الموضوع: دسلدورف ميونخ غارميش فرانكفورت تقرير دسمممممم وصور

مرحبا وسهلا باهل الذوق والذرابة

لو ايش ما أسوي مااقدر اجازيكم

على المعروف اللي سويتوه لي

معلومات ,,, صور ,,, مدن ,, الخ الخ الخ

ماقصرتوا بيض الله وجيهكم....

ابدأ تقريري بسم الله

الرحله كانت لشخصين انا وابو الشباب (( زوجي العزيز))

اللي له الفضل الكبييييير بسفرتنا المتواضعة

وحكم ان لغته الإنجليزية رااائعة ماشاء الله

والأروع ان معاه بكالوريوس في

(( اللغة الألمانيه ))

الي فادتنا كثير بالتعامل مع الشعب الألماني

اللي الاحظه يحب لغته جدا

وكثير قابلناه ما يعرف الإنجليزية

الفترة من يوم الجمعة 27 / 11 / 2009

الى الإثنين 7 / 12 / 2009

يعني 11 يوم

في البدايه الرحله شخصين

التذاكر 1300 للشخص
2600 لشخصين

الرياض / جدة / فرانكفورت

العودة فرانكفورت / الرياض

على الخطوط الجوية السعودية

................................................

استخرجنا الفيزا من القنصلية الفرنسية

في جدة بقيمة 680 ريال لشخصين

..............................................

المدن

اولا دسلدورف ليلتين 828 ريال مع الإفطار

فندق مايكل انجلو

Hotel Michelangelo

............................. .................................................. .....


ثانيا ميونخ ثلاث ليالي 1120 ريال بالإفطار

فندق ريجنت

REGENT

http://www.booking.com/hotel/de/regent.ar.html?aid=358324

.........................................

ثالثا غارميش ليلتين1080 ريال مع الإفطار

فندق قراند هوتيل

GRAND HOTEL SONNENBICHL

http://www.booking.com/hotel/de/grandhotelsonnenbichl.ar.html?aid=358324

...........................................

رابعا فرانكفورت ليلتين 990مع اللإفطار

فندق راديسون بلو

RADISSON BLU

http://www.booking.com/hotel/de/radi...ml?aid=1329869


.....................................

وجميعها فئة الأربع نجوم

..............................................

القطارات 2280 ريال درجة اولى اربع رحلات

..................................................

المصروف 5600 ريال 1000 يورو

يعني 560 ريال في اليوم

100 يورو

.................................................. ...

يعني المجموع (( 15178 ريال سعودي ))

.................................................

تابعوني ان شاء الله التقرير في الطريييق

مواضيع عشوائيه ممكن تكون تعجبك اخترناها لك:

• انا مسافر في نوفمبر
• السفر من هايدلبيرغ الى مطار فرانكفورت صاله رقم
• مخطط لرحلة اوروبية بالسيارة
• استفسار عن ترتيب الايام
• رحله علاجيه الى شتوتغارت
• هل توجد فنادق داخل حديقه يورب بارك؟
• قطار من ألمانيا و خارجها؟
• لأصحاب الخبرة رأيكم في مخطط رحلتي
• تأشيرة الشنجن و اشاعات العجايز
• استفسار عن فندق ليوناردو سيتي سنتر
• أستفسار بخصوص شراء وأرجاع
• ارجو المساعدة
• فزعتكم اي افضل فندق في هالفنادق تكفون رود علي
• استفسار ،، سياحة أكثر من يوم
• شراء شقة بألمانيا ؟ارجو الأفادة
• مرجع الحجز ايش هوا
• أرجـــــــو المساعـــــــــده
• بادن بادن
• ارشدوني
• ماهو افضل جارمن

بداية مشوقة

وتفصيل جميل

بانتظار الصور والتفاصيل الأخرى للرحلة


يعطيك ألف عافية

الحمد لله على سلامتكم ..



متابعه

الحمدلله على السلامه متااابعين

الحمدالله على سلامتكم شكل التقرير فله اول المتابعين معكم

متابعتج بس لا تطولين عليناااااااااا الله يخليكم لبعض انتي وبعلج الالماني

الحمد لله علي سلامتكم ... ورحله ماشاء الله موفقه ..
تقرير من بدايته قوي ...بانتظار الصور وبقية التقرير ...

الحمدلله على السلامه وبانتظاااااااااااارك.........لا تتأخرين علينا وماشاء الله شكل الرحله رااااااايقه الله يهنيكم ..........

بداية مشوقة

الله الله بالتقرير شكله فعلا دسم ومفيد

متابع معك

مرحبتين وسهلين

بسم الله نبدأ التقرير وان شاء الله بيعجبكم (( ام الثقة ))

في البداية انا وزوجي دايم منكوبين من ناحية وقت الإقلاع ..كنه مدعي علينا

ولا عين احد بهاسفرة

رحنا المطار على اساس ان رحلتنا الساعة 3 الفجر يوم الجمعة

يعني صبح العيد

جلسنا في المطار وشوي يقولون ان الرحلة بتتأخر الى

الساعة 5 الصباح

قلنا طيب ... وبعدها بشوي يقولون ان الرحلة بتتأخر الى الساعة 7.30

وي وي وي وش ذا يعني العيد في المطار ياليييل ماطولك

وبعدها بشوي قالو في مصلى للعيد في المطار

يعني لا اللي عيدنا مع اهلنا وعيالنا ولا شفنا خروف العيد

وهو ينذبح (( ام القهر ))

واخيرا ركبنا الطيارة على الساعة 8 الصباح

ورحنا على جدة اللي قعدنا فيها ساعتين وتحركنا منها

الساعة 12 الظهر

ووصلنا بحفظ الله ورعايته الساعة 5 العصر والحمدالله

وهذي صور وحنا بنهبط بفرانكفورت

وركبنا القطار اللي وصلنا من فرانكفورت الى دسلدورف وبعدين

اخذنا تاكسي ورحنا على الفندق

واخذ مننا 8 يورو

وهذي صور الغرفة

الفند مو فخم ولكن نظييييف ومريح جدا والمنطقة جدا هادئة

ودوسلدورف نظيفة جدا وشوارعها نظيفة عكس ميونخ

اللي بيجي الكلام عنها ان شاء الله

اليوم الأول

وهذا منظر من شباك غرفتنا وكان الجو باااااارد

وبعدين نزلنا افطرنا وهذا البوفيه

وهذا فطورنا

شفتوا الجبنة اللي حاطينها في الصحن

ماااالها طعم ...يقول زوجي عمرك اكلتي مويه ؟؟ قلت لأ..

قال الجبنة هذي مثل المويه ماااالها طعم الله يكرم النعمة

وحنا مالنا الا الأجبان والكرسونات انتفشنا منها

لأن اغلب فطورهم لحوووم خنازير

بعدين طلعنا متجهين الى محطة الباص حتى نروح للمدينة

القديمة وشارع الملوك

على فكرة الفندق اللي ساكنين فيه في دوسلدورف

يعطي الساكن عنده بطاقة للمواصلات مجانا

داخل المدينة وتكون تنقلات في الباص

وهذا طريقنا متجهين للمحطة

وبعدين الحمد الله وصلنا المدينة القديمة

بس الجو كان ممطر وبرررررررررررررررد

المدينة مرو حلوة ونظيفة ماتلقى في الأرض الا اوراق الشجر

والجو كان بارد جدا والساعة 10 وياالله فتحوا في المدينة القديمة

وذبحنا البرد والجوع من المشي

وجلسنا في كوفي

مرة حلوة والدفايات شابه يالله من فضلك يالدفا

وطلبنا اثنين هوت شوكليت

بالألماني (( تسفاي مال هايسة شوكالادة)) (( 6 يورو ))

طبعا بدا ابو الشباب يشخص علي يعني اني اعرف اتكلم الماني

وبعدين مشينا ومشينا ومشينا وتعبنا وجعنا وطلبنا بطاطس مقلي

ب5 يورو( والله غالي ))

اليوم كفاااية ان شاء الله اكمل بس بعد ماشوف الردود

ترى الجاي احلى واحلى ان شاء الله

بدايه موفقه ماشاء الله اختي

ننتظر المزيد من الروعه .

تقرير جاء في الوقت المناسب

نحن نبحث عن الاجواء في مثل هالفترة كيف ؟

الصو رائعة جدا في دوسلدورف اعشق الشوارع المرصوفة بالحجارة والمطر ياليت تكثري من هالصور

متابعين بكل شوق ...

المشاركة الأصلية كتبت بواسطة abu karam
http://www.arabtravelersforum.com/tr...8/#post3495738

الأخت مشاعل666

أشكرك على الرد السريع والوافي

ولا زلت متابع معك للآخر خصوصا ميونخ لأني سكنت في نفس الفندق ليلتين بس ما تمشيت في المدينة وافكر ازورها مرة ثانية اذا كان فيها شي يستاهل

مرحبا اخوي واي استفسار انا حاضرة

انا من جهتي ماقدرت ارتاح ولا اتأقلم في ميونخ ما أدري ليش

وندمت بقوة اننا حجزنا فيها ثلاث ليالي ولاحجزناها في غارميش ولا فرانكفورت

لأنهم اوسع صدر من ميونخ بكثيييير ....

