الموضوع: جــزيــرة كــيــش الايــرانــيــه

لسلام عليكم

بما انه اجازة العيد 5 ايام قررنا نسير جزيرة الكيش لانه سمعنا انها وايد حلوه وفيها مراااكز راقيه جدا وسمعنا انها تنافس دبي

وانا طلعت معلومات عنها بس مش كافيه

فياليت الي رايح جزيرة كيش يعطيني اسعار التذاكر واحسن طيران و الاماكن السياحيه والفنادق واي شي نقدر نستفيد منه

والسموحه :101:

مواضيع عشوائيه ممكن تكون تعجبك اخترناها لك:

• استفسار للأعضاء وبالأخص المشرف المميز
• روعة المنظر صورة من سيشل
• اتمنى المساعدة في اول تجربة لي في جزر المالديف
• جيرة أحلامي الباهاما الجميلة
• استفسار عن اجودا
• مساعده اخرى يا ابوعزيز
• عرض الأماراتيه قبل خمس ايام موريشوس
• كم سعر التذاكر من السعوديه الى كيب تاون
• اخت من عائلة المسافرون العرب
• ابحث عن بانغلو في موريشوس
• أستفسار عن السفر لموريشيوس صيفوأنفلونزا الخنازير
• عذراء الطبيعه
• تقرير عن زيارتي لجزيرة موريشس بالصور
• شهر عسل
• المالديف لو سمحتو
• الله عطاك الف ريال
• ابغى استشيركم في سياحه تصلح للعوائل
• من يعرف جزيرة كيش الايرانيه ارجو المساعده
• كم يوم يكفي للمالديف
• ممكن خدمه بسيطه منكم

حبيبي
سبق اني رحت لها قبل اربع سنوات تقريبا
ونصيحة لله لاتطبها
وبالنسبة للمعلومات
الطيران تطلع له عن طريق دبي المطار القديم
الحجز فيه مكتب عند فندق كلاريج
والسعر على مااعتقد 350 ريال ذهاب وعودة الكلام قديم
الطيران السيء جدا
طيارة ذات محرك واحد اشبه للهيلوكبتر من انها طيارة
تشاهد الكابتن وانت بالمقعد والطيارة لاتسع الا ل30 راكب تقريبا
يعني الطيارة غير آمنه
وسبق ان طائرة منها سقطت في ذلك العام على الشارقه كانت متجهة لكيش
وهناك معلومة بخصوص الحجز
عادة الطائرات مستاجرة بالكامل من ابو هنود وانت بالمطار تدفع له حق التذكرة وتركب
شغل بدائي جدا
بمعنى اللي يجي الاول يركبه راعي الطيارة ( خط البلدة )
هذا بالنسبة للطيران
اذا باقي معزم نكمل المعلومات
الفنادق يوجد فنادق متميزة جدا وفخمة وان كنت تبي معلومات وعزمت تروح بحثت لك عن اساميها وقلتها لك
بس غالية جدا
تقارب 250 دولار اقل شيء
الجزيرة دخولها بدون فيزا
ولايوجد بها سفارة
بمعنى لو صارت اي مشكلة
مثل شخص واجهته هناك ماسجل دخوله لكيش وجاء يطلع فبلش
ماقدر يروح لطهران لان دخولها بفيزة
ولاقدر يرجع للامارات
البلد فيها محمية للغزلان
وحديقة دلافيين
وقرية عجيبة وروعة تحت الارض قديمة من الاف السنين
واذا اي استفسار نبهني على الخاص
لاني ماادخل هالبوابه ولادخلتها الا الحين الظاهر مكتوب لك الا اطل على موضوعك

مشكور اخوي كفيت وفيت وصدفه انك شفت الموضوع والحمد الله رديت

بس ما فيه طياره ثانيه غير طيران الكيش

وانا خاطري ازور المدينه تحت الارض شفت صورها عجييبه

ومشكور اخوي ويعطيك الف عافيه

لا مافيه غير طيران كيش
والقريه حلوة اللي تحت الارض بس
لاتضيع الخمسة أيام عشان ساعه وحدة للقرية

كنت ناوي أزورها بس بعد نصيحة تميمي الشرقية لا و الف لا وخصوصا اني أوسوس كثير من سالفة الطيرات
عموما مشكورين على المعلومات والنصيحة
أحتراااماتي