الموضوع: الجو في مورشيوس استفسار

السلام عليكم ورحمه الله وبركاته

بصراحه قريت الكثير من مواضيعكم الاكثر من رائعه عن جزيرة مورتشيوس بس عندي استفسار بسيط وهو اني ان شاء الله قررت اغير وجهتي الى هذه الجزيرة بعد ماقريت عنها وانا راح اسافر باغسطس شهر 8 بس المشكله اني مافهمت هل الجو فيها برد ماينفع تسوي فيها رياضات مائيه او الجو معدل ...لان بعضكم يقول زينه والبعض الاخر يقول انها فصل شتاء ...فايهم هي:110::110:

مواضيع عشوائيه ممكن تكون تعجبك اخترناها لك:

• ياشباب اي جزيرة اسافر لها في العيد
• ماذا تنصحون اذا خيرتم بين الجزر موريشيوس مالديف سيشيل
• افضل المناطق في شهر اكتوبر
• منتجع كونراد المالديف تصويري
• شهر العسل في يناير وين تنصحوني
• ارجو افادتي عن جزر هاواي
• رحله بحريه بشرق اسيا
• استفسار عن الجزر
• الفزعه ياخبراء ومستشارين و زوار
• ابي رايكم مساعده المالديف تايلند
• الاخ ابو عزيز لو سمحت
• من الانسب المالديف او سيشل
• أفضل فنادق موريشوس اللي توفر نوادي أطفال
• أيهم أفضل الفل مون ام دونفلي بيتش
• عاااجل بالنسبة لموقع
• كونراد المالديف وتحقق المراد
• استفسار ياكرام عن شركات الطيران لجزيرة مريشيوس
• اين اذهب في شهر العسل
• السلام عليكم
• و أخيراً بحمد الله تعالى تم الحجز على موريشيوس

الجبنه،،،

أنا مثلك مسافر في اغسطس وعلى ما قرأت واستنتجت و حسب ما ذكر الاخوان أن الجو في اغسطس جو ربيعي وليس شتوي ، يمكن السباحة فيه وممارسة النشاطات البحرية

مع التذكير بأخذ بعض الملابس الربيعية للاحتياط (( درجات الحرارة بين 24 - 16 )) ،،


والله أعلم

مشكور ياخوي ماقصرت

طيب حبيت اسألك مدام انك مسافر في نفس الفتره...متي قصيت التذاكر لاني رحت امس وقالوا التذكره الوحده ب9000 الاف ريال...فهل هذا معقول؟؟

ومتي حجزت وخلصت كل شيء؟؟ اذا ماكان فيه حرج

تحياتي

السلام عليكم

بما انكم اخواني رايحين موريشيس في شهر اغسطس يفضل انكم تروحون في آخر الشهر عشان تضمنون اعتدال الجو ...
لاني انا حاليا فيها و الجو متقلب بين غيم ومطر وبين هوى قوي على بروده فليل ...
على حسب ماذكر من اهل البلد ان افضل جو على الاطلاق هو اكتوبر وديسمبر ...

موفقين ان شاء الله

أخوي الجبنة لا حرج ولا حاجة :108:

أنا أخذت باكج كامل من الامارات للعطلات وذلك قبل شهر ، طبعاً شامل تذاكر مع السكن ولمدة 10 أيام في موريشوس مع ليلتين في دبي (( 22500 ريال ))


ملاحظة : إذا طلبت منهم تذكرة فقط يختلف سعرها عن لو طلبتها مع باكج كامل ......(( أنا أذكر لما سألتهم عن سعر التذكرة فقط قالو 5000 ريال ))،،،،،

أبـــو فـــهـــد

مشكور اخوي ماقصرت

والله ياخوي تراني بنت مو ولد

تسلم وماقصرت مره ثانيه

والله يااخوي السفير مانقدر نخليها بنهاية شهر اوقست لان رمضان يكون عل الابواب ..والافضل ان الواحد يكون في بلده برمضان...

واذا انت موجود فيها فاذا ماعليك اي كلافه ممكن تجبرني اذا فيه شمس حاره ودافيه بس مو تحرق مثل جو السعوديه
واذا كان بمقدورك انك تسبح بمثل هذه الاجواء بدون ماتحس بالبرد؟؟

أنا امس رجعت من موريشس الصراحه الرحله خيال شىء
من اللأحلام
الجو أكثر من رائع (هو علي حسب الشخص ادا انت تحب البراد يالله براد الجنه والا الحر)
بنسبه لي الجوخطير أحيانن بليل يكون الجو قارص البس بلوزه كم طويل يكون كافي زوجي لبسه مره وحدة
اما أعيالي كل يوم بليل يلبسون كم طويل أوجكيت خفيف وادا كنا طالعين الفطوربدري الساعه 7 يلبسون كم طويل
بس الجو مرمرمرمره حلو الشمس مهب حاره تفقع الرس حلوه
طول الرحله أمطرت يوم واحد طول اليوم وقف المطر الساعه 5
معليش طولت عليك شكل هدرتي واجده
قلت يمكن افيدك

الحمدالله على سلامتك..

