الموضوع: إلى فتيات البحرين

السلام عليكم ورحمة الله وبركاته :
إلى فتيات البحرين :
احتاج منكم مساعدة وهي زوجتي ترغب بشراء فستان سهره والمساعده هي اين اجد المحلات الخاصة بفساتين السهرة وتكون اسعاره حلوه يعني مو غاليه ارجو عدم توريطي في المحلات لأني كتبت هذا الموضوع وسوف تطلع عليه زوجتي ارجو لا تورطوني بمحلات السعاره غاليه .

مواضيع عشوائيه ممكن تكون تعجبك اخترناها لك:

• فزعتكم يااهل البحرين الله يعطيكم العافية
• الفطور في البحرين
• تخفيضات الماركات
• من عنده خريطه مفصله من الخفجي طريق أبو حدريه إلى البحرين
• هاني سويتس من اروع السويتات في البحرين تفضلو تقريري المصوّر
• سياح البحرين أكثر من عدد سكانها
• كيف وضع البحرين اروح او اكنسل
• اروح بكرا البحرين والا انتخابات مايصلح ؟؟
• احتاج لبرنامج سياحي لمدة أيام
• مكان للفطور
• بدء العمل في جسر البحرين قطر
• استفسار اول مره بروح للبحرين
• روعة البحرين وجمالها مع الأمطار والسحب تعانق أبراجها صور × صور
• واهوووو الحديقه
• حمامات مغربية البحرين
• مطلوووب غرفه تتأجر بالساعه
• احتاج فندقشقق حلوه تسمح بالعزاب بشرط يكون فيها واير لس للانترنت
• استفسار بخصوص أوتيل هولدي ان إكسبرس
• ابغي فندق في البحرين 4 نجوم
• استفسار عن شقق عائليه بالبحرين راقيه وسعرها معقول

امممممممم

شوف المارينا موول

او مجمع السيف التجاري

كذلك شارع بوكواره في محلات لهالامور

ولو إني بالعادة إذا بغيت اشتري فستان اشتري من برا البحرين..
بس يمكن زوجتك تلاقي يناسبها

عندك محلات 1002 موجود بمجمع اللولو وشارع جدعلي- مدينة عيسى
اللي باللولو فستاين السهرة أقل واللي بجد علي عندهم الطابق العلوي كله فستاين سهرة.

يمكن تلاقي شي بكيت كات أو الزرقي بمجمع اللولو

في عدة محلات بسوق واقف.. منها لمسة فرنسية وفي عدة محلات ثانية بس ما اذكر اسماءها..

إذا تذكرت شي جديد.. بخبرك

المشاركة الأصلية كتبت بواسطة bh30
http://www.arabtravelersforum.com/tr...3/#post1538583

امممممممم

شوف المارينا موول

او مجمع السيف التجاري

كذلك شارع بوكواره في محلات لهالامور



شاكر ومقدر لكم على الرد ولكم مني جزيل الشكر والتقدير

المشاركة الأصلية كتبت بواسطة إبتسامة الحياة
http://www.arabtravelersforum.com/tr...0/#post1539200

ولو إني بالعادة إذا بغيت اشتري فستان اشتري من برا البحرين..
بس يمكن زوجتك تلاقي يناسبها

عندك محلات 1002 موجود بمجمع اللولو وشارع جدعلي- مدينة عيسى
اللي باللولو فستاين السهرة أقل واللي بجد علي عندهم الطابق العلوي كله فستاين سهرة.

يمكن تلاقي شي بكيت كات أو الزرقي بمجمع اللولو

في عدة محلات بسوق واقف.. منها لمسة فرنسية وفي عدة محلات ثانية بس ما اذكر اسماءها..

إذا تذكرت شي جديد.. بخبرك



شاكر ومقدر لكم على الرد ولكم مني جزيل الشكر والتقدير
واذا ممكن تخبريني عن اسعار الفساتين التقريبي هل هي بنفس اسعار السعودية يعني هل هناك فرق بين الفساتين بالسعودية والبحرين انا لا اعلم ماهو الفرق ولكن من اي مكان تقومي بشراء الفساتين وشكراً

أخوي فارس.. اسعار الفساتين أنزل من أسعار السعودية..
بس أنا بالعكس اشتري من السعودية لأن الموديلات هناك أجدد وأحدث!!!!

اخ فارس ... انا بحكم تجاربي

البحرين للأسف اغلى بكثيررررر من السعوديه....

بس اذا تبغى محلات...فيه عندك محل بالسيف. اعذرني ماعرف اسمه. بس هو واضح في الطابق الثاني.... اعتقد انه مقابل للجهه اللي فيها محل دخون

عموماً هو في الطابق الثاني... سو لك لفه هناك وبتلقاه ان شاء الله

يعطيكم العافيه على ردودكم مريت كل الموجود بالسيف والعالي والدانه ولقيت محل بالعالي يوم دخلت عنده سألت عن فستان بالمحل جازلي صراحة قلت للمدام هذا مناسب لك لا يفوتك يوم سألت عن سعره قالي بالفين قلت رخيص يوم دققت بالسعر قلتله بالريال ولا الدينار قالي الدينار قلت للمدام تقل انه مو مناسب مع السهره لانه دقة مكينه الخياطه مايله شوي والحمدلله ما تكلفنا يوم رجعت مره ثانيه لحالي قلتله ليه السعر هذا قالي براندنيم قلتله والنعم والله وش يرجع هذا ( ما عرفت معناها الا يوم سألت واحد عن طريق التلفون وهو خبير اللغة عندي قالي يعني ماركه معروفه ) المهم قلتله الحريم عندنا يوم واحد يلبس الثوب ويصير العالم شافوه مايصلح يلبس مره ثانيه وتصير فلوسك راحت ياصابر على العموم يعطيكم العافية وانا استخرت وقلت الله يسلم المشاغل عندنا بالرياض .

تبي نصيحتي ودها الخبر عندكم الفساتين احلى والخيارات اكثر وتلقى كل الاسعار مجمع الجمعه كله محلات تبيع فساتين سهره وومكن السوكيت والخبر بلازا
بس لانك سالت عن البحرين فيه محلات بمجمع العالي والسيف بس ارقى شي ممكن تلقاه بمجمع الشيراتون طبعا الاسعار غاليه خخخخخخخخخ تبي توهقك
فيه بوتيكات ثانيه اسعارهم ارخص بالرفاع شارع مشهور عندنا اسمه البوكواره اسال عنه وراح تلقى فيه كم محل

اخوي السعوديه معروفة بلد الفساتييين والقماش الخاص بالسهره
واغلب اهل قطر والبحرين ينزلون الخبر والدمام عشان يجهزون للأعراس ، لأن بالنسبة لنا نشوف ان الاسعار حلوه والموديلات احلى واحلى

في محل في العالي اسمه ستوديو كولكشن ، اسعارهم مب غاليه واايد ومب رخيصه ، و بضاعتهم حلوه ، وواحد ثاني اسمه افنيو كولكشن أيضا نفس الشي.

تحياتي

اخبر الناس تروح السعوديه لانه ارخص ،، صار العكس خخخخ شكلك اتحب اتوهق

المشاركة الأصلية كتبت بواسطة hamoor4ever
http://www.arabtravelersforum.com/tr...6/#post1556736

اخبر الناس تروح السعوديه لانه ارخص ،، صار العكس خخخخ شكلك اتحب اتوهق



انت شكلك ما تعرف الحريم يبون يتميزون يعني يبون شي مستحيل تصير حرمه ثانيه لابسه زيها وهذا مشكلتنا .:110::baaa2: