الموضوع: سؤال عن شجرة الحياة

يا إخوان سؤال عن شجرة الحياه مكانها وكيفية الوصول لها ؟

شاكر لكم تعاونكم .

مواضيع عشوائيه ممكن تكون تعجبك اخترناها لك:

• شاليه او فندق مطل مباشره على البحر
• ارقام تليفونات و اماكن مطاعم البحرين
• ر مليون دينار حصيلة إيرادات المنشآت السياحية في البحرين
• موقع شقق السيف
• ربـي يسعدكمممكن خدمة لـلـغـااالـيـة
• مواقع مهمة في زيارة البحرين
• بكرة السفرة ومحتار اين اذهب في البحرين
• طيران الخليج توشك على الاتفاق لتعديل طلبيات من بوينج وايرباص
• الأماكن السياحية بالبحرين
• افيدوني بخصوص الفنادق التاليه
• ابي شاليهات البحرين علي البحر
• ارجو الاجابة بسرعه من اهل الخبرة في فنادق البحرين
• شاهد صور جوية لجزر البحرين
• جسر السعودية البحرين
• التقرير الشامل جنة دلمون المائية
• المرأة الكبيرة بالسن والغير متزوجة وليس لديها أب بل إخوة كبار ؟ هل يشترط لها الحصول؟
• برنامج آي فون مجاني للتحقق من زحمة جسر الملك فهد
• أفضل وأميز وأشهر خباز هولي في البحرين
• عظم الله اجركم استفسار ضروري؟
• مطلوب صور لقرى البحرين وشوارعها

كأنك ذاهب إلى قاعدة الشيخ عيسى الجوية، تقع قبلها.

يا اخوي فهد شلونك ؟

..

انا مو عارف من وين ابدأ أشرح لك لأني أجهل الأماكن اللي تدلها صح ، لكن راح اشرح لك من منطقة عذاري ..

أقرب جسر لمنطقة عذاري تاخذه على جهة الجنوب ( الانعطاف المشار فيه إلى مدينة عيسى ) ، بعد ذلك تواصل المسير الى الامام ، راح تصادف أول دوار عليه مجموعة من النخيل ، بعد الدوار واصل المسير بعد الى الأمام إلى أن توصل إلى الدوار الثاني ، راح تشوف في الدوار الثاني على يسارك بوابة مدينة عيسى ، وعلى يمينك مطعم جسميز ومحطة بترول ، خذ الدوار على الياسر ولكن على ثالث مخرج ( كون الدوار فيه 5 مخارج ) ، خذ مخرج الشارع المشار فيه إلى ( شرق مدينة عيسى ) ..

بعدها واصل على شارع أقرع بدون أشجار مسافة كيلومترين تقريباً إلى أن توصل الدوار الآخر ، بعد الدوار بعد واصل الى الامام الى أن توصل إلى الدوار المجاور للجامعة الخليجية ( أسأل الكويتيين عنها فيها وايد يدرسون هناك ) ..
بعد دوار الجامعة الخليجية واصل المسير الى الامام راح تصادف اشارة ، بعد الاشارة واصل الى الامام راح تصادف دوار قريب منه مصانع كهربا وبترول ،،، هالدوار في 5 مخارج ، انت خذ المخرج المشار فيه إلى ( عسكر ) وهي قرية راح تمر عليها في طريقك ..

بعد ما تاخذ الشارع المؤدي الى عسكر ( شارع الملك حمد ) راح تواصل المسير الى الامام وراح تعدي أول اشارة وثاني اشارة وراح تشوف على يمينك أكبر مصنع ألمنيوم في الوطن العربي ( ألبا ) ، بعدها واصل الى الامام وراح تدخل مباشرة بشكل تلقائي على شارع بري سريع ..

في هذا الشارع أول جسر تصادفه على الشارع طوف من تحته ، ثاني جسر بعد خله عنك وطوف من تحته ، ثالث جسر اخذه على اليمين مباشرة ، راح تركب شوي فوقه بعد ما تكون فوق الجسر انعطف الى اليمين مباشرة وراح تكون فوق تلة مرتفعة راح تنزل من منحدرها على طول ...

بعدها راح تدخل على شارع فرعي واصل فيه مباشرة الى الأمــــــــــام يمكن 15 كيلومتر ، راح تصادف عدة انعطافات برية فرعية ما عليك منها ، الشارع اللي انت فيه الحين راح يلف فيك تلقائياً شوي على جهة اليسار ، بعد ما يلف فيك شوي على جهة اليسار ويصير الشارع الى الامام ، أول انعطاف فرعي الى جهة اليسار اخذه وراح تشوف حواليه حضائر ماشية ، الشارع الفرعي ذي راح يدخل في وسط الحضائر وبعد ما تعدي الحضائر على طول راح تشوف ( شجرة الحياة بروحها وحيدة كبيرة في البر ) ..


ملاحظة : الطريق المؤدي من حضائر المواشي الى شجرة الحياة شارع بري رملي لكنه مستوي ولكن اطرافه غزيرة ، لذلك حاسب ان السيارة ما تغرز في الرمل هناك لأن صارت مرة وغرزت فينا على الرغم من ان الجمس الي كنا فيها فور ويل


الشجرة تقع على تلة صغيرة ، وراح تلاحظ أن جذعها مسور ..


مجموعة صور التقطتها في رحلة الى شجرة الحياة قبل عدة شهور .. ان شاء الله راح تساعدك شوي ..


1. بداية شارع الملك حمد ( الشارع اللي عند مصنع ألبا ) ..

http://www6.0zz0.com/2008/02/23/10/892784761.jpg


2. قبل الجسر الأول .. طبعاً الجسر الي راح تواصل المسير تحته ..

http://www4.0zz0.com/2008/02/23/10/839299706.jpg


3. جسر رقم 2 .. بعد واصل المسير تحته ..

http://www4.0zz0.com/2008/02/23/10/209858756.jpg


4. الجسر القادم هو جسر رقم 3 ، لازم تاخذه على جهة اليمين وتروح فوقه ، وبعد ذلك الانعطاف عن طريق اليمين ..

http://www5.0zz0.com/2008/02/23/10/751155506.jpg


5. طبعاً بعد ما ركبت فوق جسر رقم 3 وانعطفت يمين راح تصادف منحدر من التلة اللي انت فوقها والمنحدر من شارع فرعي ان شاء الله معاه اقتربت شجرة الحياة ..

http://www4.0zz0.com/2008/02/23/10/154141916.jpg


6. أول ما تنزل من المنحدر راح تصادف هذي التلال على يمينك ، واحتمال محد يكون عليها ..




7. واصل المسير الى الامام عبر الشارع البري اللي انت فيه وراح يكون على الارجح بهالصورة ..




8. بعد الانعطاف يسار حسب ما اشرت فوق للشارع الفرعي الموجود وسط الحضائر ، راح تصادف طريق بري راح يكون على هذا الشكل .. ومنها خلاص ان شاء الله راح تكون عند شجرة الحياة ..





واذا بغيت اي شي ثاني حاضرين اخوي ..

أخوي ... بحريني غير ... تسلم يمناك على مساعدتك لأخونا فهد ... وجزاك الله ألف خير ...

:113::113::113::113::113:

مشكورين يا إخوان على المساعدة وبالأخص عزيزي بحريني غير

ما شالله وصفك جميل إنشالله إن وسعني الوقت يوم الأثنين بزور المكان

وتسلم