الموضوع: ماليزيا وجهتي وهذي استفساراتي

السلام عليكم
ورجعنا لكم من جديد
طبعاً لتذكير هذي خطت السير حقتي
3ايام سيلانجور
4ايام لنكاوي
3ايام بيننق
2يومان جنتنق
3ايام كوالا
رحاتي من تاريخ 20مايو الى 4 يونيو
يعني 16يوم و15 ليله
هذا الي اتفقنا عليه سابقاً
بس بعد الخبر الي نزله اخوي الغالي
انه ملاهي صن واي مفتوحه طوال ايام الاسبوع
صار فيه تعديل بسيط في الجدول
وصاركذا
2 يومان سيلانجور
4ايام لنكاوي
3ايام بيننق
2يومان جنتنق
4ايام كوالا
وبنسبه للفنادق نفس الي اخترتها في موضوعي السابق والي ايدوني عليها الخبراء
( طيب دوختينا وش تبين )
الان انا لتو انتهيت من حجز الطيران الداخلي
الرحله الاولى من كوالا الى لنكاوي ع الخطوط الماليزيه (لقيت سعرهم احلا من اير اسيا )
بتاريخ 22مايو الاقلاع الساعه 13.5
(((( بس سويت عندهم مشكله صغيره وما انتبهت لها الا بعد ما خلصت الحجز
هو اني اخطات في الالقاب للركاب اتمنا انها ماتاثر ع الحجز))))
بنسبه للرحله الثانيه هي من لنكاوي الى بيننق وهي بتاريخ 26 مايو
المشكله في الوقت ما لقيت الا وقت واحد وهو الساعه 17.30
كيف الوضع ؟؟؟؟؟؟؟؟؟؟؟؟؟؟؟؟
طبعاً ما عندي خيار ثاني حجزت وتوكلت ع الله
بس حبيت اخذ رايكم كيف الورطه
وبنسبه للاسعار كلها كلفتني 939 ريال
لي ولزوجي وبنتي
انتظر ردودكم وممكن ابدا الحجز للفنادق
لاني وجدت فرق في السعر ممكن من اجل المعرض
بس مو بالفرق الكبير
انتظركم

مواضيع عشوائيه ممكن تكون تعجبك اخترناها لك:

• جدولي لشهر العسل الله يسعدكم ساعدوني
• اسفسار للضرورة لأهل الخبرة في ماليزيا
• أسهل الطرق لقص البوردنق من ( مطار air asia )
• طلب مساعدة تكفون
• ساعدوني برحلتي من تاريخ الى تاريخ يونيو تكفون أول مره اسافر ماليزيا
• مشكلة صغيرة مع موقع اجودا
• مساعده في فندق
• بغيت اقتراحاتكم بشأن رحلتي
• بارك رويال ولا البافيو بينانق اخوووووكم محتاااار
• اسفسار عن بورت ديكسون
• اول مره اسافر لماليزيا ساعدوني بتخطيط الرحله
• استفسارات يا احلى موقع
• الرجاء مساعدتي للضرورية الأهمية
• انت مو انت بالجواز
• خطأ في البيانات في حجز
• اقترب الحلم ان شاء الله
• ولله الحمد حجزت بعض الفنادق واريد ارئكم برحلتي
• رايكم بهالموقع للحجز
• استفسار بطيران اير اسيا
• للمرة ثانية أغير برنامجي

بالنسبة لرحله لنكاوي إلى بينانق في حركه أنا سويتها انك تروحي عباره من لنكاوي إلى منطقه اسمها كوالالمبور كداه لمده ساعه و من هناك تأخذي تكسي إلى بينانق على طول لمده ساعتين و شويه بالنسبة للاخبطه في الأسماء في التذاكر إذا حرف أو اثنين ما يفرق أتوقع ما اعرف ما قد مر علي موضوع اللخبطةوبما انك حجزتي خلاص توكلي على الله الرحلة من لنكاوي لبينانق نص ساعه تقريبا

