الموضوع: ممكن مسااااااااععدة تكفووووون

السلام عليكم ورحمة الله وبركاته

انا محتار في شي

انا واثنين من الشباب ودنا نطلع جزر المالديف وحنا من اهل الرياض

ابي استفسر عن اسعار الفنادق وافضلهم واسعار التذاكر ووش لازم اسوي لو ابي اروح وكم لازم اخذ معي فلوس

وانشالله ناوين نروح في الصيفيه الجاية وانشالله ناوين نقعد اسبوع واحد

وهل هي تصلح للشباب ولا لا

بس لو ماتصلح انا ودي اروووووووووووووحلها بقوة

تكفوووووون ساعدوني

مواضيع عشوائيه ممكن تكون تعجبك اخترناها لك:

• هيلب مي بلييييييييييييييييييز
• فندق هلتون المالديف
• مورشيوس في فبراير ؟؟
• هني مون في موريشيوس استفسارات
• اخواني الأعضاء ارجو منكم المشورة فلا تبخلوا علي
• ابيكم بمشوره ضروري
• استفسار بخصوص جزيرة كيش
• الأخ جامعي ممكن سؤال
• كونراد المالديف وتحقق المراد
• ابو عزيز وإخواني الأعزاء
• افضل الجزر لقضاء هوني مون
• المالديف و شهر مايو استفسارات
• سيشل لمن لديه الخبره
• للي سافر المالديف؟
• هل الحجز للمالديف ع النت ارخص وشو تنصحوني
• فزعتكم عريس يبي مشورتكم
• موريـــــ ـشيوس
• تم الحجز لشهر العسل في موريشيوس فهل من نصائح
• طالبنك ياجمااعه
• اي استفــــــــــــــــسار عن موريشيوس

السلام عليكم اخوي

بالنسبه ل( هل تصلح للشباب)؟؟ :114: معليش بس مااحسها تصلح مره .افضل لو كنت زايرها انت وزوجتك

واذا ودك تزورها حتى لو ماكانت تناسب الشباب فمالومك لان طبيعه رملها الابيض وبحرها الصافي :surfومنتجعاتها الفاخره تغري الواحد يزورها لو هو لحاله بس انصحك ماتطول اكثر من 3 ايام ..يمديك فيها تسبح وتمارس رياضات بحريه

اما المنتجعات فعلى حسب تجربتي (انا سكنت في الفورسيزن كوداهورا كان يجنن بس غااالي) والمره الثانيه سكنت(فل مون ريزورت)كان حلو وسعره اقل من الفورسيزن


بالنسبه لطيران طيران الامارات والقطريه يودون للمالديف

مشكوووووورة اختي مسافرة متحمسة

والصراحة انا توني صغير على الزواج عمري 22 سنة

والصراحة انا ابي اروحلها لو بلحالي ولو اقعد يوم

ويعطيك الف عافية على مرورك

تكفوووون احد يساعدني

تروحون هناك وش تسووووون

على قولة احد الأعضاء المالديف ماتصلح الا للمتزوجين واما الشباب يقشرون بصل خخخ

تبي نصيحتي يمدحوووون الشرقيه والله انه ونيسه وبه كل شي او جده او دبي لأنكم تبون الالعاب والنشاطات البحريه وهالحوسه والمالديف تصلح للي يبي يروح ويروووووق وينسى الشغل وهموم الحياة يعني بالعربي ريلاكسيشن وانت ماشاء الله توك صغير وماعندك لاهموم ولا حرمه تغث ولا ديون متراكمه ولا مشاكل مع الشغل ولا بزارين يبطون راسك بأزعاجهم ×_×

الا اذا تبون تروحون هناك وودكم تشوفون وش هالمالديف نصيحه لا تقعدون اكثر من يومين لأنكم بتطفشون بس ماتسوى عليكم مرمطة المطارات ومررره مكلفه السفره لأن بس التذاكر لأثنين بـ 7846 ريال والسكن اقل شي بـ 2000 ريال وهذا من غير الخدمه والضرايب والأكل الا اذا كنتم مقتدرين الله يقويكم وقوووو هيد بس لا تنسون تاخذون معكم بلاي ستيشن عشان اذا طفشتو تحطون حرتكم فيه ويمدحون كراااااش وتوم وجيري ولا كورة قدم واللي يفوز يعزم خويه على العشاء خخخ

الله يكتب لكم اللي فيه خير

وهذي وجهة نظري

سلملم

أنا أشوف كثيره على المالديف و ممكن تملون
من رأيي تخليها 5 أيام أو 6 بالكثييييييييييير

المشاركة الأصلية كتبت بواسطة m ~ G ~ M
http://www.arabtravelersforum.com/tr...1/#post1902507

السلام عليكم ورحمة الله وبركاته

انا محتار في شي

انا واثنين من الشباب ودنا نطلع جزر المالديف وحنا من اهل الرياض

ابي استفسر عن اسعار الفنادق وافضلهم واسعار التذاكر ووش لازم اسوي لو ابي اروح وكم لازم اخذ معي فلوس

وانشالله ناوين نروح في الصيفيه الجاية وانشالله ناوين نقعد اسبوع واحد

وهل هي تصلح للشباب ولا لا

بس لو ماتصلح انا ودي اروووووووووووووحلها بقوة

تكفوووووون ساعدوني





تصلح وبقوه

المالديف جدا رائعة وجميلة بغض النظر مين يروح لها

شباب ...عجز...كبلز اي نوع


انا اسافر دائما لوحدي للجزر وخاصة ذا كانت استكشافية


وبالعكس ما بعدها متعة (توني راجع من زنجبار)


و السفر ما يعترف بشيء بصلح للعزاب او المتزوجين


ولأسف ياما شفت كبلز مسافرين مع بعضهم ود كل واحد يرمي الثاني في البحر


لأنهم للأسف تسلل الملل لحياتهم وبدوا يشعرون بالطفش والتملل من ثالث يوم


أتمنى ان تكون وجهة نظري واضحة وفهمت القصد



واهم شيء ما يكون الخوي اللي معك من النوع الكسول اللي يجيب الملل

لأنه اذا كان افضل واصرفلك تسافر لحالك


في المالديف راح تحصل جت سكي وبراشوت وغطس ,,,,,,الخ

ورحلات للجزر القريبة

ورحلات صيد سمك رائعة جدا

يعني ان شاء الله مافي ملل


ترتب الحجز من احسن طريقة وهي الأمارات للعطلات

وعندك خيار آخر هو طيران الجزيرة والسيلرلانكية او القطرية

والأخيرة للأسف مازلت متأخرة جدا عن الأماراتية

والديل اني رحت لهم في مكتبهم في جدة وطلبت منهم باكج لتنزانيا وزنجبار

وللأسف قال الموظف لازم تكلم مكتب الدوحة (صراحة شيء مكسف)

قمت رحت للأثيوبية واخذت الباكج عليها (وكان ولا أروع)

من الأمارتية عالم بروفوشلن الباكج للشخصين لمدة اسبوع ممكن يبدأ من 14 الف ريال الى 20 الف

والأفضل تنتظر الى بعد شهر 5 (نصيحة) الأسعار بتكون اكيد افضل

مايمنع اللحين تسير على مكتبهم في الرياض وتاخذ فكره مبدأيه

اسأل عن

Baros

و

Banyan

و

Full Moon



والله يسهل امركم