وتابع وبتشوف تقريري عن ميونخ...

المشاركة الأصلية كتبت بواسطة جد هايدي
http://www.arabtravelersforum.com/tr...6/#post3496636

تقرير جاء في الوقت المناسب

نحن نبحث عن الاجواء في مثل هالفترة كيف ؟

الصو رائعة جدا في دوسلدورف اعشق الشوارع المرصوفة بالحجارة والمطر ياليت تكثري من هالصور

متابعين بكل شوق ...

مشكور اخوي وحياك الله

فعلا انا معك .... قبل لا نسافر جلست ابحث على تقارير في هالوقت

ماحصلت الا قلييييل

ومن ناحية الصور ترى انشاء الله اللي مجهزتها فوق (( 1000 )) صورة للمنتدى

وهذي مقبلات بس

الف حمد لله على السلامه ياحلوه
وبدايه رائعه وصور مشوقه
اتمنى انكم استمتعتوا بالرحله انتي وابو الشباب
تحياتي

نتابع اليوم الأول في دوسلدورف

اللي ساكن في دسلدورف ناس راقين مررة

وللمعلومية اغلب اللي ساكن فيها اغنياء جدا

وتشوف اهلها نظاميين مررة والمدينة نظيفة

نظيفة نظيفة

والظاهر العرب اللي كان فيها ذاك الوقت بس

انا وزوجي ما أدري ليش...

بعد ماذبحنا البرد في المدينة القديمة شفنا مول

بس صغير شوي وراااايق

وكان فيه ناس يعزفون ...

وهذا الشايب والله ياعليه صوت مدري وش يقول

بس جازلي وعجبني صوته

كأني جاسة اتفرج على بداية فيلم اجنبي

بعدين جلسنا في كوفي وطلبنا قهوة اكسبريس

لأن راسي انا وابو الشباب بينفجر

ولا لقينا قهوة تركية عندهم على كثر التركيين

اللي ساكنين المانيا

بس اللي قاهرني الإكسبريس مايملونها في

الفنجال بس شفطة الا وهي مخلصة وبكم

بـ أربعة يورو شوفوا

وجا الليل ورجعنا على المدينة القديمة ولقينا

هيصة وليصة

وونااااسة احلى من النهار

وذا واقف يشحذ بس بطريقة غير مباشرة

حايس نفسه بالذهبي وحاط صحن قدامه

اللي يحط شي له يميل ويسلم عليه

لقينا مطعم مكتوب عليه حلال ويبيع شاورما لذيييييذة

والله انصحكم فيها لأنها الذ واغرب شاورما اكلتها

في حياتي اخنا 2 شاورما و2 كولا ب (( 16 )) يورو

ورجعنا الفندق منسطليين مو من شي

لاتفهمون غلط

منسطلين من التعب والمشي والبرد نبي نناااااام

بس نسيت اوريكم في بداية التقرير شكل

تذكرة القطار

اخذناها من مكتب قطارات اوروبا في جدة

وهذا شكلها






لاتروحون بعيد باقي

وااااااااااجد

المشاركة الأصلية كتبت بواسطة -- 7md --
http://www.arabtravelersforum.com/tr...4/#post3497494

مشكوره على التقرير

بس غريبه ميونخ ماعجبتك ميونخ جدا رائعه

الا على طاري شاورمتهم تكرم النعمه مدري وشلون قايله لاهيب شاورما ولاهيب كباب

متابعين الاجزاء القادمه ان شاء الله

اخوي حمد الأذواق تختلف زوجي يقول ميونخ عادية وحليوة

بس انا لألألأ ماقدرت ارتاح مدري ليش يمكن لأننا رحنا لها بعد دسلدورف

دسلدورف نظيييفة وناسها محترمين مررة ونظامييين عكس ميونخ

ماهي نظيفة .. ناسها مو مريحين ومو نظاميين ابدا...

بس اللي خلانا نطول فيها ..كان لنا موعد في المستشفى

والشاورما مثل دجاج الشاورما اللي عندنا بس الخبز اللي كان غريب

وحياك الله اخوي

الف شكر وما قصرتي

وعساج ذخر .. بالفعل معلومات مهمه للاخوان الي بالسعوديه الراغبين بالحجز من بلدهم

تحياتي لج

المشاركة الأصلية كتبت بواسطة مشاعل 666
http://www.arabtravelersforum.com/tr...5/#post3495445

بصراحة الجلسات هذي جداً رايقة وأحبها كثير ..سواء بالبرد أو بالحر .


