الموضوع: ● اوروبا بارك عالم من المتعة للكبار والصغار تقرير مصوّر ●

بسم الله الرحمن الرحيم


تقريري اليوم عن رحلتنا إلى حديقة اوروبا بارك صيف 2008 و ان شاء الله ينال على إعجابكم ^_^


* ملاحظة : انا كتبت التقرير في منتدى آخر قبل فترة و نقلته هنا و اسمي هناك (الغر الحشيم) :wink:


الجزء الأول من التقرير معلومات عامة عن الحديقة من تجميعي و إعدادي ومجهوي الشخصي ..


اوروبا بارك هي أكبر حديقة ملاهي في أوروبا ( أكبر من ديزني لاند ) و تقع في قرية ريست Rustالألمانية على حدود فرنسا .. تبعد عن ميونخ 420 كيلو ؛ و أقرب مدينة فرنسية لها هي مدينة ستراسبورغ Strasbourg التي تبعد عنها 60 كيلو


تضم الحديقة أكثر من 100 لعبة موزعة على 11 جناح مستقل, كل جناح مسمى على دول أوروبية فهناك الجناح الألماني, الإيطالي, الروسي والإسكندنافي و السويسري وغيره من الدول.


و يوجد في الحديقة 4 فنادق متنوعة من فئة 4 نجوم سأذكرها مع الصور :



1- فندق El Andaluz ****











2- فندق Castillo Alcazar ****











3- فندق Santa Isabel ****









4- Colosseo ****












أسعار التذاكر :


الكبار ( فوق 11 سنة ) € 31,50 يورو


الأطفال من 4 سنوات إلى 11 سنة € 28,00 يورو


الأطفال اقل عن 4 سنوات مجاناً


كبار السن فوق 60 سنة € 28,00 يورو


سعر المجموعات ( 20 شخص أو أكثر ) € 27,00 يورو ( للكبار و الصغار )


سعر صرف اليورو حالياً = 4.95 درهم ( نزل سعر اليورو عن الصيف الماضي ، كان يوصل 6 دراهم !)


يعني مثلاً تذكرة الكبار قيمتها حالياً 156 درهم و تذكرة الصغار 138 درهم



و هذا موقع الحديقة على الإنترنت للتفاصيل : http://www.europapark.de/lang-en/c51/default.html




:



:




نحن سكنا في مدينة ستراسبورغ الفرنسية و سرنا اوروبا بارك يوم كامل من الصبح


حجزت شقق فندقية راقية و جميلة عن طريق موقع booking و بسعر حلو .. اسم الشقق Appart'hotel Victoria Garden Strasbourg و تصنيفها 3 نجوم


حجزنا سويتين من فئة Executive Junior Suite كل سويت حق 4 أشخاص و سعر السويت الواحد 86 يورو يعني المجموع 172 يورو


السويت يتكون من غرفة نوم و صالة فيها كنبة تتحول سرير حق شخصين و حمام -عزكم الله- و مطبخ صغير في الصالة و فيه مكيف واحد داخل الصالة اما غرفة النوم مافيها ..











عنوان الشقق و الويب سايت :


Appart'hotel Victoria Garden Strasbourg ***

Address : 9, Rue Des Magasins
Strasbourg, 67000
France

Phone : +33390224343

Fax : +33390224444

http://www.victoriagarden.com/spip.php?rubrique81



انتظروني قريباً في الجزء الثاني من التقرير مع صور الحديقة


و هالله هالله بالتفاعل و الردود الحلوة :8888:


تحياتي

مواضيع عشوائيه ممكن تكون تعجبك اخترناها لك:

• استفسار بخصوص استئجار سيارة من مطار ميونخ
• ü ‏
• طلب مساعده في وضع البرنامج السياحي
• ابوعمر اخوانينصايحك بسرعه
• إستفسار عن يومين في فرانفكورت
• افضل سكن عائلي في ميونخ
• هل التسوق في ميونخ أفضل أو ميلانو ؟؟
• مساعده في فيزا عمل
• هل خط سيري صح
• برنامج الى المانيا والنمسا وفرنسا
• ختم السفارة علي التاشيرة
• الخطوط الألمانية أم السعودية ؟؟
• اول سفرة لاوروبا ابغي مساعدتكم
• مساعدتكم في عمل تخطيط لسفرة الصيف
• استفسار عن شركات الموبايل والانترنت
• سيارة خاصة ؟ ام نقل عام ؟
• عااااااجل فيزة شنغن للخادمة
• وينكم ياهل الخبره
• العلاج في مستشفي جامعة مدينة heidelberg
• ابي جدول لرحلتي لشهر العسل اذا تكرمتوو

السلام عليكم
تابع نحن معك
ارجو زيارتها قريبا
كم احب هذا النوع من مدن الالعاب
شوقتنا
منتظرينك لا تتأخر

(السراج المنير)

وعليكم السلام والرحمة ..

تسلم اخوي على المرور والتواصل لكن انا اختك غلا ^_^

(رجااوي)

تسلمين اختي على المرور والتواصل

الحين بنزل الجزء الثاني

يعطيك العافيه ..

متابعه

أوروبا بارك أنبسطنا فيها مررررررررررة عند

زيارتنا لها صيف 2008

الرول كوستر ( قطار الموت ) صحيح شكله من بعيد يخوف لكن ركوبه متعة لاتوصف ولا يخوف ولاشيء:11ight: ...رووعة والله

متابعينك يعطيك العافية

عظيم ورائع جدا ،،

واصل ،

لكن السويت قلت ان الصالة فيها مكيف والغرفة ما فيها ، الجو مقبول ، يعني لا حر ولا برد ،،

تسلم يدك غلا الإمـارات حلو البارك ويستاهل الزيارة خاصة الرول كوستر تجربة ممتعة ومثيرة بس هيا مرة وحدة ومارح نعيدها المهم ننزل منه على خير ،،،

تحياتي وانتظر الجزء الثالث بفارغ الصبر ،،،،

هلا وغلا..تقرير مرتب ومشوق عن مدينة العاب جميله...متابعين لا تتأخرين

الله يعطيك العافية أختي غلا
ممكن اختي تفاصيل اكثر عن الشقة

كم تبعد عن ديزني
هل فيها مواقف وكم ياخذون عليكم باليوم؟؟
هل الغرف ما فيها مكيف الجو عادي عند النوم او مكيف واحد يفي بالغرض
تقيمك العام للغرف وقربها من الخدمات

شاكر لك تعاونك وآسف على كثرة الاسئلة..
تحياتي,,,,

صباحكم / مساءكم ورد جوري .. (كلن بوقته )



اليوم بكمل التقرير و بنشوف صور الحديقة بعد ما دخلنا و قطعنا التذاكر ..



للأسف مافي تفاعل من الأعضاء عشان جيه قررت انزل التقرير مره وحده :108:



http://uaewomen.net/upload//uploads/...fe73e4a47c.jpg


مشينا في الممر الرئيسي بداية الحديقة و كان فيه مطاعم و محلات و أكشاك



http://uaewomen.net/upload//uploads/...d25e9082fe.jpg



http://uaewomen.net/upload//uploads/...0adb1add56.jpg



http://uaewomen.net/upload//uploads/...c8f6ebc684.jpg



http://uaewomen.net/upload//uploads/...461ca1bbb4.jpg



http://uaewomen.net/upload//uploads/...d72993f8c4.jpg



http://uaewomen.net/upload//uploads/...d426a765d6.jpg



http://uaewomen.net/upload//uploads/...84680d1306.jpg


قطار معلق ياخذكم في جولة على الحديقة و يوقف في 4 محطات كل محطة في قسم من اقسام الحديقة و يوقف عند الفنادق عسب ينقل سكان الفنادق إلى الحديقة .. عيبني القطار واايد لانه يخليكم تاخذون فكرة عامة عن الحديقة من فوق و بعد يسهل التنقل بين ارجاء الحديقة لانها كبيرة ما شاء الله



http://uaewomen.net/upload//uploads/...5430d02288.jpg



http://uaewomen.net/upload//uploads/...b76decbff9.jpg


ساحة فيها نافورة حلوة و كراسي و أعلام الدول الأوروبية ..



