السلام عليكم ورحمة الله وبركاته
بصراحة هذا أول تقرير لي عشان كذا التمس منكم العذر
بداية لابد من الاعتراف بأن الفضل الأول والأخير في نجاح رحلتي هذي يعود بعد توفيق الله سبحانه وتعالى إلى هذا المنتدى الرائع بأعضائه المبدعين حقا
كانت رحلتي إلى ميونخ من يوم 18 نوفمبر إلى 25 نوفمبر 2009
أنا حاولت أن تكون الرحلة اقتصادية بكل شي فالتذكرة مخفضة واختياري للفندق كان عشان مكانه والسعر المناسب ، وخاصة إني مسافر وحداني ، كنت متخوف من الجو بصراحة لكن حبيت إني أغامر والحمد لله طلع الجو ممتاز ، برد لكن ما يمنع من التمشية .
التذكرة :
سعر التذكرة 983 ريال على الخطوط السعودية
السعر مخفض وكنت حاجز التذكرة بدري من شهر سبتمبر وعن طريق موقع السعودية
الفندق :
فندق Italia HotelSchillerstr. 19München, 80336
كان الحجز عن طريق booking.com بسعر 50 يورو لليلة مع الإفطار
أنا كنت حاجز 3 ليال فقط قلت يمكن ما يعجبني لكن كملت باقي الرحلة بهالفندق
الفندق بصراحة جيد ولابأس به وخاصة مكانه قريب جدا من الهوبتبانهوف والمطاعم والبقالات العربية .
المواصلات:
من المطار إلى الهوبتبانهوف أخذت المترو بسعر 9 يورو
ومن الهوبتبانهوف إلى المطار أخذت باص الللوفتهانزا بـ 10 يورو تقريبا وهو أفضل من المترو صراحة مع أنه يآخذ نفس الوقت لكن ما يوقف إلا مرة وحده وينزلك عند الصالة اللي فيها الخطوط اللي تبي تسافر عليها بس لازم تقول لسواق الباص
وكانت تنقلاتي داخل ميونخ كلها بالمترو وإلى قارمش بالقطار
وهذي صور الفندق
طبعا الرد بول هذي لي انا شاريه ماهو منهم 
وشعار ريال مدريد هذي منشفتي بعد ماهي من الفندق
هذا الحمام الله يكرمكم صغير مرة بس يمشي الحال اذا المسافر وحداني
هذي صورة للهوبتبانهوف وبعد ما خلصت تصوير طبو علي الشرطة وتحقيق لمدة خمس دقايق وعدة على خير
وهذي صورة للبرج الأولمبي عجزت أعدلها تفاهمو معاها عاد
هذي صورة للإليانز أرينا ملعب البايرن ميونخ من فوق البرج الأولمبي
متحف ومعرض البي إم دبليو
المارين بلاتز الساحة العظيمة والمبهرة
يتبع صور قارمش وملعب البايرن
مواضيع عشوائيه ممكن تكون تعجبك اخترناها لك:
رد مع اقتباس
المفضلات