بس أشوفك ماخذه موقف من ميونخ ,, أنا تقريباً مثلك أشوف فيه مدن ألمانية كثير تتفوق عليها , يعني ميونخ مثل ماذكرتي أحياناً تحسيها أقل نظافة وترتيب ولكن للمعلومية هذا مايمنع أني انبسطت بسنترها كثيير يعني ميونخ مو سيئة لهذي الدرجة .

مع أني ما انكر صحة كلامك .. وبإنتظار بقية التقرير .

سجليني من المتابعين بشوق

المشاركة الأصلية كتبت بواسطة arsenal-r7
http://www.arabtravelersforum.com/tr...2/#post3498402

بصراحة الجلسات هذي جداً رايقة وأحبها كثير ..سواء بالبرد أو بالحر .


بس أشوفك ماخذه موقف من ميونخ ,, أنا تقريباً مثلك أشوف فيه مدن ألمانية كثير تتفوق عليها , يعني ميونخ مثل ماذكرتي أحياناً تحسيها أقل نظافة وترتيب ولكن للمعلومية هذا مايمنع أني انبسطت بسنترها كثيير يعني ميونخ مو سيئة لهذي الدرجة .

مع أني ما انكر صحة كلامك .. وبإنتظار بقية التقرير .




حيا الله مشرفنا والله

ميونخ مو سيئة هي حلوة بس اذا قارنتها

بالمدن الثانية اللي رحنا لها تعتبر اقلهم

مثلا دسلدورف في الليل المدينة القديمة ممتعة مرة وكل الكافيهات مفتوحة

اما ميونخ مايفتحون الا الساعة 11 الصباح والساع 4 كلٍ يبدا يضف عفشه

يعني بعد الساعة 4 خلااااص تصير ميونخ كئييييبة....

وغارميش بكووووم والرحلة بكوووم ثاني لأنها رائعة رائعة ...

نبدأ اليوم الثاني

رحلتنا من دوسلدورف الى ميونخ

صحينا مثل العفاريت الساعة 7 الصباح

وافطرنا وطلعنا من الفندق الساعة 8.30

ورحنا للمحطة اللي فيها الباص اللي بياخذنا

الى محطة القطار الرئيسية وهنا قعدنا ننتظر

الباص وهذي اللوحة توضح اي قطار يروح

للمحطة الرئيسية وكم باقي له من الوقت

وهنا قاعدين نتسلى نتفرج على الكلاب وهم يتهاوشون

وركبنا القطار واخذنا الى المحطة الرئيسية

على فكرة المحطة الرئيسية اسمها بالألماني

(( هاوبت بان هوف ))

(( hauptbahnhof)) واختصارها (( Hbf ))

اللي يبي يسافر بالقطار ويتنقل فيه يستحسن انه مايكثر عفش ابدا يعني شنطة سحب صغيرة وشنطة على

ظهرك والحمد الله ...

ويمكن عند كل منطقة تغير القطار

باب القطار حده يكون مفتوح دقيقتين بس وركبت

ولا ماركبت ماعليهم منك

انتظر القطار الثاني

ونبدأ نمشي والخضرة تصير على مد النظر ماشاء الله

هذي مقاعد الدرجة الأولى في القطار

وعلى فكرة بعض القطارات مافيها درجة اولى

يعني لا تتفاجاءون

وهنا طلبنا شوربة تدفينا شوي... ترى القطار فيه مطعم وحلو

واكواخ توسع الصدر

والله غريبة الصور طالعة عندي تمام ما ادري ايش المشكلة

تقرير رائع مثل صاحبته
وانا متابعه بشغف لكل ما تكتبين
والحمد لله على السلامه يا ام راما

المشاركة الأصلية كتبت بواسطة no nick
http://www.arabtravelersforum.com/tr...0/#post3503210

ذكرتينا بأيام جميلة فيـ ميونخ

واصليـ الابداع اختيـ

مرحبتين اخوي وحياك الله

وتابعني الى الأخير ..التقرير الى الآن في بدايته

المشاركة الأصلية كتبت بواسطة روز555
http://www.arabtravelersforum.com/tr...4/#post3503214

تقرير رائع مثل صاحبته
وانا متابعه بشغف لكل ما تكتبين
والحمد لله على السلامه يا ام راما

ياااااااهلا والله وغلا بست الكل

والله الموضوع نور بحبيبتي روووووز

ولاااااااااااازم تروحين لألمانيا تراها توسع الصدر

لاتتركيني كل يوم ادخلي ..

رووووعه الجو والمكان ..

شهر اثنين كيف راح يكووون الجو ..؟؟

متابعه ..
الله يعطيك العافية ..
وياليت تقولين لي كم سعر القطار من ميونخ الى فرانكفورت ؟؟؟

المشاركة الأصلية كتبت بواسطة غزال المسك
http://www.arabtravelersforum.com/tr...1/#post3503421

رووووعه الجو والمكان ..

شهر اثنين كيف راح يكووون الجو ..؟؟

اهلين وسهلين وحياك الله

شهر 2 بيكون بررررررد وثلوج

هلا اختي
بصراحه انا من دخلت المنتدى ماقد علقت ولا على اي تقرير,, بس تقريرك صراحه اجبرني اني ارد

عندي لك سؤالين: -هل اسعار الفنادق الرخيصه مررره دايما بهالرخص أم تغير عشان وقتكم كان بشتاء ؟؟
-من الاجمل المانيا ام اسبانيا ؟؟ لأني كنت افكر باسبانيا .. بس تقريرك لعب بحسبتي واحترت

المشاركة الأصلية كتبت بواسطة راكـب الــريــح
http://www.arabtravelersforum.com/tr...7/#post3505277

هلا اختي
بصراحه انا من دخلت المنتدى ماقد علقت ولا على اي تقرير,, بس تقريرك صراحه اجبرني اني ارد

عندي لك سؤالين: -هل اسعار الفنادق الرخيصه مررره دايما بهالرخص أم تغير عشان وقتكم كان بشتاء ؟؟
-من الاجمل المانيا ام اسبانيا ؟؟ لأني كنت افكر باسبانيا .. بس تقريرك لعب بحسبتي واحترت

هلا وسهلا اخوي وحياك الله

اجابة السؤال الأول ان الفنادق فعلا تتغير اسعارها لأن الوقت اللي رحنا فيه مو موسم

وكان كل شي رخيص قبل راس السنة

ومن ناحية من اجمل اسبانيا ولا المانيا اذا رحت ان شاء الله اسبانيا السنة الجاية اعلمك

(( بايخة صح ؟؟ ))

شوف اخوي .. التقرير لسه في بدايته وانا بابصم بالعشرة انه بيلعب بحسبتك صح....

بس تابعني ....

نتابع ميونخ

هنا لما طلعنا من الكوفي

وبدا البرد يشتدددددد متنا متنا بررررد

والله راس كل واحد فينا وش صغرة من كثر الملابس

اللي لابسينها

شرينا بطاطس مررررررررة لذيذة بــ (( 4 يورو ))

وكل مامشينا اشتري شي آكله

ماشاء الله عليهم شعب مايوقف اكل

وزوجي يقوللي وشفيكي ماشاء الله عليكي صرتي

مثلهم ماتوقفين اكل

صراحة بيني وبينكم المشي والبررررد .. يخلي

الواحد يموت جووووووع

وهذا شارع عجبنا وصورناه

شوف اشارات المشاة عندهم اهم من اي شي ثاني

بس يوم جيت الرياض قعدت ادورها .... ومالقيت الا

مساميرها...

وهذا الساحة جالسين يرتبونها ويجهزونها

للكريسماس

وفي نفس الساحة حديقة مرة حلوة وممشى

وفي طاولة تنس

يــــتـــبـــع

متابعين التقرير اختي مشاعل

شكراُ اختيـ على الجزء الرائع

ورحنا على محطة المترو او مثل مايقولون الألمانيين

(( او بان ))

وركبنا الباص اللي يودي على معرض الــ بي ام دبليو

ودخلنا وبدت تبين معشوقة زوجي

زوجي مبسووووووووووووووووووووووووط

وانا ملييييييييييييييييييت

ويقوللي منتي مبسوطة اننا في معرض بي ام

قلت وانا مالي ومال السيارات اهم شي اني دفيت

بهالمكان وبس

هذي لعبة مررررة عاجبتني وكان وددددي العبها

بس فيه شايب غثييييث جالس يلعبها ولاهو راضي

يتركها

معشوقة زوجي في كل مكان

وهنا يالله سحبت زوجي من المعرض

بالقوووووووووووة طلع

المبنى بصورة عامة جميل جدا وكأني وانا في وسطه

بعام 2100

وكأنه من مباني الخيال العلمي

وهنا شباب جالسين يشتغلون في مجسم ثلجي

واخذنا باص ورجعنا على ساحة مارين بلاتز لأن المغرب

اقبل علينا

لا وبدا المطر وبررررررررررررررررررد

شوفو الساحة مولعة انوارها ومررررة روعة

بس القهر المحلات والكافيهات سكرررت

الساعة تشير الى الخامسة المغررررررررب....

