الموضوع: سؤال عن السكن في سيلانجور صن واي ريزورت

هلا فيك اخوي

بالنسبه لفندق الخيول الذهبيه في سلانجيور فهو فندق رائع ونظيف والفطور عندهم لايعلى عليه

الجلسه في اللوبي والاطلالة منه على ملاعب الغولف وبحيرة الماينز شي خيال

لايهمك كلام الناس انا جربته وبصراحه هو الفندق الثاني بعد صن واي لاقون

عندهم سوبر فايزر هندي مسلم اسمه سليمان يتكلم العربيه انسان خدووووم جدا ...

لنكاوي جزيره جميلة جدا انصحك فيها والفندق المقترح ويستن لنكاوي جدا ممتاز

واذا تبي اي معلومات عن اي فندق قولي اسمه واجيب لك كل المعلومات اللي تبغاها

دمت في رعاية الله ،،،، من الموبايل

جزاك الله خيرلكن لكي يطمئن قلبي هل انت مجربه من فترة قريبة ؟

اتمنى ممن سكن في الخيول الذهبية قريبا ان يشاركنا برايه لان من جد اطلالته تحفهوبالنسبه للنكاوي فالمطلوب فندق له شاطىء طويل بحيث ممكن تستمتع فيه اهلك بعيد عن المناظر الغير طيبة خصوصا للي معه اطفال فمدري الي يناسب
انا من قراتي للمنتدى ومشاهدة الصور اعجبني ويستن كاسا دل مار اندمان
ام تشوفون ان شهر مارس مهوب زحمه فممكن االاستمتاع في اي فندق لان مافيه زحمة
جزاكم الله خير

بانتظار ارائكم

الفنادق جميله لا تخاف ولا تنظر لتعليقات الزوار لانه في بعضهم عنده هواية البحث عن السلبيه

كاسا ديل مار روووعه جدا اعتمده وموقعه ساحر و قريب منك كل مطاعم لنكاوي و الشارع الرائع سينانج

بالنسبة للنكاوي فلك الخيار بين
هولي دي فيلا مجدد بالكامل
فرنجي باني
فكلاهما يشتركان في شاطي جميل جدا وبه كثير من الفعاليات بالإضافة إلى قربهما من منطقة حيوية في لنكاوي فالخروج من الفندق والمشي لعشرة دقائق مشيا على الأقدام توصلكم إلى مطاعم وسوبر ماركت ومغسلة ملابس وأسواق بالاضافة إلى عالم تحت الماء

أما بالنسبة إلى قولدن ساندس فلم أجربه

اندمان و ويست و كاسا ديل مار و بيرجايا



ان كنت محتار بين هالاربع فنادق
فاشوف انك تستبعد عن برجايا من القائمه لانه اقلهم مستوى
فالفنادق الثلاث الاولى لا يعلى عليها ( طبعا بتكون غاليه )
وفندق برجايا غويلي لكن ما يصل لفخامه ونظافه الثلاث الفنادق الاولى


لو عندي 4 ليالي وخيروني بين هالثلاث فنادق .. لاختار فندقين ( كل فندق ليلتين )
ليلتين : فندق كاسا ديل مار
ليلتين: فندق اندمان


طبعا على اساس انها مجانيه خخخ


اما لو على كيسي ( يعني بفلوسي )
فاكيد بوفر ...
لكن اذا كنت ابغى ( ابحبحها ) فأبسكن بفندق رخيص بمنطقه سيانغ ( نفس المنطقه اللي فيها فندق كاسا ديل مار ) لمده ليلتين ثم اسكن بفندق غالي وهو اندمان مثلا
طبعا انا اميل الى اندمان اكثر شي لانه بنفسي من عام 2007 حتى اني كنت بحجز عليه عام 2008 وكنت مره مره محتار ( وبالاخير قررت على برجايا ) وقتها كان رخيص .. مو زي الحين اعوذ بالله




ان شاء الله مشاركتي فيها فائده لك يا غالي
والاخوان ما قصروا ولا راح يقصرون ان شاء الله


موفق

الله لايحرمكم الاجر على تفاعلكم بصراحه الي مرددني في ادمان انهم يقولون بعيد ولا راح تلقى تكاسي لازم عن طريق الفندق
والفندق بيكون غالي
الي محببني في اندمان اني شفت في جوجل ايرث شاطئه طويل اطول من الويستن
فممكن تتمشى فيه وتبعد عن واجهة الفندق الي فيها مناظر مش ولابد
ويستن اذا ماتبي مناظر شينة احس لازم فيلا وبتكون غاليه
كاسا ديل مار كل التقييمات تمدحة بس على كلامهم مره صغير وبالتالي شاطئه صغير وعن يمينه ويساره سكن الا اذا كان فعلا هالفتره ماهي موسم وممكن حتى لو سكنت في هالمنطقة ماراح يكون فيه زحمهاذا في احد جرب اندمان قريب يعطينا رايه عشان نتوكل على الله ونحجز
ولكم شكري ودعائي

بخصوص اندمان

في واحد من الاصدقاء عطاني الضوء الاخضر لحجوزاته


وحجزت له 4 ليالي في لنكاوي موزعه على فندقين ( اندمان ليلتين - بلانجي ليلتين )

يقول انه ندم ان سكن في البلانجي ... وكان يتمناها كلها في اندمان


بصراحه كان يمدح في اندمان كثير ...
لكن لازم نقتنع ان الاذواق تختلف من شخص الى اخر
يعني ممكن ما يعجبك ..
ممكن تقول سعره ما يستحق
وممكن تقول اااااه يا اندمان
كل شي جايز




وهو فعلا بعيد ومنعزل وهادي ... علشان كذا انا اقولك خلها ليلتين ( والافضل تكون الليلتين الاخيره )


يعني تسكن بفندق رخيص في منطقه سيانغ لمده ليلتين .. تحاول تخلص كثير من المزارات ( وهذه المنطقه فيه حركه ونشاط اكثر من غيرها )
وبعدين تنتقل الى اندمان ... وخلها استرخاء وسباحه وشرب شاهي
واذا تبغى الافخم من اندمان .. فهو ( ذا داتاي ) .. جباااااااااااار ذا الفندق .. بس غاااااااااااالي ( اغلى من اندمان )




امممم واذا تحب تسمع الكلام من زميلي شخصيا فما عندي مشكله
اعطيك جواله لو حبيت وتتصل عليه ( طبعا اعطيك الرقم برساله خاصه ... )
وتتفاهم معه وتسأله اي سؤال على بالك ..

الله يسعدكم على تفاعلكم شكلي والله بعتمد اندمان
المشكلة كل جلستي في لنكاوي 3 ليالي احس صعبه تخليها بين فندقين وللاسف مقدر اريد يوم والا كان زدت وقسمتها

طالما 3 ليالي فالافضل تكون بفندق واحد

وبصراحه فنادق لنكاوي تحير .. لان كل فندق له ميزه تختلف عن الثانيه
وكل الفنادق تستاهل وحلوه
وحتى الفنادق الرخيصه والله ان بعضها مره حلو ( لكن اكيد ينقصه بعض الاشياء )


فكر واسئل وقرر على الفندق اللي تحس نفسك مرتاح له


موفق حبيب قلبي

جزاكم الله كل خير واسعدكم الله