الموضوع: رايح البحرين بكرة ان شاء الله وأتمنى المساعدة

بسم الله الرحمن الرحيم
بكرة ان شاء الله رايح للبحرين أنا وزوجتي وابنتي 3 سنوات عن طريق الجسر وعندي بعض الاستفسارات وأتمنى المساعدة بارك الله فيكم
أولا/بالنسبة للمطاعم ياليت تدلوني على مطاعم العوائل اللي فيها حواجز مع الوصف لأني ما أدل شي في البحرين .
ثانيا/وين ألقى خريطة للبحرين
ثالثا/مكان محمية العرين ووقت الذهاب لها
رابعا/مكان سوق بوابة البحرين
خامسا / مكان ميناء جزيرة حوار
سادسا/ السينما ما هو الفيلم اللي تنصحوني به بشرط يكون ما فيه حركات نص كم
سابعا/ ابي سكن عوايل ومايكون غالي يعني الى سعر 400ريال تقريبا
ثامنا/ طولت عليكم الله يسلمكم وياليت الرد يكون اليوم لأني بكرة ماشي بعد العصر إن شاء الله
جزاكم الله خيرا

مواضيع عشوائيه ممكن تكون تعجبك اخترناها لك:

• ساعده يا اهل الخبرة
• مساعدة في فندق مافيه بار ولاديسكو
• سؤال عن السيرك و عن واااهووو
• شقق للايجار بالساعة
• ردو علي بسرعه
• ماهي انواع البنزين
• فندق كارلتون العدلية؟؟
• هام جددااااااااا لأهل البحرين االغالين
• لأول مرهـ أسافر للبحرين لكن قبل السفر عندي كم سؤال ؟؟
• أيهم أفضل؟
• ابي تقرير عن فندق المنزل
• زيارة للبحرين ساعات طلب مساعدة
• هل صحيح في ملاهي في البحرين؟؟
• مطارا دبي و البحرين أفضل مطارين شرق أوسطيين
• -ابغي سكن ويكون فيه مسبح خاص في البحرين
• محتاج فندق قريب من فندق الخليج عندي دوره وفندق الخليج غالي
• مسافر للبحرين لحضور مؤتمر وابي رايكم ؟؟؟
• طلب لخبراء البحرين
• سؤال مهم ارجو الاجابة من أصحاب الخبرة؟
• استفسار عن المطاعم في فندق السوفتيل

أخوي السحاب ..

هذا اللي عندي من معلومات لاستفساراتك ..

اعرف مطعم حلو في مجمع السيف .. مطعم رنديفيو يقدم بوفيه مفتوح .. الشخص الواحد بـ 50 ريال تقريبا .. جربه وراح تدعيلي .. وفيه طاولات خاصة للعوائل بس رحله بدري لأنه دائم مزدحم وأحيانا ماتلاقي مكان فيه

فترة الغداء من 12 إلى 3

والعشاء أظن من 7 إلى 11


وبالنسبة للسينما أنا شف فيلمين أعجبوني ..

الأول أمريكي وأسمه ( داي هارد ) يعرض في سينما الدانه

والثاني مصري كوميدي وأسمه مطب صناعي يعرض في سينما السيف .

سكن عوايل .. لايفوتك إليت سويتس وموقعه بين مجمع الدانه ، وجيان .. بس نصيحة مر على مكتب الجزيرة اللي بجانب المسجد .. يعني أول ماتنتهي من إجراءات السفر وتدخل على البحرين يجيك مسجد على اليمين والمكتب بجانب المسجد .

سعر الغرفة شخصين أخذتها عن طريقهم بــ 360ريال ولما وصلت الفندق قال لي موظف الاستقبال سعرها بــ 600 ريال

أولا/بالنسبة للمطاعم ياليت تدلوني على مطاعم العوائل اللي فيها حواجز مع الوصف لأني ما أدل شي في البحرين .



ايضا مطعم الأبراج في المحرق قريب من المطار يصلح للعوائل "توجد له فروع في مجمع السيف ومجمع العالي ومجمع جيان" أكله حلو وأسعاره مناسبة وبجانبه سينما الجزيرة مافيها خرابيط وبإمكانك تستفسر عن اي فلم من موظف الحجز " فرع المحرق مكانه: بعد ماتنزل من كوبري السيف اتجه سيدة لين توصل إلى جسر أيضا اتجه سيدة وبعد رابع إشارة إمسك المسار الأيسر ولف يسار بتكون السينما والمطعم على يسارك".






ثالثا/مكان محمية العرين ووقت الذهاب لها



أحسن وقت للذهاب إما الصباح الباكر او بعد الساعة 4 عصرا لأن الجو حار في غير هالاوقات .. تقع المحمية في جنوب البلاد .. "خل السيف على يمينك واتجه فوق الكوبري للأمام على طول بتشوف نفسك وصلت منطقة تقع على يمينك إسمها مدينة حمد .. أيضا روح سيدة إلى أن تصل إلى بوابة مدينة حمد وبتكون على يمينك وجامعة البحرين بتكون على يسارك .. اخذ الإشارة الي عند البوابة سيدة ولف عند أول لفة يسار بتكون حلبة البحرين على يسارك .. روح سيدة وبتشوف اللوحات الإرشادية الي تدلك على مكان المحمية.





رابعا/مكان سوق بوابة البحرين



بعد نزولك من كوبري السيف اتجه للامام وعند أول إشارة لف يمين قبل الإشارة نفسها وبعدين بتكون أمامك إشارة روح سيدة ولف يسار بتشوف باب البحرين على يسارك.. إخذ دوران عكسي على الدوار ولف يمين.





خامسا / مكان ميناء جزيرة حوار



يوجد مكتب للحجز في النادي البحري بالقرب من متحف البحرين " بعد نزولك من كوبري السيف روح سيدة بعد ثاني إشارة لف يمين واتجه سيدة بتكون أمامك إشارة .. روح سيدة وأيضا روح سيدة عند الإشارة الثانية .. ثالث إشارة اخذ دوران عكسي وامسك المسار الأيمن واخذ الإشارة سيدة وبتشوف لفة يمين اخذها وبتكون دخلت النادي البحري .. مكتب الحجز بيكون فيه.

ماشاءالله عليكم يا أهل البحرين بصراحة ماتقصرون بخدمة من يحتاجكم ..

والله ما قصرتوا الله يعافيكم ..

ورحلة سعيدة لأخينا السحاب .

والله كفيتوا ووفيتوا ياأهل البحررين

المشاركة الأصلية كتبت بواسطة السحاب123
http://www.arabtravelersforum.com/tr...3/#post1511267

بسم الله الرحمن الرحيم
بكرة ان شاء الله رايح للبحرين أنا وزوجتي وابنتي 3 سنوات عن طريق الجسر وعندي بعض الاستفسارات وأتمنى المساعدة بارك الله فيكم
أولا/بالنسبة للمطاعم ياليت تدلوني على مطاعم العوائل اللي فيها حواجز مع الوصف لأني ما أدل شي في البحرين .
ثانيا/وين ألقى خريطة للبحرين
ثالثا/مكان محمية العرين ووقت الذهاب لها
رابعا/مكان سوق بوابة البحرين
خامسا / مكان ميناء جزيرة حوار
سادسا/ السينما ما هو الفيلم اللي تنصحوني به بشرط يكون ما فيه حركات نص كم
سابعا/ ابي سكن عوايل ومايكون غالي يعني الى سعر 400ريال تقريبا
ثامنا/ طولت عليكم الله يسلمكم وياليت الرد يكون اليوم لأني بكرة ماشي بعد العصر إن شاء الله
جزاكم الله خيرا




يا هلا فيك أخوي ..


أو شي بالنسبة للمطاعم فأنصحك بمطعم ( الصواني ) الموجود بالقرب من متحف البحرين الوطني على ساحل شرق المنامة ، هذا المطعم يقدم المأكولات المنفصلة والبوفيه ، بالإضافة إلى إطلالته الرائعة على ساحل البحر.


طبعاً للاستفسار عن مطعم الصواني هذا رقم تلفونهم ،

17742000 ومن خارج البحرين طبعاً ضيف فتح الخط 00973


وهذي صورة لمطعم الصواني من الخارج :






والدائرة الحمراء في الصورة التالية تبين لك وين موقع مطعم الصواني وكيفية الدخول له :

أما بالنسبة لخريطة البحرين فمثل ما تفضل أخوي ( بلادي البحرين ) عطانا هالموقع اللي يدل لنا تفاصيل الطرق والتقسيم الإداري التخطيطي للمناطق :

http://www.bahrainexplorer.com/Bahra...outBahrain.asp


موقع اكتشف البحرين راح يعطيك الكثير من التفاصيل اللي تحتاجها اخوي ..




بالنسبة لمحمية العرين فهي تقع في جنوب غرب البحرين تقريباً مسافة 35 دقيقة تقريباً من وسط مدينة المنامة ، تقع بالقرب من حلبة البحرين الدولية وجامعة البحرين في منطقة برية .

أما تفاصيل المحمية الأخرى بالإمكان الاستفسار عنها عن طريق الاتصال بالخط الساخن الخاص بالمحمية :
17836116 طبعاً مع اضافة 00973 من خارج البحرين.


أما بالنسبة لمكان ميناء جزر حوار فهو موجود في قرية الدور الساحلية الواقعة في جنوب شرق البحرين على بعد 35 إلى 40 دقيقة من المنامة.

أما مكان الحجوزات فموجود في كورنيش الفاتح في المنامة.