بعدين رحنا على فندقنا وتعشينا هناك ..

بيتزا خضار وبصل

وشوربة خضار وشوربة طماطم مع كريمة مرررة لذيذة

تفضلوا....

وبعدها صعدنا غرفتنا وجلسنا وتفرجنا على افلام الى

مانمنا الى ثاني يوم

وبكذا انتهى يومنا في ميونخ واشوفكم ان شاء الله

في يوم آخر في ميونخ

استودعكم الله...

ياسلام على المانيا بلد جميل جدا وخصوصا ميونخ

اختي متى تشرق الشمس ومتى تغيب يوم كنتوا هناك ؟

ومازلنا ننتظر المزيد

متابعين اختي .

ما شاء الله روعه التقرير متابعين

,’

الله يعطيك العافية مشاعل 666

استمتعت بمتابعة يومياتك وتفاصل الرحلة ووضوح الصورة

متابعين معاك

,’

المشاركة الأصلية كتبت بواسطة رعب الفريج
http://www.arabtravelersforum.com/tr...8/#post3508138

ما شاء الله روعه التقرير متابعين

حياك الله اخوي وتشرفت بدخولك موضوعي

المشاركة الأصلية كتبت بواسطة الذيب العربي
http://www.arabtravelersforum.com/tr...4/#post3508184

,’

الله يعطيك العافية مشاعل 666

استمتعت بمتابعة يومياتك وتفاصل الرحلة ووضوح الصورة

متابعين معاك

,’

مرحبا والله وسهلا باخوي الذيب

والله يعافيك ان شاء الله وحياك الله

ههههههه ماشاء الله عليكم

باين البرد لاعب فيكم .. بس اكل و شرب .. ما تنلامون و الله


تجربه رهيبه بصراحه.. ما قد سافرت في الشتاء الا لاماكن دافيه.. ودي اجرب هالبرد خخخخ

مرحبا
اقول لك ميونخ جدا جميله وبزياده عن ديسلدورف وفيها اماكن روعه بس انتس سكنتي في اسوى مكان عن البانهوف والروس والاتراك مارحتى على الماكسميليا وليبولد ستريت واولمبيا مول وبحيرة شتانبيرق وعنك فنادق جدا حلوه واماكن تسوق واماكن سهر ومطاعم ممتازه,,,,,لازم ترجعي ثانيه وتجربي
وننتظر المزيد من تقاريرك خاصه اني بميونخ وهلكان من البرد

المشاركة الأصلية كتبت بواسطة mzoon
http://www.arabtravelersforum.com/tr...8/#post3508318

ههههههه ماشاء الله عليكم

باين البرد لاعب فيكم .. بس اكل و شرب .. ما تنلامون و الله


تجربه رهيبه بصراحه.. ما قد سافرت في الشتاء الا لاماكن دافيه.. ودي اجرب هالبرد خخخخ

اهلين وسهلين بحبيبتي مزون

والله متعة السفر بالبرد بس تجي بعض الأحيان

البرد قااااارس ماتقدرين عليه .. والله مرة في ميونخ

بكيت من البرد .. اغلب اللي في الشنطة لبسته

وبرضوا بررررررررررررررردانه

وادفي نفسي بالأكل والشرب

والله الحين عرفت ان البرد اللي عندنا دلع

المشاركة الأصلية كتبت بواسطة ahnahn
http://www.arabtravelersforum.com/tr...0/#post3508620

مرحبا
اقول لك ميونخ جدا جميله وبزياده عن ديسلدورف وفيها اماكن روعه بس انتس سكنتي في اسوى مكان عن البانهوف والروس والاتراك مارحتى على الماكسميليا وليبولد ستريت واولمبيا مول وبحيرة شتانبيرق وعنك فنادق جدا حلوه واماكن تسوق واماكن سهر ومطاعم ممتازه,,,,,لازم ترجعي ثانيه وتجربي
وننتظر المزيد من تقاريرك خاصه اني بميونخ وهلكان من البرد

والله والله مالومك ..انا يمكن ماحبيت ميونخ عشاني ثلجت فيها

وشانت نفسي عليها

هي والله حلوة بس ماحبيتها وقلت

اذا رحنا ثاني محطتين مهمة لازم ان شاء الله اروح لها دوسلدورف(( رااااايقة ))

