السلام عليكم ورحمه الله وبركاته

هلا اختي luck مره ثانيه
اكمل الان الاجابه على اسألتك واتمنى انها تفيدك

في البدايه مثل ما ذكرت سابقا لازم تتاكدين من موقع الاماكن من الفندق اللي ساكنين فيه عشان تحددون الاماكن حسب قربها من الفندق
لا تعتمدين عن نفسك في هذا الشي ولا على الخريطه
لاني سويت كذا في الرياض ولما رحت اكتشفت طرقهم الوعره واحيانا تشوفين المكان قريب من الفندق بس بسبب الطريق يكون بعيد
فالافضل انك تسالين الموظف عن الاماكن وقربها من الفندق ويحدد لك كل الاماكن القريبه من فندقك ومن الفندق الثاني



بالنسبه للتوزيع راح اعطيك رائي وهذا من تجربتي وانتي اختاري مثل ما تحبين

يوم الى:البركان,البحيره المقدسة,النهر الأسود ومنتزه جورجيز, الارض الملونه, مصنع الشاي

بالنسبه لليوم الاول اللي اخترتيه جيد بس يفضل انك تضيفين مصنع الزجاج ومصنع السفن له لانهم قريبين من بعض
بالنسبه لمصنع الشاي انا خليت له يوم خاص فيه لانه يحتاج تقريبا ساعتين ساعه او اقل في المصنع وساعه تقريبا في المقهى اللي فعلا رائع وخاصه المناظر المحيطه به
فاعتقد انه ما راح يكفيك اليوم
اذا كفاك اليوم لكل هذه النشاطات فهذا ممتاز لان توفرين اكثر فيصير تروحون رحله وحده للجنوب بدل رحلتين

ييوم الى:محمية letoil

يوم المحميه ممتاز لانها طبعا تحتاج يوم كامل وما انصحك تختارين محميه اليمن لان ممكن تروحين لها مع حديقه الطيور فافضل تروحين لمحميه غيرها


يوم الى: رحلة الجزيرة ilc aux cerfs

رحله الجزيره ايضا ممتازه


يوم الى:الغواصة السب مارين, رحلة الغروب بالسفن الشراعية, اذا معنا وقت عرض الاسماك الحية

رحله الغواصه والاسماك واضيفي اليها مصنع السكر والحديقه المائيه لانهم كلهم جنب بعض ويوجدون في الشمال
بالنسبه لرحلة الغروب ما ادري تقدرين تخلينها في يوم واحد معهم او لا اعتقد ما يكفي الوقت
لان الغواصه تنتهي تقريبا 12 ونصف ومصنع السكر ساعه والحديقه اكثر من ساعه
الافضل انك تسالين الموظف المسئول اول ما توصلين
لان الغواصه تحتاج حجز وكذلك القوارب الشراعيه تحتاج حجز
المشكله ان احيانا الجو ما يساعدكم لان رحله القوارب الشراعيه قد الغيت بسبب الجو
وايضا يعتمد على الزحمه


يوم الى:حديقة بامبليوس,مصنع السكر,مصنع السفن, مصنع الزحاج

هذه الرحله ما تصير لان مصنع السكر والحديقة في الشمال
ومصنع السفن والزجاج في الجنوب

فما تقدرين تجمعينهم في يوم واحد لبعد المشوار بينهم
مثل ما قلت الحديقه ومصنع السكر مع الغواصه
ومصنع الزجاج والسفن مع رحله الجنوب


يوم الى:حديقة الطيور , متحف يوريكا

انا ما اعرف موقع يوركا وين بالضبط
حديقه الطيور توجد في الغرب
وعلى فكره تراها حديقه صغيره جدا وما تسوى يوم كامل لها
فيه جنبها منتزه اليمن فيه السفاري المتواضع جدا بس المناظر فيه حلوه انا رحت له
وفيه الدبابات والقفز في الماء يحتاج لهم حجز مسبق
ويوجد ايضا المشي مع الاسود كان نفسي اروح له لكن زوجي رفض :110:
خاف تاكلني الاسود :109:

مثل ما قلت لك اسألي الموظف اذا تقدرين تجمعينهم مع بعض
بعض الاخوان راح مع الحديقه الى حديقة التماسيح ( انا ما احبها عشان كذا ما رحت لها )

بالنسبه لي رحت الى مصنع الشاي والحديقه وجوله على الشاطى الجنوب ومنطقة le morne
منطقه فيها جبال رائعه الجمال لا تفوتك
يجتمه فيها البحر والجبل والخضره والوجه الحسن :106: انا طبعا :109:


يوم الى:الانتقال من الفندق الى الآخر, الذهاب الى العاصمه وبالأخص مول كودو ووتر


اعتقد انه جيد هذا اليوم

اتمنى اني اكون افدتك وابغى منك خدمه اذا رجعتي بالسلامه ياليت تعطيني رايك في الرحله وهل استفدتي من معلوماتي اولا

ويارب تروحون وترجعون بالسلامه وتستمتعون ان شاء الله

:smile001:

مواضيع عشوائيه ممكن تكون تعجبك اخترناها لك: