الموضوع: شهر عسل لماليزيا وابغى فزعتكم

احبتي
ساذهب شهر عسل الى ماليزيا باذن الله
وحجزت على طيران الامارات وشريت تذاكر ب7850 ريال , وش رايكم ؟ غالي؟
وهل احجز فنادق هناك عن طريق البوكنق , والا الشركة العربيه دليل ماليزيا ؟
علما ان اسعاره متقاربه

مواضيع عشوائيه ممكن تكون تعجبك اخترناها لك:

• ارجوا مساعدتي ارخص الخطوط من الرياض الي ماليزيا
• محتاج مساعدتكم جدا جدا
• الاستفسار عن شريحة النت للايباد
• شهر عسل في ماليزيا فبراير
• استفسار عاجل
• الاماكن السياحيه في ماليزيا و سنغافورة
• أرجو المساعدة لرحلة علاج وسياحة
• فندق مجرب في كوالا ؟
• رايكم بالتنقلات بين مدن ماليزيا غير الطيران
• فنادق بجنتنق ضروري الله يخليكم قربت سفرتي
• 13 يوم 12 ليلة للعرسان 4 نجوم
• زيزا بعيونكم تصبح لزيزا
• محتاج الى ارقام سواقين
• تسجيل الجواز اون لاين
• أفضل وأجمل فنادق كوالالمبور
• طلب مساعده في عمل برنامج
• استفسار
• عاجل يالاخوان
• ممكن تساعدوني في البرنامج
• استفسار عن فندق

علما ان التاريخ من 23 يونيو الى 6 يوليو
والله يعطيكم العافيه

هلابك يالغالي ...

أسأل الله لك التوفيق ... في رحلتك القادمة ..

بصراحة السعر ( مرتفع شوي ) ... لو أخذت رأينا قبل الحجز نبحث لك عن سعر أرخص

عموما ... عطنا تاريخ الأقلاع بالساعة ... وتاريخ العودة ... ونرتب لك برنامج حلو

أما الحجز ... الأفضل من بوكينق .. والطريقة سهلة جدآ وميسرة .. وتحتاج فقط ( بطاقة فيزا )

وأحنا معك للأخير بأذن الله ... لاتشيل هم ياغلاهم ..

http://img855.imageshack.us/i/83761182.png/

جزاكم الله كل خير, واعتذر عن كتابة اسم الشركه بس اخوكم اول مره ومثلكم عارفين ,الله لايهينكم

مرررر ه مرتفع سعر التذاكر بس ان شاء الله تتوفق في حجز الفنادق وخليك مع وافي بزمن جافي راح يساعدك باذن الله هوه برفيسور ماليزيا

الله يسعدكم في الدنيا والاخره ,
وافي بزمن جافي .. هنيئا لك الاجر في ارشاد التائهين, جعل مثواك الجنه والله يحفظ لك اهلك .
روح حسن يسلموووو

اخوي وافي .. لدي بطاقة فيزا يالغالي

اخوي وافي بزمن جافي
اليك الجدول
وابغى رايك ولك دعوه في جوف الليل من اخوك
الله يوفقك
__________________________________________________ ____________________
الوصول بتاريخ( 23 )يونيو الساعه 3:55مساء والذهاب بتاريخ( 6 )يوليو 10 صباحا

ليلتان ب سيلانجور - فندق صن واي لاجون - جونيور سويت
4 ليالي في لنكاوي - فندق ويستن لنكاوي -ديلوكس على الحديقه
3 ليالي في بينانج - فندق شانجريلااند جولدن - ديلوكس مواجهه للبحر
والباقي في كوالا - فندق مندرين اورينتال - ديلوكس على البرجين

وشرايك بالطيران والباخره والا تنصحنا باص . تحياتي يا الغالي

يامرااحب يالأمير ... هلا والله وغلا

ماشاء الله عليك ... جدول رااائع ومميز ... وفنادق قمة الذوق والإبداع ...

وتفضل الترتيب بالتواريخ :

23 - 25 يونيو ( يومين سلانجور )

25- 29 يونيو ( أربعة أيام لنكاوي )

29 يونيو - 2 يوليو ( ثلاثة أيام بينانغ

2 - 6 يوليو ( أربعة أيام كوالا )

وأنصحك تجعل تنقلاتك بهذا الشكل :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أفضل من العبارة بكثيرررر

* من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

http://img706.imageshack.us/i/24633998.png/

الله يوفقك وافي بزمن جافي
بالنسبه للفنادق حصلتها بشركه سياحيه بسعر 11800 رنجت
هل احجز ؟
والعباره الغيها ؟؟
وهل اقدر احجز الباص عن طريق الشركه

هلابك يالغالي ...

بصراحة السعر ( معقول ) ... لأن الفنادق اللي أخترتها أنت ... راااااقية جدآ

وتعتبر من أفخم وأجمل فنادق ماليزيا ... وأغلاها في السعر ...

وبخصوص ( العبارة البحرية ) أنصحك تلغيها ... ولاتفكر تسافر بها ... لأنها متعبة جدآ

أما ( الباص ) تحجزه من هناك ... قبل الرحلة بيومين ... من مجمع ( كوينسي مول ) في بينانغ

أختر باص ( نايس ) أو أي باص من فئة ( vip )

http://img825.imageshack.us/i/59509711.png/

الله يوفقك ويجزاك الجنة
سؤال اخير ادري اتعبتك يا الغالي
احجز عن طريق بوكنق ؟ والا عن طريق شركة سياحيه ؟
علما ان الشركه زايده شويات بالسعر نسبه معقوله حدود 1400 رنقت

يامراحب ... حبيب قلبي

والله ماسويت إلا الواجب ... وتستاهل كل خير يالحبيب

بصراحة الفرق مايستهان به ( 1400 رنقت تساوي 2000 ريال سعودي ) ... وأنت أولى بها والله

مادام كذا ... أحجز من البوكينق أفضل ... وأحنا معك خطوة بخطوة ... لاتشيل هم

وتفضل هذا موضوعي يشرح الطريقة ... وأي أستفسار ( أبشر بعزك )

http://www.arabtravelersforum.com/travel528372/

http://img4.imageshack.us/i/94269579.png/

الله يخليك لعين ترجيك يالغالي ..
على شورك بأحجز عن طريق بوكنق بإذن الله . ولكن هل يخصمون من الفيزا مبلغ ؟ لأن الفيزا ما شحنت فيها فلوس .
وكيف أحجز الطيران ( طيران آسيا ) .. أخوك ما عنده خلفيه.
لاهنت

يالبيه والله ( شيخ بني شهر ) ...

طبعا سياسة ( بوكينق ) في الخصم من الفيزا ... حسب نوع الحجز :

* إذا الحجز مسترد : مايخصمون شي ... وتدفع عند الوصول ( كاش أو بالبطاقة )

* إذا الحجز غير مسترد : يخصم المبلغ فورا ... وأحيان يتأخر أيام ... عادي جدآ

الأهم يكون البطاقة فيها رصيد ... وزيد المبلغ شوي عن المبلغ المطلوب للحجز

لأنهم راح يسحبون الضرائب ( 16% ) مع المبلغ ... وفيه فرق عملة وبعض الرسوم الخفيفة

عشان كذا ... أجعل في البطاقة مبلغ زائد شوي عن مبلغ الحجز ...

أما طيران air asia ... الأفضل تحجزه من النت ... والطريقة سهلة وبسيطة وسريعة

وهذا موضوع حبيبنا ( العدني ) يشرح الحجز بالفيديو

http://www.arabtravelersforum.com/travel772659/

http://img163.imageshack.us/i/20526214.png/

انت الشيخ وافي
بأجرب اليوم وأشوف .. واذا ضاقت علينا نصيناك بعد الله . ولا نستغني من الطيبين مثلك وشرواك
اهدااء خاص لك

بيض الله وجه اللي يسد اللزوم ... وافي بوقتنا الجافي له ازكى سلام
لا تعسر لنا ردب(ن) يفك العقوم ... جعل ابوه بجنان الخلد بأعلى مقام

كلماتي لاخوي وافي بزمن جافي .. وانت تستاهل اكثر

يسلم رأسك والله حبيب قلبي ... أحرجتنا وأكرمتنا بطيبك ياغلاهم

أسأل الله أن يسعدك مثل ماأسعدتنا بكلامك ... وأهتمامك ... وأخلاقك

أنا معك للأخير ياطويل العمر ... أي أستفسار تبشر بعزك والله

http://img805.imageshack.us/i/87967528.png/

اخوي وافي هل تنصحني احجز عن طريق بوكنق الان او فيه عروض ممكن تنزل على الفنادق المذكوره سابقا واحجز بعدين .
سمعت ان التسعيره الجديده في تاريخ 1-4-2013
صحيح ؟
لاهنت يا الغالي

هلا بحبيبي الغالي ...

والله الأسعار ماتتغير إلا في الصيف ... ترتفع بحكم الموسم طبعا ...

أنصحك تحجز من الأن ... أفضل شيء

http://img26.imageshack.us/i/25096608.png/

اخوي الغالي وااافي بزمن جافي

الله ينور بصيرتك
اكتشفت ان فيه فرق سعر بين حسابي في البوكنق وحساب زميلي
زميلي اعطوه اسعار حلووه ارخص مني
أقدر احجز عن طريق حسابه ؟؟
لاهنت

حياك ياعمده ... منور والله

أحجز بشكل عادي ... وإذا فيه فرق بالسعر ( راسلهم ) يخفضونه لك ..

لأن بوكينق ... عندهم نظام متميز ... وهو ( ضمان السعر الأفضل ) ... كيف ؟؟؟؟

يعني إذا حجزت من عندهم ... وشفت سعر أرخص منه ... أعترض ... وراح يعوضونك ويخفضون السعر

http://img16.imageshack.us/i/75051306.png/

السلام عليكم ورحمة الله وبركاته أحبتي
في موقع اير اسيا
هناك رسوم على اختيار المقاعد والامتعه ايضا
وبعدين هل السعر من كوالا الى لنكاوي ب 343 رنجت غالي ؟؟
وهل فيه مطار في سيلانجور ؟
الله يجزاكم الجنه

هلا بالغالي ...

كل شيء في air asia بفلوس ... حتى أختيار المقاعد والوزن

والسعر 343 إذا لشخصين ( ممتاز ) .. وإذا لشخص واحد مرة غاالي ...

وطبعا سلانجور مافيها مطار ... المطار في كوالا وهي بجوار سلانجور ( 20 دقيقة بينهم )

اخوي وافي .. حصلت حجز على طيران اسيا على التوقيت هذا
1505, 25 حزيران 2013هل معناها الساعه 3 عصرا والا كيف ؟

وما رايك في الوقت يالغالي ؟ .. الله يسعدك

تم حجز الطيران الداخلي ولله الحمد ,, والله يرزقك الفردوس الأعلى من الجنه يا ابو هلا والمشاهدين والمشاهدات

هلا بالغالي ... وآسف عالتأخير يالحبيب ..

نعم وقت الرحلة ( 3 عصرا ) ... وهو أفضل وقت بصراحة