الموضوع: اخوكم في حيره مايعلمها الا الله

السلام عليكم ورحمة الله وبركاته ,,,

اخواني انا في حيره من أمري
زواجي باول شهر 8 وحاب اروح لشهر عسل بماليزيا

لاكن نقطة ضعفي اللغة ماعندي لغه زود ابداً

كل اللي عندي العربية بس

ومن الناحية المادية مقتدر ولله الحمد

وما ادري اخاف اتوهق هناك باللغه

علماً اني ضامن لو رحت مستحيل اخذ تكاسي رح اخذ لي سواق يتكلم عربي


رايكم ياخواندلوني

مواضيع عشوائيه ممكن تكون تعجبك اخترناها لك:

• الله يحرم عليكم النار ،، ابي رأيكم في شهر العسل
• رحلتي لشهر العسل
• هااام ،،مقترح بخصوص الجدول السياحي للنكاوي
• تم الحجز الفنادق في لنكاوي و بينانج وعليكم الاختيار
• إلى طلاب ماليزياأرجو المساعدة
• اشتريت التذاكر والآن سأبدأ في الخطوة الثانية ؟؟
• ارجو المساااااااااااااااااعدة
• تم بحمد الله إستخراج الجوازات وعمل حجوزات الطيران
• يــــــا عـشـــاق ماليزيا إن شـــاء الله مسافر مع العائلة إلى ماليزيا بعد العيد
• آراااااءكم بألعاب الصن واي والحديقه الوطنيه
• رأيكم يهمني
• ارتفاع سعر حجوزاتي
• انا بروووووح جنة الارض
• الحمد لله انتهيت من حجز الفنادق
• رشحو لي فندق ببنانغ بسرررعه ضروري جميع إستفسارات وله النسيان
• استفسار حجز لفنادق
• تخطيط واستفسارات لرحلة شهر العسل للشيقة ماليزيا الفزعة
• مقبل ع الزواج مساعدتكم الله يرضى عليكم
• استفسار وارجوا الافادة
• السلام عليكم اخواني اخواتي ممكن مساعده

هلا وغلا بالحبيب ( السميي ) ... حياك ياولد العم

أبشرك حبيب قلبي ... موضوع اللغة أسهل مما تتخيل ... واللغة ليست عائقا لنجاح الرحلة

الماليزيين متعودين على العرب بشكل كبير .. لأن أغلب السياح عرب

معنا في المنتدى بأذن الله ماتحتاج أي مرشد سياحي ... ولاسائق خاص ..

خلك معانا ... ياغلانا ... وراح تكون ( خبير ماليزيا ) بأذن الله ...

أي شيء تبيه ... راح ندلك عليه ... ونوصلك لباب الطيارة .. وش تبي بعد ههههه

وقبل أي خطوة أنصحك بقراءة موضوعي هذا وراح يفيدك بأذن الله في ترتيب الرحلة بشكل مميز

http://www.arabtravelersforum.com/travel750185/

http://img708.imageshack.us/i/49408370.png/

الله يبيض وجهك شجعتني وبقوة على ماليزيا

طيب اخوي
وش رايك اخوي قد سافر لها من قبل 5 سنوات وقالي هالجدول البدائي
1- كوالامبور العاصمة 3 ايام
فيها مولات كثيره ومناطق ومناظر حلوه وفيها جلسات جدا روعه .

2- جنتنق 4 ايام
منطقة جدا روعه زي ابها براد وفيها فندقين على خبري نسوي لك بالفندق الفخم لانه عبارة عن منتجع متكامل من فندق وترفيه ومطاعم والعاب وغيرها .


3- صنواي لاقون 4ايام
ثلاثة ايام يعني ليلتين وإذا تبي الفله فيها والوناسه مايمنع تخليها اربعة ايام يعني ثلاث ليالي لانها فعلا استجمام بالفندق وترفيه واجواء ناعمه ورومانسية.

/

وتقريباً كم احط ببالي صرف يومياً
وبحمد ربي مقتدر
ابي قيمة تقريبيه

ياهلا وغلا أخوي ( عبدالله )

بصراحة الجدول اللي ذكرته ( مرة مايصلح ) ... جنتنغ ماتستحق أربع أايام ابداااا

وغير كذا ( كوالا ) في النهاية ... وسلانجور هو البداية ... ولابد من زيارة لنكاوي ...

حبيبي الغالي ... عطني التواريخ وعدد الأيام ... وأبشر بأجمل جدول ...

بصراحة جدولك السابق ماأنصحك فيه ... أنتظرك حبيبي

وعليكم السلام ورحمة الله وبركاته .. أهلاً أخي الغالي .. بالنسبه للغه لاتحاتي أبد نسق لك مع سائق يتكلم اللغه العربيه وهم كثير ولله الحمد .. الجدول اللي وضعه أخوك أبد مايصلح .. ننتظر عدد الأيام ووافي والشباب ماراح يقصرون إن شاء الله .. بالتوفيق ..

ابوحرب والله ياضحكت من جدولك ضحك تخيلتك متوهق ومتهاوش مع المدام وراحت متعة السفرة
ياخوك صن واي لاقون كيف تحط لها اربع ايام خخخخخخخ ( صن واي لاقون ) كلها العاب مائية والعاب عموما الا اذا كنت من هواة السباحة خخخخخخ
وجنتنق اربع ايام ،،، خذها مني اخوك بيسوي فيك مقلب
اتمنى لك سفرة سعيدة

هههههههه شكله يبي يجيب العيد فيني


طيب ان قاله الله وضبطت امور الحجوزات باحجز بتاريخ 8/8 والعودة 19/8

علماً باني مابي التنقل الداخلي بطيران ابي مناطق قريبة

وبرضو ياليت تدلني ياوافي على المناطق والفنادق وبرنامج متكامل والله يبيض وجهك ويحرمه عن النار والجميع

انا أتفق مع أراء الاعضاء..الجدول المقترح خطأ* خطأ..

ان شاء الله أخونا وافي سيدلك على أجمل برنامج ..

والطيران الداخلي لابد منه ,,في حال اردت الذهاب الى لنكاوي

وبما أنه شهر عسل ,,لنكاوي لابد منها ,,

بالتوفيق ان شاء الله ,,

اخي الكريم السلام عليكم
ولايهمك ولا تشيل اي هم طالما انت دخلت بيتك المسافرون العرب فأعتبر نفسك والعروس في احلى رحلة الى ماليزياء ومرتبه . بس انت عطنا هذي الاشياء وخلنا نتعاون عليك انا واخوي وافي.
اول شي عطنا تواريخ السفر . والمدة الي راح تقضيها . وايش تبغى من فنادق اربعة ولا خمسة نجوم.
بعدين حكاية مااحب التنقل الكثير هذي انسى. ماليزياء متعتها في التنقل والاستمتاع بكل اجوائها وطبيعتها . فكل منطقة وكل جزيرة وكل مناطق مرتفعة تختلف عن الاخرى.
مع امنياتنا لك بزواج سعيد باذن الله