الموضوع: مساعدة في وضع جدول لرحلتي الأولى خارج السعودية

السلام عليكم ورحمة الله وبركاته


بداية أود أن أشكر جميع القائمين على هذا المنتدى الرائع من أعضاء ومشرفين على جهودهم المبذولة لمساعدة أخوانهم
فقد كسبتم الأجر والدعاء لكم .
وأتمنى لكم مزيد من التقدم والتطور


بالنسبة لموضوعي


أنا بإذن الله سوف أسافر إلى جوهرة الشرق ماليزيا لقضاء شهر العسل وأريد منكم مساعدتي في وضع جدول مقترح من المطار للمطار


تاريخ الوصول لكوالالمبور
24/3/2013
الساعة الثامنة مساءا إن شاء الله
تاريخ المغادرة
6/4/2013
يعني معي 13 ليلة


أولا سلانجور حجزت 3 ليالي
فندق الخيول الذهببة
بغى الأماكن والجوالات السياحية فيها وجدول مفصل إذا ماعليكم تكلفة


ثانيا بننانج حجزت 3 ليالي
فندق بارك رويال
طبعا الذهاب لها عن طريق الباص بس للحين ما حجزت أبغى الطريقة
والأماكن والجوالات السياحية فيها وجدول مفصل إذا ماعليكم تكلفة


ثالثا لنكاوي حجزت 4 ليالي
فندق بلانجي بتش ليلتين و فندق لنكاوي لاقون ليلتين
طبعا الذهاب لها عن طريق الفري ابغى الطريق للحجز
بغى الأماكن والجوالات السياحية فيها وجدول مفصل إذا ماعليكم تكلفة


رابعا كوالا لم أحجز إلى الآن احترت بالفنادق
ياليت تقترحوا فندق سعره ومكانه مناسب
طبعا الذهاب لها عن طريق الطيران airasia شفت الموقع حقهم ولكن توقيت الرحلات مواضح ياليت أحد يساعدني للحجز
الأماكن والجوالات السياحية فيها وجدول مفصل إذا ماعليكم تكلفة


لكم مني كل الشكر والتقدير

مواضيع عشوائيه ممكن تكون تعجبك اخترناها لك:

• انا ابي شهر عسل بماليزيا ابي اسألكم كم سوأل ياليت تساعدوني
• شهر العسل بماليزيا
• جدول 15 يوم لعائلة 5 كبار وطفل فنادق 4 نجوم 2017
• استشارة من عضوة جديدة ترغب بمساعدة من السادة الأعضاء
• برنامج عائلي 6 ليالي 7 ايام ماليزيا
• انا مسافر انا وعروستي بعد يوم وفزعولي
• استفسارات
• فزعتكم يالربع ابي رحله عائليه اقتصاديه
• جدول سياحي في ماليزيا 12 يوم زوجين وثلاث اطفال
• اسم الولد في الجواز يختلف عن تذكرة الخطوط السعودية بزيادة حرف واحد فقط
• قرب السفر ومحتار
• طلب مساعدة في كوالالمبور
• افضل ثلاثة فنادق فئة اربعة نجوم ؟؟
• مساعدتكم ومشورتكم في شهر العسل ماليزيا
• ارجو ترتيب رحلة لماليزيا لمدة يوم
• لعبة تحدي الخوف في ماليزيا استفسار
• صباح مساء الخير للجميع
• جدول سياحي لرحلتي الى ماليزيا
• استفسار عاجل بقي اربع ايام😞
• مسافر ماليزيا لاول مره ارجو المساعده

حياك الله اخوي
جدولك ممتاز جدا ولكن ثلاثة ايام في سلانجور اشوفها كثيرة والافضل اجعلها ليلتين

جدولك المقترح هو كالتالي

سلانجور ---- فندق الخيول الذهبيه ----- ليلتين
بينانج ----- فندق باراك رويال ----- ثلاث ليالي
لنكاوي.----- فندق بلانجي بيتش ولنكاوي لاقون ---- اربع ليالي
كوالالمبور ---- فندق رويال شولان او الدورست ريجنسي ----- اربع ليالي

التنقلات :: من سلانجور الى بينانق بواسطة الباص
من بينانق الى لنكاوي بواسطة الفيري ( العبارة)
من لنكاوي الى كوالالمبور بواسطة طيران اير اسيا

علما بان الطيران هو وسيلة التنقل الاسهل والاسرع بين كل المدن


دمت في رعاية الله ،،، من الموبايل

للحجز عن طريق موقع اير اسيا ... هذا موضوع لأخونا الغالي العدني جزاه الله خير

http://www.arabtravelersforum.com/travel772659/

دمت في رعاية الله ،،،، من الموبايل

ماشاءالله ماقصر اخونا احسان
والجدول اكثر من رائع ماشاءالله
لكن فعلا سيلانجور تحتاج ليلتين فقط
وفي كوالا ارشحلك رويال شولان
وزعلت مره لما شفتك اخترت لنكاوي لاقون
ترى شاطئه قذر بسبب ركوده وتجمع الطحالب على الشاطئ
ياريت تغيره لاني اتمنالك احلا رحله

مشكور أخي إحساس


ماقصرت وبيض الله وجهك بس كان ودي لو تقولي على الأماكن والجولات السياحية بكل مدينة
عموما يعطيك الف عافية على ردك السريع
والله يجزاك كل خير




شكرا أختي صقرة
على الأقتراح بالنسبة للتغيير للأسف ماأقدر لان حجزي غير مسترد
يعني طاح الفاس بالراس


إن شاء الله نستانس بالرحلة أدري بتصير لخبطة شوي بس عادي لازم تصير مواقف عشان ماتنسى وتبقى للذكرى

مشكور أخي إحساس


ماقصرت وبيض الله وجهك بس كان ودي لو تقولي على الأماكن والجولات السياحية بكل مدينة
عموما يعطيك الف عافية على ردك السريع
والله يجزاك كل خير




شكرا أختي صقرة
على الأقتراح بالنسبة للتغيير للأسف ماأقدر لان حجزي غير مسترد
يعني طاح الفاس بالراس


إن شاء الله نستانس بالرحلة أدري بتصير لخبطة شوي بس عادي لازم تصير مواقف عشان ماتنسى وتبقى للذكرى

الله ييسر امرك ويهنيك يارب
بالنسبه للجدول حارجع وحاكتبلك احلى جدول
بس استنى علي شوي

الله ينور دربك أختي


منتظر الجدول على أحر من الجمر


وشكرا لك مرة ثانية

تبشر عشان الدعوه الحلوه هذي حاسوي كاسة شاي وارجعلك
حسيت راسي مصدع لاني مانمت بعد الدوام وتوي مرتبة جدول لواحد من الاعضاء
ثواني بس

بااااك
اولا لازم تعرف ان انا من النوع اللي يحب الجدول المضغوط
وانت ماشاءالله متبحبح في الايام
حاحاول اوزعلك الاماكن بحيث انها تغطي الايام كلها اللي عندك
بسم الله نبدأ

اولا سيلانجور
طبعا لما تخلص اجراءات امطار خذ من تكاسي المطار (تكاسي خاصة بالمطار اسأل عنها وخذ منها اسعارهم معقوله وشركه معروفه)
طبعا اليوم الاول مايمديك تسوي شي غير النوووووم العميق خخخ

اليوم الثاني من الصباح تاخذ تاكسي ويفضل من الشارع العام ويكون ماليزي لان الهنود نصابين وعلى بوتراجايا حيوديك وينتظرك 4 ساعات ب150 رينقت
وبعد بوتراجايا ملاهي الصن واي لاقون وممكن تتعشى في مطعم الطربوش في مجمع البيراميد واذا ماحبيت الطربوش عندك مطاعم الوجبات السريعه ملياان ولاتنسى تحجز تذاكر الباصات (باصات ايرولاين )خلف فندق البيراميد هذا اللي عرفته من الاعضاء ياريت تسأل كمان عن مكانها بالضبط

واليوم الثالث تروح لشلال تمبلر بارك والمشوار ساعه كامله وبعده لحديقة الحيوانت زوو نيجارا لكن ترى الحديقة اقرب لكوالا من سيلانجور لكن عشان عندك في كوالا 3 ايام فاحسنلك روحلها من بدري
وبعد الحديقة روح لمجمع الماينز واستأجر قارب ولف في البحيرة وبعدها روح لاي سيتي من 6 المغرب الى 9 المسا

شكلك حترجع الفندق طااااافي بعد الجدول هذا ههههههه
وبكذا خلصنا من سيلانجور

نجي لبينانق

اذا مشيت من سيلانجور الساعه 10 الصباح حتوصل هناك تقريبا بعد 4 ساعات
يعني على 2 الظهر
يعني يادوب تتغدى في مطعم لبنان في السوق الليلي وترجع للباتوفرينجي وتاخذلك براشوت ينعشك ويطير التعب
وبعد المغرب تتمشى في السوق الليلي وممكن تسوي مساج عندهم

اليوم الثاني عندك منتزه اسكيب (منتزه جديد لما رحتله كانوا لسا يبنون فيه لكن باين عليه حلو) وجنبه بالضبط حديقة الفراشات ممكن تزورها
اما حديقة التوابل ماتستاهل انك تروحها
وحديقة الفواكه ماهي حلوه اللي في لنكاوي احلا منها
وترجع تقضي باقي اليوم ع الشاطئ

واليوم الثالث تروح للهضبه واستمتع بالاجواء الخلابه وبعد ماتخرج منها روح لسد اير ايتام المشوار اللي بينهم 5 دقايق
وبعد السد تروح لمصنع الشوكولاته والقهوة
وترجع للشاطئ
ابغاك تنتبه لنقطه مهمه
لاتشتري كثير لان وراك وزن وانت رايح من لنكاوي لسيلانجور
انا غلطت نفس غلطتك الناس تخلي لنكاوي في الاول وانا خليتها في الاخير

وبكذا انتهينا من بينانق

لنكـــــــــــــــــــــــــــــــــــــــاوي

والله لنكاوي استوقفتني كثير لانها 4 ايام لكن ربي يعين

خلي يوم لشرقها ويوم لغربها ويوم لشلالات

اول يوم خليه جوله في الفندق بما ان بلانجي بيتش ولازم تستمتع فيه وفي شاطئه

واليوم الثاني
(القريه الشرقيه + التلفريك والجسر المعلق + الشلال) لكن انتبه لا تطلع للابار السبعه لانها جداااااااا متعبه
والقرية الشرقية فيها فيله وخيول وعربات ودراجات اذا تبغى اسعارها قولي

اليوم الثالث خليه لغربها نبدأ من الجنوب للشمال (ميدان النسر (ميدان النسر قريب جدا من ميناء الفيري وحتلقى هناك مكاتب تبيع تذاكر لرحلة المنجروف وسعرها رووعه ب230 رينقت مع التاكسي من والى الفندق وخذ رقم السواق ورقم المكتب وخلي الرحله من الساعه 3 الظهر الى 5 العصر هذا احلى وقت للرحله وخلي التاكسي يجيك عند شلالات دوريان او على حسب التنسيق اللي بينكم ) ثم حديقة الفواكه ثم حديقة الطيور اذا انت حاب اذا حاب تروحها يعني وبعدها العيون الحاره النص ساعه ب75 رينقت بس شكل الغرفه حلووووه ) واتجه كمان شمال حتلقى شاطئ تانيونق رهو اعتقد لو شفته حتجيه كل يوم رووووعه عليه دبابات بحريه ولا عليه زحمه

اليوم الرابع خذ تاكسي وروح لشلالات تيمورون وبعدها لشلال دوريان وبعدها رحلة المنجروف

والحمدلله انتهينا من لنكاوي

ترى حتلاحظ في جدولي مافيه اسواق لاني ماني من محبي الاسواق في السفر

لما شفت عدد ايام كوالا زعلت 3 بس
اولا انصحك بفندق رويال شولان عشان تعوض حق اللي عشته في لنكاوي لاقون خخخخ
لا بجد الفندق اكثر من رائع وسعره جدا مناسب وموقعه روووعه قريب جدا من شارع العرب وقريب جدا من مجمع بافليون
نصيحه لايفوتك الفندق
ياليتني ارجع ماليزيا عشان اخذ فيه كم يوم
المهم
عندك اول يوم خليه للاسواق بافليون وفهرنهايت ولوت تن وبيبي بلازا وتتمشى ع شارع العرب وتتعشى في واحد من المطاعم العربيه او ماكدونالدز
واذا حاب تروح جنتنق تروح بالمونورويل للمحطة الرئيسية كي ال سنترال وتقطع التذاكر على اليوم الثاني من 10 الى 7 المغرب
واذا ماعندك خلفيه عن جنتنق وزحمتها قولي احكيك

واليوم الثاني يكون لجنتنق واذا مانت حاب تروح جنتنق ممكن تاخذ باص الهوهو وتلف فيه كوالا
تذاكره تلقاها قدام فندق بيكولو وحتلقى عندهم تذاكر للمنارة وحديقة الطيور وعالم البحار
ليش تاخذ من تذاكرهم ؟
1. لانها ارخص
2. وعشان ماتصف طابور لقطع التذكره

واليوم الثالث ممكن تروح فيه لافاموسا او لبوكيت تنجي
اذا كان لافاموسا فيبغالك من 10 الى 6 المغرب المشوار بتاكسي تخليه يستناك وغير ان تذاكرها قرابة ال100 وعليها فبراحتك
واذا كان تبغى تروح لبوكيت تنجي تلقى مكتب التذاكر في التايمز سكوير تروحله قبلها بيوم من الساعه 10 تحجز يعني قبل ماتطلع باص الهوهو
تروح بالمونورويل وتحجز على اليوم الثاني انك بتروح بوكيت تنجي
ان شاءالله تكون وضحت النقطه
بوكيت تنجي تكفيها 6 ساعات من 10 الى 4 العصر ساعتين في الطريق و4 ساعات في المنتزه
ولما ترجع روح للسوق الصيني بالمونورويل اشتري من الهدايا الين تقول بس خخخ

نقطه مهمه : انا ماحبيت تكون جنتنق اخر يوم لانها جدا متعبه واخاف تروح عليكم الرحله بسبب النوووووم

وسلامتكم
انتهيت بحمد الله

كأني رحت ماليزيا وجيت
والله وانا اكتبلك عن المونورويل كأني اسمع صوت الحرمه اللي تقول اسماء المحطات في اذني
يازينها من ايام
يالله ياربي يهنيكم

ودعواتك بالله لاتنسوني كل مانبسطتوا
وكل مامشيتوا تحت المطر

الله يعطيك العافية أختي اسم على مسمى


كفيتي ووفيتي بس أنا أقول اليوم الثالث بروح به جنتنق أحسن
وبكذا كسبت وقت وماراح علي يوم لان اسمع من الاعضاء أن يومين كافية لسلانجور


منتظر المدن الثانية على راحتك أختي أنا رحلتي بعد شهر بس ودي أخلص أللحين عشان أتفرغ للأمور الزواج

الله يجزاك ربي كل خير
آسف أختي ما أنتبهت أن في صفحة ثانية هههههه من العجله
لكن بجد ماقصرتي ربي ييسر أمووورك يارب
بس أما أتذكرك اسمحي لي هههههه يمكن أنسى اسمي في ذا الوقت خخخخخ
يارب يسعدك
إن شاء الله بخلي المدام تدعيلك


برد أقرأ الموضوع من جديد لأني مشغوووول ماقريت زين وأي استفسار با سألك
استحمليني ترا دمي ثقيل اشوي
ودمتي بخير

ماسويت إلا الواجب اي خدمة انا حاضره
ربي يسعدكم ويسخركم لبعض