شكراً لك اخوي

وبانتظار بقية الاعضاء للمشاركه من الموبايل

هلا أختي ( فجر )

ماشاء الله تبارك الله ... تخطيطك الأخير مميز جدآ جدآ ... وأنصحك بأعتماده

وتفضلي رأيئ المتواضع على شكل نقاط :

* أختلاف حرف أو حرفين في الأسماء ( مايؤثر ) أبدآ ... لاتشيلي هم وأنا أخوكِ

* وقت الرحلة إلى بينانغ ( صح متأخر ) لكن راح تلحقون ( روعة المساء ) في بينانغ ( سحرررر )

* الأسعار ( يابلاش ) ... وهذا فائدة وميزة الحجز من النت بدل المكاتب النصابين

* أنصحك تحجزين الفنادق قبل الرحلة بشهر .. والمعرض بصراحة ( مخيب للآمال ) مافيه أي فايدة

هلا وألف غلا لمشرفنا الغالي وافي
اكيد الجدول مميز لنه كان من ترشيحك
يا وافي
اللخبطه مو بالاسم بالاقاب (مثل ماستر مسيزز كذا ) مدري أخاف يأثر أو لا واذا فيه إمكانية اعدل أو لا
بالنسبه للبيننق كيف بانسبه للفندق ينتهي تسجيل الوصول الساعه 15 ووصولي راح يكون الساعه 18

طيب بالنسبة للفنادق هي ذي مراح اختار غيرها ممكن احجز الآن وكلها مسترد والغا مجاني مراح يضر لو بديت صح
وأغير اذا لقيت سعر افضل
ممكن بس فندقين هما بحجز فيها غير مسترد السعر فرق معي كثير من الموبايل

هلا أختي الكريمة ( فجر ) ....

الله يوفقكِ يارب ... ويسهل أمرك في الدنيا والآخرة ... وتفضلي التوجيهات :

* اللقب ماله أي علاقة ( للصفة الشخصية بس ) أنا دائما أختار لنفسي ( دكتور ) ههههههههه ... وماشية الأمور

* في بينانغ ( راسلي الفندق ) برسالة على إيميلهم ... قولي راح أوصل في الساعة الفلانية ... عادي جدآ

* أعطيني أسم فندق بينانغ ( وأجيب لك إيميلهم ) وأكتب لك الرسالة بنفسي هنا ... أنتي بس أنسخيها وأرسليها وأنا أخوكِ ... ولايهمكِ

* عادي جدآ تحجزين فندق ( غير مسترد ) وتلغين أي وقت ... وتحجزين غيره ... بشرط تلغين قبل الوصول بثلاثة أيام

http://img831.imageshack.us/i/94300025.png/

يالبيه يا وافي
والله انك اسم ع مسمى
تسلم
انا بسكن في فندق فلامنقو في بيننق
يالله سنعها يا وافي
الوصول راح يكون في الساعه 18 من الموبايل

بالتوفيق ان شاء الله و رحلة سعيدة

و بالنسبة للالقاب فما تحملوا اي هم لانه موضوع بسيط و صارت معاي كثير و ما كان اي مشاكل


اما عن رحلة لانكاوي بينانغ فكما قال مشرفنا الرائع جوء بينانغ المسائي روعة



دمتم بود

هلا أختي ( فجر ) ...

تفضلي هاذي الرسالة ... أرسليها لفندق فلامنجو :

Gentlemen Hotel Flamingo
Good evening
Tell you I'm name Booking No55555 I came across late at 7 pm
Thank you very much

* أكتبي أسم صاحب الحجز عند ( name ) ورقم الحجز بدل ( 5555 )

ترجمتها :

السادة فندق فلامنجو
مساء الخير
أفيدكم أنا ... حجزي رقم بأني سأصل متأخرا عند الساعة ٧ مساء
وشكرا جزيلا لكم

أرسليها على إيميلهم الواضح هنا :

http://img685.imageshack.us/i/55550000.png/

http://img59.imageshack.us/i/79390587.png/

شكراً لك اخوي
الله يرزقك الجنه من الموبايل

العفو أختنا الغالية ... الله يسهل أمركم دوم يارب

http://img694.imageshack.us/i/78956063.png/

السلام عليكم

الحمد لله حجزت الفنادق وخلصت بس بعضها مسترد والبعض الآخر غير مسترد
طيب الي صار انه في الفنادق الي غير مسترد بعضها سحب الفلوس والبعض الآخر ما سحب شي ايش يعني هذا ؟؟؟؟ أخاف انه فيه مشكله ولا شي أو الحجز ما تأكد
أو انه شي عادي وبعد كم يوم ويسحبون الفلوس من الموبايل

هلا أختي ( فجر ) ...

ألف مبروك إتمام الحجز ... الله يوفقكم يارب ...

طالما أرسلوا لكم ( فاوتشر الحجز ) على الإيميل .... حجزك مؤكد بأذن الله

وسياسة بوكينق : يتأخر الخصم أحيان في ( الحجز غير المسترد ) .... عادي لاتقلقين

أهم أهم أهم أهم نقطتين :

1) تأكدي إن المبلغ في البطاقة يكفي وزيادة لمبلغ الفنادق غير المستردة

2) راقبي إيميلك بشكل يومي ... تحسبا لأي رسالة من بوكينق بخصوص حجزك ... لأن التفاهم فقط على الأيميل

http://img341.imageshack.us/i/87115912.png/

طيب الآن بعد ما حجزت الفنادق والطيران الداخلي
شو بعد .....
شنو الخطوه التالي
هل باقي حجوزات ثانيه أو لا
مدري باصات أو منتزهات
ابي رأيكم من الموبايل

هلا أختي ( فجر ) ..

* الباصات تحجزيها من هناك ... من محطة الباصات في المنطقة اللي أنتي فيها

* الحدائق والمنتزهات ... تقصين التذاكر من نفس المكان ( عادي )

* أخر خطوة هي ( الجدول اليومي ) ... وهذا موجود بأذن الله ... متى مابغيتي نكتبه

http://img534.imageshack.us/i/94201281.png/

وافييييييييي
والله صايره استحي منك
كل ما اكتب استفسار القاك في الصف الأولى دائماً
ماقد احتجت شي الا واقاك
والله أني ادعيلك مع كل صلاة وفي كل وقت
ولا انسى كل من ساعدني غيرك
اخوي مزمز والعدني وجورج وإحساس ماجد وغيرهم
الله يوفقكم جميع

أوكي اذا مابقي الا الجدول اليومي تمام
بس منتزه صن وأي مو له حجز من النت
كيف ؟
وأنا محجبه هل أخذ تذكره شامله أو لا
وايش الألعاب الي تناسب المحجبات في صن وأي من الموبايل

ونسيت شي
لقيت مكتب سياحي
يوفر لي جميع المواصلات هناك من الاستقبال من المطار الى توديعنا في المطار
ومع الجولات ب 4500 ريال
كيف السعر يصلح ولا اتركه وأخذ الموصلات من هناك احسن أخاف اتوه
ههههههههه
لا من جد اسأل ممكن تكلف المواصلات هذا السعر يعني كله التاكسي والباصات من الموبايل

الله يسعدكِ أختي ( فجر ) ... وتستاهلين كل خير والله

وكلنا أخوانك هنا وبالخدمة دوم والله ... وبصراحة الدعاء بظهر الغيب هو غاية أمانينا ... ورغبتنا

وبخصوص ( صن واي لاقون ) ... أحجزي التذاكر من النت أرخص ... وتفضلي الطريقة

http://www.arabtravelersforum.com/travel741653/

وطبعا الألعاب تناسب المحجبات ... إلا ( الحوض المائي ) ماأنصحك فيه ... لأنه مناظر مؤسفة وتعري زايد

لكن بقية الألعاب ... بأذن الله تأخذين راحتك فيها

وبخصوص المواصلات من مكتب سياحي ... وربي أنصحك من قلب ( أبعدي عنهم )

