الموضوع: ساعدوني في المالديف

السلام عليكم

كيف الحال

هذه اول مشاركه لي في المنتدى الرائع والمفيد

وعندي استفسارات عن المالديف وياليت تتحملوني

اول شي .....

انا اول مره اسمع عن المالديف وشفت صور للاعضاء وتجننت عليها ونفسي اروح لها

لدرجه ان كل صور المالديف عندي في ملف وكل يوم اشوفها وصرت حتى احلم فيها


ومن كثر مااتكلم عن المالديف لخطيبي هو كمان حبها وقال خلاص شهر العسل فيها


بس ودي اعرف كل شي قبل مااتورط واروح وماترجعنا الا السفاره السعوديه



1/ انا وخطيبي مانعرف انجليزي في مشكله لو سافرنا ويش ممكن يفيدنا اطلس او قاموس او ايه ياليت تفيدوني

2/ ويش الشهر المناسب للسفر الى المالديف

3/ ويش افضل الفنادق

4/ ويش الرحلات اللي ممكن ان نسويها لو رحنا المالديف لاني شفت احد الاعضاء انه دخل غواصه ومطعم تحت البحر وفي رحله صيد اسماك مااعرف هذه في اي جزيره ويش اسمها

5/ لو رحت المالديف القى عرب والا لا اخاف تكون خاليه من الناس

6/ ياليت تسون لي برنامج عن افضل الفنادق والمطاعم والاماكن

لان لو رحنا مكتب رحلات ماراح نعرف شي

اتمنى تفيدوني بالاسماء عشان اعرف احجز واخذ برنامج حلو

واحنا قررنا 6 ايام والميزانيه بحدود 20 الف

7/ وياليت اللي سافر ينصحني ويش اسوي وكيف لما راحو المالديف

8/ واخر سؤال المالديف تخوف والا عادي الواحد يروح لها


اسفه لاني طولت في الاسئله

واتمنى تساعدوني لاني حسيت فيكم روح التعاون

واذا اي استفسار برجع لكم

مواضيع عشوائيه ممكن تكون تعجبك اخترناها لك:

• استفسار بخصوص الفنادق مالديف
• كلمة شكر واتمنى دخول
• ساير موريشيوس عقب باجر
• أجواء الموريشوس في شهر ديسمبر
• جزر موريشيوس َضروري؟؟
• عذرا اخوي ابو عزوز
• اي استفــــــــــــــــسار عن موريشيوس
• ارائكم من فضلكم
• إستفسار عن المالديف
• هل تأخر الوقتموريشوس
• اغـــلا الجزر الخـــاصه بالعااالم
• منتجع كوكو بالم
• مسافر فرش ويطلب المساعدة
• تكفون الفززززززززعه تكفوووووون
• ابغى اروح المالديف ولكن
• استفسار
• خلاصة الأسعار إلى موريشوسمقارنة
• مثل ما ورطتوني ساعدوني يا أهل موريشوس
• رحلة إستجمام لشخصين أرجوا الإفادة موريشيوس
• جزيرة جوام

هلا والله فيكي بين اخواتك واخوانك في منتدى العرب المسافرون

الله يتمم عليكم بالخير

اللغة ليست عائق وخاصة اذا تم ترتيبها من بدري خاصة ان الفندق عبارة عن جزيرة

وهذا الشيء يختلف عن السفر الى المدن الكبيرة

الترتيب الجيد للسفر راح يجعل سفرتكم سلسة ان شاء الله

2- المالديف مناسبة طوال السنة لأنها مناخها استوائي

ممكن انصحكم بالإبتعاد عن شهر 6 اجنبي لكثرة الأمطار خلال هذا الشهر


3- عندك اكثر من 100 فندق وحسب ميزانيتكم فأعتقد ممكن يكون احد هذه الفنادق

Baros
Kurumba
Full Moon

أو اي من فنادق الأربع النجوم


4- الرحلات البحرية ممكن ترتيبها مع الفندق

راح تحصلون الرحلات معلقينها في لوحات في الصالة

اختاروا اللي يناسبكم وسجلوا رقم الغرفة


المطعم موجود في فندق الهيلتون

والغواصة في بعض المنتجعات مثل باروس


5- الحمدلله ما راح تحصلين عرب معظمهم خواجات وكل واحد في حاله


6- سؤال (غير مناسب) ولا يمكن تحقيقه في المالديف (ارجو قرائة موضوعي المثبت الجزء الأول)


7- نصيحة من اي ناحية ؟؟؟ارجو التوضيح


8- المالديف ما تخوف وراح تحبينها اول ماتوصلين للفندق


بالتوفيق

الله يتمم عليكم بالخير

والله الله بالصور

لا زيادات :108::108:

مثل ما قال مشرفنا الله لا يحرمنا منه :101::101:

أهم شيء إختيار الفندق المناسب الذي يجمع أغلب الأنشطة بأقل التكاليف :115::115:

بالتوفيق ورحلة موفقه :24::24:

صح اختي لاتبخلين علينا بالصور

لان عندنا تخطيط للمالديف بأذن الله
وممكن تفيدينا برحلتج

المشاركة الأصلية كتبت بواسطة عاشقه الورد
http://www.arabtravelersforum.com/tr...3/#post1731253

مشكورين على الردود

بس انا خايفه مره

وافكر اني اغير من المالديف واروح ماليزيا على الاقل في ناس يفهمونا

ويش رايكم ؟؟؟



الأخت عاشقة الورد لا أعرف لماذا التردد وصدقيني عامل اللغة ليس عائقا في سفرك ،، أذكر من خلال سفرتي للمالديف كان معنا جروب من اليابان ولا يدرون وين الله قاطهم بس مستانسين وطايحيله تصوير وماشين مع القروب عادي ،الجماعه هناك متفهمين الوضع ومعاملتهم جدا ممتازه ، يمكنك الاطلاع على رحلتي من خلال الرابط التالي حيث أنني جمعت بين المالديف وماليزيا وبالتوفيق

الرابط

http://www.arabtravelersforum.com/travel105355/

سافري ولا همك ..................وحلاتها كذا