشاء الله
عودا" حميدا" بعد عام لنا
وكل عام وانت بخير
ابدااااااااع بالسرد والتفاصيل والصور

تقرير قمة بالروعة
تسلم الايادي



وانت بألف خير وصحه وسلامه مشرفنا المخضرم والله يسلمك










المشاركة الأصلية كتبت بواسطة فــيـصـل
http://www.arabtravelersforum.com/tr...5/#post7175595

ما فيه مرشدين باللغه الانجليزيه يعني



مادري بصراحه مامر علي o_O









المشاركة الأصلية كتبت بواسطة اوقات فراغ
http://www.arabtravelersforum.com/tr...7/#post7176577

تقرير رائع ماشاء الله واسلوبج الي محلي التقرير
يحلي ايامج

انا صارلي شهرين راجعه من ايطاليا وماعجبتني ابد وما اتوقع ارجع ازورها مره 2

مافي احترام ابد ويتكلمون من طرف خشومهم ومايحبون يساعدون العرب

والشوارع وصخه وغير نظيفه

والاكل استغفر الله الله يعز النعمه والله اكلنا انظف وافضل منهم بمليون مره

والقطارات حسيت نفسي من ايام الحرب العالميه الاولى كلها غبار وغير نظيفه

الجو حاااااار مايفرق عن جونا ابد

بشكل عام ايطاليا مستواها اقل بكثير من الدول الاوروبيه الثانيه

المكان الوحيد الي فعلا عجبني ويستحق الزياره الي هي(كومو) كانت فعلا مدينه رااائعه



يحلي ايامج
والله انا لو بيدي ازورها مره ثانيه وافررررهااااا فررررر ، لأنه فعلا هالسفره اعتبرها لقاء تعارف مع ايطاليا ، ويبيلها قعده عميقه لتكوين صداقه حميمه لأني حبيت هالبلد التاريخي
اما الاشخاص ففعلا لاحظنا هالشي تعاملهم مش ولا بد مع السوّاح للأسف
والاكل بعد رايي من رايج
والقطارات فعلا هذا الي حسيته ! كان ودي اجرب الدرجات الاولى واليورو ستار ولكن عددنا ماشالله بيفرق معانا السعر
اما جونا فكان روعه واروع من الروعه الحمدلله خالف جميع التوقعات

وللأسف ماقدر اقارن ايطاليا بالدول الاوربيه لأني مازرت غير بريطانيا
ايطاليا مليانه بالتاريخ وانا من عشاق التاريخ
ولكن بريطانيا وبالاخص لندن العاصمه بلد سياحي من الدرجه الاولى بسبب اهتمامهم بالسوّاح
بس للحين حبيت ايطاليا اكثر يمكن لأنها صديقه يديده

هالتعليق يحتاج صفحه بروحه وقاعة محكمه دوليه








المشاركة الأصلية كتبت بواسطة الـُـف حـٌـرفٌـ
http://www.arabtravelersforum.com/tr...3/#post7178633

أسمحـي لـي ان اقـدم الـ خمـس نجـوم للمـوضوع تستاهليـن التقيـم

مع ان هنـاك بعـض الملاحظـات حـول التعليقـات دائمـاً ما تنتقديـن ايطـاليـا

اولاً اختـي الكريـمه ايطـاليا بـلد حضـاري وتراثـي يعنـي المشاهدت التـي تم انتقادهـا بالنسـبه لهـا كـ دولـه حضـاريـه عـادي

ثانيـا بالعكـس الايطـالييـن ودوديـن لكـن شـي طبيعي نشـوفهم منفسيـن لانهم شعب يستحـي انـه مايتحدث انجليـزي فـ يتحـاشى السيـاح

انتـي حجزتـي تذكره القطار من محل لو حجزتيه من المحطه تلقين رقم للكبينه وايضا للمقاعد فـ هـذا من سوء تدبير من قبلكـم

ترا انا وزير ايطالي فما ارضى عليها ههههههههههههههههه

عمومـا تقـرير مميـز اقدم لـه النجـوم كـ اعتبـار مني ومن مشرفين ومراقبين واداره المنتدى

تقبلـي تقـديري



لَه لَه لَه يا حضرة الوزير الايطالي هل كيف فهمتني هيكا !
يحقلي ارفع عليك دعوى عند رئيس الوزراء ضدك لأنك اتهمتني باتهام باطل


كتبت اكثر من مره وارجع واقول
باختصــــار عشــــــقت ايطاليـــــــــا
ونصحت بزيارتها واتمــــــنى زيارتها مره ثانيه
مثلما كتبت بالتعليق السابق ، سفرتي هذي لايطاليا كانت مجرد لقاء تعارف ، واتمنى زيارتها مره ثانيه والتعرف عليها اكثر واكثر واكثرررر
انا اعشق التاريخ وحضارات البلدان وايطاليا كانت تترس العين من هالناحيه
فعلا ماذكر اني انتقدت ايطاليا من كونها بلد يستحق الزياره !


ولكن انتقادي كان ببعض الامور اللي بعضها ذوق شخصي وبعضها عدم المام فيها واعترف بهالشي

مثلا القطارات انا بينت بتعليقي عن القطارات اني كنت مقصره بالتحضير له وهذا الي طلع معاي ووضحت ان كلامي غير دقيق
اما بخصوص الدرجه العاديه من القطار الايطالي فماكان فيه حجز كراسي !
مرتين حجزنا من المكتب ومره من محطة القطار وماقالوا لنا حجز الكراسي متوفر
ولو توفرت الكراسي فمستوى القطار سيء جدا جدا بصراحه ، الناس تقعد بالممرات وبعضها واقف ، يعني منظر غير حضاري ببلد مثل ايطاليا توقعته افضل بكثييير من هالجانب


اما الايطاليين فأغلب الي واجهناهم بصراحه معاملتهم مو تمام ، والغريب ان هالناس بأماكن سياحيه 100% ، بالفندق وبالتكاسي وببعض المحلات التجاريه وبمحل للايسكريم ! لا والله ماكان محل الا كان كشك بالدومو يبيع الايسكريم وكان يكلمنا بنفسيـــه وشبه عصبيه لدرجة اخوي ماكمل الطلب وحاسبه وتركه
ماراح اقول الكـــــل ولكن اغلبهم

والاكل هذا عاد ذوق شخصي ، مايازلنا بالاجماع



اما ايطاليا كبلد ، فلا تشكك بحبي لها
أصلا لولا انها تستحق الزياره ماصارت صديقتي حسب عنوان موضوعي
رجعت منها وبكاميرتي حوالي الـ 1000 صوره في عشر ايام وهذا كنت مريضه ، لو مومريضه مادري شسويت


أخيراً قررت أسحب الدعوى لأنك حطيتلي 5 نجوم


تسلم مشرفنا النشيط والله يعطيك الف عافيه ، وكانت مداخلتك مفيده جدا عشان اوضح هالامور الي يمكن البعض فهمني فيها غلط

المشاركة الأصلية كتبت بواسطة الـعـنـود
http://www.arabtravelersforum.com/tr...5/#post7179605

هالتعليق يحتاج صفحه بروحه وقاعة محكمه دوليه

لَه لَه لَه يا حضرة الوزير الايطالي هل كيف فهمتني هيكا !
يحقلي ارفع عليك دعوى عند رئيس الوزراء ضدك لأنك اتهمتني باتهام باطل

كتبت اكثر من مره وارجع واقول
باختصــــار عشــــــقت ايطاليـــــــــا
ونصحت بزيارتها واتمــــــنى زيارتها مره ثانيه
مثلما كتبت بالتعليق السابق ، سفرتي هذي لايطاليا كانت مجرد لقاء تعارف ، واتمنى زيارتها مره ثانيه والتعرف عليها اكثر واكثر واكثرررر
انا اعشق التاريخ وحضارات البلدان وايطاليا كانت تترس العين من هالناحيه
فعلا ماذكر اني انتقدت ايطاليا من كونها بلد يستحق الزياره !

ولكن انتقادي كان ببعض الامور اللي بعضها ذوق شخصي وبعضها عدم المام فيها واعترف بهالشي

مثلا القطارات انا بينت بتعليقي عن القطارات اني كنت مقصره بالتحضير له وهذا الي طلع معاي ووضحت ان كلامي غير دقيق
اما بخصوص الدرجه العاديه من القطار الايطالي فماكان فيه حجز كراسي !
مرتين حجزنا من المكتب ومره من محطة القطار وماقالوا لنا حجز الكراسي متوفر
ولو توفرت الكراسي فمستوى القطار سيء جدا جدا بصراحه ، الناس تقعد بالممرات وبعضها واقف ، يعني منظر غير حضاري ببلد مثل ايطاليا توقعته افضل بكثييير من هالجانب

اما الايطاليين فأغلب الي واجهناهم بصراحه معاملتهم مو تمام ، والغريب ان هالناس بأماكن سياحيه 100% ، بالفندق وبالتكاسي وببعض المحلات التجاريه وبمحل للايسكريم ! لا والله ماكان محل الا كان كشك بالدومو يبيع الايسكريم وكان يكلمنا بنفسيـــه وشبه عصبيه لدرجة اخوي ماكمل الطلب وحاسبه وتركه
ماراح اقول الكـــــل ولكن اغلبهم

والاكل هذا عاد ذوق شخصي ، مايازلنا بالاجماع

هههههههههههههههههههههههههه فعلاً لولا اختلاف الاذواق لبارت السلع فعلاً ذوق شخصي يختلف من شخص لاخر

اشكرج عن العدول عن رفع الدعوه ههههههههههههههه عموما الف شكر لج بأنتظـار بقيـه التقـرير المميـز والنجوم ماحصلتي عليها بمنه من احد انما لما سطردته اناملج في هذا الموضوع

اما ايطاليا كبلد ، فلا تشكك بحبي لها
أصلا لولا انها تستحق الزياره ماصارت صديقتي حسب عنوان موضوعي
رجعت منها وبكاميرتي حوالي الـ 1000 صوره في عشر ايام وهذا كنت مريضه ، لو مومريضه مادري شسويت

أخيراً قررت أسحب الدعوى لأنك حطيتلي 5 نجوم

تسلم مشرفنا النشيط والله يعطيك الف عافيه ، وكانت مداخلتك مفيده جدا عشان اوضح هالامور الي يمكن البعض فهمني فيها غلط

هههههههههههههههه الله فعلاً لولا اختلاف الاذواق لبارت السلع نعم ذوق شخصي ويختلف من شخص لاخر

هههه شكراً عن العدول عن رفع الدعوه ههههههه

النجوم حصلتي عليها من غير منه من احد انما لما سطرته اناملج في هذا الموضوع المتميز

ويلكم باك
تقرير غاية في الروعة

صدقت الايطاليين كل واحد نفسه على طرف خشمه
و الفوضى تصاحبهم بكل مكان
سويسرا على هدوئها الا ان الجانب الايطالي لوقانو وماحولها ماكأنه جزء منها
أحس فيه تشابه كبير بيننا و بينهم في هذي الناحية
فما نقدر نلومهم


متابعين معك للآخر

~ Fox Town Outlet ~




اوت ليت "فوكس تاون" في منطقة لوغانو Lugano
‎ على الحدود الايطاليه السويسريه
‎عشان جذي لاااااازم تكون جوازاتكم معاكم ، المكتب الي تحجزون عنده تذاكر الباص نفس المكتب الاولي الي حطيته لما رحنا اوت ليت سيرفالي ، وراح يطلب منكم المكتب الجوازات لما تحجزون ، وسعر التذكره نفسها 20 يورو للكبار والصغار نص السعر اذا ماني غلطانه
‎والطريج بالباص تقريبا ساعه و10 دقايق