وش ذا الأجرام والنصب ( 4500 ريال ) ... حسبي الله عليهم

من هناك وأنا أخوكِ ... أتفقوا مع أي تاكسي ... وتلاقينهم بكل مكان ... وراح توفرون كثير

وأحب أوضح شيء مهم :

المواصلات في ماليزيا ( متوفرة ) ... وطوال الوقت موجودين التكاسي ... لكن لابد من المكاسرة

http://img534.imageshack.us/i/94201281.png/

رحلة موفقة اختي
وطالما التخطيط لهذه الرحلة تحت اشراف الأخ وافي
فهي باذن الله ناجحة

التكاسي هناك بكل مكان
لا تتعاقدين مع مكتب ولا شي نصب واحتيال


وتابعيني بالتقرير الجديد
لعلك تجدين معلومة تفيدك بسفرتك

هذا اكيد انا ما ارتاح لاي قرار الا بعد ما أخذ رأي اخوي وافي

اكيد أختي انا من متابعينك في تقريرك من الموبايل

أخواتي الغاليات ( فجر ماليزيا - قصة حب تايلندية )

كل الشكر والتقدير لكن على حسن الظن ... الله يوفقكم لكل خير في الدنيا والآخرة ... تحياتي

http://img823.imageshack.us/i/57539343.png/

لا تشكر اخوي وافي ولا شي
اصلن كل حرف ثناء يكتب لك شوي عليك
انت تقدم الكثييييييير والكثييييييير
يا رجل لا يكاد يخلو موضوع أو استفسار عن وجودك ومساعدتك ما شا الله عليك
ما قول غير ياحظك بالآجر ......الله يرفع قدرك ويرزقك كل خير من الموبايل

بغيت منكم خدمة
كنت كل ما اقرأ تقرير لأي احد اجيب ورقة وقلم وأسجل كل مكان سياحي يعجبني في كل منطقه وأسجل كل الملاحظات السلبيات الايجابيات وكل شي
المهم قدر الله ع ها الأوراق وراحت أو بمعنى أدق دمرت ع يد بنتي الله يصلحها
وصار صعب علي ارجع ابحث عن ها المعلومات من جديد فابغى مساعدتكم يا انشامى
افضل الأماكن السياحية وأوقات العمل ونوع دخولها ( دخول مجاني أو بقروش )
وطبعاً في بعض المعالم السياحية متكررة في كذا منطقه ابي افضل معلم في أي منطقه
( مثل عالم البحار - حديقته الفواكه - كذا يعني فهمتوا علي )
في المدن الخمس
سيلالنجور - للنكاوي - بينانق - جنتنق- كوالا
وشكراً مقدماً من الموبايل

هلا أختي ( فجر )
ألف شكر على الثناء العاطر ... والدعوات الطيبة ... الله يسعدك دنيا وآخره
وبصراحة ( تضايقت ) على ضياع المعلومات ... لكن لعله خير بأذن الله
طبعا .. رسوم الحدائق والأماكن السياحية + أوقات الدوام ... تجدينها في هذا الموضوع المميز

http://www.arabtravelersforum.com/travel490928/

وبخصوص الأماكن السياحية ... أعتقد هذه الأماكن الأفضل والأحق بالزيارة في كل منطقة :

سلانجور : ألعاب صن واي لاقون - جولة بوتراجايا - مجمع الماينز

كوالا : عالم تحت البحار - حديقة الطيور - حديقة الزهور- المنارة - البرجين -

كوالا : حديقة الحيوانات ( زوو نيجارا ) - حديقة البرجين - باص الهوهو - شارع العرب

بينانغ : حديقة الفواكه - مصنع القهوة والشوكلاته ( كوفي تري ) - هضبة بينانغ - شاطيء الباتو فرينجي

لنكاوي : التلفريك - الشلالات - رحلة المانغروف - مطل جونورايا - كواه وميدان النسر - شاطيء سينانغ

جنتنغ : التلفريك - حديقة الفراولة - الألعاب الداخلية والخارجية - المجمع الضخم أسفل فندق فيرست وورلد