الموضوع: لى الاخت برييز

سؤالي نحن رايحيين لموريشس اول شهر 8 وناويين نسكن ب oberoi
لحجز عباره هن التذاكر لشخصين والسكن لمدة 6 ايام و فطور بس
السعر 18000 هل السعر مناسب ولا ؟؟
علما ان الفندق 6 نجوم

ثانيا شو رايك بموقع الفندق؟؟

ثالثا هل الهاف بورد مهم؟؟
يعني نحن الحجز شامل الفطور بس , يعني لازم نتعشى بالفندق لان مثل ما فهمت الاماكن اتسكر الساعه 5 فهل العشاء في الفندق مكلف ؟؟؟

اسمحلنا على الاطاله
شكرا

مواضيع عشوائيه ممكن تكون تعجبك اخترناها لك:

• أبغى اسأل عن موقع جزر المالديف بالضبط وهي قريبة من اي دوله بالضبط
• الهمه يا شباب محتاج مساعدتكم
• معلومات عن فندق في
• الرجاء مساعدتي في الإختيار
• بالي ام موريشوس افيدوني
• محتارة في موريشوس
• طلب بخصوص جزيرة بالي
• فزعتكم عريس يبي مشورتكم
• موريشيوس هل تناسبني يابو عزيز والخبراء
• العطف على الصغيييييييييييييييير
• الى الغالي ابوعزيزأستشارة
• اســـتفســــار سـريــــــــــع
• المالديف سيشل موريشس أيهما تفضلون ولماذا
• ابسافر للمالديف وحامل هل من أخطار
• سيشيل
• سؤال ورد غطا
• عرض الأماراتيه قبل خمس ايام موريشوس
• الموصلات
• ابو عزيز الرجاء الفزعه
• كم تكلفه الليله في جزيره موريشيوس

اخوي انا من رائيي انك تاخذ الهاف بورد لانه فطور وعشاء بدل من انك تدفع هناك حق العشاء

السلام عليكم ورحمه الله وبركاته

ما ادري اخوي انت تقصدني انا :114:
لان اذا كنت تقصدني فتراني :110::110: زعلانه منك
لاني بنت :106: مو ولد :109:

عموما اذا كنت تقصدني فانا فعلا قد سكنت في oberio
من تاريخ 30-مايو الى 3 جون

بالنسبه للسعر اشوفه كثير مناسب لان الفندق من فئه 6 نجوم وسعره مرتفع
انا لما شفته في الانترنت كان سعره 966 دولار وامس شفته وصل الى 930 دولار
واحنا اخذناه من الامارتيه باقل شوي من 600 دولار

فاشوف السعر كثير ممتاز

احنا حجوزاتنا وفنادقنا كلفت تقريبا 28 الف كانت لمده 10 ايام 5 ايام في بيل مار و5 ايام في اوبراي

احب انبهك لشي كثير يغفلون عنه المسافرين لموريس
وهي ان الرحله تقلع الساعه 11 مساء والفندق لازم تعمل تشيك اوت الساعه 12 بحد اقصى 2 وغالبا ما يوصلون لهذي المده فرتب نفسك على هذا الاساس
احنا اضطرينا نحجز يوم زياده في الاوبراي عشان ما تصير لنا مشكله وحجزنا طبعا من البدايه مع البكج
في بعض الاخوان يقولون انهم دفعوا زياده فلوس للفندق عشان ياخرون التشك اوت
جبيت انبهك لهذي النقطه

الفندق كثير ممتاز رائع وكثير رايق ويميل انه يكون منتجع اكثر من فندق
ما تشوف احد ابد كان ما فيه الا انتم لان اغلب النزلاء ياكلون في غرفهم
الشاطئ حقه جيد بس شاطئ بيل مار في الشرق افضل بكثير لان هذا صخري اكثر
بس لا يهمك زي ما قلت لك الفندق رائع

بالنسبه للهاف بورد
احنا لما سافرنا ما كان عندهم الا فطور فقط وما يشمل العشاء ما ادري الوقت اللى راح تروحون ايش عرضهم بس اعتقد ان عرضهم ما فيه الا فطور
في بيل مار كان فيه هاف بورد فطور وعشاء عباره عن بوفيه مفتوح
اما اوبراي فهو مثل المطعم يجيبون لك منيو الفطور وتختار بين الموجود ويجيبونه لك يعني مو بوفيه اللهم الفاكهه حتى العصير تطلبه
وممكن لو ما حبيتوا ترحون لمطعم الفطور هم يرسلون لكم الفطور للغرفه بس ما يشمل الاكل الحار مثل البيض
احنا بصراحه ما سوينها لاني احب كثير افطر على الطبيعه والمنظر مره حلو فحسافه افطر في الغرفه

بالنسبه لعشاهم تعشينا مره عندهم ما كان اكلهم لذيذ وسعرهم كان مرتفع كثير

ممكن لو حبيتوا تخلونهم يطلبون لكم تاكسي وترحون للمطاعم القريبه من الفندق فيه 3 مطاعم حنا رحنا لواحد والله نسيت اسمه بس هو اكل بحري جلسته اي كلام بس اكله حلو وسعره لاباس فيه
وعموما الاسعار مرتفعه عندهم

اهل وسهلا ايو قت انا في الخدمه ان شاء ترحون وتستمتعون يارب

واي سؤال انا حاضره بس نادني الاخت لو سمحت:mf_leia:

مراحب
اختي breeze
لو سمحتي 28 الف تكلفة الرحلة من والى
ولا بس الفنادق:114:
وعندي سؤال ثاني تتوقعين اقل شي ممكن الشخص يقعد بالجزيرة كم يوم
وهل فية مكان ثاني قريب ممكن نروحة
يعني مثلا خمس ايام بموريشويس وخمس ايام بمكان ثاني قريب:surf
غير جنوب افريقيا
وكم تتوقعين التكلفة الكلية
والله يعطيك الف عافية:113:

هلا حوريه وش اخبارك
28 الف التذاكر والفنادق والتوصيل من والى المطار وبين الفندقين

احس اقل شي اسبوع عشان تقدرين تغطين اغلب النشاطات في المدينه

في جنبها سيشل تقريبا 3 ساعات وفيه مدغشقر

بس كلهم جزر

بالنسبه لي التكلفه الكليه في موريس فقط 10 ايام تقريبا 40 الف ريال

ممكن تقل اذا غيرتي الفنادق الى 4 نجوم لان فيه فنادق حلوه وسعرها حلو بعد

يالله تروحين وترجعين بالسلامه