‎بعد ماتشترون من السوق وتسوون التاكس فري VAT
‎بالرجعه راح يوقف الباص عشان تنزلون تختمون الفواتير من الحدود ضروووري لان استلام الفلوس يكون بالبلد الاخير من سفرتكم




‎وهذي لوغانو ، مدينه سويسريه ، الطبيعه متلخصه فيها من أول نظره -__-




‎وهذا الفوكس تاون ، عباره عن مجمع من ثلاث طوابق وفيه محلات متنوعه ، بس لاحظنا ان الاسعار عاديه او بعضها اغلى من لندن ! وكان استنتاجي الوحيد ان البضاعه بسويسرا اصلا اغلى من باقي دول اوربا فطبيعي لما يودونها للاوت ليت بتبقى اغلى حتى لو سووا عليها خصم ، شريت قميص من اوت ليت بمانشستر كان سعره ارخـــص من فوكس تاون ، بس محل ارماني ومحل لامارتينا كانوا ارخص من باقي الاماكن ، تقريبا الاسعار كانت نص السعر عن اسعار الكويت ! ، اخوي واختي ماقصروا خموا الدنيا و راحوا مره ثانيه للاوت ليت عشان يكملون
‎على فكره ، كل شي هون بالفرانك السويسري ، ممكن ياخذون اليورو بس الاغلب يرجعون الفلوس بالفرانك وبعض المحلات ترجع باليورو ومنهم الكفتريا




‎عجييييييييييبه هالمنطقه عجييييييبه ، الواحد يروحها للراحه والاستجمام فقططططططط ، طبيعه تطيّر العقل
‎حرام الواحد اذا واصل مايزورها ويستمتع بطبيعتها ، بس عند الاهل حلال وعادي وجنه العيد




‎انا ماعجبني بهالاوت ليت الا بيتزتهم مع ان شكلهم مايشوّق ، تخيلوا عاد بيتزا سويسرا احلى من ايطاليا ! بس تبقى بيتزا هت لندن هي الالــــــــذ ♥




‎أخيراً من لوغانو ، للأسف ماشفت منها الا طريج الباص ، وخليتهم بالسوق وانا رحت تمشيت شوي وجكيت لي جم صوره وقلبي كان يرفرف للمزيييييد
‎بس يالله طاااااااف كالعاده





خلصنا من صور الـ هَــــم / السوق ولاحظوا مومصوره داخل لاني ماكنت طايقه الوضع التسوقي مليييت من السوق ، وكان مول وممرات ، عجبني سيرفالي اكثر لانه بره وشرح ^ـ^

هالمدينه حلووووه وطبيييييعه وترررررد الروووووح بعيييييدا عن السوق ولازم الواحد يحطها بحسبته للراحه والاستجمام ، شفت عنها بروشور بالفندق وتحسرت بس قلت صبر جميل والله المستعان

.

اخي الكريمة ,,, الـعـنـود

حقيقة مشاء الله سرد ممتع وشيق , و الحمد لله ع السلامة زين عقب سنة ويامراحب

دمتي بكل خير

[center]
~ Peschira del Garda ~



‎إلـــــى منطقة باسكيرا جاردا
‎تبعد عن ميلانو بالقطار تقريبا ساعه ونص
فيها مدينة ملاهي "جاردا لاند" وفيها "موفي لاند" ، الاولى مثل اي مدينة ملاهي العاب ولويه وحوسه وبما اني عارفه الي معاي مايركبون الا ام الحصن قلت نروح موفي لاند لاني قريييييييييت ان يراوون اشلون تنصنع الافلام ومن هالكلام ، فلما قلتلهم عنها امي قالت اي يعني مثل الاستديو الي بامريكا
‎قلتلها المفروض !
‎آخ بس ... كملوا الصور


هذا احنا وصلنا المحطه




‎على فكره ، هدف روحتنا لهالمنطقه الترفيه ، لكن خلوني احط لكم نبذه عن الي فيها

‎*http://www.arabtravelersforum.com/travel418147/:فيها ملاهي والعاب مائيه وتلفريك وبراشوت ونشاطات سياحيه كثيره وفيه حول البحيره مدن وقرى كثيره اغلبها ينفع للسكن وتبعد عن ميلانو حوالي ساعه ونصف وافضل شي انك تسكن في سيرموني او باسكيرا
‎(قرية سيرموني و باسكيرا)
‎- تطلعلهم من ميلانو بالقطار في رحله مدتها ساعه ونص
‎- تقعان على بحيرة قاردا
‎- وفيه ملاهي (garda land)
‎- وفيه قلعه بسيرموني اسمها (القلعه القديمه) وفيهاعدة اسواق ومطاعم
‎- وفيه مطاعم وقهاوي بالسيتي سنتر في باسكيرا
‎- وفيه (movie studios)
‎- وطبعا"يوجد مدينة العاب مائيه اسمها aqua paradise park)
‎-وبالنسبة للمطاعم فيه مطعم اسمه(medieval jimes restaurant) ومن المهم تروح قبل يفتح عشان تشوف العرض من بدايته ،
‎ترجع فكرته الى العصور القديمه من ناحية طريقة الاكل وطريقة زواج بنت الملك -و لازم حجزمسبقوموعدة (يفتح للعشاء الساعه 6,30)
‎- وبالنسبة لموفي استديو ومطعم ميديفال والمدينه المائيه في سيرموني
‎والقريتين عالعموم قريبة من بعض خلال خمس دقايق تقدر تنتقل من قرية للاخرى



‎طلعنا من محطة القطار ولقينا هالمظلتين وحده لجاردا لاند ووحده لموفي لاند ، باصات توصل لهالمكانين مجانا روحه ورجعه ، بس مالحقنا على باص موفي لاند
‎دوررررنا تكسييييييي وماكو الا اثنيييييييين يودون ويرجعون
‎اخيرا رجع لنا التكسي وركبا