وغارميش (( جنة الله في ارضه ))

وحياك الله

يا سلااااام على التقرير الرايق

وترى هذا طبع الرجال يقولون مانبي واذا جات العيشة مايطالعون فيك ههههه

لا تتاخري علينا الحقيقة تقريرك ممتع جدا

المشاركة الأصلية كتبت بواسطة جد هايدي
http://www.arabtravelersforum.com/tr...4/#post3509924

يا سلااااام على التقرير الرايق

وترى هذا طبع الرجال يقولون مانبي واذا جات العيشة مايطالعون فيك ههههه

لا تتاخري علينا الحقيقة تقريرك ممتع جدا

اقولك ياجدي والله شكلك من ربع زوجي

حيااااااك الله والتقرير توه في اشياااااااااء واااجد

لايوفوووتكم

نكمل اليوم الرابع في ميونخ

يوم بررررررررررررررد واكل وشرب ومشي

الى ماااااادخنا

وهذا الطراز من العمار يعجبني مرة
























شوفو الأصنصير في الشوارع ينزلك الى محطة

القطار

ابو الراحة ياشيخ .. مدلعينهم اصنصير في الشارع





وهذي ساحة وسيعة صدر ..ومرة حلوة

هذي البوابة











وبعدين طلعنا من الساحة وصورت الفاترينة عاد انا

احب هذي الشغلات مرررة









وتعليقات حلوة














ودخلنا ساحة مرة حلوة

وفيها كشكات كثيرة معروضات للبيع

وحلويات وهوت شوكليت وكشكات خاصة للأطفال

مرة حلوة










هذي الكشكات اللي للأطفال وكل شخصية في كل

كشك تحكي قصة وتحرك راسها

مثل الأيل هذا




وهنا بابا نويل يحكي قصة





وهنا قصة ليلى والذيب






وبابا نويل







يـــتـــبـــــع

واو اخت مشاااعل متابعينج

خاطري بسفره جي بس ابي اودي الاطفال..

المشاركة الأصلية كتبت بواسطة قطرية123
http://www.arabtravelersforum.com/tr...2/#post3510882

واو اخت مشاااعل متابعينج

خاطري بسفره جي بس ابي اودي الاطفال..

لكن الجو بالنسبة للأطفال تعذيييييب

والله انصحك اذا كنت بتروحين بوقت هذي الأجواء روحي انتي وزوجك

لأن الجو بيصير عليكي متعب مع الأولاد

حياك الله حبيبتي وتشرفت بمشاركتك

أهلييييييييييييين مشاعل 3 ستات

أخيرا زرت تقريرك ببوابة ألمانيا

ليه خالتك (حماتك) مهي معاك في هالسفرة ؟!!!

تقريرك حلو وخفيف على المعدة

كملي .. متابعك

الحمد لله على سلامتك اختي مشاعل

وانشاء الله تكونوا انبسطتوا في رحلتكم

انتي ثالث شخص يسكن في فندق ريجنت ولم يرتاح في ميونخ
كل الاشخاص اللي تضايقوا في زيارتهم لميونخ كان مكان السكن سبب اساسي .. منطقة الفندق من اسوء الاماكن في ميونخ

بانتظار تكملة تقريرك

المشاركة الأصلية كتبت بواسطة رحال عاشق
http://www.arabtravelersforum.com/tr...9/#post3511089

أهلييييييييييييين مشاعل 3 ستات

أخيرا زرت تقريرك ببوابة ألمانيا

ليه خالتك (حماتك) مهي معاك في هالسفرة ؟!!!

تقريرك حلو وخفيف على المعدة

كملي .. متابعك

ياهووووو آخذ خالتي وين صقيييييييع

اذا براد مكيف ماتتحمله تبيها تتحمل 10 درجات تحت الصفر

لا وفيه مناظر تخلي الواحد ينحرف .. وانا خالتي جاهزة للإنحراف

دامها تبي تاخذ شجرة الكريسماس اللي في مصر وتحطها في مجلس الحريم.. اكيد بتنحرف مافيها كلام

اسعدني تواجدك اخوي وحياك الله

المشاركة الأصلية كتبت بواسطة boby
http://www.arabtravelersforum.com/tr...1/#post3511121

الحمد لله على سلامتك اختي مشاعل

وانشاء الله تكونوا انبسطتوا في رحلتكم

انتي ثالث شخص يسكن في فندق ريجنت ولم يرتاح في ميونخ
كل الاشخاص اللي تضايقوا في زيارتهم لميونخ كان مكان السكن سبب اساسي .. منطقة الفندق من اسوء الاماكن في ميونخ

بانتظار تكملة تقريرك

حيا الله مشرفنا والله وتشرفت بحضورك

والله انك صادق .. فعلا ماكنت مرتاحة في ميونخ ومادري ايش السبب

مع ان الفندق حلو وموقعه مناسب لنا عند المحطة ..لأننا كنا نستخدم

المترو دائما

واللي كان مضايقنا فيها ان اغلب المحلات تفتح متأخر وتسكر بدري

والبردشديييييييييييييييد ايضا ....

