الموضوع: عريس وودي ب يوم في ماليزيا في شهر شوال من يوم شوال الى يوم شوال كم تكلف كل شيء

على فكرة انا عندي قسايم حول ال20الف ريال ولا اقدر اسدد الا من المد اللي يجيني ان شاء الله من الزواج
يعني وضعي مخبص شوي

لاني سالت واحد يقول لي مايمديك تحجز طيران الا بالجواز والجواز مايطلع الا لمن تسدد القسايم اللي عليك

ياجماعة يوم 8/11 ميلادي 8/26
16 يوم

اقل سعر حجز طيران لماليزيا كم

طبعا انا من النوع اللي يحب الخضره والجو البارد الجميل واحب البحر والشواطىء فذكرو لي احلى المدن

مشكووووووووووووووووووووور



AqsaLover

جزاك الله الف الف خير

انا مااقدر احجز اللحين ممكن اقدر احجز نهاية شهر 7 هجري لان علي قسايم حول ال20 الف

خلها الى ان ربي يفرجها علي

صباح الخير..

الله يفرجها عليك ان شاء الله

والجدول المقترح ممتاز

بالنسبة للتذاكر على نهاية 7 ممكن ترتفع الله يعينك ان شاء الله

نصيحه لوجه الله : تاخذ قرض عشان تسافر ...!! ليش

اكبر غلطة ان الشخص يقترض من اجل السفر ياغالي

وانت ان شاء الله ادرى بظروفك الله ييسر لك ان شاء الله

احنا بالخدمة

تحياتي...ღ
أختكمم / Haty

يعني لو قلنا 400 في اليوم يطلع المجموع (400*16=6400) ويبقالك 9600، الطيران شيكت اللحين طلع تقريبا 5500 وبالتالي يبقالك 4100 للفنادق تكفيك ان شاء الله، ولو قدرت تقلل المدة يكون أفضل



عفوا ممكن اعرف اي خطوط طيران (تذكرتين لشهر اغسطس ب 5500

هلا اخوي
وعليكم السلام ورحمة الله وبركاته
الف مبروك والله يتمم لكم على خير
بس نصيحه من اخوك لا تاخذ قرض علشان تسافر ومن بعد ترجع وانت غرقان بالديون
تقدر تاجل موضوع السفر لين تستقر حياتكم
ولاكن لو كنت معزم هذي نصايحي لك والله يوفقك
اول نصيحه دام المدام راضيه بتاخير السفر لشوال انصحك تاخره لان بشهر شوار تنزل اسعار التذاكر والفنادق
لانك اذا بتحجز باخر 7 راح تطلع عليك التذاكر غاااليه هذا اذا لقيت حجز باليوم الي تبي
الفنادق بعد لاحضت نها تتغير اسعارها مع تغير المواسم
ونصيحتي خذ فنادق 4 نجوم لان ومن خلال سفري مالاحضت فرق كبير بين الخمس نجوم والاربع
يعني ممكن يكون جدولك
ليلتين سلانجور فندق البرايمد او فندق امباير صوباج
4 ليالي لنكاوي فندق فرنجي باني
3ليالي بينانق بارك رويال
6 ليالي كوالا وخذ فندق امبيانا غرفه ديلوكس مزدوجه ونصيحتي لا تغير لان الفندق نضيف وراقي وفطوره ممتاز وموقعه استراتيجي حيث يربط بسوق البافليون الموجود بشارع العرب بجسر مكيف وقريب من البرجين وحديقتهم وبجانبه عالم تحت البحار
ليله بورت ديكسون فيلا مع مسبح خاص
والله يوفقك يارب

المشاركة الأصلية كتبت بواسطة kingkong
http://www.arabtravelersforum.com/tr...8/#post7686328

يعني لو قلنا 400 في اليوم يطلع المجموع (400*16=6400) ويبقالك 9600، الطيران شيكت اللحين طلع تقريبا 5500 وبالتالي يبقالك 4100 للفنادق تكفيك ان شاء الله، ولو قدرت تقلل المدة يكون أفضل



عفوا ممكن اعرف اي خطوط طيران (تذكرتين لشهر اغسطس ب 5500



على الخطوط السعودية

وعليكم السلام ورحمة الله وبركاته



أولاً نبارك لكما ونسأل الله لكما السعادة الأبدية والتوفيق


ثانياً بخصوص شهر العسل والميزانية تقدر كمان تسافر وبنصف الميزانية




أنصحك بمشاهدة تقرير أختنا الفاضلة وصايف الحجاز كانت التكلفة للرحلة كاملة 14500 ريال ...


وأعجبني تقريرها يعني فيه تنوع وجمال وتوفير


http://www.arabtravelersforum.com/travel761251/


نتمنى لكما رحلة سعيدة بإذن الله

هذا الموضوع


http://www.arabtravelersforum.com/travel761251/

شهر 8 هجري يوافق شهر يونيو ميلادي

وشهر 10 هجري يوافق شهر أغسطس ميلادي

واللي أعرفه حسب مشاهدتي الأسعار خصوصاً الفنادق في أغسطس تكون أعلى من الأسعار في يونيو .... يعني لو تقدر تسافر في يونيو أفضل وأوفر


والحجوزات إذا تقدر تعتمد على نفسك وتحجز عن طريق النت أفضل من المكاتب واحنا هنا نخدم بعض ونساعد وإن شاء الله محد بيقصر في مساعدتك بالحجوزات ...

جزاكم الله خير كلكم وماقصرتو
واذا قرب الموعد بدخل واستشيركم

ياجماعة الخير لو اخلي السفريه الى 18يوم و17 ليله هل تكفي 20 الف ريال من تذاكر طيران دولي وايجار فنادق وحق مواصلات وحق المصاريف اليومية

الله يتمملك على خير
ان شاءالله الاعضاء يفيدونك
بالتوفيييييييق....

مبروك الزواج و نصيحة لوجه الله لاتسافر بالدين لانك راح تتورط فيه وان شاء الله انت قادر تقيس لامورك والاخوان بيساعدونك بالاقتراحات ماراح يقصرونوانا اشور عليك تنقص المدة لعشرة ايام صافية من غير مدة الطيران حتى تخف عليك الميزانية وتنبسط
وبالتوفيق

وانا ايضا اضم صوتي لصوت الاخوان اللي قالو لا تسافر بالدين
احس حرام تضيع 20 الف في سفره والسنه اللي بعدها اكيد راح
تشتاق وتتحمس لسفره لكن تلقى نفسك غرقان في الديون اكثر واكثر
واما اذا ناوي تسافر لا محاله اقترح عليك 11 ليله حلو مناسب جدا
وتقدر ظرفك المادي وتأخذ فنادق اقتصاديه اهم شي النظافه
وتترقب عروض الطيران عشان ماتكلف عليك السفره
بالكثير 13 الف نظرا لظرف المادي واحنا اخوان هنا
عشان كذا حبيت انصحك نصيحه من قلب
والله يوفقك بزواجك وحياتك

والف مبروك

الموضوع له سنه وجايين بعض الاعضاء المدرعمين ورافعين الموضوع الرجال راح ورجع ويمكن الله رزقه بذرية وانتم دين هههههه