**الجزءالثالث**
ميونخ
من 7/8/2009 إلى 18/8/2009
طبعاً كعادتاً في الليل نستعد ونجهز أغرضنا ونخليهم في السيارة
عشان الصبح يادوب نلبس و..... نفطر و:8shtd:.........نمشي
مسكنا خط ميونخ الساعة 10 ونص ماكنا مستعجلين....... لأن بيكون ورانا 4 - 5ساعات درب
وللعلم أحنا مرتبين حجزنا على أساس 11 يوم راح نقضيها في ميونخ(يمكن تقولون المدة طويلة بس لأن بيكون أغلب الوقت شوبنغ X شوبنغ خصوصاً أن مابردت حرتي في سويسرا)
المهم نرجع من بداية دخلتنا لميونخ كنا حاجزين الفندق من النت وهذي مواصفته وأنا سبق وذكرتهامن ضمن الفنادق في تقريري السويسري
أسم الفندق
Munchen Inn Hotel
إيجابيتة:
§قريب من محطةالقطارات الرئيسة والأندرغروند. § حول الفندق مطاعم وسوبرماركت عربية وأكثرهم تركيين وساحة كارلز بلاتز بعد نروح لها مشي.
§ معاملة الموظفين جيدة جداً ماعد واحد ماودنا نشوفه أذا دخلنا.
§ قاعة الفطور مقبولة لو أحياناً يصير زحمة.
§ نظافتهم متوسطة.
وهذي الخارطة الله يعافي أستاذنا ومشرفنا خذيتها من موضوعة
(((((الخرائط لسياحيه لمدينة ميونخ .. كل شيء بالتفصيل !! )))))
موضح فيها مكان الفندق بالون الأزرق ورقم 1 محطة القطارات الرئيسية
سلبيتة:
§ الغرفة حجمها أصغر من الفنادق إلي سكنها كلها :0xuqw:لدرجه أعيالي ماشاءالله عليهم طيحو الستارة بس صارت لنا هالطيحة فاتحة خير علينا.
§ مافيها تكيف في الليل يصير الجو بارد ونفتح الشبابيك .
وصلنا الفندق حوالي الساعة 1 ونص الظهر بعد عدة توقفات منها السوبر ماركت ومحطة البترول
وكان هذااليوم والي بعدة أتعس يومين في رحلتنا وراح تعرفون السبب
- لما وصلنا داخل ميونخ حسينها كائيبة مقارنة بسويسرا(وجه نظر)
والسبب
V
V
V
V
-كان الجو حر X حر.
-ركنا السيارة في باركنك الفندق ونزل زوجي يجيك على الغرفة (والصراحة أول مرة يتأخر في التجيك واحنا متنا حر ومافتحنا المكيف لأن ماتوقعنا أن راح يتأخر).
-وحنا نازلين الفندق ألا يقول أبو عيالي: لأتتفاجئين بالغرفةلأن حجمها يمكن مايجي 3 أمتار وحاول يغيرها بس على كلمهم مافي غرف
ولأ .....بعد قالو لة :ماتنزلون شنطكم فيها ألا بعد ماتدفعون المبلغ كامل:3y4b9:
ومن حسن حضنا كنا في الأساس حاجزين 8 أيام بس بعدين غيرنا إلى 11 يوم لكن الحجز بعد التغير ماوصلهم(يعني دفعنا حق 8 أيام)
الصراحة ماصدقت ألا لم شفت الغرفة :2ge0x:وكانت عبارة عن سرير دبل وسرير سنغل (بو نفر)وأنصدمت من حجمها لدرجة مانقدر نمشي خطوتين ولا نفتح ألا شنطة وحدة(هذي أهم شي أشلون باشتري وبخزن)
سموح لي الصورة مش واضحة لأنها من الموقع
حاولنا نعدل فيها 
وهذي صورة المطعم(تخيلو أذا نبي نروح له ننزل ونطلع من باب مدخل الفندق وندخل باب ثاني في الأستقبل وناخذ مصعد ثاني ونطلع له)
بعد لف ودوران قررنا نشوف لنا فندق ثاني للأيام ألي مانحجز فيه (صامدين فيها
)
وعلى طول نزالنا نشوف لنا فندق للأيام المتبقية،وكان أول فندق ماذكر أسمة جنب محطة القطارات الرئيسية فل ماحصلنا ،وكان فيه فندق مقابلة دخلنا قالو لنا فيه حجز
(وهو مثل الجناح لصغير المهم دفعنا لهم عن 5 ليلي - اليلية ب250 يورو- على أساس نطلع من الفندق القديم قبل أنتها أيامنا فيه وبتروح علينا ليلية )
بعدها رحنا نتمشلى في ساحة Karlsplatz كارلز بلاتز وتغدينا وتعشينا مرة وحدة
وعذروني على قلة الصور لأن في هذي اليوم صادني أكتأب 
من الصدمة
أدري طولت عليكم في الكلام بس شاسوي مقهووووورة :16eu0:من إلي صار
وترى حتى ثاني يوم بعد كان هناك صدمة بس في
V
V
V
في الجزء الرابع
( معتقل هتلر والحديقة الأنجلزية)
مواضيع عشوائيه ممكن تكون تعجبك اخترناها لك:
رد مع اقتباس
المفضلات