‎وصلــــــــنا موفي لاند ، وهذا http://www.movieland.it/studios_index.php الرسمي عالنت




‎هذا اولها ! هــــــــه لا بالله الله يستر ، هالاشكال ذكرتني بدعاية زين "قطووووره"
[color="royalblue"]‎هذا كان المدخل لقسم الالعاب المائيه

تصدقين كل الصور اللي شفتها بتقريرك لايطاليا
خلتني احن لايطاليا نفس صوري حتي علم الكويت وقفت وطقيت تحيه وصورت تحته
انا رحت لسيرفالي اوت لت ونفس الشركه اللي انتي قصيتوا منها للمعلومه (هذي الشركه بعد تودي لمدن اخر ولكن ظمن جدول ايام مخصص لها )
سؤالي الحين
سيرفالي اوت لت هي في مدينه لاغانو سويسر ولا انا غلطانه لاني اذكر مرينا علي حدود من الموبايل

صحيح شسم المكتب الي نقص منه لتذكار القطار ياااليت تفيديني هل هو جمب مكتب اللي يودي اوت لت لاني ادله هذا من الموبايل

انتي سكنتي بنفس الفندق اللي فيه المكتب اللي يودي اوت لت من الموبايل

الشمعهـ بفلوووس شدعوهـ !!
سرد ممتع ورااائع
والحمدلله على السلامهـ

لازلنا ننتظر

المشاركة الأصلية كتبت بواسطة Nanoza_QR
http://www.arabtravelersforum.com/tr...7/#post7178387

يعطيج العافيه اختي تقريرج حلو
وتصويرج حلو ماشاء الله
استمتعت وانا اقرى وفي انتظار الاجزاء القادمه

بإذن الله بكره رحلتي لإيطاليا
وانا نفسج تخطيط الرحله من الى علي وإن شاء الله الامور تضبط وكل شي يكون تمام




الله يعافيج ، وايطاليا اجمل من هالصور بعد ^ـــ^
ايــــــه الله يعينج وانشالله قروبج يكون متعاون ومطيع
بالسلامه ورحله سعيده انشالله ، وبانتظار تقريرج !









المشاركة الأصلية كتبت بواسطة ماجد الفهد
http://www.arabtravelersforum.com/tr...1/#post7178721

بوركت ألف مرة سيدتي

تقرير مميز للغاية

ذكرتني بالأيام الخوالي

ولعلّ لي عودة قريبة إلى مدينة بولونيا

إن تيسرت أمور الترتيبات لزيارة مصنع هناك

شكرا لك هذا الجهد والتعب والبذل والعطاء

أسعدتني بهكذا تقرير

في أول سبت بعد الإجازة



تسلم اخوي ماتقصر ، والله ماكو مميز غير هالمنتدى الرائع واشخاصه الخدومين يعطيهم العافيه لولاهم مانزل هالتقرير
يحق لك تقول الايام الخوالي ، انا رحتها من سنه وحنيت لها !
بالتوفيق ^ـ^






المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...3/#post7180613

ويلكم باك
تقرير غاية في الروعة

صدقت الايطاليين كل واحد نفسه على طرف خشمه
و الفوضى تصاحبهم بكل مكان
سويسرا على هدوئها الا ان الجانب الايطالي لوقانو وماحولها ماكأنه جزء منها
أحس فيه تشابه كبير بيننا و بينهم في هذي الناحية
فما نقدر نلومهم


متابعين معك للآخر



لا يسمعك وزير ايطاليا ، بعدها اخاف يحذف الموضوع
اي والله ان نفوسهم بخشومهم بس البلد روعه والطناااش حلووو
شكرا لك ^ـ^







المشاركة الأصلية كتبت بواسطة a~pinkya
http://www.arabtravelersforum.com/tr...7/#post7181767

تسلم ايدج الغالية على هالتقرير ان شاءالله بروح ايطالياا ع عيد الأضحى لو الله راد
واستفدت واايد من تقريرج ^.^



الله يسلمج ، رحله سعيــــــده واختيار موووووفق
عيل بانتظار تقريرج بعد عيد الاضحى باذن الله

[center]
~ Venice ~

وتنهيــده كبيــــــــره تتبع هالاسم ~ فينيسيــــا .. أو البندقيـــه
♥


‎ هالمنطقه مابي أكثر كلام عنها ، يكفي الواحد يشوف صورها بس عشان ينوي على زيارتها من أول صوره !
[color="royalblue"] ‎ولا يحتاج يروح لمكان فيها ، يكفي يشوفها وبـــس

ناس يسافرون للسياحه زياره المتاحف والمعالم الاثريه ماصورتي شي حتى بس اكل وزج واسواق وكوفيات ناس صدق غريبه

مايهونون الاخوان الي علقوا وللحين مارديت عليهم
بس هالرد النكته مايتطوف







المشاركة الأصلية كتبت بواسطة شمبولي
http://www.arabtravelersforum.com/tr...9/#post7204099

ناس يسافرون للسياحه زياره المتاحف والمعالم الاثريه ماصورتي شي حتى بس اكل وزج واسواق وكوفيات ناس صدق غريبه



اي شفت اشلون !
عاد ننتظرك تتحفنا بصورك عن الاثار والمتاحف (حتى لو من بلدك) يا ابو مشاركتين


وبليز دزلي رساله فيها روابط مواضيعك ، انتظر تحفك ع أحر من الجمر يالتُحفه


.

كملي
يا غالي كلن يسافر علي كيفه ويصور اللي يبي

التقرير رائع ان شاء الله رايح ازورها في نهاية هذا الشهر
اي كاميرا استخدمتم؟


شكرا

انا اتفق معاج الايطالين نفسهم شينه اوف انا زرت ميلان وفنيسيا كرهت ميلان بسببهم وبالنسبه لي ميلان تخوف فالليل ومشهوره بالحراميه

تقرير رائع ومتتع شكرا لج

العنود ردج علي شمبولي اضحكني وانا بالدوام اضحك جني خبله
بس انا زعلانه عليج انا الوحيده اللي مارديتي علي اسئلتي من الموبايل

المشاركة الأصلية كتبت بواسطة عبدالعزيز
http://www.arabtravelersforum.com/tr...9/#post7181979

اخي الكريمة ,,, الـعـنـود
‎حقيقة مشاء الله سرد ممتع وشيق , و الحمد لله ع السلامة زين عقب سنة ويامراحب
‎دمتي بكل خير



‎حيالله مؤسس هالصرح الجميــــل المفيـــــد ، الي اعتقد ان 90% من العرب مايسافرون الا وهم نازلين ترانزيت فيه أو بايتين فيه
‎هذي فرصه أنا اقولك شـــــكراً







المشاركة الأصلية كتبت بواسطة فــيـصـل
http://www.arabtravelersforum.com/tr...5/#post7190975

بانتتظار اخر مدينه
‎الفوكس تاون يعن يما يصلح
‎يمدحون الملاهي بجاردا



‎اخر مدينه وما ادراك ما آخر مدينه
‎الفوكس تاون يستاهل ومثلما قلت بعض المحلات ارخص من عندنا
‎وممكن تحصل فيه صيدات
‎يعني انا شريت لولد صديقتي الصغيرون جاكيت من محل بيربيري قيمته للاسف ماذكرها بالضبط ولكن حوالي 200 دينار عالاقل ، ولكن لأنه آآآآآخر قطعه فعليه خصــــــــــــــم وأخذته بــ 15 دينار فقط !!
‎اصلا ماكنت متأكده من القياس بس السعر يقول اذا كبره كبره ، واذا مو كبره فينفع لاخوه مستقبلا والحمدلله كان كبره وكشخ فيه للعيد
‎وجاردا فعلا من تقرير الاخ بوطلال فهي شكلها روعه ، بس للاسف طافتنا







المشاركة الأصلية كتبت بواسطة o0زينهo0
http://www.arabtravelersforum.com/tr...9/#post7192549

تصدقين كل الصور اللي شفتها بتقريرك لايطاليا
‎خلتني احن لايطاليا نفس صوري حتي علم الكويت وقفت وطقيت تحيه وصورت تحته
‎انا رحت لسيرفالي اوت لت ونفس الشركه اللي انتي قصيتوا منها للمعلومه (هذي الشركه بعد تودي لمدن اخر ولكن ظمن جدول ايام مخصص لها )
‎سؤالي الحين
‎سيرفالي اوت لت هي في مدينه لاغانو سويسر ولا انا غلطانه لاني اذكر مرينا علي حدود
‎من الموبايل



‎ههههههه اهم شي علم الكويت
‎اي والله هناك حنيت للكويت ، والحين انا بالكويت وحنيت لايطاليا
‎الاوت ليت الي تتكلمين عنه هو الفوكس تاون الي بحدود ايطاليا وسويسرا ^ـ^






المشاركة الأصلية كتبت بواسطة o0زينهo0
http://www.arabtravelersforum.com/tr...1/#post7192551

صحيح شسم المكتب الي نقص منه لتذكار القطار ياااليت تفيديني هل هو جمب مكتب اللي يودي اوت لت لاني ادله هذا
‎من الموبايل



[color="royalblue"]‎للأسف ماذكر اسم المكتب ، ولكن اذكر كانت عليه علامه صفرا كبيره واسم المكتب عليها !





المشاركة الأصلية كتبت بواسطة بوحميـــــــــد
http://www.arabtravelersforum.com/tr...9/#post7199409

‎الشمعهـ بفلوووس شدعوهـ !!
‎سرد ممتع ورااائع
‎والحمدلله على السلامهـ



‎ايـــه والله على ماذكر بــ 80 سنت
‎الله يسلمك شكرا ^ـ^







المشاركة الأصلية كتبت بواسطة فــيـصـل
http://www.arabtravelersforum.com/tr...7/#post7201747

لازلنا ننتظر



‎مي سوري ع التأخير ، ولكن قاتل الله الكسل

.

يعطيك العافية على التقرير الجميل والعفوي ،،، وماعليك من الي يقول تقريرك ينقصه زيارة المتاحف ، الصراحة اذا معك 7 اشخاص من فئات عمرية مختلفة يكون من الصعب وضع اماكن معينة لزيارتها بسبب اختلاف الرغبات ، انا لم ارز ايطاليا من قبل لكن احسست ان زرتها من خلال صورك .

ماشاء الله تقرير يستحق التقييم
جميل وتلقائي..
ثقافة السفر.. هي ان تفعل ما يحلو لك ضمن الظروف المتوفرة..
اهم شي ألا تكوني احبطتي من مشاركة خارج النص .. كثيرا ما يعجبه احباط البعض ليس إلا ..
واصلي الابداع .. فاعداء النجاح كثيرون .. سيري فالقافلة تسير ياعزيزتي ..

صور بغاية الروعهـ والجمال
سلمت الايادي
متاااااابع

ما شاء الله عليج
تقرير ولا أحلى ,, والتعليق مع الصور
أجواء جداً مميزة بهالموضوع

عجبني أكثر طرحج لرأيج الشخصي إن كان إيجابي أو سلبي
وهالشي مفيد جداً ,, حتى ولو كانت على أمور بسيطة

أستمتعت بالتقرير بصراحة
وأنتظر الباقي منه

الله يعطيح العافية

السلام عليكم
يعطيج العافيه يا بنت بلدي على هالتقرير
بصراحه أنا ناويه اروح ان شاء الله اخر الشهر بجوله لايطاليا وبرشلونا والله يتممها على خير
:
:
:
:
قولو آآآآآآآآمين
قريت تقاريركثيره بالبوابه واستفسرت كثير وقدرت اخذ فكره عن المناطق الى بزورها(روما/ فلورنس/ ميلان/فينيسيا/كومو/لوقانو)
تقريرج جميل واسلوب الكتابه شيق
صحيح تحبطت شوي من بعض الامور الي ذكرتيها بس يعتبر رايك الشخصي والمهم انج شاركتينا رايج
أما الأخ بو مشاركتين..ههههههههه... ردج عجبني بصراحه
بنت ديرتي ...ما تخلينها بقلبج ...مثلي

أما بالنسبه للتسوق ...فيابختج إذا السوق ما يهمج...أنا بموت ماني عارفه أضبط جدول الأيام والرحلات ... أقول بيني وبين نفسي إن الهدف من السفره السياحه والراحه والتمتع بايطاليا التي طالما حلمت اني ازورها
ولكن فجأه وبدون تفكير

اشوف نفسي قاعده ارصد الشوارع والمحلات والمولات وكل شي متعلق بالسوق
:::
بصراحه وضعي صعب
خصوصا اني بقعد فعليا في ميلان بس يومين والباقي عباره عن زيارات لكومو وفينيسيا ولوقانو اذا في وقت وحضور مباراة الديربي


المهم بعد هالهذره الي هذرتها عليج
عندي سؤال:::واخيرا
ما شفتي فندق جاليليو..صوبكم..لاني حاجزه فيه ومتخوفه يكون بوطقه ومو ذاك الزود...
والي يقرا التقرير وشايف الفندق او عنده فكره واضحه عنه يالريت يفيدني



ناطرينج يا العنود ...كملي ..والا خلصتي...

مشكوووره علي الرد واهم شي حطيتي لي الخريطه علشان اشوف البعد بينهم


شكررررا اوي اوي [left][size=-2]

ما شاء الله
الصراحه لا تعليق
الصور لوحدها تعبر

تقرير رائع وجميل لي عودة بإذن الله ..

ماشاء الله تبارك الرحمن

خوش تقرير يالغالية الله يسلم الايدين

استمتعت بقراءة تعليقاتك الخفيفة وحلاوة روحك المرحة

جولة رائعة بين المدن الايطالية لوغانو روووعة سبحان الله وفينيسا وتجربة ركوب الجندول جدا ممتعة

تابعي ولا يهمك لا ابو مشاركتين ولا غيره

اكتبي وسافري ووثقي رحلتك زي ماتحبين انتي

لازلت متابعة

موفقة باذن الله ويعطيك العافية

عوده من بعد الانقطاع ...... ومقدماً شكراً للجميع








المشاركة الأصلية كتبت بواسطة alaa_swaid
http://www.arabtravelersforum.com/tr...7/#post7204567

التقرير رائع ان شاء الله رايح ازورها في نهاية هذا الشهر
اي كاميرا استخدمتم؟

شكرا




شكرا واتمنى لك زياره سعيــــــده
الكاميرا Nikon D90







المشاركة الأصلية كتبت بواسطة FuNnY GiRL
http://www.arabtravelersforum.com/tr...9/#post7205339

انا اتفق معاج الايطالين نفسهم شينه اوف انا زرت ميلان وفنيسيا كرهت ميلان بسببهم وبالنسبه لي ميلان تخوف فالليل ومشهوره بالحراميه

تقرير رائع ومتتع شكرا لج




يسلمو ^ـ^ من ناحية نفسهم شينه صح ، بس ماكرهتها
اما ليل ميلان فاحنا قعدنا فيها 10 ليالي وبصراحه ماشفنا غير الناس الي بعضهم عوايل ماليه الدومو والشرطه والامان !
وعموما الواحد لازم يكون حذر ، وفعلا باتفاق الاهل كنا مرتاحين من الوضع ، حتى الشارع الي فيه فندقنا موجوده دايما سيارة شرطه والشرطه واقفين بره ويهذرون







المشاركة الأصلية كتبت بواسطة o0زينهo0
http://www.arabtravelersforum.com/tr...7/#post7206137

العنود ردج علي شمبولي اضحكني وانا بالدوام اضحك جني خبله
بس انا زعلانه عليج انا الوحيده اللي مارديتي علي اسئلتي من الموبايل



كنت مجهزه الردود ، ولكن بعض الناس تستاهل التقديم ها
انشالله كل شي كان واضح ومامن زعل ^ـ^







المشاركة الأصلية كتبت بواسطة كابتشينو79
http://www.arabtravelersforum.com/tr...9/#post7206819

يعطيك العافية على التقرير الجميل والعفوي ،،، وماعليك من الي يقول تقريرك ينقصه زيارة المتاحف ، الصراحة اذا معك 7 اشخاص من فئات عمرية مختلفة يكون من الصعب وضع اماكن معينة لزيارتها بسبب اختلاف الرغبات ، انا لم ارز ايطاليا من قبل لكن احسست ان زرتها من خلال صورك .




الله يعافيك ، ايــــــــه والله الغلبه للأغلبيه والاكبريه
يعني حتى لو توديهم مكان انت تبيه بس هم مايبونه ، يروحون مايقولون لأ ولكن الغير اعجاب باااادي على وجوووههن







المشاركة الأصلية كتبت بواسطة nanaabuabed
http://www.arabtravelersforum.com/tr...5/#post7207175

ماشاء الله تقرير يستحق التقييم
جميل وتلقائي..
ثقافة السفر.. هي ان تفعل ما يحلو لك ضمن الظروف المتوفرة..
اهم شي ألا تكوني احبطتي من مشاركة خارج النص .. كثيرا ما يعجبه احباط البعض ليس إلا ..
واصلي الابداع .. فاعداء النجاح كثيرون .. سيري فالقافلة تسير ياعزيزتي ..




عجبني ماتحته خط فعلا صح كلامك
وشكرا لك ^ـ^

احم

شوي نطلع من الصور وتكملة زيارة فينيسيا ، وبكمل كلامي عن المواصلات
و من بعد القطارات بتكلم عن

~ الــتـكاســـي و الباصات ~


أنا قلت دام ايطاليا شكلها نفس مصر ، عيل التكاسي بنلقاهم مطشرين بالشارع

أبداً ماصادفنا هالشي

يعني للحصول على التكسي أما نقول للفندق يطلبون لنا تكسي
أو نروح للأماكن المخصصه لوقوف التكاسي ، وماكان عندي فكره بهالشي ولكن بالصدفه بطريج روحتنا للدومو شفت تكاسي واقفه ورا بعض واستنتج هالشي

حاولنا أكثر من مره نوقف تكسي من الشارع ولكن ابدا ماااامييييش

ماكان أكو تنظيم للتكاسي ببعض الأماكن ، يعني مثلا فيرونا كان أكو مكان مخصص للتكاسي ولكنه خالي من التكاسي !
والناس واقفه بدون طابور ، كنا واقفين ننطر تكسي ولما وصل واحد مانشوف الا شخص مادري من وين طلع ويروح وياخذه !!!!
حاولنا ناخذ رقم تلفون أحد شركات التكاسي المكتوب على أحد سيارات التاكسي ، ولما اتصلنا قالنا ماكو سيارات متوفره الحين
نطرنا ونطرنا ونطرررررررررررررنا ، لما حصلنا تاكسي


بمحطة القطار بميلانو ، التكاسي كانت منظمه وتتحصل بشكل مرتب وسهل

بمحطة قطار باسكيرا مثلما قلتلكم هم سياره مدري سيارتين الي كانوا موجودين ، تودي الناس وترجع تستلم غيرهم

أما الباصات فما تعاملنا معاهم الا للآوت ليت وكانت ممتازه
وبمحطة قطار فيرونا كنا بناخذ الباصات الموجوده ، ولما ركبنا استغربنا ان ماعندهم صرف فلوس ! يعني مااااقووو خرده ماكو فكّه واضطرينا ننزل وناخذ تاكسي ، عاد الي سايق التاكسي كان وحده مو واحد وهالشي كان غريب علينا بس بعدها شفناه بلندن انتشر بالفتره الاخيره ^ـ^

أسعار التكاسي الي يطلبها الفندق معقوله ، يعني اخذنا سياره مرتبه وحلوه توصلنا المطار وكانت 7 راكب وشالت كل جناطنا ، اخذ منا 60 يورو


اي على فكره ، حصل معانا موقف غريـــــب ، كنا طالبين من الفندق تاكسي عشان يوصلنا لمحطة القطار ، طبعا بالتاكسي أكو عــدّاد ، لما وصلنا المحطه ما أخذ منا السعر الي كان موجود بالعداد ، أخذ زيـــــاده واستغربنا شكوووووو ؟؟؟؟ بالذات ان الفندق يعطينا سعر تقريبي للسياره
فقال لنا حضرة السوّاق ان يوم الأحد ماكو تسعيره محدده بالعداد والسايق يحدد الي بياخذه
ونفس الموقف حصل مع خالتي بالتاكسي الثاني


وانتـبهوووووووووووا من شي ، ولد خالتي سافر بعدنا لايطاليا وتكرر معاه موقف
يقول أحاسب التاكسي ومايرجعلي الباقي من الفلوس ، ولما أسأل يقولي انت عطيتني كذا ، فيقول ولد خالتي شكيت بنفسي وقلت يمكن مانتبهت
المره الي بعدها حصل معاه نفس الموقف ، يقول عاد هالمره متأأأأأأأكد اني معطيه هالكثر ، يقول فرديت ع السوّاق وقلتله لأ انا معطيك هالكثر ولازم ترجعلي هالكثر ، يقول جان يرد عليه ويقوله اي صح انا غلطان ويرجعله الباقي !


النصب موجود بكل مكان ، فانتبهوا


التكاسي لهم تسعيرة مختلفه بالنهار وبالليل ، اعتقد من بعد التسع تتغير التسعيره وتزيد ، تأكدوا من هالنقطه ، وعموماً أسعار التكاسي مو رخيصه



المهم عاد من بعد هالتجربه الشخصية ، لازم تعرفون أماكن تواجد التكاسي بالمنطقه الي انتوا فيها ، أو تاخذون رقم شركة التاكسي
يعني مو مثل لندن بكل شبر بالشارع تلقون التكاسي ، او تلقون اماكن مخصصه للتكاسي بشكل متكرر وبرايي هذا الصح لأي بلد سياحي

معظم الدول الأوربية تكون التكاسي فيها غالية جداً ، هم يعتمدون على القطارات في مواصلاتهم بالدرجة الاولى ، متابعين تقريرك الرائع اكملي ولا تتأخرين علينا

المشاركة الأصلية كتبت بواسطة Es6oRa
http://www.arabtravelersforum.com/tr...3/#post7208293

ما شاء الله عليج
تقرير ولا أحلى ,, والتعليق مع الصور
أجواء جداً مميزة بهالموضوع

عجبني أكثر طرحج لرأيج الشخصي إن كان إيجابي أو سلبي
وهالشي مفيد جداً ,, حتى ولو كانت على أمور بسيطة

أستمتعت بالتقرير بصراحة
وأنتظر الباقي منه

الله يعطيح العافية



يحلي أيامكم يارب
وارجع واقول مجرد آراء واجتهادات شخصيه وتنبيهات للي بيسافرون مستقبلا انشالله ^ــ^







المشاركة الأصلية كتبت بواسطة o0زينهo0
http://www.arabtravelersforum.com/tr...7/#post7211097

مشكوووره علي الرد واهم شي حطيتي لي الخريطه علشان اشوف البعد بينهم


شكررررا اوي اوي [left][size=-2]



العفو حاضرين








المشاركة الأصلية كتبت بواسطة بوحميـــــــــد
http://www.arabtravelersforum.com/tr...9/#post7207879

صور بغاية الروعهـ والجمال
سلمت الايادي
متاااااابع

الله يسلمك ^ـ^

المشاركة الأصلية كتبت بواسطة rosar_rosar
http://www.arabtravelersforum.com/tr...1/#post7209211

السلام عليكم
يعطيج العافيه يا بنت بلدي على هالتقرير
بصراحه أنا ناويه اروح ان شاء الله اخر الشهر بجوله لايطاليا وبرشلونا والله يتممها على خير
:
:
:
:
قولو آآآآآآآآمين
قريت تقاريركثيره بالبوابه واستفسرت كثير وقدرت اخذ فكره عن المناطق الى بزورها(روما/ فلورنس/ ميلان/فينيسيا/كومو/لوقانو)
تقريرج جميل واسلوب الكتابه شيق
صحيح تحبطت شوي من بعض الامور الي ذكرتيها بس يعتبر رايك الشخصي والمهم انج شاركتينا رايج
أما الأخ بو مشاركتين..ههههههههه... ردج عجبني بصراحه
بنت ديرتي ...ما تخلينها بقلبج ...مثلي

أما بالنسبه للتسوق ...فيابختج إذا السوق ما يهمج...أنا بموت ماني عارفه أضبط جدول الأيام والرحلات ... أقول بيني وبين نفسي إن الهدف من السفره السياحه والراحه والتمتع بايطاليا التي طالما حلمت اني ازورها
ولكن فجأه وبدون تفكير

اشوف نفسي قاعده ارصد الشوارع والمحلات والمولات وكل شي متعلق بالسوق
:::
بصراحه وضعي صعب
خصوصا اني بقعد فعليا في ميلان بس يومين والباقي عباره عن زيارات لكومو وفينيسيا ولوقانو اذا في وقت وحضور مباراة الديربي


المهم بعد هالهذره الي هذرتها عليج
عندي سؤال:::واخيرا
ما شفتي فندق جاليليو..صوبكم..لاني حاجزه فيه ومتخوفه يكون بوطقه ومو ذاك الزود...
والي يقرا التقرير وشايف الفندق او عنده فكره واضحه عنه يالريت يفيدني



ناطرينج يا العنود ...كملي ..والا خلصتي...




وعليكم السلام والرحمه
وآآآمين عسى رحلتج تكون على هواج وترجعين لنا بصوغه معتبره ألا وهي التقرير

بالنسبه للسوق فأنا مو ضده ، ولكن اذا كانت عندي 10 أيام فأعطي السوق مثلا 3 أيام وباقي الأيام تكون سياااااااحيه
ولا تنسين اذا الواحد مسافر سفره فيها تنقلات فكثرة الاغراض من السوق بتنغص عليه سفرته


أما الفندق لا والله للأسف ماذكر اني شفته ، بس الفندق الي انا سكنت فيه كان اقتراح من الاخوان بالمنتدى وفعلا كان اقتراحهم 100% مضبوط يعطيهم العافيه ماقصروا ، واسمج فندقج بعد مو غريب علي كأني قاريه عنه بالمنتدى فاذا كنتي حاجزه ع اساس مادحينه بالمنتدى فتطمني انشالله بيكون تمام


شكرا ع المتابعه ، وباقي الجزء الثاني من فينيسيا وهو الختام قريبا باذن الله

المشاركة الأصلية كتبت بواسطة Bu Rashed Al Shamsi
http://www.arabtravelersforum.com/tr...5/#post7211555

ما شاء الله
الصراحه لا تعليق
الصور لوحدها تعبر



شكرا ^ـ^







المشاركة الأصلية كتبت بواسطة abade15
http://www.arabtravelersforum.com/tr...3/#post7212113

تقرير رائع وجميل لي عودة بإذن الله ..



شكرا ، وبانتظارك ^ـ^

~ الطقـــس ~


المعروف عن ايطاليا بالصيف انها حاره ورطبه حسب الي قريته عنها
ولكن بفترة سفرتنا كانت عكس المتوقع تماااماااااااااااااا

الجو الصبح كان حلو والظهر ممكن يكون فيه شوووية شمس والعصاري وبالليل روووووووووووووعه
كنا ببعض الليالي نلبس جاكيتات !

وبعض الايام صادفنا المطر

كانت هالصدفه حلوه جدا جدا جدا لناااا
ماتضايقنا من الجو ابداااااا حتى بكوننا متحجبات

وعلى طاري الحجاب ، الحمدلله ماكان فيه أي مضايقات من هالناحيه مع الطليان


اتمنى لكم بسفراتكم الصيفيه لايطاليا نفس جونا المفاجئ وأحلى بعد

تقريرك الصراحه اكثر من رائع هل تستطيعين ان تخبرينا عن معدل الاسعار بالاوت لت
شكرا
علاء

الله ماجملكِ يا فينيسيا الحلم

وماجمل الجلوس فيها لأوقات الليل المتأخره ومداعبه الماء الفائض

اكرر شكري اختي العنود على هذا التقرير الجميل والرائع بس تسعيره الجندولا 80 للنص ساعه واللفه الكبيره 120 يورو وليست 150 الي مدتها تقريبا ساعه

اعتذر عن تأخري بالرد على التقرير وذالك لسفري وتو رجعنا للحبيبه الكويت

تقبلي فائق احترامي

شكراً لهذا المنتدى الرااااائع بأهله على المعلومات الطيبه الي يقدمونها
شكراً لكم ع التشجيع ومتابعة الموضوع
شكراً لكم بحجـــم جمــــال ايطاليـــــا






*دعايه : ترقبوا تقريري القادم "قريباً" مع صديقتي الثانيه لندن