الموضوع: اول مره ازور البحرين

صباح الخير
ان شاء الله راح ازور البحرين بعد اسبوعين و لأول مره .. وعندي كذا استفسار

عندي شغاله اندونيسيه .. تحتاج فيزا ؟ اذا ايوه كم يبي لها عشان تطلع ؟ :110:
فندق ميركوري كيف اسعارهم في هالفتره ؟
الجو في البحرين بشكل عام كيف راح يكون حار مره ؟
واخر استفسار هو الحديقه المائيه بعد اسبوعين بيكون تم افتتاحها او لا ؟

و thanx alot مقدما

مواضيع عشوائيه ممكن تكون تعجبك اخترناها لك:

• ماهي افضل المطاعم في البحرين ؟؟؟
• هل تم افتتاح مطعم اشاز الهندي في السيتي سنتر ام لا ؟
• عبور أول مركبة بالهوية على «الجسر»
• سؤال تجاري ارجوا المساعده
• لاحبتي في البحرين اقول ؟؟
• رقم سفريات الجزيرة
• وش صــــــايـــــــر في البحريـــــن
• فزعه يا اهل البحرين
• الرجاء المساعدة سريعا
• هل مواقف السيارات بالمطار مجانيه اذا كانت
• الملف الإخباري السـيـاحـي الخميس مارس
• استفسار لأهل الخبرة
• فندق موفنبيك البحرين
• بعض من فنادق مملكة البحرين
• ماهو أفضل مكان خاص لقضائه مع الزوجة؟
• سكن قريب من جامعة الخليج العربي
• الله على الطيبيين
• استفسار لمن يعرف هذا الفندق فى البحرين
• هام جدآ ارجو المساعده
• ياليت ترشدونيـــ يالبى اقلوووبكم

يا هلا فيك أخوي ... بالنسبة للخدم والله ما عندي فكرة ان شاء الله أسأل وأعطيك الجواب في أسرع وقت اقدر عليه ..


بالنسبة لفندق ميركيور جراند أنا حطيت كل المعلومات في موضوع أحد الأخوة على الرابط التالي :
http://www.arabtravelersforum.com/travel138611/

أما بالنسبة للجو فيا أخي شهري يوليو وأغسطس دول الخليج كلها حارة مع ارتفاع الرطوبة في البحرين ، لكن من الأمس الرطوبة انخفضت والجو في الليل صار حلو ...

بس انت لما تكون في البحرين المرافق العامة المغلقة راح تغنيك عن الجو ،،، الجو أبد ما هو عائق

الجدير ذكره أن أفضل جو في البحرين شهور ( 11 ، 4 ، 3 ) ،،، مع ان شهور الشتاء تكون ما بين حلوة الى باردة ، وشهور الصيف اللي احنا فيها الحين حارة واحياناً رطبة وحارة.


بالنسبة للحديقة المائية الافتتاح الرسمي حسب كلام أحد المسئولين في إذاعة البحرين راح يكون في 20 أغسطس ، واذا طولت راح تطول 10 أيام على الأكثر ... وبصراحة الحديقة شي رائع حاول ما تفوته اخوي خصوصاً في هذا الجو لأن الحديقة راح تغلق بمجرد أن الشتاء يعلن دخوله


وأي استفسار ثاني أخوي ترى غالي والطلب رخيص


..

اخوي بحريني غير شكرا على جهودك في المنتدى

عندي تعليق ،،

فيه فرق بين الحديقه المائية واللي هي مسمى لحديقه ملاهي في السلمانيه بالمنامه .,
وهي مفتوحه طول السنه ..

وفرق بين منتزه دلمون او بما يسمى مدينه دلمون المفقوده ، وهي مدينه "العاب" مائية في جنوب البحرين ، قريب الفورمولا ... بيتم افتتاحها بين اخر هالشهر و بدايه الشهر الجاي ..

لذا وجب التنويه ، عشان ما يتوهقون اخواننا السواح

يعطيكم العافيه لاكن فيه استفسار
الحديقه المائيه وين وصفها فيها ومكانها واحسن طريق لها