الموضوع: رحلة شهر العسل ميونخ شتوتجارد هيلبرون مينهم وغيرها

بسم الله الرحمن الرحيم

في البدايه احب امسي على اعضاء المسافرون العرب الرائعين
وحبيت اضيف تجربتي الشيقه لشهر العسل في احضان المانيا البارده قصدي الرائعه
المهم البدايه كانت الحجوزات عن طريق الخطوط السعوديه من الرياض - ميونخ
وسعر التذاكر كان معقول نوعا ما وكنت حاجز في ميونخ في فندق Regent Hotel Munich
وكان حليو وسعر الغرفه باليله الواحده 60 يورو شامل الأفطار لمدة 3 ايام لأني قررت بعدها الحجز
مباشره من الفنادق الي بالمدن الي راح نزورها
ألمهم الرحله مليئة بالمغامرات والأحداث وراح ازودكم بالصور أن شالله قريبا

وكانت محطة الوصول ميونخ وعند الوصول وعلى نصايح بعض الأخوان من أعضاء قمت بشراء
قارمن نافي ونزلت فيه خرائط اوروبا 2009 كامله


وتوجهت الى سكست لكي استأجر سياره
وعند وصولي للكاونتر وقلت لهم ابي استأجر سياره على طووول ردت علي الموظفه وقالت

هل يوجد حجر قلت لا نو حجز قالت اسفين كل السيارات الصغيره مستأجره لاكن اذا تبي في باص

اذا تبي تستأجره الظاهر تحسبني متزوج 4 :0z9rx:
قلت باص لا ما نبي قالت اجل نعتذر قلت نو بربلم

ورحت على كاونتر اخر ليورب كار وحصلت عندهم سياره صغيره نوع فيات ايطاليه بس مشكلتها
بنزين بـ 45 يورو باليوم قلت يالله مو مشكله المهم طلبت الفيزا والرخصه والجواز وخلصت الامور
وكل شي تمام واعطيتني المفاتيح وتوجهت للمواقف عشان استلم السياره وفعلا لقيتها
ولاكن بعد ما حطيت الشنط والأغراض وركبت القارمن ودخلت عنوان الفندق

وهنا كانت المفاجأه

القارمن لا يعمل :0xuqw:
يالييييييييل الييييل حاولت وحاولت وثم حاولت ولا نتيجه فكرت ارجع واسلم السياره واخذ تكسي للفندق قلت لا
اطلع يا ولد وتوكل على الله والي كاتبه الله بيصير

توجهت الى بوابة الخرووج وخرجت من المطاار بالسياره :3v7q4:

في الجزء الثاني بكمل لكم الباقي من القصه والتقرير والصور أن شالله

:3pwrl:

مواضيع عشوائيه ممكن تكون تعجبك اخترناها لك:

• ألمانيا النمسا فرنسا لحظة من فضلك
• ضروري جداااا جزاكم الله خــيرا
• استفسار و مساعدة للتخطيط لرحلة
• فزعتكم ضروري يااهل المنتدى
• رحلتي المصورة اوروبا
• من ميونخ الى برشلونه
• يحيا الصحافي الجزائر ي عبد الله عمر نجم
• اريد سكن جميل ومناسب في ميونخ
• رحلة علاج إلى ألمانيا الطيران الأفضل والأرخص من جده أو المدينه المنوره إلى هايدلبرج
• رجاء اللي يعرف شقق في ميونخ لشهر سبتمبر ضروري
• استفسار عاجل عن الفيزا
• دخول السيارة الى الأراضى الالمانية
• ساعدوني خبراء المانيا والنمسا
• استفسار عن ميونيخ ورست ؟
• اســـتفســـار عن
• زيارة الاولى لالمانيا كيف اخطط لها
• القيادة في ألمانيا والنمسا أفيدونيلو سمحتوا
• اتمنى ارشادي في مخططي
• البرنامج بدا في الاكتمال بس احتاج مساعده داخل المانيا
• العبايه السوده في فرنسا والمانيا

مرحبا اخوي سجلني من اول المتابعين .

مرحبا اخوي يعطيك العافيه سجلني متابع اول مكرر هههههههه انا وثامر جنب بعض / احنا متقاربين في اشياء كثيره لاحظو التعريف الشخصي سبحان الله

السلام عليكم ..

بدايه رائع وعلى موعد مع تقرير رائع ..

بالانتظار ... اول مكررر ( ثالث ) اشلون اتصير !! ..

تحياتي

بدايه مشوقه


الحمد لله على سلامتكم ..

المشاركة الأصلية كتبت بواسطة ثامر2007
http://www.arabtravelersforum.com/tr...3/#post3675133

مرحبا اخوي سجلني من اول المتابعين .



حياك الله اخوي ثامر ونتشرف






المشاركة الأصلية كتبت بواسطة هيمان سفر
http://www.arabtravelersforum.com/tr...1/#post3675511

مرحبا اخوي يعطيك العافيه سجلني متابع اول مكرر هههههههه انا وثامر جنب بعض / احنا متقاربين في اشياء كثيره لاحظو التعريف الشخصي سبحان الله



هلا فيك هيمان سفر ونورت






المشاركة الأصلية كتبت بواسطة ali_q8_77
http://www.arabtravelersforum.com/tr...3/#post3675543

السلام عليكم ..

بدايه رائع وعلى موعد مع تقرير رائع ..

بالانتظار ... اول مكررر ( ثالث ) اشلون اتصير !! ..

تحياتي



نورت اخ علي





المشاركة الأصلية كتبت بواسطة mzoon
http://www.arabtravelersforum.com/tr...7/#post3675547

بدايه مشوقه


الحمد لله على سلامتكم ..



اهلين اختي مزوون ومنوره

نتابع على بركة الله
وليعذرني الأخوان على تأخري نظرا لعدم معرفتي بطريقة عمل البوم الصور وتصغير حجم الصور
ولاكن جزى الله أخونا رجل شرقي خير لقيت موضووع له في شرح لطريقة تقليل حجم الصوره
وبعد 3 ساعات وحبتين بندوول وكاست شاهي أستطعنا نزبط بعض الصور
المهم



توقفنا بالأمس عند توقف القارمن جي بي اس عن العمل ويا للهووول وقلت فلنخرج
خرجت وقلت في نفسي في مثل يقول درب الغانمين يمين ومسكت المسار الأيمين
وكانت هناك عواصف مطريه وثلجيه ورياح قويه ومافي مساحه بالسياره مو شغاله
المهم قريت لوحه مكتوب عليها ميونخ واتجهت على ميونخ.
وفي لحظه صمت وتأمل ....
سمعت صوت يقول مخرج 2 أتجه يمين :0kw2q: طالعت أبي اشوف هالصوت من وين جااي...




الا هو صوت القارمن صفيت بأول باركنج ودخلت عنوان الفندق الا هو يقولي باقي 22 كيلو
بس أسمع الكلام زين :0rqx5: ولا تروح لا يمين ولا يسار .. وكانت فرحتي لا توصف
المهم طلع الغلط مني بعدم عمل الجهاز لأني كنت حايس الأعدادت وكنت داخل المواقف وفي سقف فوقي
ولا يلقط لا ارسال ولا اشاره وما كنت اعرف هالشي نظرا لعدم خبرتي بهذه الأجهزه

وهذي صورته اول ما اشتغل ...



يا حلاوه :0z9rx:

وكانت الثلووج يمين ويسار وفوق وتحت وفي كل الأتجاهات


المهم سمعت الكلام ومثل ما قال يمين يسار خذ يمين مخرج 5 200 متر واتجه يمين.. حتى وصلت عند باب الفندق
وأول ما وصلت اعطيتهم أوراق الحجز .. وقالو ارتاح شوي لين نجهز لكم الغرفه قلنا تم
طبعا أنا لغتي الأنجليزيه.. على قدي لاكن بفضل الله المدام معها بكالريوس أنجليزي وقدرت اتفاهم معه
وقلت له وين بوقف السياره قال في.. باركنج على بعد خمس دقايق مشي تقدر توقف السياره هناك
قلت وليش ما اوقفها قدام الفندق قالو ممنوع يجي البوليس ويسويلك مخالفه قلت لا يا ولد ما يبغالها
يقول المثل يا غريب خلك اديب وخليني نظامي وانقل صوره طيبه عن العرب وكيف نحترم النظام
قلت للمدام استنيني بالغرفه انا بروح اوقف السياره واجي نزلت بعد ما خرنت موقع الفندق
بالمفضله بالقارمن وفعلا وصلت الباركنج وكان عباره عن عماره من دورين تصف فيها السيارات
وجيت للبوابه ولقيت ذاك الألماني الي شبه هتلر :08ja6: وقفت عنده وكلمني بالألماني الظاهر قالي كم بتقعد
قلت له يو سبيك انجلش قالي نو

أولا ً
ألف مبروك ورحله شهر عسل مبين من بدايتها موفقه
ناقص توثيقها بالصور من مركز تحميل المنتدى الي طفش الكل
متابعين

الف مبروك

والحمدلله على السلامة

والبداية موفقة واعتقد ان الرحلة لا تنسى

اهم شي لا تبطي علينا ياريس

ترانا مشتاقين للاحداث الخطيرة

الفبرووك على الزواج وننتظر باقي التقرير

الف مبروك والله يوفقكم
ما ادري احس السفر بالشتاء مافيه متعه
بعدين حنا بالصيف مشتين اجل وش نبي نسوي بالشتا
مشكور اخوي ومنتظرين الباقي

الحمدلله على السلامة والف مبروك الزواج انشاءالله في انتظار تقريرك المميز اخوي