الموضوع: توني طالع من مكتب الحجوزات

السلام عليكم ورحمة الله وبركاته

انا ياشباب قبل شوي كنت بمكتب الخطوط الاماراتيه (عطلات الامارات) عشان اسوي حجز وترتيب لشهر العسل بشهر 12 لموريشيوس تفاجات قالي الموضف انه وقتك راح يكون فيه عيد راس سنه وكريسميس والفنادق ماتقبل الا انك تسكن بكل فندق 7 ايام على الاقل وانا ابي 4 ايام بمنتجع و4ايام بمنتجع ثاني و5 ايام بدبي قلت شوف لي على سيشل او المالديف قالي كلهم نفس الشي وحتى دبي برضو الفندق يقول لازم 5 ايام . هذي سالفتي اتمنى اللي يقدر ينفعني مايقصر معي لاني من جد الحين انا ماادري وين اروح كنت مرتب على شي والحين انحست.انتضر ردودكم

مواضيع عشوائيه ممكن تكون تعجبك اخترناها لك:

• استفسارات لسفر للمالديف
• مارايكم بهذا العرض من موقع موربشيوس
• عنوان عطلات الامارات
• الى الاخ الغالي ابو عزيز او اي واحد يقدر يفيدني
• رووعة وخيال جزر المالديف
• مساعده ارجوكم يا أصحاب الخبره
• إلى الاخ ابو عزيز ارجوا المساعده
• طلب استشارة
• خبرا السفر الى موريشوس طالبكم تدخلون وتفيدوننا
• الرجاء المساعدة للوصول الي جزر المالديف من الكويت
• يا اهل الخبره ساعدوني
• ابو عزيز و الاخوان جميعا بخصوص توقيت سفرتي
• ارجو المساعدة من الاخ ابو عزيز وكل من عنده خبره في الجزر
• ممكن تساعدوني برحله لموريشيوس؟؟؟
• إستفسار
• خبراء موريشيوس ساعدوني رجاءا
• زيارتي لجزيرة موريشس عام
• أبــو فـهـد ومكان جديد في موريشيوس
• سؤال عن جزر المالديف
• جزر ماركيزاس

من باب فهم الموضوع وشتان بينهما

الموضوع مشابهة للإستغلال اللي صاير في مكة ايام رمضان وخاصة العشر الآواخر

البيع يكون بمجموعة الأيام

الحل الوحيد هو قبول العرض ما هو عليه بمجموع الأيام

او تغير موعد السفر

تحياتي

مايحتاج تروح لمكتب السفريات
ادخل الانترنت وابحث على كيفك
وخل عنك خربطة المكاتب السياحيه واستغلالهم

.’.’.’.


ماشاء الله .. مبروك الزواج في البداية ::.

ولو استطعت تغيير موعد سفرتك قبيل أو بعد الكريسمس ..

فالوقت طويل .. ويمكنك إعادة الترتيبات ..


.’.’.’.

السلام عليكم...

مبروك الزواج مقدما

اعتقد في موريشس مافيه مشكلة لو اقمت في فندق واحد

لكن حاول ان يكون في الغرب أو الشرق حتى تكون جميع الجهات قريبة منك واختار فندق جيد من البداية حتى لاتواجه مشاكل فيه

خلال تواجدنا في موريشس اقمنا 7 ايام في فندق واحد في الجنوب

وابداً ماملينا من الفندق وأصلاً ماكان عندنا وقت حتى اننا نجلس فيه ونستكشفه ونستمتع بالأنشطة اللي فيه

لكن كانت المشكلة فقط في طول المشاوير اللي تكون جهة الشمال خصوصاً

علشان كذا اقترح عليك تاخذ فندق في الشرق أو الغرب

وبالتوفيق

انصحك بالحجز عن النت ...

مبروك على الزواج أولا.بالعكس توجد فنادق تقبل أقل من 7 أيام.راجع مكاتب أخرى Xxxxxxxxxxxxxxxxxxxxxxx.عندهم ما يناسبك إن شاء الله.الله يوفقك.

اشكرركم جميعآ لمشاركتكم لي وفزعتكم معي واتوقع ان الحل اني بروح مكتب ثاني غير مكتب الامارات زي ماقال فتى موريشيوس او اني اجلس 7ايام او 8 ايام بفندق واحد زي ماقال اخوي او اختي (انا) مدري مين يستخدم المعرف اعذروني لكن بجد شاااااكر لكم جميعآ ماقصرتوا واذا ممكن تعلموني وش الفنادق الحلوه بالشرق او الغرب يعني منتجع ماينمل من الجلسه فيه

مبروك الزواح
نصيحه اذا تقدر تغير الموعد
لأن الفتره هذي بتكون الاسعار غاليه جدا
وانت ماراح تفرق معاك بل بالعكس انت تبحث عن الهدوء بعيد عن ازعاح احتفالاتهم

اذا تقدر تقدمها شوي اي في منتصف ديسمبر بتكون الفنادق فاضيه لان الاغلبيه تنتظر اخر ديسمبر
او تخليها بعد منتصف جانوري

بالنسبه لدبي تقدر تلقى الحين عروض حلوه بس اذا ماتأخرت

انا انصحك تغير الوجه الي جنوب افريقاء احسن لك من موريشوس والمالديف الصراحه مناسبه جدا لشهر العسل والوقت الي تبي تروح فيه يكون الجو جنان

شكرآ على مروركم ومساعدتي بالنسبه لتغير موعد الزواج مااتوقع فيه مجال لانه خلاص حجزت الصاله ورتبت كثير من الاشياء وصح على كلام بعض الناس بدري لكن انا احب اخلص جميع التزاماتي بدري وارتاح اما بالنسبه للاخت قمركم والله جنوب افريقيا حلوه لكن ماادري عن الجو في هالوقت ولا اعرف فيها شي ابد ياليت اذا تقدرين تفيديني بهالشي شاكر لكم مره ثانيه

هلا اخوي اذا انت جازم زور بوابه جنوب افريقاء وشوف التقارير الرائعه انا رحت لمه بعد ماقريت التقارير موضحين كل شي رحت وانا مجهزه جدول يومي الصراحه تقارير اكثر من رائعه واذا اعجبتك وتبي جدول للفنادق ولرحله انا جاهزه بالخدمه واذا رحت جنوب افريقا تبي تدعيلي لانه بجد رائعه

المشاركة الأصلية كتبت بواسطة قمركم
http://www.arabtravelersforum.com/tr...5/#post2423385

هلا اخوي اذا انت جازم زور بوابه جنوب افريقاء وشوف التقارير الرائعه انا رحت لمه بعد ماقريت التقارير موضحين كل شي رحت وانا مجهزه جدول يومي الصراحه تقارير اكثر من رائعه واذا اعجبتك وتبي جدول للفنادق ولرحله انا جاهزه بالخدمه واذا رحت جنوب افريقا تبي تدعيلي لانه بجد رائعه



وانا أأيد كلام الاخت قمركم توكل على الله وتوجه لجنوب افريقيا الرااااااااااااااااااااااااااااااائعة وراح تدعيلي وفيها أماكن كثيرة للزيارة والاستمتاع :24:ومناسبة جدا للعرسان حيث ان في البداية يكون فيه نوع من الحياء وقلة المعرفة والخروج راح يساعد على التقارب:106:

اول شي حاول تشوف مكتب ثاني


ثاني شي اسمع نصيحة الاخ هوبامب