الموضوع: مشكلة جوازي

السلام عليكم اخواني اخواتي
انا مسافر للبحرين ولكن
جوازي باقي على انتهائه اربع اشهر
هل يمكنني الدخول الى البحرين
ام لا
...؟
اتمنى الاجابه الشافيه مثل ماعودتونا

مواضيع عشوائيه ممكن تكون تعجبك اخترناها لك:

• أريد وصف مجمع الخليج مساعدة
• سمير اميس
• درة البحرين
• استفسار عن نسله تول هاوس
• استفسار عن محيل في السيتي سنتر
• البحرين قبل الاسلام
• سؤال عن مكاتب تأجير السيارات
• الى اهل البحرين
• ابي فندق عنه حمام سباحة خاص؟
• اهل البحرين تكفون
• كيف استقدم شغاله من البحرين
• سؤال بسيط جدا
• كليه البحرين الجامعيه
• وين ماركة غاب في البحرين
• ممكن إفادة من أهل البحرين أو الخبراء؟؟؟
• منتجع همالا بيتش ريزورت احد يعرفه؟
• هاللإسبوع متجهه للبحرين وابي مساعدتكم يالنشامه
• اكتشفت شئ في البحرين
• البحرين فنادق وعناوين
• ممكن معلومه سياحيه حيث انني ارغب في السفر للبحرين

اذا كنت خليجي لا أعتقد ان عندك مشكله

شكرا اخوي
لكن ابي الاجابه الاكيده
ياليت من يفيدنا من الاخوان والاخوات
بانتضاركم

حبيبي انا سعودي وقبل شهر رايح البحرين والجواز باقي فيه تقريبا ثلاث اشهر ولا قال شي لي حتى ما حذرني وقال انتبه ترى مره الثانية ما ندخلك يعني اذا خليجي وتبي تدخل البحرين ما عندك مشكله وفيه واحد دخل وباقي فيه شهرين وعادي بس على حسب الحظ يمكن تطيح بواحد معقد

بس الزبده اذا جوازك باقي فيه ثلاث اشهر تدخل مثل الحلالالاوه

افضلك تكلم على الجوازات وتتأكد افضل من السؤال بالمنتدى

مع اني اشوف المده كافيه لكن الجوازات كل يوم لهم نظام وكذلك انظمة البلد اللي بتروحله

يسلمو اختي الدانه
طبيعي تصير ترى
ههههههههههه
.....
اخوي ksa
متأكد من الكلام
لاني استانست يوم قريت ر دك
=== موب فاضي يجدد

.........

اخواني انا اللي اعرفه بعد ان فيه لوحة معروضه بالجسر مكتوب فيها اذا كان جوازك باقي له أقل من ست اشهر ماتقدر تسافر
مدري افيدوني بالمعلومه الاكيده
وبالاخص اخوي ksa
وأبشرو بحلاوة البحرين
:24:

حبيبي لوباقي شهر تقدر تروح انا مجرب

عزيزي تقد تجدد جوازك بنفس اليوم بس تروح الصباح بأول الدوام للجوازات وتنهي اجراءاتك وأوراقك كاملة والظهر جوازك بيدك وتريح راسك



لأن النظام اذا باقي اقل من 6شهور ماتسافر بس يتساهلون في الجسر بس ماتضمن الموظف يكون كويس معاك

انا سافرت الى البحرين قبل سنتين وكان باقي على جوازي أقل من شهرين اعتقد 45 يوم

ودخلت ولا احد سال عن الجواز اعتقد دول الخليج ما عندك مشكلة . . .

بس الاحوط تجدد جوازك عشان ما تقعد تدعي علي

كل مابعد الدولة الي تبي تسافر عليها يدققون اكثر في صلاحية الجوزات وبالنسبة لموضوعك اعتقد والله العالم لايوجد مشكلة لان اقل صلاحية يقبلون بها هي ثلاثة اشهر ولكن نصيحتي لك هو تجديد الجواز محد ضامن الظروف يالغالي

يسلمو ربي يعطيكم الف عافيه

اقووووووووووووووووووول خذ الكلام الصحيح رح اذا جوازك باقي فيه اكثر من ثلاث شهور رح على مسئوليتي

لان البحرين تعتبر من السعودية يعني هم عارفين انك ما راح تجلس كثير ماهو مثل الدول الي تحتاج فيزا مثل الدول الاوربيه او الدول الاسيويه وغيرها يعني رح وتوكل على الله

يسلمو ksa ksa
ومن حظك اكلت الحلوى البحرينيه
ههههههههههههههه

... اخوي مورانو
معك حق الاتصال بيكون افضل
لكن ماننسى ان في المنتدى اخوان واخوات يجيبون المعلومات الاكيده والواضحه
حيث انني مسافر من حوالي شهر لتايلاند
وماشاء الله عليهم الاخوان في بوابة تايلاند كفو ووفو وكل ماشفته بالطبيعه لقيته بالمنتدى
هذا بس حبيت اوضح مدى مساهمة الاخوان والاخوات في هذا المنتدى الرائع
وفي النهايه يصب في مصلحة الجميع بتبادل الخبرات فيما بيننا
شاكر ومقدر لكم جميعا
اخوكم

مافي مشكلة بس بينبهونك عشان تجدده

ماعندك اي مشكله صدقني انا رحت وباقي شهر وعادي مشوها لي

روح ياخوي دام انك سعودي او خليجي
وبالتوفيق ،،،،،

على حسب الموظف

هناك نظام دولي تم تعميمه دوليا انه على جوازات اي بلد التنبيه ومنع من تقل صلاحية جواز سفره عن 6 اشهر يمنع من الخروج من دولته وبالنسبه لخروج بعض الاشخاص قد تكون غلطه وليست تسامح من موظف الجوازات او انه مشغول بجواله وهذا اللي جر لنا المصايب

مثل ماافاد الاخوة حتى لو باقي شهر يسمحوا لك ... واذا الموظف شقردي يخليك حتى لو كان اسبوع