http://uaewomen.net/upload//uploads/...896ca470d7.jpg



http://uaewomen.net/upload//uploads/...952a2d2a14.jpg


هالمكان يذكرني في مدينة فنيسيا الإيطالية (البندقية)



http://uaewomen.net/upload//uploads/...fce47d1e2b.jpg


و هذا مجسم الجسر الخشبي في مدينة لوزيرن السويسرية الجميلة .. انا رحت لوزيرن و شفت الجسر الحقيقي و بكتب تقرير عن لوزيرن ان شاء الله ( أكثر مدينة سويسرية حبيتها ) ^.^



http://uaewomen.net/upload//uploads/...39b09aa06a.jpg



http://uaewomen.net/upload//uploads/...34eaffa157.jpg



http://uaewomen.net/upload//uploads/...bdd599417b.jpg



http://uaewomen.net/upload//uploads/...8beff18e7a.jpg



http://uaewomen.net/upload//uploads/...4adec85dc3.jpg



http://uaewomen.net/upload//uploads/...c69cc0e4e2.jpg



http://uaewomen.net/upload//uploads/...0ac380068d.jpg



http://uaewomen.net/upload//uploads/...3f7d38f3e1.jpg



حصلنا محل يبيع حلويات و شعر بنات و هالسوالف .. و شفت عندهم نارييل (جوز الهند) و عيبتني طريقة العرض و اشتريت حبة ( الحبة على يورو و نص اللي تبغي لول) ، طبعاً الطعم عادي بس العين تاكل قبل الفم احياناً ههه


http://uaewomen.net/upload//uploads/...bdc3f62224.jpg



المهم بعدين تمشينا في الحديقة و كملنا جولتنا ، طبعت لعبت واايد ألعاب بس ما صورتهن من الربشه و الوناسة :8888:


و الحين بنسير نشوف الجناح الإيطالي



http://uaewomen.net/upload//uploads/...3659439e45.jpg



http://uaewomen.net/upload//uploads/...a73454ce23.jpg



http://uaewomen.net/upload//uploads/...84c6983381.jpg



http://uaewomen.net/upload//uploads/...316afea43a.jpg



http://uaewomen.net/upload//uploads/...19202e2bb6.jpg



http://uaewomen.net/upload//uploads/...7fdb7aa391.jpg


هذا المبنى الدائري الأبيض اللي في الصورة هو مجسم ملعب أليانز أرينا في ميونخ ( ملعب نادي بايرن ميونخ ) .. انا سرت الملعب الحقيقي في ميونخ و اتصورت فيه و صورته



http://uaewomen.net/upload//uploads/...f993fe583c.jpg


كملنا جولتنا في الحديقة و الحين وصلنا عند الجناح السويسري ؛ فيه مجسمات و نماذج للحياة في الريف السويري و داخله لعبة تشبه قطار الموت بس ما صورتها و ما لعبتها طبعاً لول



http://uaewomen.net/upload//uploads/...3b62b37f34.jpg



http://uaewomen.net/upload//uploads/...58bb956dee.jpg



http://uaewomen.net/upload//uploads/...481c1ff97b.jpg



http://uaewomen.net/upload//uploads/...20ca2b8a1a.jpg



http://uaewomen.net/upload//uploads/...22abc0cb6e.jpg



بعد ما طلعنا من الجناح السويسري كملنا جولتنا في الحديقة ..


http://uaewomen.net/upload//uploads/...667b6a3a58.jpg



http://uaewomen.net/upload//uploads/...60d704eb7a.jpg



http://uaewomen.net/upload//uploads/...f65b3ac6bc.jpg



http://uaewomen.net/upload//uploads/...00e56cfcce.jpg



http://uaewomen.net/upload//uploads/...d12fcdc69a.jpg


عيبتني هالورود و صورتها



http://uaewomen.net/upload//uploads/...1095e9cfcc.jpg


http://uaewomen.net/upload//uploads/...08ede9051a.jpg


ركبنا هاللعبة و هي عبارة عن قوارب خشبية اتدور في بحيرة صناعية تشبه الأدغال الأفريقية ^_^



http://uaewomen.net/upload//uploads/...28970468f9.jpg


تتحدونه ؟! :tongue:



http://uaewomen.net/upload//uploads/...60803f862e.jpg


هالبطة المشاغبة نطت عندنا في القارب و لعبنا معاها و أكَلناها ^.^



http://uaewomen.net/upload//uploads/...6c149bccbe.jpg



http://uaewomen.net/upload//uploads/...ef3a861190.jpg



http://uaewomen.net/upload//uploads/...70aae1007a.jpg



بعد ما خلصنا من هاللعبة ؛ تمشينا و شفنا لعبة الأمواج الصناعية .. لعبتها مع خواتي رهييبه تجنن وايد استانسنا و صورونا و كانت اشكالنا غلط هههههه بس اشترينا الصورة للذكرى :8888:



http://uaewomen.net/upload//uploads/...68c08f4143.jpg



http://uaewomen.net/upload//uploads/...3871cb6218.jpg



بعدين كملنا جولتنا و شفت لعبة السفينة اكيد تعرفونها بس مالتهم اقوى عن اللي عندنا و تسير فووق واايد ، و جااآن يشتغل الإجرام عندي و قلت حق اخوي الصغير عمره 9 سنين تعال بنركبها ما تخوف :106:



http://uaewomen.net/upload//uploads/...add1cb54de.jpg



مسكين اخوي بروحه ضعيفوون و مفعوص و الهوا يشله



اول ما اشتغلت اللعبة تم متقبض فيني و خاايف و يوم سارت فوق اتيبس مسكين و بدأ يصييح و يصارخ و انا حسيت بتأنيب الضمير هههههههههههههه زين ما وقف قلبه من الزيغه :109:



و امي ما اول ما وصلت صوب اللعبة و شافت اخوي يصيح قالت حق الريال وقف اللعبة و تمت تصارخ عليه و خاايفه على اخوي جان يقولها ابوي تتحسبين عمرج في منتزه الجزيرة ؟ هنيه ما عندهم وقف ما وقف



المهم خلصت اللعبة بسلاام و اول ما نزلنا انهزبت ع الخفيف و عصبوا علي :8888:



بعد ما خلصنا من هاللعبة شفت خريطة الحديقة و حصلت منطقة حق العاب الأطفال ، تبعنا الخريطة و آخر شي وصلنا هالمكان ..



http://uaewomen.net/upload//uploads/...772a7ebf7a.jpg



http://uaewomen.net/upload//uploads/...99ac5e6f39.jpg


لعّبنا اليهال و يلسنا نرتاح شوي و شربنا عصاير و بيبسي و هالسوالف لان الجو كان حار شويه ^.^



http://uaewomen.net/upload//uploads/...df76d6bd37.jpg



http://uaewomen.net/upload//uploads/...40c779d992.jpg



و كانت هالمنطقة آخر محطة في رحلتنا للحديقة الجميلة اوروبا بارك =)



و نحن طالعين صورت كم صورة متفرقات ع الطاير



http://uaewomen.net/upload//uploads/...8bfa66ca1a.jpg



http://uaewomen.net/upload//uploads/...38b9733b48.jpg


هالكرسي عيبني شكله .. شرات الرسوم المتحركة :wink:



http://uaewomen.net/upload//uploads/...90c613ae57.jpg



http://uaewomen.net/upload//uploads/...4d087a44ec.jpg



http://uaewomen.net/upload//uploads/...cb4649ff4a.jpg



و نحن راجعين في الخط شفت قوس قزح و صورته بس ما طلع واضح وايد ..



:



:



وصلنا إلى نهاية رحلتنا في اوروبا بارك و ان شاء الله تكونون استمتعتوا ويانا ^_^



تحياتي

تقرير مره حلوه يعطيك الف عافيه

يعطيج الف عافية اختيه على هالتقرير الحلو وتاكدي اننا مستانسين واستفدنا وايد من الصور...

عقبال ما اكتب تقريري انا بعد عن هالبارك

تقرير جميل بس انا كنت اليوم في اوروبا بارك ولاحظت ان المدينة صارات اكبر وفيها العاب اكثر مثل blue fire وهو قطار سريع جدا ينطلق من 0..100 ب 2.5 ثانية و اصبحت التذاكر 34 يورو

مشكووووووووووووورة اختي غلا الامارات على التقرير الرائع من الفندق والرجوع له

كنا ياين للحديقة في سنة 2006 وكنا ساكنين في رست في شقق مفروشة مب في الفنادق والصبح رحنا للحديقة

اول ما وصلنا رحنا للسينما الـ4d حلوة وناسة وعقبها لعب من قطار الموت الكبيييير مال المرسيدس الى قطار الموت الى داخل الدويرة الكبيرة الي مثل استاد الارينا

وعلى فكرة دكرت كل شي من الي انتي مصورته ومنه النارجييييل كان بيورو ههههههه

ولكن الشي الي عكر المزااااج بكبرة حراااارة الجو الفظيعة تتصورون ان الناس قامت يشلون ملابسهم من كثرة الحرارة بالنسبة نحنا الاماراتين عااادي متعودين ههههه هم حاسين عمرهم بيموتون

وعقبها طلعنا العصر من الحديقة ورحنا الى ميونخ في نفس الوقت في مقر الاقامة

اشكرج اختي كثيييرا على التقرير وذكرتييني فيها صرااااحة يعني

والسموحة

يعطيج العافية يالغالية وسلمت يدج ما قصرتي على هالتقرير الحلو صج روعة

مآشآلله حلوه احسها الحديقه ^.^
يعطيج العافيه حبووووبه

الغر الحشيم انتي هني وانا ادور عليج؟هههه زخيتج
وياج اثير الصمت اللي في هذاك المنتدى

ماشاء الله تقرير مرتب وحلو استفدت منه وايد

تقريرج رووووووووووووووووعة..............بالفعل تستحق الزيارة

بس للأسف من سلبياتها هى البعد عن المطارات الدولية

انا جيتها من فرانكفورت والمسافة كانت ساعتين ونص

تحياتى لج اختى..............

ماشاء الله

خوش تقرير بس لاحظت مافيه زحمه لا في المدخل ولا في المواقف
احنا العام الماضي متنا من الزحمه المواقف شي رهيب والناس تدخل افواج افواج وكل لعبه انتظر مو اقل من ساعه

يمكن الزحمه حظوظ

تسلمين اختي غلا على التقرير ويعطيج العافية ..

حلو ....ياغلا
بس كن المدينة مافيها ألعاب ..
كلها أجنحة ونوافير
يعني صورها كنك في شارع أوروبي مش في مدينة ملاهي
يسلمو

تسلم ايدج على التقرير والصور المميزه :113: شي جميل صراحة

مشاءالله عليك ياغلا الامارات

محد عطانا تقرير متكامل عن اليوربا بارك

الله يعطيك العافية

نقرير روعه والحمدلله على عودتكم بالسلامة وان شاءالله انبسطتوا


بس وين تقريرك عن ستراسبورغ :d

تقرير رااااااااااااااااااائع
والصور ارووووووووووع
يعطيك العافيه

غلا اللأمارات .. شفتلك رد قبل كم يوم تقولين فيه انك حجزتي شقه بالنمسا او سويسرا

وش اسم الشقه بالله وبكم سعرها اخذتيه وكيف كان التعامل مع الدفع .؟

وشكرا ..

تسلمييييييييين

ما شاء الله أختي .. تقرير رائع جدا جدا..
حبيت أسأل ... أي مدينة أقدر أسافر من دبي مباشرة وتكون قريبة من اليوروبا بارك؟؟
وكيف الوصول إلى الحديقة يكون .. بأية مواصلات؟

شكرا على الموضوع الاكثر من رائع..

لكن هذي الحديقه في اي مدينه في المانياا...؟!

*جزاك الله الف خير*

مع تحياتي: عسوولهـ..

موضوع جدا رائع ...

تقبلوا تحياتي ::

عسولهـ..

&&&&&&&&&&&&

بسالج فديتج .. انا بسكن في ديسلدوف بقدر اسير للحديقه ولا ؟؟
تقريرج حلو وايد خخخ حبيت روح الطفوله فيج ..

هلا باختي غلا :24:

تقرير جميل والله وان شاالله برجعله يوم بسافر المانيا

تسلمين عالمجهود الحلو


:113:

الله يعطيك العافية
بس حبيت اسال كيف اطلع اوروبا بارك على Google mapتعبت و انا احاول بس ما قدرت

يُرفع للإفادة ^_^

المشاركة الأصلية كتبت بواسطة maxmad
http://www.arabtravelersforum.com/tr...0/#post3107090

ما شاء الله أختي .. تقرير رائع جدا جدا..
حبيت أسأل ... أي مدينة أقدر أسافر من دبي مباشرة وتكون قريبة من اليوروبا بارك؟؟
وكيف الوصول إلى الحديقة يكون .. بأية مواصلات؟

هلا اخوي

أقرب مدينة من دبي مباشرة هي زيورخ في سويسرا

من زيورخ إلى حديقة يوروب بارك 177 كيلو ..

و الوصول إلى الحديقة بالسيارة وهي الأفضل أو القطار لكن ما عندي فكرة عنه

المشاركة الأصلية كتبت بواسطة عسوولهـ..
http://www.arabtravelersforum.com/tr...3/#post3109343

شكرا على الموضوع الاكثر من رائع..

لكن هذي الحديقه في اي مدينه في المانياا...؟!

*جزاك الله الف خير*

مع تحياتي: عسوولهـ..

العفو عزيزتي و لا شكر على واجب =)

الحديقة في قرية Rust الألمانية على الحدود الفرنسية

واقرب مدن لها هي فرايبورغ و بادن بادن و ستراسبورغ

المشاركة الأصلية كتبت بواسطة عشق النون
http://www.arabtravelersforum.com/tr...9/#post3134529

بسالج فديتج .. انا بسكن في ديسلدوف بقدر اسير للحديقه ولا ؟؟
تقريرج حلو وايد خخخ حبيت روح الطفوله فيج ..

تسلمين حبيبتي كلج ذوق ^_^

أكيد تقدرين تسيرينها لكن المسافة بعيدة نوعاً يعني ما ينفع تسيرون وترجعون في يوم واحد

المسافة من دوسلدورف إلى يورب بارك 440 كيلو

المشاركة الأصلية كتبت بواسطة sara 90
http://www.arabtravelersforum.com/tr...1/#post3141561

الله يعطيك العافية
بس حبيت اسال كيف اطلع اوروبا بارك على Google mapتعبت و انا احاول بس ما قدرت

الله يعافيج حبيبتي ..

اكتبي في قوقل ماب كلمة Rust وبتحصلينها ان شاء الله

تقرير جميل ومرتب ورحلة حلوة تستاهلي كل الشكر والتقدير.
أنا ناوي أروح اليورو بارك في أبريل ومعايا زوجتي وأبنائي برأيك تكفيها يوم كامل أو يومين وهل افضل أسكن بستراسبورغ أو فرايبورغ مع خالص الشكر

المشاركة الأصلية كتبت بواسطة الأنيق
http://www.arabtravelersforum.com/tr...9/#post3489199

تقرير جميل ومرتب ورحلة حلوة تستاهلي كل الشكر والتقدير.
أنا ناوي أروح اليورو بارك في أبريل ومعايا زوجتي وأبنائي برأيك تكفيها يوم كامل أو يومين وهل افضل أسكن بستراسبورغ أو فرايبورغ مع خالص الشكر

العفو اخوي الأنيق و لا شكر على واجب ^_^

الصراحة الحديقة جميلة وممتعة وكبيرة وما ينمل منها .. بس نحن خلصناها في يوم واحد

أنصحك تسكن في فرايبورغ لأنها الأقرب إلى يوروب بارك حيث تبعد عنها 37 كيلو تقريباً أما ستراسبورغ تبعد عنها 60 كيلو

اليوم الأول تطلعون على الحديقة واليوم الثاني تتمشون في فرايبورغ والمناطق اللي حواليها و لا تنسى تاكل كيكة بلاك فورست المشهورة في موطنها الأصلي يمي يمي

ألف شكر على النصيحة الغالية وبإذن الله أمشى عليها , شيكت على موقع بوكينج وبعد البحث ومعرفة آراء النزلاء والأسعار فوجدت فندق
Hotel - Landgasthof Rebstock
Nimberg-Bttingen, 79331
Germany
وهي قريبة من فرايبورغ , غرفة ثلاثية وأخرى رباعية مع الإفطار لمدة 3 ليال بسعر 3048 ريال
ما هو الرأي في الإختيار

تقرير مميز
بس اللغة العربية رايحة فيها
تقلب الجيم الى ياء
والله بعض الكلمات ماتنفهــم

المشاركة الأصلية كتبت بواسطة كاسترو الشمالي
http://www.arabtravelersforum.com/tr...3/#post3497153

تقرير مميز
بس اللغة العربية رايحة فيها
تقلب الجيم الى ياء
والله بعض الكلمات ماتنفهــم

تسلم على المرور والتعليق اخوي كاسترو

بس اعتقد مب من الذوق انك تقول اللغة العربية رايحه فيها !

اول شي انا إماراتية عربيّه وأجدادي عرب أقحاح

ثانياً هذي لهجتنا الإماراتية و نفتخر فيها مثل ما انت تفتخر بلهجتك ولهجة اجدادك ^_^

كلنا عرب و خليجيين ومافي فرق بينا وانا مب مجبورة اترجم مواضيعي إلى عدة لهجات عشان الناس يفهمونها

كلامي بالعربي و واضح جداً و انا اعتذر لو كانت بعض الكلمات بلهجتنا صعبه عليكم

بس كنت اتمنى النقد يكون بإسلوب أرقى

تحياتي

يعطيك العافيه على هالصور الحلوه
بس حبيت اسال اذا بروح لها من انترلاكن هل المسافه قريبه ؟؟

يعطيج العافيه غلا ولا هنتي حبوبه ..


ظنج شو جوها بيكون في فبراير تتوقعين تكون مفتوحه !!؟؟؟