الموضوع: وين تصير العدلية ؟؟؟

السلام عليكم


بغيت اعرف اشلون ممكن اقدر اوصل للعدلية و انا ياية من السيف

انا رحتلها بس ما لقيت اللي كنت اقراه عنها ان فيها قهاوي و مطاعم بس لقيت كوستا و كنتاكي اظاهر اني رحت مكان ثاني

انا ابي القهاوي ابي اماكن السهر يعني هالسوالف

يا ليت اللي عنده خريطة يحطها لي


على فكرة انا كنت ما ادل مدينة عيسى و لقيت هالخريطة و دلتني



http://wikimapia.org/#y=26143135&x=50577834&z=18&m=s


فياريت اللي عنده مثلها حق العدلية يحطها


(((تم تعديل المشاركة من قبل الإدارة )))

مواضيع عشوائيه ممكن تكون تعجبك اخترناها لك:

• أين شقق الايجار السنوي بالبحرين
• انا اول مره اروح البحرين وايد تفاصيل لبعض الامور
• الدراسات العليا في مملكة البحرين
• ما السر بعدم وجود مدينة ترفيهية في البحرين
• اماكن العاب الاطفال
• ابغى خريطة حديثة و وصف دقيق لدخول الى باب البحرين من منفذ جسر الملك فهد الله يرحمة
• رايكم بنات ؟؟؟
• استفسار عن الرحلات البحرية بالقوارب
• سيتي سنتــر
• استفسار شقق فندقية البحرين
• إليت سويتس احنحة فندقية روعة
• تطبيق جوازات النساء على الجسر
• إلى سيدات وآنسات البحرين الشقيقه
• سؤال وطلب لاهل الخبرة والمعرفة
• تقرير مصور عن فندق موفنبيك البحرين
• اقدر ادخل للبحرين بكرت العائلة الجديد انا وزوجي واولادي
• من يدلني وله الف شكر
• افضل مطاعم البحرين من جاني خبر الجزء الثالث
• استفسار عاجل
• من يساعدني برنامج لمده يومين بالبحرين انا وزوجتي

http://en.wikipedia.org/wiki/Adliya

يا هلا اختي ..

اسمح لي على هالخريطة المتواضعة ، بس على الاقل توضح موقع العدلية بالنسبة لمحافظة العاصمة ..








الحدود الحمراء ( الحدود الإدارية لمنطقة العدلية ) ..

الخط الأصفر ( شارع أسامة بن زيد = شارع تجاري تقع عليه العديد من المرافق والمطاعم والمعارض منها معرض فراري ).

الخط الأزرق ( شارع يتبع إدارياً منطقة القضيبية لكن الناس كلها تسمي هذي المنطقة "العدلية" ، يقع على هذا الشارع العديد من المطاعم والمقاهي الرومانسية المغلقة مثل بتيت وفرندز ولاميزون دو كافية وجيز وغيرها كثير ،، طبعاً هالشارع يمر بمحاذاة قصر القضيبية اللي يفصل بين منطقة العدلية ومنطقة الجفير ) ..



واذا في شي مو واضح خبرينا اختي



..

اخذى الوصف يابنت الكويت

تطلعين سلمج الله من السيف كأنج رايحه للمطار

بتخلين البحر على يسارج والبحرين على يمينج

لين تجيج الإشارة اللى سيده تركبين جسر المحرق واللى يمين تخلين الكورنيش على يسارج وشارع المعارض على يمينج

طبعا تاخذين يمين درب الغانمين وسيده

راح تطوفين إشارتين وتلقين مسجد الفاتح على يسارج ومنطقة الجفير

ادخلى قبل الإشارة الثالثة يمين وامشي سيده بتكونين في قلب العدليه

هذا وصف سريع ومبسط ومن توصلين هناك بتلقين المطاعم حواليج بكافة انواعها

واى استفسار حاضرين يالغالية

رحلة موفقة

المشاركة الأصلية كتبت بواسطة بنت الكويت1
http://www.arabtravelersforum.com/tr...5/#post2166955

مشكور و ما تقصر

بس انا ابي وصف من السيف


يعني انا اطلع من السيف اخلي جيان يصير على يميني و اكمل سيدا لما اوصل لفندق الدبلومات و بعدين اخذ يمين اكمل سيدا تواجهني اشارة اللي يكون منها يمين شارع المعارض انا اكمل من الاشارة هذه سيدا ما الف لا يمينن و لا يسار و بعدها اكمل سيدا شوي الاقي النادي البحري صار على يساري اللي فيه قهوة ليالي زمان

بعدها ما ادري وين اروح: 115:



بعدها تكملين سيدة الي اشارة فندق الخليج تلفين يمين قبل الاشارة بيكون ديوان الشيخ خليفة علي يمينك وفندق الخليج علي يسارك. واصلي الي الاشارة الثانية وارجعي U Turn ولفي يمين ، الحين وصلتي منطقة المطاعم والكوفي شوبس الراقية في العدلية. هناك عدة مناطق في العدلية منها منطقة لو واصلتي الي الاشارة الثالثة (لاتلفين U علي الثانية ) توجد كوفي شوبس علي اليمين واليسار. ايضا عندك مقهي الفيرندا واكلة ممتاز، تلفين يسار بعد الاشارة الثانية وتكملين سيدة وتلفين يمين قبل الاشارة ثم سيدة الي دوار حديقة الاندلس وترجعين علي نفس الشارع وتلفين اول يمين تحصلين الفيرندا بعد HSBC علي طول.

احس نفسي ضعت بس بحاول

ياريت اذا في خريطة اسهل يتهيألي



مشكور اخوي

وانتي طالعة من كوبري السيف باتجاه كوبري اللؤلؤة، تجين أول إشارة ضوئية (إشارة المرفأ المالي) تروحين سيده، تجيك ثاني إشارة ضوئية (إشارة الشيراتون) تروحين سيده، تجيك ثالث إشارة (إشارة المنطقة الدبلوماسية) تروحين سيده، بعدها 300 متر تجيك إشارة ضوئية (إشارة جسر المحرق أبو شراعين) تاخذينها يمين عن طريق المثلث، بعدها 300 متر تجيك إشارة ضوئية (إشارة جسر المحرق القديم) تروحين سيده، تجيك إشارة ضوئية (إشارة شارع المعارض) تروحين سيده، بعدها تجيك إشارة ضوئية (إشارة فندق الخليج) تاخذينها يمين عن طريق المثلث بس حاسبي حق التصليحات، بعدها تجيك إشارة ضوئية تروحين سيده، بعدها إشارة ضوئية مدخل شارع الحب، تاخذينها دوران عكسي، بعدين أول لفة يمين تدخلين حق حي المقاهي الراقية مثل كوكوز وليلوز

اختي .. انتي وصلتي العدلية صح .... كوستا وكنتاكي في العدلية ....

بس منطقة المطاعم .... شلون تروحين لها؟

خلي كنتاكي على يدج اليسار ... وواصلي سيده ... بعد إشارة المرور ... روحي سيده بعد .....

لحد ما توصلين نهاية الشارع وبيبتدي الشارع يلف عاليسار ... انتي لا تلفين .... روحي سيده ... ادخلي في الشارع اللي جدامج .... وهذا انتي وصلتي ...

وشوفي هالخارطة: http://wikimapia.org/#lat=26.2153129...2&z=18&l=0&m=s

و الله جني دليت


اخلي فندق الخليج يساري و بعدين اخذ يسار اكمل سيدا ثاني u و بعدين اول لفة يمين صح؟

المشاركة الأصلية كتبت بواسطة بنت الكويت1
http://www.arabtravelersforum.com/tr...2/#post2168432

و الله جني دليت


اخلي فندق الخليج يساري و بعدين اخذ يسار اكمل سيدا ثاني U و بعدين اول لفة يمين صح؟

أيوه ... بالضبط عيوني ..... وحياج الله

مشكورة حياتي ما قصرتي


و شكر لكل اللي ردوا و تفاعلوا معاي

سؤال بسيط لو سمحتوا الله لايحرمني منكم
-------------------------------------------------------------:icon_wink

(عفوا أخي الكريم ... ولكن الإدارة تحظر مثل هذه الاسفسارات)