الموضوع: ارجو الافاده ضروري جدا الاخ حساس والاخ البكيراوي ردودكم مهمه

السلام عليكم

انا قريت كثير في بوابة نيوزلندا وبصراحه اعجبتني وناوي اروح لها ان شاء الله
اخواني السؤال الاول هل البلد تصلح شهر عسل للمعاريس الجدد ؟
هل توجد بكجات ؟ من اي طيران ؟ اي افضل طيران ( انا من الخبر ) ؟
بالنسبه للباس للمرأه ، هل هناك مشاكل بالنسبه للبس المتحفظ ؟ يعني عباه ونقاب ؟
اخر شي ارجو منكم النصيحه كم يوم يكفي البلد شهر عسل وكم التكاليف ( حوالي ) واذا فيه برنامج معين تكفون لا تبخلون علي ؟


أهم شي في الموضوع ان زواجي ان شاء الله في 3-7 يعني ماباقي الا اسبوعين ومستعجل يا اخوان


مشكورين مقدما

مواضيع عشوائيه ممكن تكون تعجبك اخترناها لك:

• هل تنصوحوني افتح حساب في اي بنك في نيوزيلندا
• يقولو خطوط كاثي باسيفيك سيّئه ؟
• استفسار عن الخطوط الإماراتية
• اول يومين بنيوزلندا
• مارأيكم بخطوط بروناي
• تقرير رحلتي الى نيوزلندا ابو يوسف
• اكسب اجر النصيحه والفائده للمنتدى
• وين ألقى تخصص طيران في نيوزيلاندا بليييز ساعدوني
• قائمة بالمعاهد المعتمدة في نيوزلندا اهداء لاعضاء المنتدى
• يامشرفين ويا أصحاب التقارير لاهنتوا دقيقة أبي كم سؤال منكم
• ابغى ادرس بنيوزلاندا ياليت تردو على اسئلتي
• ماهي الجامعات المعترفه في استراليا ونيوزيلاندا لمن اراد الابتعاث هناك
• تكاليف الدراسه لغه في نيوزلندا
• سؤال عن راتب الوزارة
• استفسار
• فـــزعــتـــكم تــكــــفـــــووووون أحتاج مساعدتكم ؟؟؟؟؟؟
• كل مامريت على هذه القسم ابكي ويهزني الشوق
• مساعده يا اهل الخير
• بحثت عن الجامعه اسمها مسعده وجه الله
• استفسار عن سعر تذكرة نيوزيلاند

للرفع

مستعجل وربي

وعليـكم السلآم







اخواني السؤال الاول هل البلد تصلح شهر عسل للمعاريس الجدد ؟



تصلـح ونـص بعد ،،، بس فيها شوي تكلفه اذا كنت قآدر رح ولايهمك احد





هل توجد بكجات ؟ من اي طيران ؟ اي افضل طيران ( انا من الخبر ) ؟



بالنسبـه لـ الطيرآن
فيه الكآثي بآسيفك و السنغافوريه و الاماراتيـه






بالنسبه للباس للمرأه ، هل هناك مشاكل بالنسبه للبس المتحفظ ؟ يعني عباه ونقاب ؟



لا ان شاء الله مافيـه مشآكل ،، كثير اللي نشوفهم كذآ ^_^





اخر شي ارجو منكم النصيحه كم يوم يكفي البلد شهر عسل وكم التكاليف ( حوالي ) واذا فيه برنامج معين تكفون لا تبخلون علي ؟



البلـد لو تقعد فيهآ سنه ماتمل منهآآ ،، التكآليـف ما اقدر احسبهآ لك خصوصا انت متزوج منت طآلع تدرس يعني سيآحـه







أهم شي في الموضوع ان زواجي ان شاء الله في 3-7 يعني ماباقي الا اسبوعين ومستعجل يا اخوان



بالتوفيـق ان شاء الله يارب
واي استفسآر انا حاظر
معلـيش ردي مستعجل لاني في عجله من امري
(:

بيض الله وجهك اخوي على الرد

بس ما قلت لي الله يحفظك الديره كم يكفيها يوم ؟ لاني ترى للحين ما حجزت ومستعجل ابي احجز وعلى اي طيران ؟ لان الاماراتيه طلبوا مني تأشيره استراليا ومافيه وقت ... واي بلد تنصحني انزل فيها اول واسكن وين ؟ واذا ما عليك كلافه تقول لي على برنامج اذا تعرف للسياحه ... بالنسبه للمصروف كم تتوقع خلال المده اللي تشوفها مناسبه انا البدجت حقي الى 50 الف ريال شامل التذاكر وكل شي ... وبالنسبه للكاش شرايك كم اخذ وكم اخلي ( على العلم ان ما عندي بطاقة كردت اللهم طلعت الاسبوع الماضي حقت الاهلي المدفوعه ) انا عارف اني ثقلت عليك ياخوي بس تكفى الفزعه ترى من جد ما فيه وقت

مدرعم

حياللك الله أخوي ع البركه وعقبالنا






بس ما قلت لي الله يحفظك الديره كم يكفيها يوم ؟ لاني ترى للحين ما حجزت ومستعجل ابي احجز وعلى اي طيران ؟ لان الاماراتيه طلبوا مني تأشيره استراليا ومافيه وقت ... واي بلد تنصحني انزل فيها اول واسكن وين ؟ واذا ما عليك كلافه تقول لي على برنامج اذا تعرف للسياحه ... بالنسبه للمصروف كم تتوقع خلال المده اللي تشوفها مناسبه انا البدجت حقي الى 50 الف ريال شامل التذاكر وكل شي ... وبالنسبه للكاش شرايك كم اخذ وكم اخلي ( على العلم ان ما عندي بطاقة كردت اللهم طلعت الاسبوع الماضي حقت الاهلي المدفوعه ) انا عارف اني ثقلت عليك ياخوي بس تكفى الفزعه ترى من جد ما فيه وقت



أخوي شف نيوزيلاند أتوقع مافي مثلها .. كل شئ حلو بهالدنيا موجود فيها ..

الديرهـ متى ما خلصت فلوسك أرجع =)

يعني إذا أنبسطت وعينت من الله خير أرجع


- - -


50.000 - 14.000 = 36.000 ريال

يعني المبلغ اللي بيكون معك 12.662 دولار نيوزيلندي تقريباً


المبلغ حلو بالحيل .. يعني أنت هناك كاااش =)


- - -

أنصحك بالخطوط السنغافوريه جيدهـ جداً .. ومريحه . .


- - -

طريقة أخذك للفلوس والله مدري .. بس أضن الشيكات السياحيه مفيدهـ والفيزا أيضاً


- - -

نيوزيلندا جزيرتين جنوبيه وشماليه

الجنوبيه بارده والشماليه دافئه مائله للبرودهـ نوعاً ما ..

بس كلها حلوهـ حتى بردهم حلو ..

- - -


أتمنى أكون أفدتك .. وأنتظر رد الأخ حساس فهو خبره بهالأمور

الله يبيض وجهك ياخوي اسامه ما قصرت

وانا في انتظار اخوي حساس يفيدنا

مع العلم اني رحت لدناتا اليوم اللي في الخبر وسويت حجز ان شاء الله في تاريخ 8/7 والعوده في تاريخ 23/7 يعني اتوقع المده حلوه وراح يكون خط الرحله البحرين - دبي - سنغافوره ( الانتظار 12 ساعه ) - كرايس تشيرج وانتظر بكره الظهر ان شاء الله يسوي الكونفرميشن على الحجز وبيعطيني السعر وان شاء الله اني خالص
بالنسبه للفنادق في كرايس تشيرج اي واحد زين ؟ وش تنصحوني فيه ؟ وكم يوم اقضي فيها وودي اروح بعدها ... الخ .... في شي مهم انا ما سويت حجز للفندق يا شباب وش رايكم احجز عن طريق النت او على وجهي اذا جيتهم ؟


ارجو الافاده يالربع ترى الوقت يمضي والنكهة تبقى ..... شاي ربيع

اخوي مدرعم

انا لو كنت مكانك راح اسوي الاتي :

1- احجز في فندق عن طريق مكتب في السعوديه لمده ثلاث الى خمس ايام في كرايتشيرش. و المهم انهم يستقبلونك في المطار.

2- لما تريح في المدنيه و تتعرف عليها زين روح city center و موقعه معروف جدا اذهب اليهم و راح تلقى الكثير من المناطق السياحيه و تقدر تحجز من عندهم اي مكان راح يناسبك و تريح بالك جدا لانهم مضمونين و كل شيء واضح امامك.

3- خلصت من الزياره الاولى ارجع و ريح يومين استكشف كرايستشرش و لا تنسى حديقه الهقلي بارك ثالث اكبر حديقه في العالم جميله جدا.

4- دور لك منظقه ثانيه لتزورها و تراى كل المناطق سياحيه من الدرجه الاولى و القليل بل نادرا ترى عربي و خصوصيا سعودي هناك.

5-بالنسبه للفلوس اتوقع اذا تبغى هذا البرناج محتاج زياده في المبلغ اما اذا كنت تريد فقط الجلوس في كرايستشرش فاعتقد انه راح يغطي اما كيفيه نقل الفلوس حطها في حسابك الجاري و اصرف هناك و يخصم منك عموله لكن تريح بالك.


