الموضوع: تكفون ابغى مساعدتكم يالطيبين اول سفرة لي

السلام عليكم ورحمة الله وبركاته
اتمنى منكم تساعدوني في وضع جدول لسفرتنا انا وزوجي
يكون الوصول لكوالا يوم الجمعة الساعه 1 ظهرا بتاريخ 28/6/2013
والعوده للوطن يوم الاربعاء بتاريخ 10/7/2013

ابغى اضبط التواريخ ما عرفت للحجز يعني متى بداية الحجز بالتاريخ لكل منطقة ومتى تاريخ الخروج من كل فندق ما عرفت اضبطها
وايش افضل جدول لتوزيع الايام بين المناطق وكيف التنقلات بين المناطق ومتى احجز في ايراسيا الحين ولا هناك لهم مكتب ولا كيف لاني مو حابة التنقل بالباصات تعب ....

وماهي احسن فنادق اقتصادية ونظييييفه لكل منطقه لاننا اغلب الوقت بنكون خارج الفندق مع العلم اني ناوية ان شاءالله اخذ ليله في شاليهات برجايا بلنكاوي مع انها غالية بس قلت من باب التغيير لو يوم...

وابغى منكم جدول يومي لكل منطقة لاني حابة ازور كل المعالم السياحية...
معليش طولت عليكم وعارفة طلباتي كثيرة بس تكفووووووون ساعدوني اول سفرة لنا ومالي الا الله ثم انتم يالطيبين...

الله يسعد اللي يساعدني ويرزقه باحلى سفرة بحياته باقرب وقت...
ومشكوووووووووووووووووووووووورة مقدما..

مواضيع عشوائيه ممكن تكون تعجبك اخترناها لك:

• افضل الشهور الاقتصاديه في ماليزيا
• مالحل مع السياره ؟
• مساعده ضروريه التنقل من كوالا الى لنكاوي
• مساافر جديد في شهر عسل أرجو المسااعدة من أهل الخبرة
• من لنكاوي الى بوكيت او من بنانغ الى بوكيت ما الطريقة ؟
• يوم في أرجاء المعمورة
• الراي رايكم ،، والشور شوركم اشيروا علي
• حلاق في بينانغ
• استفسار عن تأجيل موعد الرحلة ربي يجزاكم الجنة
• اقتراحتكم حول مخطط رحلتي
• أفضل وأجمل فنادق كوالالمبور
• أبي من الفندق ينسق لي الغرفة قبل اوصل وش الطريقة ؟
• سؤال لو سمحتو
• بعد ايام راح اقابل معشوقتي زيزي ساعدوني لأتمام القاء
• افضل بماليزيا ؟ ومن وين اشتري شريحه ماليزيه
• مشروع سفر لماليزيا
• احجز الان ؟وجوازي منتهي صلاحيته مجموعة استفسارات
• فنادق كوالالمبور
• طلب جدول لمده عشرين يوم
• ارجوكم سااااعدوني مره مختار

وعليكم السلام ورحمه الله وبركاته





يكون الوصول لكوالا يوم الجمعة الساعه 1 ظهرا بتاريخ 28/6/2013
والعوده للوطن يوم الاربعاء بتاريخ 10/7/2013



12 ليله


ممكن تكون :
(1) ( سيلانجور او كوالالمبور او جنتنج : ليلتين + لنكاوي 3 ليالي + بينانج 3 ليالي + كوالالمبور 4 ليالي )
او
(2) ( سيلانجور او كوالالمبور او جنتنج : ليلتين + لنكاوي 4 ليالي + بينانج ليلتين او 3 ليالي + كوالالمبور باقي الليالي )
او
(3) ( سيلانجور او كوالالمبور : ليلتين + لنكاوي 4 ليالي + كاميرون 3 ليالي + كوالالمبور 3 ليالي )
او
(4) اي توزيع آخر ...






بخصوص التواريخ :
مثلا اول محطه وهي سيلانجور او كولالمبور او جنتنج لمده ليلتين ( الدخول 28 & الخروج 30 ) يعني نمنا مرتين ، يوم 28 و يوم 29 فقط






هذا ردي على عجاله .. وان شاء الله الحبايب ما يقصرون


نحتاج الى دعواتكم

حجز الفندق باليالي اما الدخول للفندق الساعه 2ظهرا والخروج منه 12ظهرا

(النهر الجاري)(ابو سعود) مشكورين ماتقصرون الله يجزاكم بالجنة...

اقدملك رأيي المتواضع في تقسيم الجدول
2سيلانجور
3لنكاوي
3بينانغ
3كوالا (يوم تسوق+يوم جوله على كوالا+يوم جنتنق)
1بورت ديكسون (فيها منتجع بمسابح خاصه)
وعاد شوفي اللي يناسبك من الموبايل

قعدت افكر في تقسيم جدولك وجا على بالي هذا التقسيم 2سيلانجور
3بينانغ
2 الكاميرون
4كوالا ومنها يوم لجنتنق من الصباح للمسا من دون تبييت
واليوم الاخير في بورت ديكسون






شو رأيييك ؟ من الموبايل

المشاركة الأصلية كتبت بواسطة صقرة 2013
http://www.arabtravelersforum.com/tr...8/#post7598028

قعدت افكر في تقسيم جدولك وجا على بالي هذا التقسيم 2سيلانجور
3بينانغ
2 الكاميرون
4كوالا ومنها يوم لجنتنق من الصباح للمسا من دون تبييت
واليوم الاخير في بورت ديكسون






شو رأيييك ؟ من الموبايل



هلا صقرة تسلمين والله
حاليا نفكر نعتمد هالجدول
1 كوالا
3 لنكاوي
2 بيانج
2 سلانجور
4 كوالا يتضمنها يوم لزيارة جنتنق ويمكن يوم لبوترجايا او الكامرون

بورت ديكسون للحين ماشفت لها ولا تقرير ولا صور ولا اعرف فيها شي كيف هي حلوة وتستحق الزيارة يوم ولا المبيت

1 كوالا



برائيي ليله وحده بس مالها داعي
اقل شي ليلتين ..


انا برحلتي الاولى لماليزيا 2008 سكنت في اول المحطات في كوالالمبور لمده ليله وحده .. والله اني ندمت انها بس ليله ... مافي وقت .. تعب على الفاضي .. تمنيت انها ليلتين او 3 ليالي




اتفق معكم بـ ليله وحده ان كان فندقكم هو فندق المطار او قريب منه ..
او احد فنادق بوتراجيا او احد فنادق بوردت ديكسون


اما سيلانجور وكوالالمبور فالافضل برائيي تكون ليلتين








2 سلانجور
4 كوالا يتضمنها يوم لزيارة جنتنق ويمكن يوم لبوترجايا او الكامرون



مافي داعي تسكنون بسيلانجور ومن ثم كوالالمبور ( قريبين من بعض )
وطالما انكم تبغون سيلانجور فخلوها بالبدايه
او احذفوها من البرنامج ( خلوها زياره من كوالالمبور )








بورت ديكسون للحين ماشفت لها ولا تقرير ولا صور ولا اعرف فيها شي كيف هي حلوة وتستحق الزيارة يوم ولا المبيت



اذا قررتم على بوردت ديكسون فالافضل تسكنون بالمنتجع اللي فيه مسبح خاص .. اسم المنتجع ( قراند ... ) نسيت الاسم
وكثير من الاعضاء يفضلون تكون بوردت ديكسون ليله وحده ببدايه الرحله او بنهايتها ..




موفقين

المشاركة الأصلية كتبت بواسطة سوما الحربي
http://www.arabtravelersforum.com/tr...2/#post7601882

هلا صقرة تسلمين والله
حاليا نفكر نعتمد هالجدول
1 كوالا
3 لنكاوي
2 بيانج
2 سلانجور
4 كوالا يتضمنها يوم لزيارة جنتنق ويمكن يوم لبوترجايا او الكامرون

بورت ديكسون للحين ماشفت لها ولا تقرير ولا صور ولا اعرف فيها شي كيف هي حلوة وتستحق الزيارة يوم ولا المبيت



لا لا اختي
لا تعتمدي الجدول هذا
لاتخلي كوالا لها الليله الاولى
لعلمك ترى سيلانجور اقرب للمطار من كوالا
خلي الليلتين الاولى لسيلانجور
ليش ليلتين ؟
لان ليلة واحدة ابد ماتكفي
حيضيع اليوم الاول في الراحة من تعب السفر ولا تمشيتي في سيلانجور
فالافضل ليلتين
وبعدها على طول لنكاوي
ليش بعدها لنكاوي ؟
عشان ماتتنقلي من مكان لمكان وتشتري من كل مكان ويزيد عليكي الوزن في الطيارة
فعشان كذا خليها في البداية احسن
وبعدها تنزلي من لنكاوي على بينانغ بالفيري او بالطيارة
ومن بينانغ على كوالا بالباص او بالتاكسي
وخلي يوم من ايام كوالا لجنتنق من الصباح للمسا ماهي مشكله
لكن المشكله انك لو رحتي الكاميرون
مررررررررررررره ماينفع تروحي الكاميرون في يوم وترجعوا مررر مررررره مررررررره
مسافة الطريق من كوالا للكاميرون 5 ساعات روحه و5 ساعات رجعه
قولي لي بربك متى تتمشوا فيها
راح كل اليوم في الطريق
فعشان كذا استبعدي نهائي فكرة الكاميرون
وخلي في الاخير بورت ديكسون لانها قريبة من المطار ويكون ختامها مسك عشان المسبح الخاص
واسم المنتجع قراند لكزس

ان شاءالله يكون اقتنعتي بكلامي
لاني والله اتمنالك احلا سفره

المشاركة الأصلية كتبت بواسطة صقرة 2013
http://www.arabtravelersforum.com/tr...2/#post7602292

لا لا اختي
لا تعتمدي الجدول هذا
لاتخلي كوالا لها الليله الاولى
لعلمك ترى سيلانجور اقرب للمطار من كوالا
خلي الليلتين الاولى لسيلانجور
ليش ليلتين ؟
لان ليلة واحدة ابد ماتكفي
حيضيع اليوم الاول في الراحة من تعب السفر ولا تمشيتي في سيلانجور
فالافضل ليلتين
وبعدها على طول لنكاوي
ليش بعدها لنكاوي ؟
عشان ماتتنقلي من مكان لمكان وتشتري من كل مكان ويزيد عليكي الوزن في الطيارة
فعشان كذا خليها في البداية احسن
وبعدها تنزلي من لنكاوي على بينانغ بالفيري او بالطيارة
ومن بينانغ على كوالا بالباص او بالتاكسي
وخلي يوم من ايام كوالا لجنتنق من الصباح للمسا ماهي مشكله
لكن المشكله انك لو رحتي الكاميرون
مررررررررررررره ماينفع تروحي الكاميرون في يوم وترجعوا مررر مررررره مررررررره
مسافة الطريق من كوالا للكاميرون 5 ساعات روحه و5 ساعات رجعه
قولي لي بربك متى تتمشوا فيها
راح كل اليوم في الطريق
فعشان كذا استبعدي نهائي فكرة الكاميرون
وخلي في الاخير بورت ديكسون لانها قريبة من المطار ويكون ختامها مسك عشان المسبح الخاص
واسم المنتجع قراند لكزس

ان شاءالله يكون اقتنعتي بكلامي
لاني والله اتمنالك احلا سفره



هلا (النهر الجاري،صقرة) تسلمون والله الله يسعدكم دنيا واخرة
ان شاءالله اعتمدنا هالجدول بس ننتظر الماتافير ونحجز الفنادق والطيران وتتذاكر الملاهي وكذا
الجدول كالتالي:
1 بورت ديكسون خليناه بالبداية لان الاخير ماينفع رمضان صعبة
2بينانغ
3لنكاوي
2سلانجور
4كوالالمبور يتخللها يوم لجنتنق من الصباح للمساء

سلانجور حابة السكن فيها مررررررره مع انها قريبه من كوالا بس مايمنع ناخذ يومين فيها وكمان حابة اشتري منها اغراض كثير من البرميد فصعبة تكون بالبداية ونجلس نتحمل وزن بالطيران لان النيه ان شاء الله تكون تنقلاتنا بالطيران احسن واسرع

كيف ان شاءالله هالجدول حلو برايكم

حبيبتي شوفي الخريطة معايا


حتلاحظي ان بورت ديكسون في الجنوب وبعدها سيلانجور
والشي الثاني سيلانجور مرره قريبه من كوالا
فإذا انتي حتروحي من بورت ديكسون الى بينانغ حيطول عليك المشوار
وانتي حاطه لبينانغ يومين
عز الله كلها راحت في الطريق
فالافضل من بورت ديكسون الى سيلانجور
ومن سيلانجور الى بينانغ
وفي الاخير كوالا

رأيي من رأي اختي صقره

ماينفع ابد هالترتيب لأنه راح كله في تنقلات انا اقول بورت ديكسون و سلانجور يكون الوجهة الثانيه لك وبعدها بينانق وترجعين منها لكوالا ،،،،

دمتي في رعاية الله،،،، من الموبايل

انا فاهمتكم انا اخترت بورت ديكسون اول يوم لاننا بنريح من السفر فيها ليلة وحدة بس بعدين على بينانج بالطيران يومين وعلى لنكاوي طيران ثلالثة ايام ومنها طيران على كوالا مابنضيع وقت بالباصات والتنقل فهمتوني...
ومشكوووووووووورين تعبتكم معايا

وين الطيبين مارشحتولي الفنادق جدول يومي تكفون ابغى احجز الفنادق وارتاح الله يريحكم ويسعدكم....

اهلا بالاخت سوما
بورت ديكسون...منتجع قراند لكزس بمسبح خاص
بينانج..بارك رويال او شنقريلا
لنكاوي..الويستن او بلانجي بيتش
كوالا..ريجنسي او برجايا او رويال شولان
سيلانجور..البيراميد او صن واي ريزورت
هذي من افضل الفنادق
واذا عندك اي سؤال تفضلي
انا تحت امرك
وخلينا نخلص من الفنادق ونبدأ بالجدول
دعواتك يالغلا من الموبايل

هلا اختي صقرة الله يسعدك ويحقق كل امانيك
الحمدلله حجزنا الفنادق كالتالي:
بورت ديكسون...قراند لكزس
بينانج...هايدرو هوتيل
لنكاوي...يومين بيلافيستا اخذنا جناح جونيور عالبحر
ويوم من باب التغيير في فيلا موليك
سلانجور...صن واي برميد هةتيل
كوالا...سويت قاردن ريدسون واحسني ندمت اني ماوزعتها يومين بفندق ويومين بفندق ثاني اختك تحب التغيير امل بسرعه
كلفتنا الفنادق مايقارب 5500 ريال طبعا كلها مع الافطار المجاني والالغاء المجاني
ان شاءالله يكون اختيارنا للفنادق موفق
باقي التذاكر الداخلية للطيران والجدول اليومي
وافكر احجز تذاكر صن واي لاقون من همنا اذا عرفت لها ان شاءالله
ابغى مساعدتك بالجدول بعد الله وابغاه يكون مضغوط شوي حابين نزور كل المعالم....
واخيرا الله يسعد ويهني كل من يرد علي ويساعدني لو بنصيحه بسيطة وسلامتكم...

هلا اخوي الله يسعدك ريحتني
الحمدلله وامين ان شاءالله
بالنسبة للايام كالتالي
بورت ديكسون يوم
بيننانج يومين
لنكاوي ثلاثة ايام
سيلانجور يوين
كوالا اربعة ايام

هلا أختي الكريمة ...

تفضلي الجدول اليومي ... وبأذن الله يعجبك ..

اليوم الأول ( البورت ديكسيون )

للراحة والأسترخاء في المنتجع ... لأن المنتجع رااايق وفي منطقة هادية جدآ

اليوم الأول في ( بينانغ )

الوصول والراحة في الفندق ثم التجول مساء في شارع الباتو فرينجي الشهير


اليوم الثاني في ( بينانغ )

الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ

الجولة تزورون فيها ( الهضبة - مصنع القهوة كوفي تري - حديقة الفواكه - جورج تاون )

وفي المساء كالعادة ... التجول بشارع الباتو فرينجي والتسوق والعشاء هناك

اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

زيارة التلفريك عند العاشرة صباحآ ثم القرية الشرقية ...

وبعدها جولة خاصة على لنكاوي لمدة أربع ساعات ... وزيارة الحدائق ومزرعة الخيول والشلالات ...



اليوم الثالث في ( لنكاوي )

الأفطار صباحآ ثم التوجه إلى عالم تحت البحار .... والعودة للفندق بعدها

وعند الثالثة عصرآ ... رحلة المانغروف والعودة عصرآ للفندق والراحة ...


اليوم الأول ( سلانجور )

الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك


اليوم الثاني ( سلانجور )

جولة على بوتراجايا لمدة أربع ساعات من ( 9 ص - 1 ظهرآ ) وبعدها زيارة ( الصن واي لاقون ) إلى 6 م

وفي المساء التوجه إلى ( الماينز وندر لاند ) أو الراحة في الفندق


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك

اليوم الثاني في ( كوالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )

زيارة ( جنتغ ) من الساعة ( 10 - 6 م ) ... عن طريق تاكسي 100 رنقت ومثلها عودة

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية

وفي المساء التوجه إلى أحد مجمعات شارع العرب للتسوق ثم والعودة للفندق أستعدادآ للعودة للوطن


http://img19.imageshack.us/i/16734902.png/

هلا اخوي وافي تسلم عالجدول
بس احس الجدول مو متنوع كثي ابغى جدول مضغووووووووط اذا ماعليك امر
واللي يعرف اماكن ثانيه لايحرمنا النصيحة

هلا أختي الكريمة ...

طبعا لاتنسين وأنا أخوكِ ... من أهم أسباب نجاح الرحلة بعد توفيق الله هو الراحة في التنقلات

الجدول بصراحة شامل وكافي لأهم الأماكن في المدن اللي راح تزورونها ... ومضغوط شوي

وأنتم هناك طبعا لابد تزوروا أماكن ثانية ... ممكن يدلكم عليها سائق التاكسي هناك ..

أسأل الله لكم التوفيق ... وأدعوا الأخوة الكرام لأقتراح أماكن أخرى ... عشان تعم الفايدة ... تحياتي للجميع

http://img69.imageshack.us/i/37440061.png/

هلا اخوي وافي
ان شاء الله التنقلات كلها طيران باذن الله...
وشكوووووور ماتقصر...
واذا احد يعرف اماكن لا يحرمنا النصيحة...

رجعت لكم اليوم وعندي استفسارات بخصوص الطيران...
محتارة اخذ اير اسيا ولا الماليزية متخوفة من اير اسيا ايش تنصحوني
مع العلم ان الماليزية ماعرفت احجز عليها لان الموقع كلة انقلش حاولت اتتبع موضوع اخونا ماجد الفهد بخصوص طريقة الحجز لقيت الموقع محدث مو نفس شرح اخونا ماجد واير اسيا عربي وسهل بس خايفة من التاخير وكثير ماينصحون فيه ايش رايكم

بكتب لكم موعد الرحلات اللي وجدتها مناسبة الباقي كلها متاخرة عالمغرب ولا الصباح بدري مرة وانتو اعطوني رايكم احجز باي رحلة؟؟؟؟
*الرحلة الاولى من كوالا الى بيننانج بتاريخ 29/6/2013 يوم السبت
الماليزية تقلع الساعة 13:55 نهائي السعر لشخصين مع الضرائب 334 رنقت.
اير اسيا تقلع الساعة 14:35 نهائي السعر لشخصين مع الضرائب 228 رنقت.

*الرحلة الثانية من بيننانج الى لنكاوي بتاريخ 1/7/2013 يوم الاثنين
الماليزية تقلع الساعة 14:40 نهائي السعر لشخصين مع الضرائب 346 رنقت.
اير اسيا تقلع الساعة 16:15 نهائي السعر لشخصين مع الضرائب 178 رنقت.

*الرحلة الثالثة من لنكاوي الى كوالا بتاريخ 4/7/2013 يوم الخميس
الماليزية تقلع الساعة 12:25 نهائي السعر لشخصين مع الضرائب 374 رنقت.
اير اسيا تقلع الساعة 11:25 نهائي السعر لشخصين مع الضرائب 294 رنقت.

ردو علي تكفون بحجز الحين ان شاءالله...