اهلا بالاخ السائح الهروي

موضوع ظريف وبيفتح النفس
ان شاء الله تنزل ال7 ك وتكافئ نفسك
ومتل ما قرأت انكنازل سوريا بأذن الله بنيسان واجمل شهور السنة واحبها لقلبي بالشام نيسان
احلى شي الشجر بيكون مأزهر مو الفواكه لا شجر الطريق بنسمي بالعامي الزنزلغ وله ريحة رائعة بالليل بس للاسف بالصيف بيصير عبارة عنكرات تشبه البزلياء بلا ريحة
بس بيكون فيه نسمة برد بس فيها ريحة الربيع
اخي الكريم بالنسبة للمطاعم
من الاولويات عندي مطعم ابو الخير وب اقرب فرصة لازم شوفه من الدعاية يلي عملتها له

بالنسبة لبيت جبري برأي افضل تسقية عنده نسبيا والفلافل طيبة والحبوب والسحلب بالشتاء
بس عيبه الزحمة والطاولات القريبة من بعض ,وجرب صاندويش الصاج طيب ما شي حاله .

بالنسبة لمطعم ابو العز مناوائل مطاعمدمشق القديمة فتحمن زمان بس المشكلة اللحمة الموجودة عند باب الدخول
بتنسد نفسي مع انه المطعم نظيف بس منظر اللحمة والخواريف صعبة ......

بنصحك بهل المحل للبوظة العربي بالقشطة وبتقول الشامية قالت له فترة مشهور واهل الشام حابينه
بمنطقة داريا بعيد شوي بس طيبة مين ما سألت بداريا محل كجك للبوظة بيدلك المنطقة شعبية بس البوظة طيبة

ومحل عيماد بالشعلان للكشكة والمحلاية طيب كتير
اما الكنافة النابلسية اطيب من محل اباظة بالصالحية مافي
والمدلوقة والكلاج محل نبيل بالعرنوس

بنصحكاخي الكريم كمان بمطعم قصر الامويين بتروح عليه منعند قصر العظم وهوخان شامي قديم
بديكورات شرقية
وبيقدم بوفيه مفتوح فقط بأكل شامي على الغذاء الاصناف اقل بحدود السعر 350 ليرة للشخص
وعلى العشاء الاصناف اكتر بحدود 700 ليرةللشخص ....مشان هيك الغذاء افضل للعدد الاكثر
مع الفواكه وزالحلويات للفترتين
واحيانا ممكن يكون على العشاء فرقة مولوية

اما عصيرات الطريق بدها معدة حديد اكيد

بالنسبة للشاورما بنصح بمطعم الراعي اول اوتستراد المزة بجانب حلويات مهنا وسوبر ماركت العائلة
عنده صاندويش طيب ولاتنسه تقله يضيف دبس الرمان لصندويش اللحمة
وطبعا عندو مشاوي ووكبسة واكل بيتي بس للطلبات الخارجية

سامحني للاضافات بس اذل تذكرت شي رح اكتبه

بس طبعا في كتير مطاعم فخمةومتوسطة وبسيطة متل مطعم ست الشام هذا مطعم صغير ونجمتين بجانب المريديان
بيقدم فول وتسقية وشوية لحومات سبحان الله سمعته حلوة بس الاكل عادي ونظيف
والف صحة للجميع

مواضيع عشوائيه ممكن تكون تعجبك اخترناها لك: