الموضوع: السفر من فينا إلى ميلان مرورا بميونخ ابي رأيكم بالجدول

السلام عليكم
إن شاء الله ناوي أروح شهر العسل إلى أوربا
ومخططي المبدئي يبدأ من
1-فينا (Vienna )
2-ميونخ (munich )
3-برشقادن (Berchtesgaden )
4-زلامسي (Zell am see )
5-فينيسيا (venezia )
6- ميلان (Milan )

وش رايكم .. وهل هناك شيء تنصحوني فيه .. يعني من الأأماكن هذي فيه أفضل منها أو فيه شيء ما تنصحوني أروح له ..

الله يجزى خير كل من أفادني ..

الرحلة مدتها من 17 - 18 يوم بإذن الله ..

مواضيع عشوائيه ممكن تكون تعجبك اخترناها لك:

• اقتراحاتكم في ميونخ؟
• سفرتي ميونخ زلامسي فنيسيا ميلانو باريس بالسيارة
• تشيرة ألمانيه وأريد الذهاب الى فرنسا بدل من ألمانيا هل استطيع؟
• المانيا
• شقق في المانيا
• استفسارات جميلة
• خطوط الترام
• لا احد يطيح في نفس المطب اللي طحت فيه حال التقديم على الفيزا الالمانية
• أرجوكم سكن فالريف البافاري
• عندي يوم لا اعرف وين اقضيه
• تكفون يا أعضاء
• المانيآآ
• استفسار مهم اتمني الاجابه
• المعاناة بلاك بيري
• باروح جديد و برجع خبره نااااويها
• لوفتهانزا وسويس تحصدان أعلى التصنيفات الأوروبية من سكاي تراكس
• هذا مخطط رحلتنا ان شاء الله ياليت اراءكم
• أبي مساعدتكم ولكم جزيل الشكر
• افضل موقع للسكن في ميونخ
• استفسار في سفري الي المانيا

حياك الله معاك سياره وله لا ؟؟

مخططك بشكل عام يحتاج الى تعديل .. لكن السؤال قسم الايام على المدن المختاره .. اعتقد ما تكفي ومرهقه خصوصا انك شهر عسل .. وراح يزيد تعب لو تنقلت بالقطار مثلا ..

رايي تبدأ بميونخ وتحطه غارمش بالجدول افضل من برشقادن .. ثم الى زيلامسي ثم فينيسيا والنهايه بميلان

تحياتي

اي نعم معي سيارة بسواقها ان شآء الله
طيب ابيك تقترح علي خطة الله لا يهينك
وش رايك بهذي
ورتب لي اياها حسب الاقرب
فينا
سازبرق
زلامسي
البندقية
مونترو
انترلاكن
جنيف
برشقاردن

واكون لك من الشاكرين

لا اخوي المخطط الثاين اصعب بكثير وغاير مترابط ابدا ..

حدد تحب تجمع اي دولتين مع بعض .. او مخططك الاول مع تعديل وتقليل المسافات البعيده والجمع بين 3 دول ويكون هكذا .. لو افترضنا 18 يوم

ميونخ 3 ايام غارمش يومين سالزبورخ 3 ايام زيلامسي 4 ايام فينيسيا 3ايام وميلان 3 ايام وممكن منها زيارة لوقانو السويسريه واتصير 4 دول ..

اذا معاك سائق بتكون اريح لك

لكن مثل ما قلت حدد المدن الي بخاطرك .. وشنو ميولك اكثر ..

تحياتي

ما قصرت بيض الله وجهك
بس أبي رايك انت وش تنصحني فيه
بحكم خبرتك .. أنا أول مرة أروح هناك
انا جوي ودي يكون في شهر العسل جو رومانسي وبرضوا اماكن فيها تسوق وتغيير جو وعالم
بس مو واجد يعني " توازن " بين هنا وهناك ..
وش تقترح علي حتى لو ببالك شيء ثاني تنصحني فيه قلي

انا رأيي انا ايطاليا بعيده لكن طالما معاك سياره ما في مشاكل .. المسافه تقريبا 4 ساعات ونصف بين فينيسيا وزيلامسي..

اقتراحي لجدول ممتاز ونقلل فيه التنقلات ..

ميونخ 4 ايام ومنها تستطيع زيارة غارمش وبريشقادن لكل واحده يوم .. مع نصيحتي زيارة غارمش التي تبعد عن ميونخ ساعه فقط ..

ثم الانطلاق الى زيلامسي 5 ايام ومنها انزور سالزبورخ وكابرون والشلالات وايضا قرية بادهوفقستن وكثير من الفعاليات .. ثم الى فينيسيا 3 ايام ثم الى ميلان 3 ايام ثم النهايه بجنيف 3 ايام ..

جمعت لك 4 دول .. اضفنا جنيف بالمخطط ..

تحياتي

كاني قررت على هالخطة وش رايك ؟

vienna

Berchtesgaden

Zell am see

venezia

milan

geneve

وش رايك ،، ترى يهمني رايك كثييير ؟

مراحب ..


ميلان مالها داعي في شهر العسل .. حط بدالها لوقانو و بيكون المخطط كويس ..

و لو كمان تبدل القريه اللي قبل زيلامسي بـ فيلاخ تكون قسمت المسافات بشكل احسن ..


http://maps.google.com/maps?f=d&sour...,10.821533&z=7


و ننتظر رأي الاخ علي ..

انت جذيه بعد المسافه كان اختيارك لميونخ افضل من فينا ... من حيث المسافه

ويكون ميونخ ثم بريشقادن .. ثم زيلامسي ثم فينيسيا ثم ميلان او لوقانو .. والنهايه بجنيف

وكما ذكرت الاخت مزوون تبديل بريشقادن بفيلاخ لتقري المسافه بين زيلامسي وفينيسيا .. لانه بريشقادن ممكن زيارتها من ميونخ

تحياتي

شكرا على تفاعلكم معي ..
شرايكم طيب بكذا
vienna

Zell am see

venezia

milan

geneve
paris
شلت برشقادن واضفت باريس .. !

اخوي توكل على الله .. اهم شيئ انك عرفت المسافات بينهم

وخصوصا من جنيف الى باريس الافضل قطار كونها بعيده .

في استفسار تفضل

كم تبعد فينا عن ميلان بالسياره

ارجو المساعده
هل تنصحني بذلك

http://maps.google.com/maps?f=d&sour...66&ie=UTF8&z=7

8 ساعات بالسياره