اذا تريد اي مساعده فانا مستعد خذ ايميلي من المشرف و راسلني .

و شكرا

مبروك ياغالي مقدما
واعتذر عن التأخر
لاني امرّ بفترة اختبارات
واخوي البكيراوي ماقصّر

وجهك أبيض أخوي ..

وحط في بالك أهم ديره لازم تزورها ( كوينس تاون)






خط الرحله البحرين - دبي - سنغافوره ( الانتظار 12 ساعه )



تأكد أنهم معطينك غرفه في فندق المطار

لا تتورط مثلي قعدت تسع ساعات فالمطار بدون غرفة كرهت حياتي



- - -

أخوي أنصحك تجلس في كرايستشيرج من يومين إلى 3 أيام بالكثير ..

قم بزيارة ..

الشواطئ

الجزيره القريبه من كرايستشيرج مسافة أقل من 10 دقائق ..

حديقة الحيوان هناك رهيبه ..

حاول تزور الأماكن السياحيه في نيوزيلاند قبل ما يجون السعوديين يتسيحون .. وتشوفهم قفي كل زاويه =)

- - -

بعد تفكير .. حسيت المبلغ اللي معك يبيله زيادهـ ..

هذا إذا كنت تبي تزور الجزيره الشماليه والجنوبيه ..

- - -

نصيحه /

حاول تعرف أكبر قدر من المعلومات عن المناطق اللي بتروح لها عشان ما تتفشل مع المدام خخخخ

. . .

واحد من الشباب بيسافر غداً الأربعاء إن شاء الله لمدة شهرين لكرايستشيرج ..

أقدر أكلمه يفيدك إذا وصلت هناك .. الرجال خبرهـ فيها ..

- - -

أخوكـ أسامه العتيبي

المشاركة الأصلية كتبت بواسطة عبيط فاهم
http://www.arabtravelersforum.com/tr...1/#post2107241

اخوي مدرعم

انا لو كنت مكانك راح اسوي الاتي :

1- احجز في فندق عن طريق مكتب في السعوديه لمده ثلاث الى خمس ايام في كرايتشيرش. و المهم انهم يستقبلونك في المطار.

2- لما تريح في المدنيه و تتعرف عليها زين روح city center و موقعه معروف جدا اذهب اليهم و راح تلقى الكثير من المناطق السياحيه و تقدر تحجز من عندهم اي مكان راح يناسبك و تريح بالك جدا لانهم مضمونين و كل شيء واضح امامك.

3- خلصت من الزياره الاولى ارجع و ريح يومين استكشف كرايستشرش و لا تنسى حديقه الهقلي بارك ثالث اكبر حديقه في العالم جميله جدا.

4- دور لك منظقه ثانيه لتزورها و تراى كل المناطق سياحيه من الدرجه الاولى و القليل بل نادرا ترى عربي و خصوصيا سعودي هناك.

5-بالنسبه للفلوس اتوقع اذا تبغى هذا البرناج محتاج زياده في المبلغ اما اذا كنت تريد فقط الجلوس في كرايستشرش فاعتقد انه راح يغطي اما كيفيه نقل الفلوس حطها في حسابك الجاري و اصرف هناك و يخصم منك عموله لكن تريح بالك.


اذا تريد اي مساعده فانا مستعد خذ ايميلي من المشرف و راسلني .

و شكرا



طيب ياخوي انا سمعت ان فيه موتيلات في كرايس جيريج خمس نجوم وتجي دورين يعني الصاله والمطبخ تحت مع الخدمات وغرفة النوم فوق وسعرها حلو بس المشكله اللي قال لي عنها ما يتذكر اسم الموتيل واذا فيه انت تنصحني فيه تكفى لا تبخل على اخوك ترى ما عاد بقى شي على الرحله
بعدين انا هالرجال اللي اقول لك عنه قال لي نصيحه اول ما تنزل المطار استأجر سياره فيها نفقيشن وخذ لك ليلتين في كرايس تشيرتش وبعدين روح بالسياره الى منطقتين نسيت اسمائهم بكره اجيبهم لك وكل منطقة اقعد فيها ليلتين وانا في طريقي الى كوينز تاون واقعد فيها على الاقل 4 ليالي وفي خط العوده قال لي ارجع على البحري الى كرايس تشيرتش واقعد فيها كم ليله قبل ما ترجع ( انا اجمالي رحلتي ان شاء الله 14 ليله )
شلون اخذ ايميلك من الاداره ؟؟؟