تحياتي لمرورك مشرفنا الكريم

اكمل معاكم اليوم الرابع في ميونخ

وهذي بعض المناظر وحنا نتمشى





هذا التمثال عاجب زوجي مرة مدري وش قصته












ومعشوقة زوجي مرتزة وش كثرها







وهذي تماثيل من بعيد نحسب عليها شبك

( ام القراوة ) طلع التمثال هو كذا














وهذا تمثال تحته صور شخص مااالها آخر

(( من تتوقعون هذا الشخص ))




هاه عرفتوه




طيب كذا اقرب عرفتوه




مايكل جاكسون ... الحمد الله والشكر على نعمة

الإسلام والعقل ..والفضوة تعمل عمايل











وهذا محل قريب من محطة القطار الهاوبت بان هوف

يبيع المسدسات وادوات الصيد

ابو الشباب مييييت يبي يشتري واحد قال يازين من

شراه له واحد وارداك طريحة

(( والله من زين الرومانسية عند الرجال .. ماكله

حلالك انا ))






وبعدها رحنا على منطقة لا تسألوني وش اسمها

لأننا بالصدفة وصلنا هذا المكان وتعشينا

في مطعم ايطالي على نفس هذا الشارع



وهذي صور المطعم الإيطالي




وعلى فكرة الجو كاااااان برد برد برد ومطر

يضرب ضرب

وطلبت شوربة طماطم بالكريمة وزوجي شوربة

خضار

(( يقول ياشيخة طعمها روووعة مثل شوربة امي

في رمضان))



وطلبنا مكرونة لذيييذة




والحساب طلع علينا بــ 24 يورو

وبعدها رجعنا الى الحي اللي فيه الفندق

وجلسنا على كوفي جلساته خارجية وجلسنا نتفرج

على المطر مع

احتساء 2 كوب من الشاي الدافئ

(( متعوب عليها الجملة ))












وبكذا خلص يومنا الرابع في ميونخ

وترقبوني ان شاء الله في اليوم الخامس ورحلتنا الى

الساحرة غارميش


استودعكم الله ...

المشاركة الأصلية كتبت بواسطة راكـب الــريــح
http://www.arabtravelersforum.com/tr...1/#post3511391

ماشاءالله ,, قمه في الاسلوب
اليوم اسولف انا ورفيجي أحاول اقنعه بألمانيا .. وهو توه جاي من تنزانيا
تهاوشنا على سعر صرف اليورو
هو يقول 7 ريال ,, وأنا أقول 5.3 ريال
عاد بنآخذ الخبر اليقين منك

حياك الله اخوي واشكرك على ثنائك ...

حنا صرفنا اليورو قبل عيد الأضحى 5.47 واليوم زوجي يقول اليورو نزل الى 5.38

تشرفت بمشاركتك موضوعي...

lماشاءالله تقرير رووووعهـ وانا بعد ماحبيت ميونخ من غير مااأزورها واهم نقطه عندي موقع السكن

لانه بجد يساعد عالنفسيه





تهاوشنا على سعر صرف اليورو
هو يقول 7 ريال ,, وأنا أقول 5.3 ريال
عاد بنآخذ الخبر اليقين منك :smile:





اخوي راكب الريح سعر الصرف
5.37لليووروالواحد

[QUOTE=شغب قلم;3511402]lماشاءالله تقرير رووووعهـ وانا بعد ماحبيت ميونخ من غير مااأزورها واهم نقطه عندي موقع السكن

لانه بجد يساعد عالنفسيه

هذا من ذوقك اخوي

و فعلا انا اهم شي عندي السكن

لكن لاتروح بعيد غارميش بالطريق ان شاء الله (( رووووعة ))

حياك الله ...

مشاعل 666 & شغب قلم
مشكووورين ماقصرتوا

ما شالله معلومات مهمة

بانتظار غارميش

وياليت تقولي عناوين الحلقات الجاية عشان يسهل ترتيب معلومات التقرير