المشاركة الأصلية كتبت بواسطة ماجد الفهد
http://www.arabtravelersforum.com/tr...8/#post1958128

مبدعة جدا جدا جدا ...

الله يخلي لك عيالك وأبو عيالك ...


تقريرك رائع جدا ...

في أول جون بطلع بإذن الله أوروبا ...
أسبوع في النمسا ...
يوم في ميونخ ..
و أربعة في أمستردام ... ( رحلة عمل وهي السبب الرئيس في سفرتي )
وأخيرا باريس لخمس أيام ...
الطيارة .. رياض ميونخ باريس رياض ...



هذا مخططي للصيف ... حسب طلبك ...

لكن عندي سؤال ...
ملابس الأطفال ... اللي تمدحينها وين أحصلها في موينخ ؟
وكيف الطريق من ميونخ إلى مثلا fuschel am see ؟ القيادة ، الطرق ، الأنظمة ؟ أتمنى كون سهلة لإني أول مرة أستأجر سيارة في أوروبا ؟ وكذلك المواقف ؟ لما يعجبني منظر مثلا ؟ هل هناك مواقف مجانية ولا مثل ديارنا وقف على جنب وإستمتع ؟
وأخيرا ...
كم دقيقة من مطار ميونخ لوسط الديرة ؟ وهل هناك فنادق مقترحة وتخدمني في موقعها لمدة يوم ؟ وبكم تذكرة المترو ؟



شكرا لجهودك ..
وعذرا على الإطالة ...


بس والله عن جد استمتعت جدا بتقريرك ..


في حفظ الكريم



الاخ العزيز ماجد الفهد

شكرا على مرورك ومشاركتك
الصراحة خجلتني كثير على الاطراء
وان شاء الله راح ارد على اسألتك وتستفيد من الاجابات

خط الرحلة منظم بس لو تزيد ليلة في ميونخ بتكون احسن وبعدين انت ما شرحت التنقل من ميونخ الى امستردام بالقطار والا بالسيارة-لاني اعرف ان المسافه طويلة وبتاخذ منك عالاقل 8-9 ساعات اذا رحت بالسيارة ويفضل انك توقف في منطقة بنص الطريق(فرانكفورت او بون او دوسلدورف)

بالنسبة لملابس الاطفال
الملابس العملية -Esprit-h &m -C & A --galeria-kaufhof(المحلات موجودين في المارين بلاتز)
الملابس الراقية (الكشخة):في الشوارع المتفرعة من الماكسيمليان اشتراسيه وانت رايح على المارين بلاتز-بتلاقي محلات فيها ماركات عالمية مثل -burberry-D&G-cavalli-mossini-clhoe-moschino--dior -ralf luren
وماركات كثير بتحتار لين تختار

بالنسبة للطريق من ميونخ الي فوشل والله سهل مجرد ضبط النفيجيتر (نظام الملاحة) وتوكل على الله الطريق آمن وسهل ولا فيه انظمة معقدة مجرد استكرز تشتريه من محطة البترول وتلزقه عالسيارة وتلتزم بالسرعة المحددة والحزام وسلامتك.

بتسأل عن المواقف-طبعا لازم توقف في موقف انت بتفتكر الوضع مثل الخليج اصلا الشوارع عندهم ضيقة(غير الخطوط السريعة) واغلبها حارة وحدة فاحسن ادفع فلوس واقعد بالظلال
فيه مواقف مجانية تقدر تركن فيها وهي مخصصة للاستراحات طاولات وكراسي وعزك الله الحمامات.
المسافة من المطار الي السيتي ما اذكر بالضبط يمكن 30-40 دقيقة
وارشح لك فندق كمبنسكي من حيث الموقع بس سعر الليلة مرتفع شوي

الصراحة المترو ما احتجنا له ابدا لان الفندق بوسط السوق
سعر التذكرة يختلف فيه اليومي و3 ايام والاسبوعي وفيه للعوائل والزوجين والاطفال فري-والسعر رخيص لاتحاتي

اتمنى اكون افدتك ولو بالقليل

اتمنى لك رحلة موفقة:101:

مواضيع عشوائيه ممكن تكون تعجبك اخترناها لك: