الموضوع: فزعتكم يااهل البحرين

السلام عليكم ..

بصراحه انا داخله على الله ثم عليكم يااهل البحرين والي يعرفون بالبحرين

بطلع البحرين هاليومين ومحتاجه ضروووري فندق حلوووو ومجربينه ويكون قريب للمولات علشان نطلع لها بدون مواصلات..
وحبيت اسأل هل مجمع السيف يوجد فيه فندق او مجمع العالي بحيث نسكن بنفس المجمع مثل نظام مجمعات دبي؟؟أو اي مجمع فيه سكن
وش رايكم ؟؟
تكفووون ضروري وياليت الي يكتب فندق يكتب رقمه علشان نحجز

مواضيع عشوائيه ممكن تكون تعجبك اخترناها لك:

• تكفون ساعدوني يا أهل البحرين ابي محل تمام للفطور
• افضل برنامج ليومين
• استفسار حول الاوضاع الامنية
• المناطق الطبيعية في مملكة البحرين تقرير متكامل بالصور مثبت في مواضيع رائعة
• صور لفندق ريتز كارلتون بالمنامة
• ممكن مساعدتكم شباب
• مطعم القصر
• ياصبايا البحرين ياعسل سؤال القمر وصل
• لاحبتي في البحرين اقول ؟؟
• دليل البحرين
• عاجل الرجاء الافاده مطلوب مكان للسهر عوائل
• سي لوفتذا دراقونالدانه نوفيتيل
• إذا تكرمتو أفضل فنادق البحرين؟
• سؤال يا أهل البحرين
• باص يقلع من الرياض الى المنامة بشكل اسبوعي
• هل الجسر مفتوح هذا الأسبوع لأنه يصادف أحداث العام الماضي ؟
• بليييييز ساعدوووني
• ·¸منتجع بنيان تري البحرين¸
• بحريننا خليجنا جائزة البحرين الكبرى الفورمولا جديــــــد
• خريطة البحرين والله لي شهر ادور تكفون ساعدوني

هلا أختي إحنا إذا رحنا نسكن بفندق ميركيور جنب السيف نروحله مشي .

أو اليت قراند أو اليت سويت هذي حلوه بس مو مره قريبه يعني بيلك 7 دقايق بالسياره للمجمع .

وبصراحه ماعندي رقم بس عندي رقم مكتب للحجز .

مشكوره اختي بس حبيت اسألك هل يوجد في المولات سكن مثل دبي او لا ؟؟

لا يوجد سكن في العالي وبالنسبة للسيف فهو تحت الإنشاء

مرحبا اختي ....
لايوجد سكن بالمولات لحد الحين بس عما قريب راح يفتح الستي سنتر وفيه فندق يعني نفس دبي...
واقرب فندق للمجمعات التجاريه مثل ماتفضلت الاخت مستفسره قراند ميركور...
وفي فنادق ثانيه بس يبيلها سياره لانها تبعد عن المجمعات خمس دقايق تقريبا..
واي استفسار ثاني حاضره لج

في فندق الشيراتون و يتبعه مجمع الشيراتون ..

انسب حل فندق المريكيور ،،

فندق رائع جديد وفخم ،، انصح فيه وبشده

Elite Suite Hotel
****
فندق جوه عائلي ويبعد عن مجمع الدانة 50 متر
وعن مجمع السيف 300 متر
يعني قريب جدا
وفي منطقه هاديه
لاكن مااعندي فكره اذا متوفر حجز او لا
لان الفندق عليه ضغط مو طبيعي
لاكن انا مره كنت بحجز بوقت متاخر
وحجزت عن طريق اسيا ترافل
Asiatravel.com
لقيته ب 600 ريال شامل الافطار لشخصين
ولما جيت الفندق واعطيتهم الفاوتشر ماكان في غرفه فسولي ترقية الى سويت
رائع جدا

موفقين

اقرب فندق للعالي والسيف اسمه ميركيور تقدر تروح منه مشي وفيه طبعا الرتز كارلتون بس يبي لك سياره يعني دقيقتين كذا عشان الجو حار والا بقول لك عادي توصل السيف منه مشي خخخ

فندق الميركيور ( 4 نجوم ) تطلعين منه مشي على العالي والسيف ..

ويكون مقابل مجمع البحرين والدانه تقريبا .. بس ماتقدرين تروحين له مشي يعني 5 دقايق بالسيارة توصلييين

فيه فنادق قريبه من السيف والعالي مثل ( الريتز + اليت جراند )

وفيه فندق يكون بين الدانه ومجمع البحرين ( اليت سويت )

وحياكم الله

فندق اليت سويت محترم وهذا رقمه 17558888 يبعد عن مجمع السيف حوالي 15 دقيقه مشي على الاقدام ويقع وسط مجمع الدانه ومجمع البحرين وسعره حوالي 50 دينار.
فندق ريتز كارلتون ويبعد عن مجمعي السيف والعالي حوالي 15 دقيقه مشي على الاقدام وهو على البحر مباشره ويعتبر من افخم فنادق البحرين ان لم يكن افخمها وهذا هو رقمه 17580000.
والاقرب للمجمعي السيف والعلي هو فندق ميريكور جراند السيف تقريبا 5 دقائق مشي على الاقدام لمدخل المجمعات وهذا هو رقمه 17584400.

اتمنى ان اكون وفقت في توصيل المعلومات ونحن في خدمتكم