طيب اولادك كانوا يسبحون في البحر؟؟ والا كان برد عليهم؟؟

الله يسلمك
أعيالي يحبون المسبح عادي كانو يسبحون فيه أول مايطبون يكون بارد بعدين عادي يتعودون
مع أن زوجي يقول البحر أدفي من المسبح
بس أعيالي مايحبون السباحه في البحر لانها مالحه (يقول ولدي خلهم يغيرونها واسبح
ماكنويسبحون اول مايصحون لانها تكون بارده مره بس علي الساعه 11 وقت حلو لسباحه
اتمنا أكون افدتك

حمدا لله على السلامة aomsaad

شكرا على التوضيح والافادة عن الجو في هذه الفترة ،،

هل تتوقعين أن يتغير الجو خلال الشهر القادم (شهر 8) بحيث أنه يكون أبرد ؟

-- أين سكنتم وكيف خدمة الفنادق ؟؟

وشكراً

أبـــو فـــــهـــــــد

السلام عليكم ..


انا توني راجع من موريشوس .. جزيره رائعه .. لكن عندي ملاحظات عليها :

1- الجو في هالوقت بارد بالنسبه للماء .. يعني صعبه عليك تمارس السباحه ..

2- ممكن تروح هناك وتحصل الجو امطار لمده اسبوع وتخرب عليك الرحله لاني انا لما كنت هناك كل
العاملين بالفندق وحتى السواقين يقولون لي حظك الاسبوع الماضي ( قبل وصولي ) كان كله امطار لمده اسبوع كامل

3- الجزيرة ما تنفع شهر عسل .. تنفع واحد يجدد مع زوجته ويجلس هناك ويتمشى معها ..خاصه بعد زواجهم بسنه سنتين وحتى لو عندك اولاد ..

4- الجزيرة يكثر فيها الهنوود ..

5- اذا ملزم تروح حط في بالك ان الجزر دائما ماتكون درجه حرارتها معتدله بس حنا الخليجيين ما تعودنا الا على الحراره


6- خذ بكج كامل من الامارات للعطلات .. واحجز على درجه رجال الاعمال علشان ترتاح بالرحله لاني انا كنت ماخذ سياحيه لكن لما شفت الوضع في المطار دفعت فرق كبير حوالي 16 الف ريال للتذكرتين بس اركب رجال اعمال ..
وارتاح بالرحله .


عموما كانت الرحله موفقه وماتحتاج الى دليله ممكن انت بنفسك تتمشى فيها بس الله يعينك على لهجتهم الانجليزية غير واضحه ويالله يالله تفهم عليهم ..


نصيحه رحلتك لا تتجاوز 7 ايام بالكثير لانك راح تمل من الجزيرة ..

وعلى فكره هناك شركتين سياحيتين .. موريشوس تورز

و وايت ساند تورز .. الشركه هذي حصلت عندهم واحد اسمه رياض يتكلم العربيه بطلاقه لانه كان يشتغل في دبي ..

ممكن تطلبه في رحلاتك السياحيه الخاصه .. يعني تقدر تحجز رحلاتك السياحيه بنفسك من الشركه وتكون خاصه فيك



وانصحك انك انت تستاجر سواق مع السياره وتتمشى وكل مكان تروح له تدفع التذاكر انت وتذاكرهم رخيصه
لكن الشركات تاخذ عليك مبالغ وتدوخ راسك وزي ما انتم عارفين الشركات السياحيه توديك لاماكن انت ما تبي تروح لها

يعني مثلا يخليك تزور محلات ميراج وانت مالك خلق تتسوق .. وبعدها تطلع من ميراج يخليك تزور محل ثاني
وهكذا لكن لو رحله خاصه انت تحدد المسار وعلى كيفك ..



انا تعبت من الجزيرة بسبب حاجتين .. سواقتهم لان الدركسون باليمين ).
وشوارعهم الضيقه وكثره اللفات فيها خخخخخخخخخخخخخخ

المشاركة الأصلية كتبت بواسطة قهر
http://www.arabtravelersforum.com/tr...5/#post2206555

انا تعبت من الجزيرة بسبب حاجتين .. سواقتهم لان الدركسون باليمين ).
وشوارعهم الضيقه وكثره اللفات فيها خخخخخخخخخخخخخخ



ههههههه...واذا كانت باليمين يعني مو انت اللي تسوق السياره:109:

بصراحه معلوماااتك افادتني وشكرا جزيلا ياخوي

وبالنسه لك ياام سعد تسلمين والله وبصراحه ولدك يضحك ...

ما أعتقد أن يكون ابرد من كدا يكون برد قارس
أبو عزيز ماقصر تلقي في أحد موضيعه عن الجو
بنسبه يقول فيها هنود كثير أصلن الجزيره تحس مالها هويه
فيها الهنود والافريقي والصينى والباكستانى ولغتهم الاساسيه الفرنسيه ثم الانجليزي
علشلن كدا بعض الكلملت ماتكون وضحه
كنا ناخد سواق من الفندق نتفق معه ناخده يوم كامل 500 ريال
نزور الامكن السياحيه
بس خلينا بعض الاماكن لاخر يوم لان تسوي التشيك اوت الساعه12
بدل مانروح للمطار بدري نتمشا بعدين نروح للمطار علي الوقت
الاوتيل موفر غرفه نغيرفيها لمدة 30 دقيقه

المشاركة الأصلية كتبت بواسطة الجبنه
http://www.arabtravelersforum.com/tr...8/#post2207208

ههههههه...واذا كانت باليمين يعني مو انت اللي تسوق السياره:109:

بصراحه معلوماااتك افادتني وشكرا جزيلا ياخوي

وبالنسه لك ياام سعد تسلمين والله وبصراحه ولدك يضحك ...



هنا المشكلة انك مو انت اللي تسوق انت راكب .. ههههههههههههههه

وماتعودت على هالشي .. واذا جيت اقطع الشارع من المفترض اطالع يمين بعدين يسار
انا العكس واكثرم ن مره بغيت اروح فيها هههههههههههههههههههههه :109: