الموضوع: معقوله مافيه سياحه محافظة ؟ ولاأماكن تناسب المحافظين ؟؟ خبرآء ماليزيا الفزعه

اخي الكريم بكون صادقه معك
من تخرج من مطار الملك خالد سترى العري والموسيقى في كل مكان وكل بلد
فاذا انت لاتحب هذه الامور ولاتريدها فستتعب نفسك وعائلتك
ماليزيا كوالا لمبور في الشوارع ملابس فاضحه
في المنتجعات على البحر والمسابح سترا النساء في ملابس السباحه
مثلا لنكاوي مسلمين الاغلبيه ولكن في المتحعات اغلبهم اوربيين ماخذين راحتهم في اللبس
قد تناسبك الكويت وقطر حتى دبي مليئه بما لاترغب به

بينانج كلنكاوي منتجعات على البحر فماذا سترى مثلا
سن واي لاقون ملاهي مائيه ايضا ماذا تتوقع
كوالا اخبرتك في الشوارع النساء بملابس عاريه
اكلمكم من واقع خبره
الكاميرون فعلا لم ارى فيها الشي الكثير ولكن ارى انها لاتستحق المكوث لوقت طويل
المشكله اخي ليس في اهل البلد فاهل ماليزيا وتركيا اغلبهم مسلمين ولكن السياح هناك كما هم في دبي اخذين راحتهم بزياده

جزاكي الله خيرا على حرصك على الدين ,,, وان شاء الله مايقصرون الخبراء بالرد

والله يا غالي الوضع صعب شوي نحن كبار وبنغض البصر ولكن مراهقين في السفره صعب شوي خاصه ان كل ماليزيا ( عدى الكاميرون ) كان فيها مناظر مش حلوه

المشكله لو اقول لك روح افموسا راح تشوف اشياء كمان يوجد رقص اغاني ومش عارف ايش لو قلت لك روح جينتينق بيدوخوك الصينيين بلبسهم


ما اعرف شو اقول لك يا غالي


والله ما اعرف

على حد علمي هذه سيدة وليست رجل

أختي والله في كل مكان يوجد مثل هذه المنغصات ..وانا لو كنت مكانك كنت فعلا سأقلق من هذا الأمر ,,
قبل 7 اشهر كنت بتركيا ..وفي اسطنبول تحديدا وفي الجامع الازق,,,هذا مسجد !! والاجانب واقفين طابووووووووور طويل عريض بملابس الله لا يوريك..
والحمد لله انهم واضعين لهم اغطية يلبسوها قبل مايدخلوا المسجد ومع ذلك نزعوها لما دخلوا المسجد !!
سافرنا كعائلة وكلنا كبار ..كانت فيه اماكن ماكنا نقدر نمشي مع بعض ,,واذا لاحظنا شئ من بعيد نتفرق ,,حتى تصفى الاجواء ونقدر نشوف ,,!!
وهذا حالنا من لما كنا صغار ,,الى الان زواجي بعد شهر ونصف ,,,,, ودايمااا نفس المشكلة في اي مكان نروح له ,,حتى حنا في بلادنا ,,,

على كل حال يا أختي ,,انا ما أقدر أدلك على الاماكن الي تروحي لها او الي تتفاديها ,,خصوصا عشان هاذي النقطة ..
عيالك بيسافروا معاك ,,وتحت عينك ,,راقبيهم ,واذا شفتي المكان مومناسب غيروه فوراااا ..

الحمد لله على نعمة الاسلام والحياء والحجاب ,,

رحلة موفقة اختي ,,,ولا تخلي اي شئ ينغص عليكم ,,

اختي الغالية مثل ما ذكروا لك الاعضاء من اول ما تطلعين المملكة وانتي تسمعين الموسيقى في كل مكان الفنادق والمطاعم والاسواق بلا استثناء هذا بالنسبة للموسيقى

واما بالنسبة لمناظر العري فبرضو كل السياح الاجانب بلباس غير لائق.

هذا الوضع بشكل عام. من وجهة نظري ولا ادري هل هي صحيحة او لا، بما انكم عائلة كبيرة نوعا ما افضل انكم تروحون اندونيسيا وتأخذون لكم فله خاصة هذا بحد ذاته نزهه. انا ماقد سافرت اندونيسيا والا كان افدت اكثر.


اتمنى لكم رحلة سعيدة آمنه من الموبايل

فعلا هذي المشكله الي تارقني
الله يستر علينا وعلى ذرياتنا

روحتي بعد شهر ومعاي اطفال عمر 9 و4 وقاعده افكر في هالموضوع

لان احنا عائله محافظه

مااقول الا الله يعين

في ماليزيا يكثر التعري في الشواطئ ومدن الألعاب المائيه والمدن الترفيهيه والمجمعات ..أنصحك يا أختي بتغيير الوجهه إلى اندونيسيا وجعل معظم الأيام في منطقة بنشاك الجبل ..

مشكوورين جميييع ماقصرتو ..
والله كنت متخوووفه حيييل ..من ردة الفعل
ي كرام انا متاكده انو مافيه بيئة نقية ومحافظة بنسبة 100% ..
اكيد فيه اماكن موش كويسه واماكن يمكن التغاضي عن سلبياتها ..
يعني مثلا اقدر الغي صن وي لاقون ..
واعوض الاولاد بمنتجع فيه مسابح داخليه .


وشفت تقرير لاحد الاعضاء اعجبني المنتجع وحطيته ضمن الخيارات ..

افاموسا ع حسب علمي انو عروض الكاوبوي والمسرح هي اللي تكون بموسيقى ..اما البقيه لا ؟؟ هل المعلومة صحيحه ؟؟

انا مااستقريت ع ماليزيا الا لانه الاغلب قالي هي الاهون مقارنة بباقي الدول ..!

مشكور اخوي العاصي الله يوفقك دنيا واخره ..انت الوحيد اللي فهمتني ..
اذا ع الشورت والملابس القصير ترى التلفزيون ملياااان ..بس انا اقصد اتفادى الشيء الاكببببر ...!

ماليزيا موب شواطيء،وجزر وبس ..
عندي خيارات كثيره ...في كل مكان ...بس ماابغى اختار شيء ولما ادخله الاقيه شيؤ موب ملائم لاسرتي ..واخربط برنامجي كله،..

هذا اللي ابي احد يفيدني فيه ..
مثلا بكوالا انا شارع العرب كله شاطبته والخروج مساء بعد ملغي من برنامجي ..
ايش كمان تنصحوني الغى ؟
صن واي لاقون اقدر ادخلها واروح اماكن ثانيه غير الالعاب المائيه والا ماتنفع كلش ؟

بخصوص الجزر وايهم تنصحوني بيها اكثر لنكاوي او بينانغ ؟
ابغاهم ينبسطون وننوع لانه احنا فئات عمرية مختلفه فينا اللي يحب البحر وفينا اللي مايقربه ..!

المولات التجاريه ممكن اكتفي بزيارة واحده منهم والبقيه اتسوق من الاسواق الليليه ..وهذي نصيحه احد الاخوان هنا بالمنتدى ..

كمان المطاعم اذا كلها بموسيقى وترفض اغلاقها موب ضروري نروح لها ..الفاست فود تؤدي الغرض ..!


شوكمان تنصحوني ؟ من الموبايل

والله الوضع كما ذكر الأخوان مايناسب مع شروطك .. الشعب هناك مرفع وبالذات عند الشواطيء لذا شكلك لازم تشطبين عليها أو تخصصين لها وقت بعد الفجر قبل لا تصحى شياطين الإنس

أقترح عليك منتجع بورت ديكسون عندهم فلل صغيرة بمسبح داخلي مناسب للأطفال (عمقه متر وربع) يتسبحون وينبسطون

الصن وي لاقون الحديقة المائية ماتناسبكم أبداً زلط ملط رجال وحريم سواء في المسابح .. بقي المول مافيه شيء يناسب الأطفال البديل هو السكن في بتروجايا (بين المطار وسلانقور) مدينة جميلة جداً جداً تأخذون فيها جولة بالتاكسي ثم تأخذون جولة بحرية في البحيرة ممتعة جداً ولا فيها تفسخ ولا قلة حياء

لنكاوي محافظة أكثر من بينانج وهي الأنسب لكم وأهلها ماليزيون مسلمون وتنتشر فيها المساجد عكس بينانج مدينة مفتوحة وأغلب سكانها صينيين بودذيين ومليانه بمعابدهم لذا أقترح تحذفيها من برنامجكم


الموسيقى في كل مكان كل الأسواق والمولات موسيقى !

المغادرون 2007
مشكووور اخووي عساك ع القوة ..
الله يفتحها بوجهك دنيا واخرة ..
ايه موب مشكلة عندي نطلع للبحر بوقت مبكر قبل الشياطين ع قولتك ماتصحى ..

اذن يبغالي اعيد ترتيب الايام من جديد ..
كنت مخططه ل ..
يومين سيلانجور ..
وثلاث ليالي لنكاوي ..
وثلاث ليالي بينانغ ..
وست ليالي كوالا ..ومنها جنتنق ..

انت اقترحت علي احذف بينانغ ..واكتفي ب لنكاوي ..
واستبدل اقامتي ب سيلانجور ب منتجع بورت ديكسون ..
طيب اشلون اوزع باقي الايام ؟؟
وهل ممكن اخلي زيارة جنتنق يومين بدل مااطلع لها من كوالا يوم وارجع ..؟؟
تنصحني احذف منتجع افاموسا ؟؟

الاستفسار موجه للفاضل المغادرون 2007 وووولكل من مر ع الرد ..عافاكم ربي .. من الموبايل

اللهم آمين وجزاك الله خيراً

أقترح عليك التوزيع التالي:
2 بتروجايا (بدلاً من سلانقور)
4 لنكاوي
2 جنتنق
4 كوالا
2 بورت ديكسون (منها نص يوم لزيارة أفاموسا قريبة من هناك)
--------------------------------------------
المجموع = 14 ليلة


رحلة موفقة إن شاء الله

الله يوفقك اختي وموضوعك يحير شوي لان الصينين في كل مكان واغلب لبسهم الى فوق ثلاثة ارباع الفخذ
لكن ترى لنكاوي حليوه وتقدرون تخلقون جووووووو بحري وكذلك بينانق فعاليات ونشاطات ومسابح
والله يوفقكم

إذا قررتي زيارة ماليزيا فجدول أخي المغادرون ممتاز أنصحك فيه .. بالتوفيق ..

المغادرون 2007 ..
مشككككور اخوي ..
الله يوفقك ..وكل من شارك .. من الموبايل

السلام عليكم انا مع كلام اخوي العاصي قلباً و قالباًو جدول اخونا المغادرون ميه ميه
و ترى في ماليزيا مسلمين زينا
و بالتوفيق ان شاء الله

بسم الله الرحمن الرحيم وبه نستعين
اختي الكريمة الفاضلة .......... هذا الموضوع شائك وتععدت فيه الاراء .......... انا واعوذ بالله من قولة انا سافرت الى ماليزياء والى كل جزرها.... وللأمانة . لايوجد شي اسمه تعري في ماليزياء. فمايوجد في ماليزياء هي تقاليد عادية لديهم وهي لبس الشورت القصير.......... لانه لو اخذنا كلمة تعري بمعناها الحقيقي فنحن نظلم ذالك الشعب الطيب.
اما الصنوي لاقون فقد ذهبت اليه مرتين ولم اجد فيه الى ماذكرته لك والله على مااقول شهيد.
اما السواحل التي في لنكاوي وبينانق . يوجدبها اوربيين ومعروف لبسهم على الشواطيء ولا يحتاج الى ذكره. ولكن ليس في كل الشوطيء . يتواجدون بهذا اللبس في شواطيء المنتجعات السياحية الي على البحر.
اما افظل اوقات لزيارة الاماكن وتكون قليلة الزحام الفترات الصباحية.
اما لنكاوي فأسمحي لي غلطان الي قلك لاتروحيها ولنكاوي من اجمل جزر ماليزياء وللامانة لايوجد بها مايخل بلأداب . اما مرتفعات كامرون هاي لاند فهي لاتصلح للأولاد اطلاقأ . هي مكان مرتفع بارد يصلح للراحة والرومنسية. ولكن لايوجد به اي نشاطات للأطفال . بأستثناء فندق الاكتريال . لديهم بعض الالعاب الالكترونية . ومسبح دافي . والعاب بياردو وتنس.
منتجع افاموسا انا سكنته واهلي الصيف الماضي . ويوجد به فلل بمسبح خاص مستور تمامأ. وسعره في اليوم 800 رنقت. وبجواره عالم السفاري وحديقة الالعاب المائية وغيره. اذا تبغوا الفلل يصلح من يومين الى ثلاثة.
بالنسبة لشارع العرب الحقيقة اخذ اكبر من حجمه فهو عبارة عن عدة مطاعم عربية وحلات حلاقة ومساج وصرافين للعملات . ومايحتاج الروحة لشارع العرب الى للأكل في المطاعم والعودة للفندق.
ولكن يااختي الكريمة بالنسبة للبس القصير شرت ولا غيره فراح تشوفوه في كل مكان في ماليزياء مامنه مفر.
اتمنى ان اكون قد وفقت في اجابتك ولاي استفسار نحن بخدمتكم.

8

اخي عاشق ماليزيا , بيض الله وجهك


اختصرت الكلام واستخرجت الخلاصة , وعليها اختنا تآخذ بكلامك

مشششكورين ي أخوآن ماقصرتوا ..