المحطة الاخيرة
فينا

كان الجو ممطر وبارد نزلنا للفطور وكانت في الصدر ضيقة بسبب الرحيل-كنت اطالع البوفيه واقول حتوحشني وخصوصا الحليب سبحان الله حالي بدون سكر والتفت على ابو وليد واقول له ما ناخذ البقرة معانا الكويت ؟؟
وبعدها طلعت للشارع وقعدت اصور الزوايا والشجر والبحيرة واقول والله ما ادري راح أشوفج مرة ثانية يافوشل والا هذي آول و آخر مرة-ركبنا السيارة وتوكلنا على الرحمن اللهم لاسهل الا ماجعلته سهلا وانت تجعل الحزن ان شئت سهلا
المدة الازمة للوصول 4 ساعات والطريق سالك مافي زحمة ولا تصليحات(تعقدنا من سويسرا)
ما احتجنا نوقف الا مرة واحدة للغداء وتعبئة البترول كانت الاستراحة كبيييرة وفيها مطاعم كثيرة طبعا غير السوبر ماركت ومحلات الهدايا.(حق الخساير)

كان الاتفاق بينا وبين سمسار (دلال)الشقة الاتصال عليه اذا قربنا من فينا-كنا حاجزين شقة عن طرق النت تتكون من 3 غرف نوم وصالة وغرفة طعام قريبة من ساحة ستيفانز سعرها لمدة 6 ايام 900 يورو
والحمدلله ان توفقنا فيهاكان موقعا ممتاز بجانب الحديقة والساحة 5 دقايق وشارع المشاة10 دقايق مشي رجعنا السيارة اول ما وصلنا لان ماكنا نحتاج لها كل شي حوالينا وان احتجنا شي محطة المترو تحتنا
اليوم الاول كان فقط استكشاف المنطقة وبعدها رجعنا الشقة ونمنا بكير
اليوم الثاني حديقة الحيوان والقصر:
الصراحة الحديقة كانت وايد ممتعة للكبار قبل الصغار فنصيحة لاطوفونها والقصر مشفنا الا حديفتها كانت حيل كبيرة ودهاليز احتجنا ساعتين علشان نخلص نصها وللاسف ان اللي معاي ما اقدروا يكملون ومودهم غير مودي ومع تصويت الاغلبية خابت الآمال ولاقدرت ادخل القصر
الرحلة احتاجت يوم كامل بدون مبالغة وانت رحلة شوي متعبة بس ممتعة ومفيدة(ملاحظة رجعنا بالتاكسي لان المترو كان بعيد عن مخرج حديقة الحيوان
)

اليوم الثالث:

مواضيع عشوائيه ممكن تكون تعجبك اخترناها لك: